Matrimoniu è divorziu
1 Quandu Ghjesù ebbe compiu di parlà, lasciò a Galilea è pigliò i cunfini di a Ghjudea, da Ghjurdanu in dà.
Jean 10.40 Marc 10.1-10.12 Matthieu 7.28 Matthieu 19.1-19.9
2 C’eranu e manse di a ghjente chì andavanu cun ellu, è culà, ellu guaria i malati.
Matthieu 12.15 Matthieu 4.23-4.25 Marc 6.55-6.56 Matthieu 15.30-15.31 Matthieu 14.35-14.36
3 Unepochi di Farusei u vulianu mette à u provu ; s’avvicinonu è li chersenu : « serà lecitu chì un omu si spichi da a moglia per n’importa chì mutivu ? »
Marc 10.2 Hébreux 3.9 Jean 8.6 Matthieu 22.16-22.18 Malachie 2.14-2.16
4 Ghjesù rispose è disse : « ùn avete lettu chì u creatore à u principiu
i fece maschju è femina’
Genèse 1.27 Genèse 5.2 Genèse 2.18 Luc 10.26 Genèse 2.23
5 è ch’ellu disse :
per via di què, l’omu lascerà babbu è mamma è s’uniscerà à a moglia, è tremindui faranu una persona sola.’
1 Corinthiens 6.16 Ephésiens 5.31 Genèse 2.21-2.24 1 Rois 11.2 1 Samuel 18.1
6 Cusì i dui ùn sò più dui ma una persona sola. Allora chì l’omu si guardi di spiccà ciò ch’ellu hà adunitu Diu ! »
Romains 7.2 Marc 10.9 Proverbes 2.17 1 Corinthiens 7.10-7.14 Malachie 2.14
7 Li si dumandò : « è cumu hè chì Musè hà cumandatu di
dà un certificatu di separazionequand’omu si spicca’ ? »
Deutéronome 24.1-24.4 Matthieu 5.31 Matthieu 1.19 Malachie 2.16 Jérémie 3.8
8 Ghjesù rispose : « ghjè perchè v’avete u core duru chì Musè v’hà permessu di spiccà vi da e vostre moglie ; ma à u principiu, ùn era cusì.
Malachie 2.13-2.14 Psaumes 95.8 Jérémie 6.16 Genèse 7.7 Zacharie 7.12
9 Da veru, a vi dicu : cacciatu ne u casu d’unioni for di lege, sì qualchì sia si spicca da a moglia è si ne piglia una antra, tandu face l’adulteriu. »
Matthieu 5.32 1 Corinthiens 7.39 Luc 16.18 Jérémie 3.8 1 Corinthiens 7.10-7.13
Matrimoniu è celibatu
10 Allora i discepuli li dissenu : « s’ella hè què a cundizione di l’omu maritatu, hè megliu à ùn marità si. »
1 Timothée 4.3 Genèse 2.18 Proverbes 21.9 1 Corinthiens 7.8 1 Corinthiens 7.39-7.40
11 Ghjesù li rispose : « Ùn lu capiscenu micca tutti st’insignamentu, ma solu quelli chì sò capaci.
1 Corinthiens 7.17 1 Corinthiens 7.35 1 Corinthiens 7.2 Matthieu 13.11 1 Corinthiens 7.7-7.9
12 Per ch’elli ùn piglinu moglia certi omi ci sò parechji mutivi : ci sò chì nascenu incapaci di marità si ; ci sò chì diventanu incapaci per via di l’omi chì i facenu incapaci ; è po ci sò chì anu vulsutu cusì per serve megliu a causa di u regnu di i celi. À chì pò capì ch’ellu capischi. »
Esaïe 56.3-56.4 1 Corinthiens 9.5 1 Corinthiens 9.15 1 Corinthiens 7.32-7.38 Esaïe 39.7
Ghjesù accoglie i zitelli
13 Allora unepoche di ghjente li purtonu i so zitelli per ch’ellu li impunissi i mani è ch’ellu prichessi per elli. Ma i discepuli i liticonu.
1 Samuel 1.24 Marc 10.13-10.16 Psaumes 115.14-115.15 Jérémie 32.39 Genèse 48.9-48.20
14 Ghjesù disse : « lasceti sti zitelli, ùn l’impedite di vene ind’è mè, chì u regnu di i celi hè da i pari soi. »
Matthieu 18.3 Luc 18.16-18.17 1 Corinthiens 14.20 Juges 13.7 Genèse 17.7-17.8
15 È dopu d’avè li impostu i mani in capu, si n’andò.
1 Corinthiens 7.14 Esaïe 40.11 2 Timothée 3.15 Marc 10.16
Ghjesù è u giuvanottu riccu
16 Unu s’avvicinò da Ghjesù è li cherse : « Maestru, chì averaghju da fà di bonu per avè a vita eterna ? »
Matthieu 25.46 Jean 3.15 Jude 1.21 1 Jean 1.2 Marc 10.17-10.30
17 Ghjesù li disse : « chì mi dumandi di u bonu ? Bonu hè unu solu. Ma sì tù voli entre in a vita eterna, rispetta i cumandamenti. »
Lévitique 18.5 1 Jean 4.16 Romains 10.5 1 Jean 4.8-4.10 Psaumes 52.1
18 « Qualessi ? » Disse quellu. Allora Ghjesù rispose :
Ùn tumberai micca ;
ùn ferai micca adulteriu ;
ùn arrubberai micca ;
ùn ferai micca false testimunianze ; Galates 3.10 Jacques 2.10-2.11 Deutéronome 5.16-5.21 Exode 20.12-20.17 Luc 18.20
19 rispetterai à babbitu è à mammata ;
u to prossimu, u tenerai caru quantè à tè stessu.’
Lévitique 19.18 Matthieu 22.39 Jacques 2.8 Exode 20.12 Deutéronome 5.16
20 Quellu Giovanu li disse : « tutti sti cumandamenti, l’aghju sempre rispettati. Chì mi manca dinò ? »
Philippiens 3.6 Marc 10.20-10.21 Romains 3.19-3.23 Luc 15.7 Luc 18.21-18.22
21 Ghjesù li rispose : « par esse propiu parfettu, piglia è vendi tuttu u toiu, dà i soldi à i povari, è buscherai un tesoru in i celi. È po veni è seguita à mè ! »
Marc 10.21 Actes 2.45 Luc 12.33 Luc 16.9 Matthieu 5.48
22 Sentendu què, u giuvanottu si n’andò cuntristatu, perchè avia ricchezze assai.
Ezéchiel 33.31 Matthieu 13.22 Marc 10.22 Matthieu 6.24 Luc 18.23
23 Tandu Ghjesù disse à i discepuli : « da veru, a vi dicu, un riccu serà difficiule ch’ellu entri in u regnu di i celi.
Matthieu 13.22 Marc 10.23 1 Corinthiens 1.26 1 Timothée 6.9-6.10 Luc 18.24
24 A vi dicu dinò, hà da entre più faciule un camellu pè una cruna d’acu chè un riccu in u Regnu di Diu. »
Jérémie 13.23 Luc 18.25 Matthieu 19.26 Marc 10.24-10.25 Jean 5.44
25 I discepuli firmonu cummossi assai da e so parolle, è dicianu : « ma allora quale si pudarà mai salvà ? »
Romains 11.5-11.7 Matthieu 24.22 Luc 13.23-13.24 Marc 13.20 Romains 10.13
26 Ghjesù i fighjulò è rispose : « per l’omi, hè cosa impussibule, ma per Diu hè pussibule tuttu. »
Job 42.2 Jérémie 32.27 Luc 1.37 Luc 18.27 Marc 10.27
27 Allora Petru li disse : « è noi, chì avemu lasciatu tuttu per seguità ti, chì ci averà da accade ? »
Philippiens 3.8 Luc 15.29 Matthieu 20.10-20.12 Marc 2.14 Luc 5.11
28 Ghjesù disse : « a vi dicu da veru, quand’ella serà l’ora di u rinnovu d’ogni cosa, quandu u Figliolu di l’Omu pusarà nantu à u tronu gluriosu, voi chì m’avete seguitatu puserete nantu à dodeci troni per ghjudicà e dodeci tribù d’Israele.
Apocalypse 3.21 Matthieu 25.31 Apocalypse 21.5 Matthieu 20.21 Luc 22.28-22.30
29 È tutti quelli chì averanu lasciatu case è chjosi, fratelli, surelle, babbu è mamma, per via di u mo nome, anu da riceve centu volti di più è tuccheranu, da lascita, una vita eterna.
Luc 18.29-18.30 Luc 14.26 Philippiens 3.8 Matthieu 16.25 Marc 10.29-10.30
30 Parechji chì sò i primi seranu l’ultimi è l’ultimi seranu i primi. »
Luc 13.30 Marc 10.31 Matthieu 20.16 Matthieu 21.31-21.32 Romains 9.30-9.33