Exode 10.11
Vulgate

Fléau n° 8 : les sauterelles

¹ et dixit Dominus ad Mosen ingredere ad Pharao ego enim induravi cor eius et servorum illius ut faciam signa mea haec in eo
Exode 4.21 Exode 3.20 Exode 7.13-7.14 Exode 9.27 Exode 7.4
² et narres in auribus filii tui et nepotum tuorum quotiens contriverim Aegyptios et signa mea fecerim in eis et sciatis quia ego Dominus
Joël 1.3 Deutéronome 4.9 Exode 13.14 Psaumes 44.1 Exode 7.17
³ introierunt ergo Moses et Aaron ad Pharaonem et dixerunt ad eum haec dicit Dominus Deus Hebraeorum usquequo non vis subici mihi dimitte populum meum ut sacrificet mihi
1 Pierre 5.6 1 Rois 21.29 Jacques 4.10 2 Chroniques 34.27 2 Chroniques 33.19
⁴ sin autem resistis et non vis dimittere eum ecce ego inducam cras lucustam in fines tuos
Apocalypse 9.3 Proverbes 30.27 Joël 2.25 Exode 9.5 Exode 9.18
⁵ quae operiat superficiem terrae nec quicquam eius appareat sed comedatur quod residuum fuit grandini conrodet enim omnia ligna quae germinant in agris
Joël 1.4 Exode 9.32 Joël 2.25
⁶ et implebunt domos tuas et servorum tuorum et omnium Aegyptiorum quantam non viderunt patres tui et avi ex quo orti sunt super terram usque in praesentem diem avertitque se et egressus est a Pharaone
Exode 8.21 Exode 8.3 Exode 10.14-10.15 Exode 11.6 Hébreux 11.27
⁷ dixerunt autem servi Pharaonis ad eum usquequo patiemur hoc scandalum dimitte homines ut sacrificent Domino Deo suo nonne vides quod perierit Aegyptus
Josué 23.13 1 Samuel 18.21 Ecclésiaste 7.26 Exode 23.33 1 Corinthiens 7.35
⁸ revocaveruntque Mosen et Aaron ad Pharaonem qui dixit eis ite sacrificate Domino Deo vestro quinam sunt qui ituri sunt
Exode 10.24 Exode 12.31 Exode 8.8 Exode 10.16
⁹ ait Moses cum parvulis nostris et senibus pergemus cum filiis et filiabus cum ovibus et armentis est enim sollemnitas Domini nostri
Exode 5.1 Exode 3.18 Genèse 50.8 Psaumes 148.12-148.13 Exode 5.3
¹⁰ et respondit sic Dominus sit vobiscum quomodo ego dimittam vos et parvulos vestros cui dubium est quod pessime cogitetis
Lamentations 3.37 2 Chroniques 32.15 Exode 12.30-12.31 Exode 13.21
¹¹ non fiet ita sed ite tantum viri et sacrificate Domino hoc enim et ipsi petistis statimque eiecti sunt de conspectu Pharaonis
Exode 10.28 Psaumes 119.69 Exode 5.4 Psaumes 52.3-52.4
¹² dixit autem Dominus ad Mosen extende manum tuam super terram Aegypti ad lucustam ut ascendat super eam et devoret omnem herbam quae residua fuit grandini
Exode 7.19 Exode 10.4-10.5
¹³ extendit Moses virgam super terram Aegypti et Dominus induxit ventum urentem tota illa die ac nocte et mane facto ventus urens levavit lucustas
Jonas 4.8 Exode 14.21 Psaumes 148.8 Genèse 41.6 Psaumes 107.25-107.28
¹⁴ quae ascenderunt super universam terram Aegypti et sederunt in cunctis finibus Aegyptiorum innumerabiles quales ante illud tempus non fuerant nec postea futurae sunt
Psaumes 78.46 Apocalypse 9.3-9.7 Exode 11.6 Joël 1.2-1.4 Psaumes 105.34-105.35
¹⁵ operueruntque universam superficiem terrae vastantes omnia devorata est igitur herba terrae et quicquid pomorum in arboribus fuit quae grando dimiserat nihilque omnino virens relictum est in lignis et in herbis terrae in cuncta Aegypto
Exode 10.5 Psaumes 78.46 Joël 1.6-1.7 Psaumes 105.34-105.35 Joël 2.25
¹⁶ quam ob rem festinus Pharao vocavit Mosen et Aaron et dixit eis peccavi in Dominum Deum vestrum et in vos
Exode 9.27 Job 34.31-34.32 Nombres 22.34 1 Samuel 15.24 1 Samuel 15.30
¹⁷ sed nunc dimittite peccatum mihi etiam hac vice et rogate Dominum Deum vestrum ut auferat a me mortem istam
Exode 8.8 Exode 9.28 1 Rois 13.6 Actes 8.24 Esaïe 26.16
¹⁸ egressusque est de conspectu Pharaonis et oravit Dominum
Luc 6.28 Exode 8.28-8.30 Exode 8.9 Matthieu 5.44
¹⁹ qui flare fecit ventum ab occidente vehementissimum et arreptam lucustam proiecit in mare Rubrum non remansit ne una quidem in cunctis finibus Aegypti
Joël 2.20 Hébreux 11.29 Exode 13.18 Exode 15.4
²⁰ et induravit Dominus cor Pharaonis nec dimisit filios Israhel
Exode 4.21 Exode 11.10 Romains 9.18 Exode 7.13-7.14 Jean 12.39-12.40

Fléau n° 9 : les ténèbres

²¹ dixit autem Dominus ad Mosen extende manum tuam in caelum et sint tenebrae super terram Aegypti tam densae ut palpari queant
Exode 9.22 Psaumes 105.28 Luc 23.44 Matthieu 27.45 Esaïe 8.21-8.22
²² extendit Moses manum in caelum et factae sunt tenebrae horribiles in universa terra Aegypti tribus diebus
Psaumes 105.28 Apocalypse 16.10 Joël 2.2 Deutéronome 5.22 Exode 20.21
²³ nemo vidit fratrem suum nec movit se de loco in quo erat ubicumque autem habitabant filii Israhel lux erat
Exode 8.22 Exode 9.4 Esaïe 42.16 Malachie 3.18 Esaïe 60.1-60.3
²⁴ vocavitque Pharao Mosen et Aaron et dixit eis ite sacrificate Domino oves tantum vestrae et armenta remaneant parvuli vestri eant vobiscum
Exode 10.8-10.10 Exode 8.28 Genèse 34.23 Exode 9.28
²⁵ ait Moses hostias quoque et holocausta dabis nobis quae offeramus Domino Deo nostro
Lévitique 16.9 Lévitique 9.22 Exode 29.1-29.46 Exode 36.1-36.38
²⁶ cuncti greges pergent nobiscum non remanebit ex eis ungula quae necessaria sunt in cultum Domini Dei nostri praesertim cum ignoremus quid debeat immolari donec ad ipsum locum perveniamus
Esaïe 23.18 Hébreux 11.8 Exode 12.32 Osée 5.6 Proverbes 3.9
²⁷ induravit autem Dominus cor Pharaonis et noluit dimittere eos
Exode 10.20 Exode 4.21 Exode 14.4 Exode 14.8 Apocalypse 9.20
²⁸ dixitque Pharao ad eum recede a me cave ne ultra videas faciem meam quocumque die apparueris mihi morieris
2 Chroniques 25.16 Amos 7.13 2 Chroniques 16.10
²⁹ respondit Moses ita fiat ut locutus es non videbo ultra faciem tuam
Hébreux 11.27 Exode 11.4-11.8 Exode 12.30-12.31