2 Samuel 20
Vulgate

1 accidit quoque ut ibi esset vir Belial nomine Seba filius Bochri vir iemineus et cecinit bucina et ait non est nobis pars in David neque hereditas in filio Isai vir in tabernacula tua Israhel
1 Rois 12.16 Deutéronome 13.13 2 Chroniques 10.16 Juges 3.27 Juges 19.22
2 et separatus est omnis Israhel a David secutusque est Seba filium Bochri viri autem Iuda adheserunt regi suo a Iordane usque Hierusalem
2 Samuel 19.40-19.41 Psaumes 62.9 2 Chroniques 10.17 Actes 11.23 Psaumes 118.8-118.10
3 cumque venisset rex in domum suam Hierusalem tulit decem mulieres concubinas quas dereliquerat ad custodiendam domum et tradidit eas in custodiam alimenta eis praebens et non est ingressus ad eas sed erant clausae usque ad diem mortis suae in viduitate viventes
2 Samuel 16.21-16.22 2 Samuel 15.16 Genèse 40.3
4 dixit autem rex Amasae convoca mihi omnes viros Iuda in diem tertium et tu adesto praesens
2 Samuel 17.25 2 Samuel 19.13 1 Chroniques 2.17
5 abiit ergo Amasa ut convocaret Iudam et moratus est extra placitum quod ei constituerat
1 Samuel 13.8 2 Samuel 19.13
6 ait autem David ad Abisai nunc magis adflicturus est nos Seba filius Bochri quam Absalom tolle igitur servos domini tui et persequere eum ne forte inveniat civitates munitas et effugiat nos
1 Rois 1.33 2 Samuel 21.17 2 Samuel 11.11 2 Samuel 23.18 1 Samuel 26.6
7 egressi sunt ergo cum eo viri Ioab Cherethi quoque et Felethi et omnes robusti exierunt de Hierusalem ad persequendum Seba filium Bochri
2 Samuel 8.18 1 Rois 1.38 2 Samuel 15.18 2 Samuel 20.23 2 Samuel 8.16
8 cumque illi essent iuxta lapidem grandem qui est in Gabaon Amasa veniens occurrit eis porro Ioab vestitus erat tunica stricta ad mensuram habitus sui et desuper accinctus gladio dependente usque ad ilia in vagina qui fabrefactus levi motu egredi poterat et percutere
2 Samuel 3.30 2 Samuel 2.13 2 Samuel 20.4-20.5
9 dixit itaque Ioab ad Amasa salve mi frater et tenuit manu dextra mentum Amasae quasi osculans eum
Proverbes 26.24-26.26 Matthieu 26.48-26.49 Michée 7.2 Luc 22.47-22.48 Psaumes 55.21
10 porro Amasa non observavit gladium quem habebat Ioab qui percussit eum in latere et effudit intestina eius in terram nec secundum vulnus adposuit Ioab autem et Abisai frater eius persecuti sunt Seba filium Bochri
2 Samuel 2.23 2 Samuel 3.27 Juges 3.21 1 Rois 2.5-2.6 2 Samuel 20.9
11 interea quidam viri cum stetissent iuxta cadaver Amasae de sociis Ioab dixerunt ecce qui esse voluit pro Ioab comes David pro Ioab
2 Samuel 20.13 2 Samuel 20.4 2 Samuel 20.6-20.7 2 Rois 9.32 2 Samuel 20.21
12 Amasa autem conspersus sanguine iacebat in media via vidit hoc quidam vir quod subsisteret omnis populus ad videndum eum et amovit Amasam de via in agrum operuitque eum vestimento ne subsisterent transeuntes propter eum
2 Samuel 17.25 Psaumes 55.23 Proverbes 24.21-24.22 Psaumes 9.16
13 amoto igitur illo de via transiebat omnis vir sequens Ioab ad persequendum Seba filium Bochri
Proverbes 16.17 Esaïe 7.3 1 Samuel 6.12 Esaïe 62.10 Juges 21.19
14 porro ille transierat per omnes tribus Israhel in Abelam et in Bethmacha omnesque electi congregati fuerant ad eum
2 Rois 15.29 Nombres 21.16 Josué 18.25 2 Chroniques 16.4 1 Rois 15.20
15 venerunt itaque et obpugnabant eum in Abela et in Bethmacha et circumdederunt munitionibus civitatem et obsessa est urbs omnis autem turba quae erat cum Ioab moliebatur destruere muros
2 Rois 19.32 Jérémie 32.24 2 Rois 15.29 1 Rois 15.20 Jérémie 33.4
16 et exclamavit mulier sapiens de civitate audite audite dicite Ioab adpropinqua huc et loquar tecum
2 Samuel 14.2 1 Samuel 25.32-25.33 Ecclésiaste 9.14-9.18 1 Samuel 25.3
17 qui cum accessisset ad eam ait illi tu es Ioab et ille respondit ego ad quem sic locuta est audi sermones ancillae tuae qui respondit audio
2 Samuel 14.12 1 Samuel 25.24
18 rursumque illa sermo inquit dicebatur in veteri proverbio qui interrogant interrogent in Abela et sic perficiebant
Deutéronome 20.10-20.11
19 nonne ego sum quae respondeo veritatem Israhel et tu quaeris subruere civitatem et evertere matrem in Israhel quare praecipitas hereditatem Domini
1 Samuel 26.19 2 Samuel 21.3 2 Samuel 17.16 2 Corinthiens 5.4 Nombres 26.10
20 respondensque Ioab ait absit absit hoc a me non praecipito neque demolior
Jérémie 17.9 2 Samuel 23.17 Job 22.18 2 Samuel 20.10 Proverbes 28.13
21 non se sic habet res sed homo de monte Ephraim Seba filius Bochri cognomine levavit manum contra regem David tradite illum solum et recedemus a civitate et ait mulier ad Ioab ecce caput eius mittetur ad te per murum
2 Rois 5.22 2 Rois 10.7 2 Samuel 20.1 Juges 18.4-18.8 2 Samuel 17.2-17.3
22 ingressa est ergo ad omnem populum et locuta est eis sapienter qui abscisum caput Seba filii Bochri proiecerunt ad Ioab et ille cecinit tuba et recesserunt ab urbe unusquisque in tabernacula sua Ioab autem reversus est Hierusalem ad regem
Ecclésiaste 7.19 2 Samuel 20.1 Ecclésiaste 9.13-9.18 2 Samuel 18.16 2 Samuel 20.16
23 fuit ergo Ioab super omnem exercitum Israhel Banaias autem filius Ioiadae super Cheretheos et Feletheos
2 Samuel 8.16-8.18 1 Rois 4.3-4.6 1 Chroniques 18.15-18.17
24 Aduram vero super tributa porro Iosaphat filius Ahilud a commentariis
1 Rois 4.3 1 Rois 12.18 1 Rois 4.6
25 Sia autem scriba Sadoc vero et Abiathar sacerdotes
2 Samuel 8.17 1 Rois 4.4 1 Chroniques 18.16
26 Hira autem Hiaiarites erat sacerdos David
Exode 2.14 2 Samuel 23.38 Juges 10.4-10.5 2 Samuel 8.18 Exode 24.11