Psaumes 71.2
Biblia Hebraica Stuttgartensia

Prière confiante d’un vieil homme persécuté

¹ בְּךָֽ־יְהוָ֥ה חָסִ֑יתִי אַל־אֵבֹ֥ושָׁה לְעֹולָֽם׃
Psaumes 31.1-31.3 Psaumes 25.2-25.3 Psaumes 125.1 1 Chroniques 5.20 Jérémie 17.18
² בְּצִדְקָתְךָ֗ תַּצִּילֵ֥נִי וּֽתְפַלְּטֵ֑נִי הַטֵּֽה־אֵלַ֥י אָ֝זְנְךָ֗ וְהֹושִׁיעֵֽנִי׃
Psaumes 17.6 Psaumes 31.1 Psaumes 143.1 Psaumes 43.1 Psaumes 34.15
³ הֱיֵ֤ה לִ֨י׀ לְצ֥וּר מָעֹ֡ון לָבֹ֗וא תָּמִ֗יד צִוִּ֥יתָ לְהֹושִׁיעֵ֑נִי כִּֽי־סַלְעִ֖י וּמְצוּדָתִ֣י אָֽתָּה׃
Psaumes 18.2 Psaumes 31.2-31.3 Psaumes 44.4 Psaumes 68.28 Psaumes 91.11-91.12
⁴ אֱֽלֹהַ֗י פַּ֭לְּטֵנִי מִיַּ֣ד רָשָׁ֑ע מִכַּ֖ף מְעַוֵּ֣ל וְחֹומֵץ׃
2 Samuel 16.21-16.22 2 Samuel 17.12-17.14 2 Samuel 17.21 Psaumes 17.8-17.9 2 Samuel 17.1-17.2
⁵ כִּֽי־אַתָּ֥ה תִקְוָתִ֑י אֲדֹנָ֥י יְ֝הוִ֗ה מִבְטַחִ֥י מִנְּעוּרָֽי׃
Jérémie 17.7 Jérémie 17.13 Psaumes 71.17 Jérémie 17.17 Psaumes 39.7
⁶ עָלֶ֤יךָ׀ נִסְמַ֬כְתִּי מִבֶּ֗טֶן מִמְּעֵ֣י אִ֭מִּי אַתָּ֣ה גֹוזִ֑י בְּךָ֖ תְהִלָּתִ֣י תָמִֽיד׃
Psaumes 22.9-22.10 Psaumes 139.15-139.16 Jérémie 1.5 Psaumes 34.1 Esaïe 49.5
⁷ כְּ֭מֹופֵת הָיִ֣יתִי לְרַבִּ֑ים וְ֝אַתָּ֗ה מַֽחֲסִי־עֹֽז׃
Esaïe 8.18 1 Corinthiens 4.9 Zacharie 3.6 Actes 4.13 Psaumes 62.7
⁸ יִמָּ֣לֵא פִ֭י תְּהִלָּתֶ֑ךָ כָּל־הַ֝יֹּ֗ום תִּפְאַרְתֶּֽךָ׃
Psaumes 146.2 Psaumes 35.28 Psaumes 104.1 Psaumes 71.24 Psaumes 145.1-145.2
⁹ אַֽל־תַּ֭שְׁלִיכֵנִי לְעֵ֣ת זִקְנָ֑ה כִּכְלֹ֥ות כֹּ֝חִ֗י אַֽל־תַּעַזְבֵֽנִי׃
Psaumes 71.18 Esaïe 46.4 Psaumes 90.10 Psaumes 92.13-92.15 2 Timothée 1.12
¹⁰ כִּֽי־אָמְר֣וּ אֹויְבַ֣י לִ֑י וְשֹׁמְרֵ֥י נַ֝פְשִׁ֗י נֹועֲצ֥וּ יַחְדָּֽו׃
Psaumes 56.6 Matthieu 27.1 Psaumes 83.3 Psaumes 37.32-37.33 1 Samuel 19.11
¹¹ לֵ֭אמֹר אֱלֹהִ֣ים עֲזָבֹ֑ו רִֽדְפ֥וּ וְ֝תִפְשׂ֗וּהוּ כִּי־אֵ֥ין מַצִּֽיל׃
Psaumes 7.2 Psaumes 3.2 Matthieu 27.49 2 Chroniques 32.13-32.14 Psaumes 50.22
¹² אֱ֭לֹהִים אַל־תִּרְחַ֣ק מִמֶּ֑נִּי אֱ֝לֹהַ֗י לְעֶזְרָ֥תִי חֽוּשָׁה׃
Psaumes 38.21-38.22 Psaumes 35.22 Psaumes 22.11 Psaumes 40.13 Psaumes 143.7
¹³ יֵבֹ֣שׁוּ יִכְלוּ֮ שֹׂטְנֵ֪י נַ֫פְשִׁ֥י יַֽעֲט֣וּ חֶ֭רְפָּה וּכְלִמָּ֑ה מְ֝בַקְשֵׁ֗י רָעָתִֽי׃
Psaumes 109.29 Psaumes 71.24 Psaumes 35.4 Psaumes 35.26 Psaumes 6.10
¹⁴ וַ֭אֲנִי תָּמִ֣יד אֲיַחֵ֑ל וְ֝הֹוסַפְתִּ֗י עַל־כָּל־תְּהִלָּתֶֽךָ׃
1 Jean 3.3 Lamentations 3.26 Psaumes 43.5 1 Pierre 1.13 Lamentations 3.21
¹⁵ פִּ֤י׀ יְסַפֵּ֬ר צִדְקָתֶ֗ךָ כָּל־הַיֹּ֥ום תְּשׁוּעָתֶ֑ךָ כִּ֤י לֹ֖א יָדַ֣עְתִּי סְפֹרֹֽות׃
Psaumes 40.5 Psaumes 35.28 Psaumes 71.8 Psaumes 89.16 Psaumes 145.2
¹⁶ אָבֹ֗וא בִּ֭גְבֻרֹות אֲדֹנָ֣י יְהוִ֑ה אַזְכִּ֖יר צִדְקָתְךָ֣ לְבַדֶּֽךָ׃
Psaumes 51.14 Psaumes 106.2 Deutéronome 33.25 Zacharie 10.12 Esaïe 45.24-45.25
¹⁷ אֱֽלֹהִ֗ים לִמַּדְתַּ֥נִי מִנְּעוּרָ֑י וְעַד־הֵ֝֗נָּה אַגִּ֥יד נִפְלְאֹותֶֽיךָ׃
1 Samuel 17.36-17.37 Psaumes 71.5 2 Samuel 22.1-22.51 Deutéronome 4.5 Psaumes 26.7
¹⁸ וְגַ֤ם עַד־זִקְנָ֨ה׀ וְשֵׂיבָה֮ אֱלֹהִ֪ים אַֽל־תַּעַ֫זְבֵ֥נִי עַד־אַגִּ֣יד זְרֹועֲךָ֣ לְדֹ֑ור לְכָל־יָ֝בֹ֗וא גְּבוּרָתֶֽךָ׃
Psaumes 71.9 Esaïe 46.4 Psaumes 78.4 Psaumes 78.6 Psaumes 22.31
¹⁹ וְצִדְקָתְךָ֥ אֱלֹהִ֗ים עַד־מָ֫רֹ֥ום אֲשֶׁר־עָשִׂ֥יתָ גְדֹלֹ֑ות אֱ֝לֹהִ֗ים מִ֣י כָמֹֽוךָ׃
Psaumes 35.10 Psaumes 57.10 Psaumes 36.5-36.6 Psaumes 89.6-89.8 Esaïe 55.9
²⁰ אֲשֶׁ֤ר הִרְאִיתַ֨נִי ׀ צָרֹ֥ות רַבֹּ֗ות וְרָ֫עֹ֥ות תָּשׁ֥וּב תְּחַיֵּ֑ינִי וּֽמִתְּהֹמֹ֥ות הָ֝אָ֗רֶץ תָּשׁ֥וּב תַּעֲלֵֽנִי׃
Psaumes 138.7 Osée 6.1-6.2 Psaumes 60.3 Psaumes 80.18 Jonas 2.6
²¹ תֶּ֤רֶב׀ גְּֽדֻלָּתִ֗י וְתִסֹּ֥ב תְּֽנַחֲמֵֽנִי׃
2 Samuel 3.1 Esaïe 49.13 Esaïe 9.7 1 Thessaloniciens 3.9 Psaumes 32.10
²² גַּם־אֲנִ֤י׀ אֹודְךָ֣ בִכְלִי־נֶבֶל֮ אֲמִתְּךָ֪ אֱלֹ֫הָ֥י אֲזַמְּרָ֣ה לְךָ֣ בְכִנֹּ֑ור קְ֝דֹ֗ושׁ יִשְׂרָאֵֽל׃
2 Rois 19.22 Psaumes 89.18 Psaumes 33.2 Psaumes 92.1-92.3 Esaïe 60.9
²³ תְּרַנֵּ֣נָּ֣ה שְׂ֭פָתַי כִּ֣י אֲזַמְּרָה־לָּ֑ךְ וְ֝נַפְשִׁ֗י אֲשֶׁ֣ר פָּדִֽיתָ׃
Psaumes 103.4 Psaumes 104.33 Genèse 48.16 Psaumes 63.5 Apocalypse 5.9
²⁴ גַּם־לְשֹׁונִ֗י כָּל־הַ֭יֹּום תֶּהְגֶּ֣ה צִדְקָתֶ֑ךָ כִּי־בֹ֥שׁוּ כִֽי־חָ֝פְר֗וּ מְבַקְשֵׁ֥י רָעָתִֽי׃
Psaumes 71.13 Psaumes 35.28 1 Corinthiens 15.25 Psaumes 18.37-18.43 Psaumes 71.15