Psaumes 71
Biblia Hebraica Stuttgartensia

Prière confiante d’un vieil homme persécuté

1 בְּךָֽ־יְהוָ֥ה חָסִ֑יתִי אַל־אֵבֹ֥ושָׁה לְעֹולָֽם׃
Psaumes 31.1-31.3 Psaumes 25.2-25.3 Psaumes 125.1 1 Pierre 2.6 1 Chroniques 5.20
2 בְּצִדְקָתְךָ֗ תַּצִּילֵ֥נִי וּֽתְפַלְּטֵ֑נִי הַטֵּֽה־אֵלַ֥י אָ֝זְנְךָ֗ וְהֹושִׁיעֵֽנִי׃
Psaumes 17.6 Psaumes 31.1 Psaumes 143.1 Psaumes 43.1 Psaumes 34.15
3 הֱיֵ֤ה לִ֨י׀ לְצ֥וּר מָעֹ֡ון לָבֹ֗וא תָּמִ֗יד צִוִּ֥יתָ לְהֹושִׁיעֵ֑נִי כִּֽי־סַלְעִ֖י וּמְצוּדָתִ֣י אָֽתָּה׃
Psaumes 18.2 Psaumes 31.2-31.3 Psaumes 44.4 Psaumes 68.28 Psaumes 91.11-91.12
4 אֱֽלֹהַ֗י פַּ֭לְּטֵנִי מִיַּ֣ד רָשָׁ֑ע מִכַּ֖ף מְעַוֵּ֣ל וְחֹומֵץ׃
Psaumes 140.1-140.4 2 Samuel 16.21-16.22 2 Samuel 17.12-17.14 2 Samuel 17.21 Psaumes 17.8-17.9
5 כִּֽי־אַתָּ֥ה תִקְוָתִ֑י אֲדֹנָ֥י יְ֝הוִ֗ה מִבְטַחִ֥י מִנְּעוּרָֽי׃
Jérémie 17.7 Jérémie 17.13 1 Samuel 17.45-17.47 Psaumes 71.17 Jérémie 17.17
6 עָלֶ֤יךָ׀ נִסְמַ֬כְתִּי מִבֶּ֗טֶן מִמְּעֵ֣י אִ֭מִּי אַתָּ֣ה גֹוזִ֑י בְּךָ֖ תְהִלָּתִ֣י תָמִֽיד׃
Psaumes 22.9-22.10 Psaumes 139.15-139.16 Jérémie 1.5 Psaumes 34.1 Esaïe 49.5
7 כְּ֭מֹופֵת הָיִ֣יתִי לְרַבִּ֑ים וְ֝אַתָּ֗ה מַֽחֲסִי־עֹֽז׃
Esaïe 8.18 1 Corinthiens 4.9 2 Corinthiens 4.8-4.12 Zacharie 3.6 Actes 4.13
8 יִמָּ֣לֵא פִ֭י תְּהִלָּתֶ֑ךָ כָּל־הַ֝יֹּ֗ום תִּפְאַרְתֶּֽךָ׃
Psaumes 35.28 Psaumes 146.2 Psaumes 104.1 Psaumes 71.24 Psaumes 145.1-145.2
9 אַֽל־תַּ֭שְׁלִיכֵנִי לְעֵ֣ת זִקְנָ֑ה כִּכְלֹ֥ות כֹּ֝חִ֗י אַֽל־תַּעַזְבֵֽנִי׃
Esaïe 46.4 Psaumes 71.18 Psaumes 90.10 Psaumes 92.13-92.15 2 Timothée 1.12
10 כִּֽי־אָמְר֣וּ אֹויְבַ֣י לִ֑י וְשֹׁמְרֵ֥י נַ֝פְשִׁ֗י נֹועֲצ֥וּ יַחְדָּֽו׃
Psaumes 56.6 Psaumes 83.3 Matthieu 27.1 Psaumes 37.32-37.33 1 Samuel 19.11
11 לֵ֭אמֹר אֱלֹהִ֣ים עֲזָבֹ֑ו רִֽדְפ֥וּ וְ֝תִפְשׂ֗וּהוּ כִּי־אֵ֥ין מַצִּֽיל׃
Psaumes 7.2 Psaumes 3.2 Psaumes 37.25 Matthieu 27.49 2 Chroniques 32.13-32.14
12 אֱ֭לֹהִים אַל־תִּרְחַ֣ק מִמֶּ֑נִּי אֱ֝לֹהַ֗י לְעֶזְרָ֥תִי חֽוּשָׁה׃
Psaumes 38.21-38.22 Psaumes 35.22 Psaumes 22.11 Psaumes 69.18 Psaumes 40.13
13 יֵבֹ֣שׁוּ יִכְלוּ֮ שֹׂטְנֵ֪י נַ֫פְשִׁ֥י יַֽעֲט֣וּ חֶ֭רְפָּה וּכְלִמָּ֑ה מְ֝בַקְשֵׁ֗י רָעָתִֽי׃
Psaumes 109.29 Psaumes 71.24 Psaumes 35.4 Psaumes 35.26 Psaumes 40.14-40.15
14 וַ֭אֲנִי תָּמִ֣יד אֲיַחֵ֑ל וְ֝הֹוסַפְתִּ֗י עַל־כָּל־תְּהִלָּתֶֽךָ׃
1 Jean 3.3 Lamentations 3.26 Philippiens 1.9 Psaumes 43.5 1 Pierre 1.13
15 פִּ֤י׀ יְסַפֵּ֬ר צִדְקָתֶ֗ךָ כָּל־הַיֹּ֥ום תְּשׁוּעָתֶ֑ךָ כִּ֤י לֹ֖א יָדַ֣עְתִּי סְפֹרֹֽות׃
Psaumes 40.5 Psaumes 35.28 Psaumes 71.8 Psaumes 89.16 Psaumes 145.2
16 אָבֹ֗וא בִּ֭גְבֻרֹות אֲדֹנָ֣י יְהוִ֑ה אַזְכִּ֖יר צִדְקָתְךָ֣ לְבַדֶּֽךָ׃
Psaumes 51.14 Romains 3.21 Romains 1.17 Psaumes 106.2 Deutéronome 33.25
17 אֱֽלֹהִ֗ים לִמַּדְתַּ֥נִי מִנְּעוּרָ֑י וְעַד־הֵ֝֗נָּה אַגִּ֥יד נִפְלְאֹותֶֽיךָ׃
Psaumes 119.102 1 Samuel 17.36-17.37 Psaumes 71.5 2 Samuel 22.1-22.51 Deutéronome 4.5
18 וְגַ֤ם עַד־זִקְנָ֨ה׀ וְשֵׂיבָה֮ אֱלֹהִ֪ים אַֽל־תַּעַ֫זְבֵ֥נִי עַד־אַגִּ֣יד זְרֹועֲךָ֣ לְדֹ֑ור לְכָל־יָ֝בֹ֗וא גְּבוּרָתֶֽךָ׃
Psaumes 71.9 Esaïe 46.4 Psaumes 78.4 Exode 13.8 Psaumes 78.6
19 וְצִדְקָתְךָ֥ אֱלֹהִ֗ים עַד־מָ֫רֹ֥ום אֲשֶׁר־עָשִׂ֥יתָ גְדֹלֹ֑ות אֱ֝לֹהִ֗ים מִ֣י כָמֹֽוךָ׃
Psaumes 35.10 Psaumes 57.10 Psaumes 36.5-36.6 Psaumes 89.6-89.8 Esaïe 55.9
20 אֲשֶׁ֤ר הִרְאִיתַ֨נִי ׀ צָרֹ֥ות רַבֹּ֗ות וְרָ֫עֹ֥ות תָּשׁ֥וּב תְּחַיֵּ֑ינִי וּֽמִתְּהֹמֹ֥ות הָ֝אָ֗רֶץ תָּשׁ֥וּב תַּעֲלֵֽנִי׃
Psaumes 138.7 Osée 6.1-6.2 Psaumes 60.3 Psaumes 80.18 Jonas 2.6
21 תֶּ֤רֶב׀ גְּֽדֻלָּתִ֗י וְתִסֹּ֥ב תְּֽנַחֲמֵֽנִי׃
2 Samuel 3.1 2 Corinthiens 7.13 Esaïe 49.13 Esaïe 9.7 1 Thessaloniciens 3.9
22 גַּם־אֲנִ֤י׀ אֹודְךָ֣ בִכְלִי־נֶבֶל֮ אֲמִתְּךָ֪ אֱלֹ֫הָ֥י אֲזַמְּרָ֣ה לְךָ֣ בְכִנֹּ֑ור קְ֝דֹ֗ושׁ יִשְׂרָאֵֽל׃
2 Rois 19.22 Psaumes 89.18 Psaumes 33.2 Psaumes 92.1-92.3 Esaïe 60.9
23 תְּרַנֵּ֣נָּ֣ה שְׂ֭פָתַי כִּ֣י אֲזַמְּרָה־לָּ֑ךְ וְ֝נַפְשִׁ֗י אֲשֶׁ֣ר פָּדִֽיתָ׃
Psaumes 103.4 Psaumes 104.33 2 Samuel 4.9 Genèse 48.16 Psaumes 63.5
24 גַּם־לְשֹׁונִ֗י כָּל־הַ֭יֹּום תֶּהְגֶּ֣ה צִדְקָתֶ֑ךָ כִּי־בֹ֥שׁוּ כִֽי־חָ֝פְר֗וּ מְבַקְשֵׁ֥י רָעָתִֽי׃
Psaumes 71.13 Psaumes 35.28 1 Corinthiens 15.25 Psaumes 18.37-18.43 Psaumes 71.15