Psaumes 35
Biblia Hebraica Stuttgartensia

¹ לְדָוִ֨ד׀ רִיבָ֣ה יְ֭הוָה אֶת־יְרִיבַ֑י לְ֝חַ֗ם אֶת־לֹֽחֲמָֽי׃ Exode 14.25 Actes 5.39 Psaumes 43.1 Proverbes 23.11 Esaïe 49.25
² הַחֲזֵ֣ק מָגֵ֣ן וְצִנָּ֑ה וְ֝ק֗וּמָה בְּעֶזְרָתִֽי׃ Esaïe 42.13 Exode 15.3 Psaumes 7.12-7.13 Esaïe 13.5 Deutéronome 32.41-32.42
³ וְהָ֘רֵ֤ק חֲנִ֣ית וּ֭סְגֹר לִקְרַ֣את רֹדְפָ֑י אֱמֹ֥ר לְ֝נַפְשִׁ֗י יְֽשֻׁעָתֵ֥ךְ אָֽנִי׃ 1 Samuel 23.26-23.27 Esaïe 10.12 Job 1.10 Esaïe 8.9-8.10 Psaumes 27.2
⁴ יֵבֹ֣שׁוּ וְיִכָּלְמוּ֮ מְבַקְשֵׁ֪י נַ֫פְשִׁ֥י יִסֹּ֣גוּ אָחֹ֣ור וְיַחְפְּר֑וּ חֹ֝שְׁבֵ֗י רָעָתִֽי׃ Psaumes 129.5 1 Rois 19.10 Psaumes 70.2-70.3 Psaumes 31.17-31.18 Psaumes 38.12
⁵ יִֽהְי֗וּ כְּמֹ֥ץ לִפְנֵי־ר֑וּחַ וּמַלְאַ֖ךְ יְהוָ֣ה דֹּוחֶֽה׃ Job 21.18 Esaïe 29.5 Psaumes 1.4 Esaïe 37.36 Exode 14.19
⁶ יְֽהִי־דַרְכָּ֗ם חֹ֥שֶׁךְ וַחֲלַקְלַקֹּ֑ות וּמַלְאַ֥ךְ יְ֝הוָ֗ה רֹדְפָֽם׃ Jérémie 23.12 Psaumes 73.18 Proverbes 4.19 Jérémie 13.16
⁷ כִּֽי־חִנָּ֣ם טָֽמְנוּ־לִ֭י שַׁ֣חַת רִשְׁתָּ֑ם חִ֝נָּ֗ם חָפְר֥וּ לְנַפְשִֽׁי׃ Psaumes 140.5 Psaumes 9.15 Job 18.8 Psaumes 64.4 Psaumes 25.3
⁸ תְּבֹואֵ֣הוּ שֹׁואָה֮ לֹֽא־יֵ֫דָ֥ע וְרִשְׁתֹּ֣ו אֲשֶׁר־טָמַ֣ן תִּלְכְּדֹ֑ו בְּ֝שֹׁואָ֗ה יִפָּל־בָּֽהּ׃ 1 Thessaloniciens 5.3 Psaumes 9.15 Psaumes 73.18-73.20 1 Samuel 18.17 Luc 21.34
⁹ וְ֭נַפְשִׁי תָּגִ֣יל בַּיהוָ֑ה תָּ֝שִׂישׂ בִּישׁוּעָתֹֽו׃ Esaïe 61.10 Psaumes 13.5 Psaumes 68.1-68.3 Psaumes 48.11 Psaumes 58.10-58.11
¹⁰ כָּ֥ל עַצְמֹותַ֨י׀ תֹּאמַרְנָה֮ יְהוָ֗ה מִ֥י כָ֫מֹ֥וךָ מַצִּ֣יל עָ֭נִי מֵחָזָ֣ק מִמֶּ֑נּוּ וְעָנִ֥י וְ֝אֶבְיֹ֗ון מִגֹּזְלֹֽו׃ Exode 15.11 Psaumes 51.8 Psaumes 18.17 Psaumes 86.8 Psaumes 71.19
¹¹ יְ֭קוּמוּן עֵדֵ֣י חָמָ֑ס אֲשֶׁ֥ר לֹא־יָ֝דַ֗עְתִּי יִשְׁאָלֽוּנִי׃ Psaumes 27.12 Actes 24.12-24.13 Actes 6.13 Matthieu 26.59-26.60 1 Samuel 25.10
¹² יְשַׁלְּמ֣וּנִי רָ֭עָה תַּ֥חַת טֹובָ֗ה שְׁכֹ֣ול לְנַפְשִֽׁי׃ Jean 10.32 Jérémie 18.20 Psaumes 38.20 Proverbes 17.13 Psaumes 109.3-109.5
¹³ וַאֲנִ֤י׀ בַּחֲלֹותָ֡ם לְב֬וּשִׁי שָׂ֗ק עִנֵּ֣יתִי בַצֹּ֣ום נַפְשִׁ֑י וּ֝תְפִלָּתִ֗י עַל־חֵיקִ֥י תָשֽׁוּב׃ Job 30.25 Matthieu 10.13 Psaumes 69.10-69.11 Luc 10.6 Lévitique 16.29
¹⁴ כְּרֵֽעַ־כְּאָ֣ח לִ֭י הִתְהַלָּ֑כְתִּי כַּאֲבֶל־אֵ֝֗ם קֹדֵ֥ר שַׁחֹֽותִי׃ Genèse 24.67 Luc 19.41-19.42 2 Samuel 1.11-1.12 2 Samuel 1.17-1.27 Psaumes 38.6
¹⁵ וּבְצַלְעִי֮ שָׂמְח֪וּ וְֽנֶאֱ֫סָ֥פוּ נֶאֶסְפ֬וּ עָלַ֣י נֵ֭כִים וְלֹ֣א יָדַ֑עְתִּי קָֽרְע֥וּ וְלֹא־דָֽמּוּ׃ Psaumes 7.2 Marc 14.65 Psaumes 69.12 Proverbes 24.17-24.18 Psaumes 38.17
¹⁶ בְּ֭חַנְפֵי לַעֲגֵ֣י מָעֹ֑וג חָרֹ֖ק עָלַ֣י שִׁנֵּֽימֹו׃ Lamentations 2.16 Job 16.9 Psaumes 37.12 1 Corinthiens 5.8 Esaïe 1.14-1.15
¹⁷ אֲדֹנָי֮ כַּמָּ֪ה תִּ֫רְאֶ֥ה הָשִׁ֣יבָה נַ֭פְשִׁי מִשֹּׁאֵיהֶ֑ם מִ֝כְּפִירִ֗ים יְחִידָתִֽי׃ Habakuk 1.13 Psaumes 22.20-22.21 Psaumes 10.14 Psaumes 74.9-74.10 Psaumes 89.46
¹⁸ אֹ֭ודְךָ בְּקָהָ֣ל רָ֑ב בְּעַ֖ם עָצ֣וּם אֲהַֽלְלֶֽךָּ׃ Psaumes 116.18 Romains 15.9 Psaumes 138.4-138.5 Psaumes 111.1 Psaumes 22.22-22.25
¹⁹ אַֽל־יִשְׂמְחוּ־לִ֣י אֹיְבַ֣י שֶׁ֑קֶר שֹׂנְאַ֥י חִ֝נָּ֗ם יִקְרְצוּ־עָֽיִן׃ Psaumes 69.4 Psaumes 38.19 Jean 15.25 Psaumes 13.4 Proverbes 6.13
²⁰ כִּ֤י לֹ֥א שָׁלֹ֗ום יְדַ֫בֵּ֥רוּ וְעַ֥ל רִגְעֵי־אֶ֑רֶץ דִּבְרֵ֥י מִ֝רְמֹות יַחֲשֹׁבֽוּן׃ Actes 23.15 Matthieu 12.19 Psaumes 52.2 Psaumes 36.3-36.4 Jérémie 11.19
²¹ וַיַּרְחִ֥יבוּ עָלַ֗י פִּ֫יהֶ֥ם אָ֭מְרוּ הֶאָ֣ח׀ הֶאָ֑ח רָאֲתָ֥ה עֵינֵֽינוּ׃ Psaumes 40.15 Psaumes 22.13 Psaumes 70.3 Esaïe 9.12 Psaumes 54.7
²² רָאִ֣יתָה יְ֭הוָה אַֽל־תֶּחֱרַ֑שׁ אֲ֝דֹנָ֗י אֲל־תִּרְחַ֥ק מִמֶּֽנִּי׃ Psaumes 28.1 Psaumes 10.1 Exode 3.7 Psaumes 71.12 Psaumes 22.11
²³ הָעִ֣ירָה וְ֭הָקִיצָה לְמִשְׁפָּטִ֑י אֱלֹהַ֖י וַֽאדֹנָ֣י לְרִיבִֽי׃ Psaumes 44.23 Psaumes 80.2 Psaumes 7.6 Psaumes 59.4 Psaumes 89.26
²⁴ שָׁפְטֵ֣נִי כְ֭צִדְקְךָ יְהוָ֥ה אֱלֹהָ֗י וְאַל־יִשְׂמְחוּ־לִֽי׃ Psaumes 7.8 Psaumes 43.1 Psaumes 35.19 Psaumes 26.1 Job 20.5
²⁵ אַל־יֹאמְר֣וּ בְ֭לִבָּם הֶאָ֣ח נַפְשֵׁ֑נוּ אַל־יֹ֝אמְר֗וּ בִּֽלַּעֲנֽוּהוּ׃ Lamentations 2.16 Psaumes 124.3 Exode 15.9 Matthieu 27.43 Marc 2.8
²⁶ יֵ֘בֹ֤שׁוּ וְיַחְפְּר֨וּ׀ יַחְדָּו֮ שְׂמֵחֵ֪י רָעָ֫תִ֥י יִֽלְבְּשׁוּ־בֹ֥שֶׁת וּכְלִמָּ֑ה הַֽמַּגְדִּילִ֥ים עָלָֽי׃ Psaumes 38.16 Psaumes 132.18 Job 19.5 Job 8.22 Esaïe 65.13-65.15
²⁷ יָרֹ֣נּוּ וְיִשְׂמְחוּ֮ חֲפֵצֵ֪י צִ֫דְקִ֥י וְיֹאמְר֣וּ תָ֭מִיד יִגְדַּ֣ל יְהוָ֑ה הֶ֝חָפֵ֗ץ שְׁלֹ֣ום עַבְדֹּֽו׃ Psaumes 149.4 Psaumes 40.16 Psaumes 70.4 Jérémie 32.40-32.41 Sophonie 3.17
²⁸ וּ֭לְשֹׁונִי תֶּהְגֶּ֣ה צִדְקֶ֑ךָ כָּל־הַ֝יֹּום תְּהִלָּתֶֽךָ׃ Psaumes 71.24 Psaumes 145.21 Psaumes 145.5 Psaumes 71.15 Psaumes 104.33-104.34