Psaumes 71
Biblia Hebraica Stuttgartensia

¹ בְּךָֽ־יְהוָ֥ה חָסִ֑יתִי אַל־אֵבֹ֥ושָׁה לְעֹולָֽם׃ Psaumes 31.1-31.3 Psaumes 25.2-25.3 Psaumes 125.1 Romains 9.33 Esaïe 45.17
² בְּצִדְקָתְךָ֗ תַּצִּילֵ֥נִי וּֽתְפַלְּטֵ֑נִי הַטֵּֽה־אֵלַ֥י אָ֝זְנְךָ֗ וְהֹושִׁיעֵֽנִי׃ Psaumes 17.6 Psaumes 31.1 Psaumes 10.17-10.18 1 Corinthiens 10.13 Daniel 9.16
³ הֱיֵ֤ה לִ֨י׀ לְצ֥וּר מָעֹ֡ון לָבֹ֗וא תָּמִ֗יד צִוִּ֥יתָ לְהֹושִׁיעֵ֑נִי כִּֽי־סַלְעִ֖י וּמְצוּדָתִ֣י אָֽתָּה׃ Psaumes 18.2 Psaumes 31.2-31.3 Psaumes 44.4 Psaumes 91.9 Psaumes 90.1
⁴ אֱֽלֹהַ֗י פַּ֭לְּטֵנִי מִיַּ֣ד רָשָׁ֑ע מִכַּ֖ף מְעַוֵּ֣ל וְחֹומֵץ׃ 2 Samuel 17.1-17.2 Psaumes 17.13 Psaumes 59.1-59.2 Psaumes 140.1-140.4 2 Samuel 16.21-16.22
⁵ כִּֽי־אַתָּ֥ה תִקְוָתִ֑י אֲדֹנָ֥י יְ֝הוִ֗ה מִבְטַחִ֥י מִנְּעוּרָֽי׃ Jérémie 17.13 Jérémie 17.7 Jérémie 17.17 Psaumes 39.7 1 Samuel 17.45-17.47
⁶ עָלֶ֤יךָ׀ נִסְמַ֬כְתִּי מִבֶּ֗טֶן מִמְּעֵ֣י אִ֭מִּי אַתָּ֣ה גֹוזִ֑י בְּךָ֖ תְהִלָּתִ֣י תָמִֽיד׃ Psaumes 22.9-22.10 Psaumes 139.15-139.16 Jérémie 1.5 Psaumes 34.1 Esaïe 49.5
⁷ כְּ֭מֹופֵת הָיִ֣יתִי לְרַבִּ֑ים וְ֝אַתָּ֗ה מַֽחֲסִי־עֹֽז׃ Esaïe 8.18 1 Corinthiens 4.9 Jérémie 16.19 Psaumes 61.3 Luc 2.34
⁸ יִמָּ֣לֵא פִ֭י תְּהִלָּתֶ֑ךָ כָּל־הַ֝יֹּ֗ום תִּפְאַרְתֶּֽךָ׃ Psaumes 146.2 Psaumes 35.28 Psaumes 104.1 Psaumes 71.15 Psaumes 51.14-51.15
⁹ אַֽל־תַּ֭שְׁלִיכֵנִי לְעֵ֣ת זִקְנָ֑ה כִּכְלֹ֥ות כֹּ֝חִ֗י אַֽל־תַּעַזְבֵֽנִי׃ Psaumes 71.18 Esaïe 46.4 Psaumes 92.13-92.15 Psaumes 90.10 2 Samuel 19.35
¹⁰ כִּֽי־אָמְר֣וּ אֹויְבַ֣י לִ֑י וְשֹׁמְרֵ֥י נַ֝פְשִׁ֗י נֹועֲצ֥וּ יַחְדָּֽו׃ Psaumes 56.6 Matthieu 27.1 Psaumes 83.3 Psaumes 31.13 Proverbes 1.11
¹¹ לֵ֭אמֹר אֱלֹהִ֣ים עֲזָבֹ֑ו רִֽדְפ֥וּ וְ֝תִפְשׂ֗וּהוּ כִּי־אֵ֥ין מַצִּֽיל׃ Psaumes 7.2 Psaumes 3.2 Psaumes 37.28 Matthieu 27.46 Psaumes 41.7-41.8
¹² אֱ֭לֹהִים אַל־תִּרְחַ֣ק מִמֶּ֑נִּי אֱ֝לֹהַ֗י לְעֶזְרָ֥תִי חֽוּשָׁה׃ Psaumes 38.21-38.22 Psaumes 35.22 Psaumes 22.11 Psaumes 22.19 Psaumes 10.1
¹³ יֵבֹ֣שׁוּ יִכְלוּ֮ שֹׂטְנֵ֪י נַ֫פְשִׁ֥י יַֽעֲט֣וּ חֶ֭רְפָּה וּכְלִמָּ֑ה מְ֝בַקְשֵׁ֗י רָעָתִֽי׃ Psaumes 35.26 Psaumes 109.29 Psaumes 71.24 Psaumes 35.4 1 Pierre 5.5
¹⁴ וַ֭אֲנִי תָּמִ֣יד אֲיַחֵ֑ל וְ֝הֹוסַפְתִּ֗י עַל־כָּל־תְּהִלָּתֶֽךָ׃ 1 Jean 3.3 Lamentations 3.26 Hébreux 10.35 1 Thessaloniciens 4.10 Philippiens 1.9
¹⁵ פִּ֤י׀ יְסַפֵּ֬ר צִדְקָתֶ֗ךָ כָּל־הַיֹּ֥ום תְּשׁוּעָתֶ֑ךָ כִּ֤י לֹ֖א יָדַ֣עְתִּי סְפֹרֹֽות׃ Psaumes 40.5 Psaumes 35.28 Psaumes 89.16 Psaumes 145.2 Psaumes 71.8
¹⁶ אָבֹ֗וא בִּ֭גְבֻרֹות אֲדֹנָ֣י יְהוִ֑ה אַזְכִּ֖יר צִדְקָתְךָ֣ לְבַדֶּֽךָ׃ Psaumes 51.14 Matthieu 6.33 Psaumes 71.2 Ephésiens 6.10 Philippiens 4.13
¹⁷ אֱֽלֹהִ֗ים לִמַּדְתַּ֥נִי מִנְּעוּרָ֑י וְעַד־הֵ֝֗נָּה אַגִּ֥יד נִפְלְאֹותֶֽיךָ׃ Psaumes 119.9 1 Chroniques 16.4-16.36 2 Samuel 4.9 Psaumes 66.16 Psaumes 119.102
¹⁸ וְגַ֤ם עַד־זִקְנָ֨ה׀ וְשֵׂיבָה֮ אֱלֹהִ֪ים אַֽל־תַּעַ֫זְבֵ֥נִי עַד־אַגִּ֣יד זְרֹועֲךָ֣ לְדֹ֑ור לְכָל־יָ֝בֹ֗וא גְּבוּרָתֶֽךָ׃ Psaumes 71.9 Esaïe 46.4 Psaumes 78.4 1 Samuel 4.18 Exode 13.14-13.17
¹⁹ וְצִדְקָתְךָ֥ אֱלֹהִ֗ים עַד־מָ֫רֹ֥ום אֲשֶׁר־עָשִׂ֥יתָ גְדֹלֹ֑ות אֱ֝לֹהִ֗ים מִ֣י כָמֹֽוךָ׃ Psaumes 35.10 Psaumes 57.10 Psaumes 36.5-36.6 Psaumes 89.6-89.8 Esaïe 55.9
²⁰ אֲשֶׁ֤ר הִרְאִיתַ֨נִי ׀ צָרֹ֥ות רַבֹּ֗ות וְרָ֫עֹ֥ות תָּשׁ֥וּב תְּחַיֵּ֑ינִי וּֽמִתְּהֹמֹ֥ות הָ֝אָ֗רֶץ תָּשׁ֥וּב תַּעֲלֵֽנִי׃ Osée 6.1-6.2 Psaumes 60.3 Psaumes 80.18 Psaumes 138.7 Jonas 2.6
²¹ תֶּ֤רֶב׀ גְּֽדֻלָּתִ֗י וְתִסֹּ֥ב תְּֽנַחֲמֵֽנִי׃ 2 Samuel 3.1 2 Corinthiens 2.14 Psaumes 72.11 Esaïe 49.6 Psaumes 18.35
²² גַּם־אֲנִ֤י׀ אֹודְךָ֣ בִכְלִי־נֶבֶל֮ אֲמִתְּךָ֪ אֱלֹ֫הָ֥י אֲזַמְּרָ֣ה לְךָ֣ בְכִנֹּ֑ור קְ֝דֹ֗ושׁ יִשְׂרָאֵֽל׃ 2 Rois 19.22 Psaumes 89.18 Psaumes 33.2 Psaumes 92.1-92.3 Esaïe 60.9
²³ תְּרַנֵּ֣נָּ֣ה שְׂ֭פָתַי כִּ֣י אֲזַמְּרָה־לָּ֑ךְ וְ֝נַפְשִׁ֗י אֲשֶׁ֣ר פָּדִֽיתָ׃ Psaumes 103.4 Psaumes 104.33 Luc 1.46-1.47 Psaumes 34.22 2 Samuel 4.9
²⁴ גַּם־לְשֹׁונִ֗י כָּל־הַ֭יֹּום תֶּהְגֶּ֣ה צִדְקָתֶ֑ךָ כִּי־בֹ֥שׁוּ כִֽי־חָ֝פְר֗וּ מְבַקְשֵׁ֥י רָעָתִֽי׃ Psaumes 71.13 Psaumes 35.28 Psaumes 71.8 Psaumes 37.30 Ephésiens 4.29