Proverbes 29.24
Biblia Hebraica Stuttgartensia

Des attitudes opposées

¹ אִ֣ישׁ תֹּ֭וכָחֹות מַקְשֶׁה־עֹ֑רֶף פֶּ֥תַע יִ֝שָּׁבֵ֗ר וְאֵ֣ין מַרְפֵּֽא׃
Proverbes 6.15 1 Samuel 2.25 Proverbes 1.24-1.31 Jean 13.18 1 Rois 18.18
² בִּרְבֹ֣ות צַ֭דִּיקִים יִשְׂמַ֣ח הָעָ֑ם וּבִמְשֹׁ֥ל רָ֝שָׁ֗ע יֵאָ֥נַֽח עָֽם׃
Esther 8.15 Proverbes 28.12 Proverbes 11.10 Proverbes 28.28 Esther 3.15
³ אִֽישׁ־אֹהֵ֣ב חָ֭כְמָה יְשַׂמַּ֣ח אָבִ֑יו וְרֹעֶ֥ה זֹ֝ונֹ֗ות יְאַבֶּד־הֹֽון׃
Luc 15.30 Proverbes 10.1 Luc 15.13 Proverbes 6.26 Proverbes 15.20
⁴ מֶ֗לֶךְ בְּ֭מִשְׁפָּט יַעֲמִ֣יד אָ֑רֶץ וְאִ֖ישׁ תְּרוּמֹ֣ות יֶֽהֶרְסֶֽנָּה׃
Proverbes 29.14 Proverbes 8.15 1 Rois 2.12 Proverbes 20.8 Daniel 11.20
⁵ גֶּ֭בֶר מַחֲלִ֣יק עַל־רֵעֵ֑הוּ רֶ֝֗שֶׁת פֹּורֵ֥שׂ עַל־פְּעָמָֽיו׃
Psaumes 5.9 Psaumes 12.2 Proverbes 20.19 Lamentations 1.13 1 Thessaloniciens 2.5
⁶ בְּפֶ֤שַֽׁע אִ֣ישׁ רָ֣ע מֹוקֵ֑שׁ וְ֝צַדִּ֗יק יָר֥וּן וְשָׂמֵֽחַ׃
Proverbes 12.13 Psaumes 132.16 Exode 15.1 Romains 5.2-5.3 Psaumes 118.15
⁷ יֹדֵ֣עַ צַ֭דִּיק דִּ֣ין דַּלִּ֑ים רָ֝שָׁ֗ע לֹא־יָבִ֥ין דָּֽעַת׃
Job 29.16 Psaumes 41.1 Proverbes 31.8-31.9 Proverbes 21.13 Job 31.21
⁸ אַנְשֵׁ֣י לָ֭צֹון יָפִ֣יחוּ קִרְיָ֑ה וַ֝חֲכָמִ֗ים יָשִׁ֥יבוּ אָֽף׃
Proverbes 11.11 1 Thessaloniciens 2.15-2.16 Deutéronome 9.18-9.20 Esaïe 28.14-28.22 Nombres 16.48
⁹ אִֽישׁ־חָכָ֗ם נִ֭שְׁפָּט אֶת־אִ֣ישׁ אֱוִ֑יל וְרָגַ֥ז וְ֝שָׂחַ֗ק וְאֵ֣ין נָֽחַת׃
Ecclésiaste 10.13 Proverbes 26.4 Matthieu 7.6 Matthieu 11.17-11.19
¹⁰ אַנְשֵׁ֣י דָ֭מִים יִשְׂנְאוּ־תָ֑ם וִֽ֝ישָׁרִ֗ים יְבַקְשׁ֥וּ נַפְשֹֽׁו׃
Genèse 4.5-4.8 Jérémie 13.15-13.17 Actes 7.60 Luc 23.34 Jean 5.34
¹¹ כָּל־ר֭וּחֹו יֹוצִ֣יא כְסִ֑יל וְ֝חָכָ֗ם בְּאָחֹ֥ור יְשַׁבְּחֶֽנָּה׃
Proverbes 12.16 Juges 16.17 Proverbes 19.11 Proverbes 14.33 Proverbes 12.23
¹² מֹ֭שֵׁל מַקְשִׁ֣יב עַל־דְּבַר־שָׁ֑קֶר כָּֽל־מְשָׁרְתָ֥יו רְשָׁעִֽים׃
2 Samuel 4.5-4.12 Proverbes 20.8 Psaumes 101.5-101.7 Proverbes 25.23 1 Samuel 22.8-22.23
¹³ רָ֤שׁ וְאִ֣ישׁ תְּכָכִ֣ים נִפְגָּ֑שׁוּ מֵ֤אִיר־עֵינֵ֖י שְׁנֵיהֶ֣ם יְהוָֽה׃
Proverbes 22.2 Psaumes 13.3 Matthieu 5.45 Exode 22.25-22.26 Néhémie 5.5-5.7
¹⁴ מֶ֤לֶךְ שֹׁופֵ֣ט בֶּֽאֱמֶ֣ת דַּלִּ֑ים כִּ֝סְאֹ֗ו לָעַ֥ד יִכֹּֽון׃
Proverbes 16.12 Proverbes 29.4 Proverbes 25.5 Esaïe 11.4 Psaumes 72.2-72.4
¹⁵ שֵׁ֣בֶט וְ֭תֹוכַחַת יִתֵּ֣ן חָכְמָ֑ה וְנַ֥עַר מְ֝שֻׁלָּ֗ח מֵבִ֥ישׁ אִמֹּֽו׃
Proverbes 17.25 Proverbes 10.1 Proverbes 22.15 Proverbes 17.21 Proverbes 22.6
¹⁶ בִּרְבֹ֣ות רְ֭שָׁעִים יִרְבֶּה־פָּ֑שַׁע וְ֝צַדִּיקִ֗ים בְּֽמַפַּלְתָּ֥ם יִרְאֽוּ׃
Psaumes 58.10 Psaumes 92.11 Psaumes 37.36 Psaumes 91.8 Psaumes 37.34
¹⁷ יַסֵּ֣ר בִּ֭נְךָ וִֽינִיחֶ֑ךָ וְיִתֵּ֖ן מַעֲדַנִּ֣ים לְנַפְשֶֽׁךָ׃ פ
Proverbes 13.24 Proverbes 29.15 Proverbes 10.1 Proverbes 19.18 Proverbes 22.15
¹⁸ בְּאֵ֣ין חָ֭זֹון יִפָּ֣רַֽע עָ֑ם וְשֹׁמֵ֖ר תֹּורָ֣ה אַשְׁרֵֽהוּ׃
Jacques 1.25 Luc 11.28 1 Samuel 3.1 Matthieu 9.36 Romains 10.13-10.15
¹⁹ בִּ֭דְבָרִים לֹא־יִוָּ֣סֶר עָ֑בֶד כִּֽי־יָ֝בִ֗ין וְאֵ֣ין מַעֲנֶֽה׃
Proverbes 30.22 Job 19.16 Proverbes 26.3
²⁰ חָזִ֗יתָ אִ֭ישׁ אָ֣ץ בִּדְבָרָ֑יו תִּקְוָ֖ה לִכְסִ֣יל מִמֶּֽנּוּ׃
Jacques 1.19 Proverbes 26.12 Ecclésiaste 5.2 Proverbes 14.29 Proverbes 21.5
²¹ מְפַנֵּ֣ק מִנֹּ֣עַר עַבְדֹּ֑ו וְ֝אַחֲרִיתֹ֗ו יִהְיֶ֥ה מָנֹֽון׃
²² אִֽישׁ־אַ֭ף יְגָרֶ֣ה מָדֹ֑ון וּבַ֖עַל חֵמָ֣ה רַב־פָּֽשַׁע׃
Proverbes 15.18 Proverbes 17.19 Proverbes 26.21 Proverbes 22.24 Proverbes 14.17
²³ גַּאֲוַ֣ת אָ֭דָם תַּשְׁפִּילֶ֑נּוּ וּשְׁפַל־ר֝֗וּחַ יִתְמֹ֥ךְ כָּבֹֽוד׃
Matthieu 23.12 Luc 14.11 Esaïe 66.2 Proverbes 11.2 1 Pierre 5.5
²⁴ חֹולֵ֣ק עִם־גַּ֭נָּב שֹׂונֵ֣א נַפְשֹׁ֑ו אָלָ֥ה יִ֝שְׁמַ֗ע וְלֹ֣א יַגִּֽיד׃
Lévitique 5.1 Proverbes 8.36 Proverbes 6.32 Proverbes 15.32 Marc 11.17
²⁵ חֶרְדַּ֣ת אָ֭דָם יִתֵּ֣ן מֹוקֵ֑שׁ וּבֹוטֵ֖חַ בַּיהוָ֣ה יְשֻׂגָּֽב׃
Luc 12.4 Psaumes 91.14 Psaumes 118.8 Proverbes 18.10 Proverbes 16.20
²⁶ רַ֭בִּים מְבַקְשִׁ֣ים פְּנֵי־מֹושֵׁ֑ל וּ֝מֵיְהוָ֗ה מִשְׁפַּט־אִֽישׁ׃
Proverbes 19.6 Psaumes 20.9 Néhémie 1.11 Proverbes 16.7 1 Corinthiens 4.4
²⁷ תֹּועֲבַ֣ת צַ֭דִּיקִים אִ֣ישׁ עָ֑וֶל וְתֹועֲבַ֖ת רָשָׁ֣ע יְשַׁר־דָּֽרֶךְ׃ פ
Psaumes 139.21 1 Jean 3.13 Proverbes 29.10 Jean 7.7 Psaumes 119.115