Ghjesù risana un malatu idropicu
1 Ghjesù andedi à magnà un ghjornu di sabbatu ind’è unu di i capi di i Farusei ; è a ghjenti prisenti vaitava à veda ciò ch’ellu avia da fà.
Luc 11.37 Marc 3.2 Luc 20.20 Luc 11.53-11.54 Proverbes 23.7
2 È un omu malatu d’idrupisia li stava davanti.
3 Ghjesù parledi è dissi à i duttori di a Legi è à i Farusei : « hè parmissa o nò di curà u sabbatu ? »
Matthieu 12.10 Luc 11.44-11.45 Matthieu 22.35 Marc 3.4 Luc 6.9
4 Ma elli stavanu zitti ; è Ghjesù tucchedi u malatu, u risanedi è u feci parta.
Matthieu 22.46 Matthieu 21.25-21.27
5 È dissi ad elli : « quali di voi, s’ellu casca u so figliolu, o u so boiu, ind’un pozzu, ùn lu cacciarà subitu, puru u ghjornu di u sabbatu ? »
Luc 13.15 Exode 23.4-23.5 Matthieu 12.11-12.12 Daniel 4.24
6 È ùn truvedinu nulla da risponda à i so raghjoni.
Luc 20.40 Matthieu 22.46 Luc 13.17 Luc 20.26 Actes 6.10
A lizzioni à i invitati è à l’ospiti
7 È dissi una parabula à i invitati, quand’ellu vidi cum’elli sciglianu i prima sedii à tola ; li dissi :
Luc 11.43 3 Jean 1.9 Matthieu 23.6 Matthieu 13.34 Actes 8.18-8.19
8 « quand’elli t’invitanu à un matrimoniu, ùn pusà à a prima sedia, ch’ellu ùn sia invitatu unu più altu cà tè
Proverbes 25.6-25.7
9 è chì quillu chì vi hà invitatu à tè è à ellu ùn ti dichi : ‘lascia a sedia à quistu’ ; è tandu ti tucccaria a vargogna d’andà à piglià l’ultima sedia.
Proverbes 11.2 Proverbes 3.35 Esther 6.6-6.12 Proverbes 16.18 Daniel 4.30-4.34
10 Nò, quand’elli t’invitanu, vai subitu è posa à l’ultima sedia, chì quand’ellu ghjugni quillu chì t’hà invitatu ch’ellu dichi : ‘o amicu, colla ti ni à una sedia più alta’ ; tandu ti sarà fattu l’onori davanti à tutti l’altri invitati.
Proverbes 25.6-25.7 Apocalypse 3.9 1 Samuel 15.17 Proverbes 15.33 Esaïe 60.14
11 Chì à chì voli cullà, sarà fattu falà ; è à chì fala da par ellu, sarà fattu cullà. »
Luc 18.14 Proverbes 29.23 Matthieu 23.12 Jacques 4.6 1 Pierre 5.5
12 È po dissi à quillu chì l’avia invitatu : « quand’ì tù inviti a ghjenti à cullazioni o à cena, ùn chjamà i to amichi nè i to fratelli nè i to cugini nè i to vicini ricchi ; chì tandu ti pudarianu invità ancu elli è ti saria rindutu ciò chì tù ai datu.
Jacques 2.1-2.6 Matthieu 5.46 Luc 6.32-6.36 Matthieu 6.1-6.4 Proverbes 22.16
13 Innò, quand’ì tù inviti à una festa chjama i puvarelli, i infermi, i scianchi, i cechi ;
Luc 14.21 Néhémie 8.10 Néhémie 8.12 1 Timothée 5.10 Deutéronome 26.12-26.13
14 È biatu sarè, chì elli ùn la ti ponu renda, ma ti sarà resa quand’elli risuscitaranu i ghjusti. »
Actes 24.15 Matthieu 6.4 Proverbes 19.17 Matthieu 25.34-25.40 Jean 5.29
A parabula di u pranzu di festa
15 Intesu què, unu di quilli chì eranuà tavulinu li dissi : « biatu quillu chì magnarà in lu Regnu di Diu ! »
Apocalypse 19.9 Luc 13.29 Luc 22.30 Matthieu 25.10 Matthieu 8.11
16 È Ghjesù li dissi : « un omu feci appruntà un pranzu di festa è invitedi a ghjenti assai.
Matthieu 22.2-22.14 Esaïe 55.1-55.7 Apocalypse 22.17 Luc 14.16-14.24 Apocalypse 3.20
17 È mandedi u so schiavu à l’ora di u pranzu, par dì à i invitati : ‘viniti, hè prontu.’
Matthieu 10.1-10.4 Luc 10.1-10.12 Actes 3.24-3.26 Matthieu 11.27-11.29 Proverbes 9.1-9.5
18 Ma ricusedinu tutti unu à pressu à l’altru ; u prima li dissi : ‘aghju compru un tarrenu è mi tocca à andà à veda lu ; ci voli à scusà mi.’
1 Timothée 6.9-6.10 Luc 17.26-17.31 Esaïe 28.12-28.13 1 Jean 2.15-2.16 Jérémie 5.4-5.5
19 U sicondu dissi : ‘aghju compru cinqui coppii di boi è l’aghju da pruvà ; ci voli à scusà mi.’
20 È u terzu dissi : ‘mi sò maritatu è ùn possu vena.’
1 Corinthiens 7.33 Deutéronome 24.5 Luc 14.26-14.28 Luc 18.29-18.30 1 Corinthiens 7.29-7.31
21 È u servu vultedi ind’è u patroni è a li cuntedi ; tandu u patron di casa s’infuriò è dissi à u schiavu : ‘vai subitu pà i piazzi è i carrughji di a cità, è porta quì i puvarelli, i infermi, i cechi è i scianchi.’
Luc 14.13 Jean 9.39 Matthieu 15.12 Esaïe 33.23 Proverbes 9.3-9.4
22 È dopu u schiavu dissi : ‘o signò, hè statu fattu cum’è tù ai dittu, ma fermanu i posti.’
Psaumes 130.7 Actes 1.1-1.9 Colossiens 2.9 Jean 14.2 Psaumes 103.6
23 È u patroni dissi à u schiavu : ‘vai pà u stradoni è longu à i sarrendi è porta quì tutti quilli chì tù truvarè, ch’ella sia impiuta a casa ;
Actes 13.47-13.48 Romains 15.9-15.12 Esaïe 11.10 Actes 10.44-10.48 Colossiens 1.23
24 chì a vi dicu, nimu di quilli chì eranu stati invitati ùn ni tastarà di u me pranzu !’ »
Matthieu 21.43 Actes 13.46 Matthieu 22.8 Jean 3.19 Proverbes 1.24-1.32
Ciò chì ci voli par essa discepulu
25 Ci era a ghjenti assai chì facia strada cù Ghjesù, è ellu vultatu si li dissi :
Jean 6.24-6.27 Luc 12.1
26 « à chì veni cù mecu senza udià u babbu, a mamma, a moglia, i figlioli, i fratelli è i surelli, è ancu à sè stessu, ùn pò essa u me discepulu.
Matthieu 10.37 Jean 12.25 Philippiens 3.8 Apocalypse 12.11 Actes 20.24
27 À chì ùn porta a so croci è ùn suveta, ùn pò essa u me discepulu.
Matthieu 10.38 Luc 9.23-9.25 Marc 8.34-8.37 2 Timothée 1.12 Matthieu 16.24-16.26
28 Chì quali di voi, s’ellu si voli fà una torra, ùn posa prima par calculà u prezzu, par sapè s’ellu hà i soldi à bastanza da compia la ?
Proverbes 24.27 Luc 14.33 2 Pierre 1.13-1.14 Matthieu 10.22 Matthieu 8.20
29 Di paura, s’ellu ùn faci cusì, ch’ellu fia i fundamenti è dopu ùn pudè compia u travagliu, è chì tutti quilli chì u vidaranu si ni ridinu
30 è dicanu : ‘quistu hà principiatu à custrucia è ùn hè statu bonu da compia.’
Actes 1.18-1.19 1 Corinthiens 3.11-3.14 Hébreux 6.4-6.8 2 Jean 1.8 Hébreux 10.38
31 O chì rè, s’ellu voli parta in guerra contru à un antru rè, ùn posa prima par calculà s’ellu pò luttà, cù deci mila suldati, contru à quillu altru, chì li veni contru cù vinti mila ?
Proverbes 20.18 1 Rois 20.11 2 Rois 18.20-18.22 Proverbes 25.8
32 S’ellu ùn pò, manda una imbasciata à quillu altru quandu ellu hè sempri luntanu è li dumanda i so cundizioni pà a paci.
2 Rois 10.4-10.5 Matthieu 5.25 Actes 12.20 Jacques 4.6-4.10 Luc 12.58
33 Cusì, ugnunu di voi chì ùn lascia tuttu u soiu ùn pò essa u me discepulu. »
Philippiens 3.7-3.8 Luc 5.28 Luc 5.11 1 Jean 2.15-2.16 Luc 18.22-18.23
U sali dissapitu
34 « hè ghjuvativu u sali ; ma sì u sali veni dissapitu, cumu turnarà salitu ?
Matthieu 5.13 Colossiens 4.6 Marc 9.49-9.50 Hébreux 2.4-2.8
35 Ùn pò ghjuvà nè pà à tarra nè pà u suvu, è và ghjittatu fora ; à chì t’hà arechji ch’ellu senti. »
Matthieu 11.15 Matthieu 13.9 Apocalypse 2.29 Apocalypse 2.7 Apocalypse 2.11