Proverbes 29
Vulgate

Des attitudes opposées

1 viro qui corripientem dura cervice contemnit repentinus superveniet interitus et eum sanitas non sequitur
Proverbes 6.15 1 Samuel 2.25 Jean 13.18 Proverbes 1.24-1.31 Actes 1.25
2 in multiplicatione iustorum laetabitur vulgus cum impii sumpserint principatum gemet populus
Esther 8.15 Proverbes 28.12 Proverbes 11.10 Proverbes 28.28 Esther 3.15
3 vir qui amat sapientiam laetificat patrem suum qui autem nutrit scorta perdet substantiam
Luc 15.30 Proverbes 10.1 Proverbes 6.26 Proverbes 15.20 Proverbes 28.7
4 rex iustus erigit terram vir avarus destruet eam
Proverbes 29.14 1 Samuel 13.13 Psaumes 99.4 Psaumes 89.14 2 Chroniques 9.8
5 homo qui blandis fictisque sermonibus loquitur amico suo rete expandit gressibus eius
Psaumes 5.9 Psaumes 12.2 Proverbes 1.17 Proverbes 26.24-26.25 Proverbes 7.5
6 peccantem virum iniquum involvet laqueus et iustus laudabit atque gaudebit
Psaumes 118.15 Ecclésiaste 9.12 Job 18.7-18.10 Proverbes 11.5-11.6 Proverbes 5.22
7 novit iustus causam pauperum impius ignorat scientiam
Psaumes 41.1 Job 29.16 Proverbes 31.8-31.9 Proverbes 21.13 Jérémie 22.15-22.17
8 homines pestilentes dissipant civitatem sapientes avertunt furorem
Proverbes 11.11 Jacques 3.5-3.6 Matthieu 27.39-27.43 Ezéchiel 22.30 Nombres 25.11
9 vir sapiens si cum stulto contenderit sive irascatur sive rideat non inveniet requiem
Ecclésiaste 10.13 Proverbes 26.4 Matthieu 7.6 Matthieu 11.17-11.19
10 viri sanguinum oderunt simplicem iusti quaerunt animam eius
Genèse 4.5-4.8 1 Rois 21.20 2 Chroniques 18.7 Romains 10.1 Marc 6.18-6.19
11 totum spiritum suum profert stultus sapiens differt et reservat in posterum
Proverbes 12.16 Juges 16.17 Proverbes 19.11 Proverbes 14.33 Proverbes 12.23
12 princeps qui libenter audit verba mendacii omnes ministros habebit impios
2 Samuel 4.5-4.12 Proverbes 20.8 Psaumes 101.5-101.7 Proverbes 25.23 1 Samuel 22.8-22.23
13 pauper et creditor obviam fuerunt sibi utriusque inluminator est Dominus
Proverbes 22.2 Psaumes 13.3 Matthieu 5.45 Exode 22.25-22.26 Néhémie 5.5-5.7
14 rex qui iudicat in veritate pauperes thronus eius in aeternum firmabitur
Proverbes 16.12 Proverbes 25.5 Esaïe 11.4 Psaumes 72.2-72.4 Proverbes 29.4
15 virga atque correptio tribuet sapientiam puer autem qui dimittitur voluntati suae confundet matrem suam
Proverbes 17.25 Proverbes 10.1 Proverbes 22.15 Proverbes 17.21 Proverbes 22.6
16 in multiplicatione impiorum multiplicabuntur scelera et iusti ruinas eorum videbunt
Psaumes 58.10 Psaumes 92.11 Psaumes 37.36 Psaumes 91.8 Psaumes 37.34
17 erudi filium tuum et refrigerabit te et dabit delicias animae tuae
Proverbes 13.24 Proverbes 29.15 Proverbes 10.1 Proverbes 19.18 Proverbes 22.15
18 cum prophetia defecerit dissipabitur populus qui custodit legem beatus est
Jacques 1.25 Luc 11.28 1 Samuel 3.1 Matthieu 9.36 Romains 10.13-10.15
19 servus verbis non potest erudiri quia quod dicis intellegit et respondere contemnit
Proverbes 30.22 Job 19.16 Proverbes 26.3
20 vidisti hominem velocem ad loquendum stulti magis speranda est quam illius correptio
Jacques 1.19 Proverbes 26.12 Ecclésiaste 5.2 Proverbes 14.29 Proverbes 21.5
21 qui delicate a pueritia nutrit servum suum postea illum sentiet contumacem
22 vir iracundus provocat rixas et qui ad indignandum facilis est erit ad peccata proclivior
Proverbes 15.18 Proverbes 17.19 Proverbes 26.21 Proverbes 22.24 Proverbes 14.17
23 superbum sequitur humilitas et humilem spiritu suscipiet gloria
Matthieu 23.12 Luc 14.11 Esaïe 66.2 Proverbes 11.2 1 Pierre 5.5
24 qui cum fure partitur odit animam suam adiurantem audit et non indicat
Lévitique 5.1 Proverbes 8.36 Proverbes 6.32 Proverbes 15.32 Marc 11.17
25 qui timet hominem cito corruet qui sperat in Domino sublevabitur
Luc 12.4 Psaumes 91.14 Psaumes 118.8 Proverbes 18.10 Proverbes 16.20
26 multi requirunt faciem principis et a Domino iudicium egreditur singulorum
Proverbes 19.6 Psaumes 20.9 1 Corinthiens 4.4 Daniel 4.35 Proverbes 21.1
27 abominantur iusti virum impium et abominantur impii eos qui in recta sunt via
Psaumes 139.21 1 Jean 3.13 Proverbes 29.10 Jean 7.7 Psaumes 119.115