2 Chroniques 6.4
Vulgate

Inauguration du temple

¹ tunc Salomon ait Dominus pollicitus est ut habitaret in caligine
Exode 20.21 1 Rois 8.12-8.50 Hébreux 12.18 Psaumes 97.2 Psaumes 18.8-18.11
² ego autem aedificavi domum nomini eius ut habitaret ibi in perpetuum
2 Chroniques 2.4-2.6 1 Chroniques 28.20 Psaumes 132.13-132.14 Hébreux 9.11-9.12 1 Chroniques 17.12
³ et convertit faciem suam et benedixit universae multitudini Israhel nam omnis turba stabat intenta et ait
1 Rois 8.14 Luc 24.50-24.51 1 Chroniques 16.2 Néhémie 8.5-8.7 Josué 22.6
⁴ benedictus Dominus Deus Israhel qui quod locutus est David patri meo opere conplevit dicens
Luc 1.68-1.70 1 Chroniques 17.12 1 Rois 8.15 Psaumes 138.1-138.2 1 Chroniques 29.20
⁵ a die qua eduxi populum meum de terra Aegypti non elegi civitatem de cunctis tribubus Israhel ut aedificaretur in ea domus nomini meo neque elegi quemquam alium virum ut esset dux in populo meo Israhel
Exode 20.24 Deutéronome 12.5 Daniel 9.19 1 Rois 8.16 2 Samuel 7.6-7.7
⁶ sed elegi Hierusalem ut sit nomen meum in ea et elegi David ut constituerem eum super populum meum Israhel
1 Chroniques 28.4 2 Chroniques 12.13 Psaumes 78.68-78.70 Psaumes 48.1 Psaumes 132.13
⁷ cumque fuisset voluntatis David patris mei ut aedificaret domum nomini Domini Dei Israhel
1 Chroniques 17.1 1 Rois 5.3 1 Chroniques 22.7 1 Rois 8.17 1 Chroniques 28.2-28.4
⁸ dixit Dominus ad eum quia haec fuit voluntas tua ut aedificares domum nomini meo bene quidem fecisti habere huiuscemodi voluntatem
Marc 14.8 2 Corinthiens 8.12 1 Rois 8.18-8.21
⁹ sed non tu aedificabis domum verum filius tuus qui egredietur de lumbis tuis ipse aedificabit domum nomini meo
1 Chroniques 17.4 1 Chroniques 17.11-17.12 2 Samuel 7.12-7.13
¹⁰ conplevit ergo Dominus sermonem suum quem locutus fuerat et ego surrexi pro David patre meo et sedi super thronum Israhel sicut locutus est Dominus et aedificavi domum nomini Domini Dei Israhel
Ecclésiaste 1.4 1 Rois 2.12 1 Chroniques 28.5 1 Chroniques 29.23 1 Rois 3.6-3.7
¹¹ et posui in ea arcam in qua est pactum Domini quod pepigit cum filiis Israhel
2 Chroniques 5.10 2 Chroniques 5.7 1 Rois 8.21 Exode 40.20 Hébreux 9.4
¹² stetit ergo coram altare Domini ex adverso universae multitudinis Israhel et extendit manus suas
Job 11.13 Psaumes 143.6 Esaïe 50.10 Exode 9.33 Psaumes 63.4
¹³ siquidem fecerat Salomon basem aeneam et posuerat eam in medio basilicae habentem quinque cubitos longitudinis et quinque cubitos latitudinis et tres cubitos in altum stetitque super eam et deinceps flexis genibus contra universam multitudinem Israhel et palmis in caelum levatis
Néhémie 8.4 1 Rois 8.54 Psaumes 95.6 Luc 22.41 2 Chroniques 4.9
¹⁴ ait Domine Deus Israhel non est similis tui Deus in caelo et in terra qui custodis pactum et misericordiam cum servis tuis qui ambulant coram te in toto corde suo
Deutéronome 7.9 Exode 15.11 Deutéronome 4.39 Genèse 33.20 Luc 1.6
¹⁵ qui praestitisti servo tuo David patri meo quaecumque locutus fueras ei et quae ore promiseras opere conplesti sicut et praesens tempus probat
1 Chroniques 22.9-22.10 1 Rois 8.24 2 Samuel 7.12
¹⁶ nunc ergo Domine Deus Israhel imple servo tuo patri meo David quaecumque locutus es dicens non deficiet ex te vir coram me qui sedeat super thronum Israhel ita tamen si custodierint filii tui vias suas et ambulaverint in lege mea sicut et tu ambulasti coram me
1 Rois 2.4 2 Chroniques 7.18 Psaumes 132.12 Jean 15.14-15.15 Psaumes 119.1
¹⁷ et nunc Domine Deus Israhel firmetur sermo tuus quem locutus es servo tuo David
2 Chroniques 6.14 2 Chroniques 6.4 Exode 24.10 Jérémie 11.5 Esaïe 41.17
¹⁸ ergone credibile est ut habitet Deus cum hominibus super terram si caelum et caeli caelorum non te capiunt quanto magis domus ista quam aedificavi
Esaïe 66.1 2 Chroniques 2.6 Psaumes 113.5-113.6 Actes 7.48-7.49 Jérémie 23.24
¹⁹ sed ad hoc tantum facta est ut respicias orationem servi tui et obsecrationem eius Domine Deus meus audias et preces quas fundit famulus tuus coram te
Jean 17.20 Psaumes 4.1 Psaumes 74.20 Daniel 9.17-9.19 Psaumes 20.1-20.3
²⁰ ut aperias oculos tuos super domum istam diebus et noctibus super locum in quo pollicitus es ut invocaretur nomen tuum
Psaumes 34.15 2 Chroniques 6.6 Deutéronome 12.11 1 Rois 8.29-8.30 2 Chroniques 16.9
²¹ et exaudires orationem quam servus tuus orat in eo exaudi preces famuli tui et populi tui Israhel quicumque oraverit in loco isto et exaudi de habitaculo tuo id est de caelis et propitiare
Esaïe 43.25 Michée 7.18 Daniel 9.19 Psaumes 123.1 Matthieu 6.12
²² si peccaverit quispiam in proximum suum et iurare contra eum paratus venerit seque maledicto constrinxerit coram altari in domo ista
Exode 22.11 Matthieu 23.18 Proverbes 30.9 Nombres 5.19-5.22 1 Rois 8.31-8.32
²³ tu audies de caelo et facies iudicium servorum tuorum ita ut reddas iniquo viam suam in caput proprium et ulciscaris iustum retribuens ei secundum iustitiam suam
Esaïe 3.10-3.11 Jérémie 51.56 Ezéchiel 18.20 Proverbes 17.15 Romains 2.9-2.10
²⁴ si superatus fuerit populus tuus Israhel ab inimicis peccabunt enim tibi et conversi egerint paenitentiam et obsecraverint nomen tuum et fuerint deprecati in loco isto
Lévitique 26.17 Juges 2.11 Deutéronome 28.48 Esdras 9.5-9.15 Josué 7.8
²⁵ tu exaudi de caelo et propitiare peccato populi tui Israhel et reduc eos in terram quam dedisti eis et patribus eorum
Genèse 13.15 Esdras 1.1-1.6 Exode 6.8 Josué 21.43 Psaumes 106.40-106.47
²⁶ si clauso caelo pluvia non fluxerit propter peccata populi et deprecati te fuerint in loco isto et confessi nomini tuo et conversi a peccatis suis cum eos adflixeris
Deutéronome 11.17 Lévitique 26.19 Osée 5.15-6.1 Apocalypse 11.6 1 Rois 17.1-17.18
²⁷ exaudi de caelo Domine et dimitte peccata servis tuis et populi tui Israhel et doce eos viam bonam per quam ingrediantur et da pluviam terrae quam dedisti populo tuo ad possidendum
Psaumes 94.12 Psaumes 25.4-25.5 Job 37.11-37.14 Jérémie 6.16 Psaumes 25.12
²⁸ fames si orta fuerit in terra et pestilentia erugo et aurugo et lucusta et brucus et hostes vastatis regionibus portas obsederint civitatis omnisque plaga et infirmitas presserit
2 Chroniques 12.2-12.5 1 Rois 8.37-8.40 Joël 1.11 Joël 2.25 Joël 1.4-1.7
²⁹ si quis de populo tuo Israhel fuerit deprecatus cognoscens plagam et infirmitatem suam et expanderit manus suas in domo hac
Psaumes 50.15 Psaumes 32.2-32.6 Psaumes 91.15 Psaumes 33.12-33.13 Psaumes 142.1-142.2
³⁰ tu exaudi de caelo de sublimi scilicet habitaculo tuo et propitiare et redde unicuique secundum vias suas quas nosti eum habere in corde suo tu enim solus nosti corda filiorum hominum
1 Chroniques 28.9 1 Samuel 16.7 Matthieu 16.27 Psaumes 62.12 1 Rois 8.39
³¹ ut timeant te et ambulent in viis tuis cunctis diebus quibus vivunt super faciem terrae quam dedisti patribus nostris
Psaumes 128.1 Job 28.28 1 Samuel 12.24 Exode 20.20 Psaumes 130.4
³² externum quoque qui non est de populo tuo Israhel si venerit de terra longinqua propter nomen tuum magnum et propter manum tuam robustam et brachium tuum extentum et adoraverit in loco isto
Esaïe 56.3-56.7 Exode 3.19-3.20 Jean 12.20 Josué 9.9 Exode 12.48-12.49
³³ tu exaudies de caelo firmissimo habitaculo tuo et facies cuncta pro quibus invocaverit te ille peregrinus ut sciant omnes populi terrae nomen tuum et timeant te sicut populus tuus Israhel et cognoscant quia nomen tuum invocatum est super domum hanc quam aedificavi
2 Chroniques 7.14 1 Samuel 17.46 Esaïe 11.10 Apocalypse 11.15 Psaumes 67.2
³⁴ si egressus fuerit populus tuus ad bellum contra adversarios suos per viam in qua miseris eos adorabunt te contra viam in qua civitas haec est quam elegisti et domus quam aedificavi nomini tuo
Juges 1.1-1.2 1 Samuel 15.18 Josué 1.2-1.5 2 Chroniques 6.6 Josué 8.1-8.8
³⁵ ut exaudias de caelo preces eorum et obsecrationem et ulciscaris
Daniel 9.17-9.19 Psaumes 9.3-9.4 Esaïe 37.21-37.36 Jérémie 5.28
³⁶ si autem et peccaverint tibi neque enim est homo qui non peccet et iratus fueris eis et tradideris hostibus et captivos eos duxerint in terram longinquam vel certe quae iuxta est
Jacques 3.2 1 Jean 1.8-1.10 Ecclésiaste 7.20 Job 15.14-15.16 Psaumes 143.2
³⁷ et conversi corde suo in terra ad quam captivi ducti fuerant egerint paenitentiam et deprecati te fuerint in terra captivitatis suae dicentes peccavimus inique fecimus iniuste egimus
Psaumes 106.6 Deutéronome 4.29-4.30 Jérémie 31.18-31.20 Néhémie 1.6 Jérémie 3.12-3.14
³⁸ et reversi fuerint ad te in toto corde suo et in tota anima sua in terra captivitatis suae ad quam ducti sunt adorabunt te contra viam terrae suae quam dedisti patribus eorum et urbis quam elegisti et domus quam aedificavi nomini tuo
Osée 14.1-14.4 2 Chroniques 6.34 Daniel 6.10 Daniel 9.3-9.4 Deutéronome 30.2-30.6
³⁹ ut exaudias de caelo hoc est de firmo habitaculo tuo preces eorum et facias iudicium et dimittas populo tuo quamvis peccatori
Psaumes 25.18 Michée 7.18-7.20 Zacharie 1.15-1.16 2 Chroniques 6.35
⁴⁰ tu es enim Deus meus aperiantur quaeso oculi tui et aures tuae intentae sint ad orationem quae fit in loco isto
2 Chroniques 7.15 Psaumes 17.1 Néhémie 1.6 Néhémie 1.11 Psaumes 7.3
⁴¹ nunc igitur consurge Domine Deus in requiem tuam tu et arca fortitudinis tuae sacerdotes tui Domine Deus induantur salute et sancti tui laetentur in bonis
1 Chroniques 28.2 Esaïe 61.10 Psaumes 132.16 Néhémie 9.25 Esaïe 66.1
⁴² Domine Deus ne averseris faciem christi tui memento misericordiarum David servi tui
Esaïe 55.3 Psaumes 132.1 Psaumes 89.28 1 Rois 2.16 Actes 13.34