Ghjesù lava i pedi à i discipuli
1 Nanzi a festa di a Pasqua, sapendu ch’edda era ghjunta l’ora di passà da issu mondu ind’è u Babbu, Ghjesù chì aia tinutu caru i soi in u mondu i tensi sinu à a fini.
Jean 13.34 Jean 16.28 Jean 12.23 Jean 13.3 1 Jean 4.19
2 È mentri ch’eddi faciani cena, u diavuli aia aghjà missu l’idea di tradiscia lu in u cori di Ghjuda fiddolu di Simonu l’Iscariotu ;
Actes 5.3 Jacques 1.13-1.17 Luc 22.31 Jean 6.70-6.71 Jean 13.4
3 Ghjesù, sapendu chì u Babbu l’aia missu tuttu in manu, sapendu dinò ch’eddu era vinutu da Diu è à Diu andaia,
Jean 8.42 Jean 3.35 Jean 17.2 Jean 16.27-16.28 Matthieu 11.27
4 s’arrizzeti da u pranzu, spuniti a so vistitoghja, piddeti un pannu è u si cinsi.
Luc 22.27 Luc 12.37 2 Corinthiens 8.9 Luc 17.7 Philippiens 2.6-2.8
5 Dopu, lampeti l’acqua in u bazzì è missi à lavà i pedi di i discipuli è à asciuvà li cù u pannu ch’eddu si era cintu.
Luc 7.44 Genèse 18.4 Genèse 19.2 1 Timothée 5.10 2 Rois 3.11
6 Cusì ghjunsi à Simon Petru ; quiddu li dici : « o Signori, tù mi ai da lavà i pedi ? »
Luc 5.8 Matthieu 3.11-3.14 Jean 1.27
7 Ghjesù risposi è li dissi : « ciò ch’e’ facciu, ùn la sai avà, ma a saparè dopu. »
Jean 12.16 Daniel 12.12 Jérémie 32.43 Jean 14.26 Daniel 12.8
8 Petru li dici : « mai ch’edda ni sia chì tù mi lavi tù i pedi ? » Ghjesù li risposi : « s’e’ ùn ti lavu, mancu sarè chjamatu à sparta cù mecu ? »
Tite 3.5 Hébreux 10.22 1 Corinthiens 6.11 Actes 22.16 Ezéchiel 36.25
9 Simon Petru li dici : « o Signori, ùn solu i pedi, ma ancu i mani è u capu. »
Psaumes 51.7 Psaumes 51.2 Hébreux 10.22 1 Pierre 3.21 Matthieu 27.24
10 Ghjesù li dici : « à chì si hè bagnatu, ùn hà più bisognu di lavà si, ma hè Puru sanu sanu ; è voi seti puri, ma micca tutti. »
Jean 15.3 2 Corinthiens 7.1 2 Corinthiens 5.17 Jacques 3.2 1 Jean 1.7-1.10
11 Chì cunniscia quiddu chì l’aia da tradiscia ; par quissa dissi : « ùn seti micca puri tutti. »
Jean 2.25 Jean 13.18 Jean 13.21 Jean 17.12 Jean 13.2
12 Cusì, lavatu ch’eddu li ebbi i pedi piddeti dinò a so vistitoghja è si attavulineti dinò. Li dissi : « a capiti ciò ch’e’ aghju fattu par voi ?
Jean 13.7 Jean 13.4 Matthieu 13.51 Ezéchiel 24.19 Marc 4.13
13 Voi mi chjameti ‘u Maestru ’ è ‘u Signori’ è diti bè, chì socu eiu.
Philippiens 2.11 1 Corinthiens 12.3 Luc 6.46 Jean 11.28 1 Corinthiens 8.6
14 Cusì sì eiu, chì socu u Signori è u Maestru, vi aghju lavatu i pedi, ancu à voi vi tocca à lavà vi i pedi trà voi.
1 Pierre 5.5 Luc 22.26-22.27 Galates 6.1-6.2 Hébreux 5.8-5.9 Galates 5.13
15 Chì l’asempiu u vi aghju datu, da chì vo’ fiati trà voi com’e’ aghju fattu eiu à voi.
Matthieu 11.29 Ephésiens 5.2 1 Pierre 2.21 Romains 15.5 1 Jean 2.6
16 A vi dicu da veru, ùn ci hè schiavu chì sia più altu cà u so signori, nè mandataghju chì sia più altu cà quiddu chì u mandeti.
Jean 15.20 Luc 6.40 Matthieu 10.24-10.25 Jean 3.5 Jean 3.3
17 Biatu à voi sì voi a sapeti è a feti.
Luc 11.28 Matthieu 7.24-7.25 Jacques 1.25 Galates 5.6 Ezéchiel 36.27
18 Ùn parlu micca di voi tutti ; a socu eiu, quiddi ch’e’ aghju sceltu ; ma ch’edda venghi cumpiita cusì a Scrittura :
‘Quiddu chì manghja u me pani hà pisatu u calcagnu contru à mè.’ Psaumes 41.9 Jean 17.12 Matthieu 26.23 Jean 13.26 Marc 14.20
19 A vi dicu da avà, prima ch’edda accadi, chì quand’edda accadarà, chì vo’ crerghiti ch’Eiu socu.
Jean 14.29 Jean 16.4 Esaïe 41.23 Esaïe 48.5 Luc 21.13
20 A vi dicu da veru, à chì ricevi quiddu ch’e’ mandu, ricevi à mè, à chì mi ricevi ricevi quiddu chì mi mandeti. »
Luc 10.16 Marc 9.37 Luc 9.48 Matthieu 25.40 Galates 4.14
Ghjesù annuncia ch’eddu sarà traditu
21 Dopu dittu cusì, Ghjesù fù affannatu assai, tistimunieti è dissi : « a vi dicu da veru, unu di voi m’hà da tradiscia. »
Matthieu 26.21 Jean 12.27 Marc 14.18 Jean 13.18 Jean 11.33
22 I discipuli si fighjulaiani, dumandendu si di quali eddu parlaia.
Luc 22.23 Matthieu 26.22 Marc 14.19 Genèse 42.1
23 Unu di i discipuli era attavulinatu à cantu à Ghjesù, era quiddu chì Ghjesù tinia caru.
Jean 19.26 Jean 20.2 Jean 21.7 Jean 21.20 Jean 1.18
24 Tandu Simon Petru li feci mottu ch’eddu dumandessi à Ghjesù di quali eddu parlaia.
Luc 1.22 Actes 13.16 Actes 12.17 Luc 5.7 Actes 21.40
25 È quiddu avvicinendu si à Ghjesù li dici : « o Signori, quali hè ? »
Jean 21.20 Esther 7.5 Genèse 44.4-44.12
26 Ghjesù li rispondi : « quiddu ch’e’ li aghju da intigna un pezzu di pani è dà di lu. » Tandu, (pidda) è intigni u pezzu di u pani è u dà à Ghjuda fiddolu di Simonu l’Iscariotu.
Matthieu 26.23 Luc 22.21 Marc 14.19-14.20 Jean 6.70-6.71 Jean 12.4-12.6
27 Manghjatu u pezzu, Satanassu intriti in Ghjuda. Tandu Ghjesù li dissi : « ciò chì tù fai, fà la prestu. »
Luc 22.3 Jean 13.2 Matthieu 12.45 Luc 8.32-8.33 Actes 5.3
28 Nimu di quiddi chì erani à tola sapia parchì eddu a dicia.
29 Com’è Ghjuda guvarnaia i soldi, unipochi cuntaiani chì Ghjesù li dicissi : « compra ciò chì ci accorri pà a festa » o « dà calcosa à i povari. »
Jean 12.5-12.6 Galates 2.10 Jean 13.1 Actes 20.34-20.35 Ephésiens 4.28
30 Piddatu ch’eddu ebbi u pezzu, quiddu isciti subitu. Era notti.
Romains 3.15 Esaïe 59.7 Job 24.13-24.15 Proverbes 4.16 Luc 22.53
U cummandu novu
31 Isciutu ch’eddu fù, Ghjesù dici : « avà hè statu glurificatu u Fiddolu di l’Omu, è Diu hè statu glurificatu in eddu.
Jean 14.13 Jean 7.39 1 Pierre 4.11 Luc 12.50 Actes 2.36
32 [Sì Diu hè statu glurificatu in eddu], ancu Diu l’hà da glurificà in sè, è l’hà da glurificà prestu.
Jean 12.23 Jean 17.1 Jean 17.4-17.6 Jean 17.21-17.24 Apocalypse 3.21
33 O fidduleddi, socu sempri cù voscu, par pocu ; mi circareti, ma com’e’ dissi à i Ghjudei :induv’e’ vocu, ùn ci pudeti vena, avà a dicu ancu à voi.
Jean 7.33-7.34 1 Jean 2.1 Jean 12.35-12.36 Jean 16.16-16.22 Jean 8.21-8.24
34 Vi docu un cummandu novu : tiniti vi cari, com’e’ vi aghju tinutu cari, ancu voi tiniti vi cari trà voi.
Lévitique 19.18 Ephésiens 5.2 1 Pierre 1.22 Galates 6.2 1 Corinthiens 12.26-12.27
35 Cusì sì voi vi vuleti bè trà voi saparani tutti chì vo’ seti i me discipuli. »
1 Jean 4.20-4.21 1 Jean 3.10-3.14 Jean 17.21 1 Jean 2.5 1 Jean 2.10
Annuncia chì Petru u rinigarà
36 Simon Petru li dici : « o Signori, induva vai ? » Ghjesù li risposi : « induv’e’ vocu ùn mi poi micca suvità avà, mi suvitarè dopu. »
2 Pierre 1.14 Jean 21.18-21.19 Jean 13.33 Jean 14.2 Jean 14.4-14.5
37 Petru li dici : « o Signori, comu hè ch’e’ ùn ti possu suvità avà ? Par tè lacaraghju u fiatu. »
Actes 20.24 Luc 22.31-22.34 Matthieu 26.31-26.35 Actes 21.13 Marc 14.27-14.31
38 Ghjesù rispondi : « lacarè u fiatu par mè ? A ti dicu da veru, ùn avarà cantatu u ghjaddu chì tù ùn m’abbii rinigatu trè volti. »
Marc 14.30 Marc 14.66-14.72 Proverbes 16.18 Luc 22.56-22.62 Matthieu 26.34