Esaïe 10.22
Vulgate

¹ vae qui condunt leges iniquas et scribentes iniustitiam scripserunt
Luc 11.52 Psaumes 94.20-94.21 Matthieu 23.23 Luc 11.42-11.44 Habakuk 2.6
² ut opprimerent in iudicio pauperes et vim facerent causae humilium populi mei ut essent viduae praeda eorum et pupillos diriperent
Malachie 3.5 Esaïe 3.14 Esaïe 29.21 Ezéchiel 22.7 Esaïe 5.23
³ quid facietis in die visitationis et calamitatis de longe venientis ad cuius fugietis auxilium et ubi derelinquetis gloriam vestram
Osée 9.7 Luc 19.44 Esaïe 5.26 Esaïe 20.6 Job 31.14
⁴ ne incurvemini sub vinculo et cum interfectis cadatis super omnibus his non est aversus furor eius sed adhuc manus eius extenta
Esaïe 5.25 Esaïe 9.12 Esaïe 9.21 Osée 9.12 Esaïe 66.16

Jugement de l’Assyrie

⁵ vae Assur virga furoris mei et baculus ipse in manu eorum indignatio mea
Esaïe 30.30 Esaïe 66.14 Esaïe 14.25 Jérémie 51.20-51.24 Sophonie 2.13
⁶ ad gentem fallacem mittam eum et contra populum furoris mei mandabo illi ut auferat spolia et diripiat praedam et ponat illum in conculcationem quasi lutum platearum
Esaïe 9.17 Esaïe 10.13-10.14 Esaïe 9.19 Esaïe 63.6 Jérémie 25.9
⁷ ipse autem non sic arbitrabitur et cor eius non ita aestimabit sed ad conterendum erit cor eius et ad internicionem gentium non paucarum
Genèse 50.20 Actes 2.23 Michée 4.11-4.12 Actes 13.27-13.30 Esaïe 36.18-36.20
⁸ dicet enim
2 Rois 18.24 Ezéchiel 26.7 2 Rois 19.10 Daniel 2.37 Esaïe 36.8
⁹ numquid non principes mei simul reges sunt numquid non ut Charchamis sic Chalanno et ut Arfad sic Emath numquid non ut Damascus sic Samaria
2 Rois 16.9 2 Chroniques 35.20 Genèse 10.10 Jérémie 46.2 2 Rois 17.24
¹⁰ quomodo invenit manus mea regna idoli sic et simulacra eorum de Hierusalem et de Samaria
2 Chroniques 32.19 2 Rois 18.33-18.35 2 Rois 19.17-19.19 Esaïe 10.14 2 Rois 19.12-19.13
¹¹ numquid non sicut feci Samariae et idolis eius sic faciam Hierusalem et simulacris eius
Esaïe 36.19-36.20 Esaïe 2.8 Esaïe 37.10-37.13
¹² et erit cum impleverit Dominus cuncta opera sua in monte Sion et in Hierusalem visitabo super fructum magnifici cordis regis Assur et super gloriam altitudinis oculorum eius
Jérémie 50.18 2 Rois 19.31 Ezéchiel 31.14 Esaïe 46.10-46.11 1 Pierre 4.17
¹³ dixit enim in fortitudine manus meae feci et in sapientia mea intellexi et abstuli terminos populorum et principes eorum depraedatus sum et detraxi quasi potens in sublime residentes
Daniel 4.30 Esaïe 10.8 2 Rois 19.22-19.24 1 Chroniques 5.26 2 Rois 17.6
¹⁴ et invenit quasi nidum manus mea fortitudinem populorum et sicut colliguntur ova quae derelicta sunt sic universam terram ego congregavi et non fuit qui moveret pinnam et aperiret os et ganniret
Job 31.25 Abdias 1.4 Osée 12.7-12.8 Jérémie 49.16 Nahum 2.9-3.1
¹⁵ numquid gloriabitur securis contra eum qui secat in ea aut exaltabitur serra contra eum a quo trahitur quomodo si elevetur virga contra levantem se et exaltetur baculus qui utique lignum est
Esaïe 10.5 Romains 9.20-9.21 Esaïe 45.9 Esaïe 29.16 Jérémie 51.20-51.23
¹⁶ propter hoc mittet Dominator Deus exercituum in pinguibus eius tenuitatem et subtus gloriam eius succensa ardebit quasi conbustio ignis
Psaumes 106.15 Esaïe 37.6-37.7 Actes 12.23 Esaïe 5.17 Esaïe 33.10-33.14
¹⁷ et erit lumen Israhel in igne et Sanctus eius in flamma et succendetur et devorabitur spina eius et vepres in die una
Nombres 11.1-11.3 Esaïe 27.4 Jérémie 7.20 Jérémie 4.4 Esaïe 37.23
¹⁸ et gloria saltus eius et Carmeli eius ab anima usque ad carnem consumetur et erit terrore profugus
Esaïe 10.33-10.34 2 Rois 19.23 2 Rois 19.28 Ezéchiel 20.47-20.48 Jérémie 21.14
¹⁹ et reliquiae ligni saltus eius pro paucitate numerabuntur et puer scribet eos
Esaïe 21.17 Esaïe 37.36
²⁰ et erit in die illa non adiciet residuum Israhel et hii qui fugerint de domo Iacob inniti super eo qui percutit eos sed innitetur super Dominum Sanctum Israhel in veritate
2 Rois 16.7 2 Chroniques 28.20 Esaïe 17.7-17.8 Esaïe 50.10 Esaïe 1.9
²¹ reliquiae convertentur reliquiae inquam Iacob ad Deum fortem
Esaïe 9.6 2 Corinthiens 3.14-3.16 Esaïe 65.8-65.9 Osée 14.1 Osée 7.16
²² si enim fuerit populus tuus Israhel quasi harena maris reliquiae convertentur ex eo consummatio adbreviata inundabit iustitiam
Romains 9.27-9.28 Esaïe 6.13 Apocalypse 20.8 Romains 11.5-11.6 Daniel 9.27
²³ consummationem enim et adbreviationem Dominus Deus exercituum faciet in medio omnis terrae
Romains 9.28 Daniel 4.35 Esaïe 24.1-24.23 Esaïe 14.26-14.27 Esaïe 28.22
²⁴ propter hoc haec dicit Dominus Deus exercituum noli timere populus meus habitator Sion ab Assur in virga percutiet te et baculum suum levabit super te in via Aegypti
Esaïe 37.6 Esaïe 12.6 Esaïe 37.22 Esaïe 30.19 Psaumes 87.5-87.6
²⁵ adhuc enim paululum modicumque et consummabitur indignatio et furor meus super scelus eorum
Daniel 11.36 Esaïe 10.5 Esaïe 31.4-31.9 Esaïe 14.24-14.25 Esaïe 54.7
²⁶ et suscitabit super eum Dominus exercituum flagellum iuxta plagam Madian in petra Oreb et virgam suam super mare et levabit eam in via Aegypti
Esaïe 9.4 Juges 7.25 2 Rois 19.35 Esaïe 51.9-51.10 Psaumes 35.23
²⁷ et erit in die illa auferetur onus eius de umero tuo et iugum eius de collo tuo et conputrescet iugum a facie olei
Esaïe 9.4 Psaumes 105.15 Esaïe 14.25 Luc 4.18 Psaumes 20.6
²⁸ veniet in Aiath transibit in Magron apud Machmas commendabit vasa sua
1 Samuel 14.2 1 Samuel 13.2 1 Samuel 13.5 Juges 18.21 1 Samuel 14.5
²⁹ transierunt cursim Gabee sedes nostra obstipuit Rama Gabaath Saulis fugit
1 Samuel 7.17 1 Samuel 13.23 Josué 21.17 1 Samuel 11.4 Jérémie 31.15
³⁰ hinni voce tua filia Gallim adtende Laisa paupercula Anathoth
1 Samuel 25.44 Jérémie 1.1 Josué 21.18 1 Rois 2.26 Jérémie 32.8
³¹ migravit Medemena habitatores Gebim confortamini
Josué 15.31
³² adhuc dies est ut in Nob stetur agitabit manum suam super montem filiae Sion collem Hierusalem
1 Samuel 21.1 Esaïe 37.22 1 Samuel 22.19 Zacharie 2.9 Esaïe 19.16
³³ ecce Dominator Dominus exercituum confringet lagunculam in terrore et excelsi statura succidentur et sublimes humiliabuntur
Amos 2.9 Esaïe 37.38 Esaïe 10.16-10.19 2 Rois 19.21-19.37 Esaïe 2.11-2.17
³⁴ et subvertentur condensa saltus ferro et Libanus cum excelsis cadet
Esaïe 37.24 Apocalypse 18.21 Esaïe 10.18 Nahum 1.12 Jérémie 48.2