Luc 5.39
Vulgate

La pêche miraculeuse

¹ factum est autem cum turbae inruerent in eum ut audirent verbum Dei et ipse stabat secus stagnum Gennesareth
Matthieu 14.34 Nombres 34.11 Matthieu 4.18-4.22 Marc 1.16-1.20 Josué 12.3
² et vidit duas naves stantes secus stagnum piscatores autem descenderant et lavabant retia
Marc 1.19 Matthieu 4.21
³ ascendens autem in unam navem quae erat Simonis rogavit eum a terra reducere pusillum et sedens docebat de navicula turbas
Jean 1.41-1.42 Marc 4.1-4.2 Matthieu 4.18 Matthieu 13.1-13.2 Jean 8.2
⁴ ut cessavit autem loqui dixit ad Simonem duc in altum et laxate retia vestra in capturam
Jean 21.6
⁵ et respondens Simon dixit illi praeceptor per totam noctem laborantes nihil cepimus in verbo autem tuo laxabo rete
Jean 15.14 Jean 2.5 Ezéchiel 37.4-37.7 Luc 6.46-6.48 Ezéchiel 37.11-37.12
⁶ et cum hoc fecissent concluserunt piscium multitudinem copiosam rumpebatur autem rete eorum
1 Corinthiens 15.58 2 Rois 4.3-4.7 Actes 4.4 Galates 6.9 Actes 2.41
⁷ et annuerunt sociis qui erant in alia navi ut venirent et adiuvarent eos et venerunt et impleverunt ambas naviculas ita ut mergerentur
Galates 6.2 Philippiens 4.3 Exode 23.5 Romains 16.2-16.4 Actes 11.25
⁸ quod cum videret Simon Petrus procidit ad genua Iesu dicens exi a me quia homo peccator sum Domine
Esaïe 6.5 Apocalypse 1.17 Job 42.5-42.6 Matthieu 8.8 Matthieu 2.11
⁹ stupor enim circumdederat eum et omnes qui cum illo erant in captura piscium quam ceperant
Luc 4.32 Psaumes 8.6 Luc 4.36 Psaumes 8.8 Marc 9.6
¹⁰ similiter autem Iacobum et Iohannem filios Zebedaei qui erant socii Simonis et ait ad Simonem Iesus noli timere ex hoc iam homines eris capiens
Matthieu 4.19 Matthieu 13.47 Marc 1.17 2 Corinthiens 8.23 Luc 5.7
¹¹ et subductis ad terram navibus relictis omnibus secuti sunt illum
Matthieu 19.27 Luc 5.28 Matthieu 4.20 Luc 18.28-18.30 Marc 1.18-1.25

Guérison d’un lépreux et d’un paralysé

¹² et factum est cum esset in una civitatum et ecce vir plenus lepra et videns Iesum et procidens in faciem rogavit eum dicens Domine si vis potes me mundare
Matthieu 8.2-8.4 Luc 17.12-17.13 Luc 17.16 Psaumes 50.15 Hébreux 7.25
¹³ et extendens manum tetigit illum dicens volo mundare et confestim lepra discessit ab illo
2 Rois 5.14 Ezéchiel 36.25-36.27 Luc 4.39 Jean 4.50-4.53 Luc 8.54-8.55
¹⁴ et ipse praecepit illi ut nemini diceret sed vade ostende te sacerdoti et offer pro emundatione tua sicut praecepit Moses in testimonium illis
Matthieu 9.30 Marc 6.11 Lévitique 14.2-14.32 Matthieu 12.16 Luc 17.14
¹⁵ perambulabat autem magis sermo de illo et conveniebant turbae multae ut audirent et curarentur ab infirmitatibus suis
Matthieu 9.26 Marc 1.28 Matthieu 15.30-15.31 Proverbes 15.33 Luc 14.25
¹⁶ ipse autem secedebat in deserto et orabat
Matthieu 14.23 Luc 6.12 Marc 1.35-1.36 Marc 6.46 Jean 6.15
¹⁷ et factum est in una dierum et ipse sedebat docens et erant Pharisaei sedentes et legis doctores qui venerant ex omni castello Galilaeae et Iudaeae et Hierusalem et virtus erat Domini ad sanandum eos
Luc 6.19 Luc 8.46 Matthieu 15.1 Marc 16.18 Marc 5.30
¹⁸ et ecce viri portantes in lecto hominem qui erat paralyticus et quaerebant eum inferre et ponere ante eum
Marc 2.3-2.12 Matthieu 9.2-9.8 Jean 5.5-5.6 Actes 9.33
¹⁹ et non invenientes qua parte illum inferrent prae turba ascenderunt supra tectum per tegulas submiserunt illum cum lecto in medium ante Iesum
Marc 2.4 Deutéronome 22.8 Matthieu 10.27 2 Samuel 11.2 Matthieu 24.17
²⁰ quorum fidem ut vidit dixit homo remittuntur tibi peccata tua
Luc 7.48 Jean 5.14 Matthieu 9.2 Actes 14.9 Jacques 5.14-5.15
²¹ et coeperunt cogitare scribae et Pharisaei dicentes quis est hic qui loquitur blasphemias quis potest dimittere peccata nisi solus Deus
Esaïe 43.25 Psaumes 32.5 Matthieu 26.65 Actes 6.11-6.13 Marc 2.6-2.7
²² ut cognovit autem Iesus cogitationes eorum respondens dixit ad illos quid cogitatis in cordibus vestris
Apocalypse 2.23 Matthieu 9.4 Luc 24.38 Psaumes 139.2 Actes 5.3
²³ quid est facilius dicere dimittuntur tibi peccata an dicere surge et ambula
Matthieu 9.5 Marc 2.9
²⁴ ut autem sciatis quia Filius hominis potestatem habet in terra dimittere peccata ait paralytico tibi dico surge tolle lectum tuum et vade in domum tuam
Esaïe 53.11 Jean 5.27 Actes 5.31 Matthieu 16.13 Matthieu 25.31
²⁵ et confestim surgens coram illis tulit in quo iacebat et abiit in domum suam magnificans Deum
Luc 18.43 Luc 13.13 Genèse 1.3 Psaumes 107.20-107.22 Psaumes 33.9
²⁶ et stupor adprehendit omnes et magnificabant Deum et repleti sunt timore dicentes quia vidimus mirabilia hodie
Matthieu 9.8 Luc 7.16 Galates 1.24 Osée 3.5 Marc 2.12

Réactions face à Jésus

²⁷ et post haec exiit et vidit publicanum nomine Levi sedentem ad teloneum et ait illi sequere me
Marc 2.13-2.22 Marc 3.18 Luc 18.22 Jean 12.26 Matthieu 16.24
²⁸ et relictis omnibus surgens secutus est eum
Luc 5.11 1 Rois 19.19-19.21 Matthieu 19.22-19.27 Luc 9.59-9.62
²⁹ et fecit ei convivium magnum Levi in domo sua et erat turba multa publicanorum et aliorum qui cum illis erant discumbentes
Luc 15.1 1 Corinthiens 5.9-5.11 Marc 2.15 Jean 12.2 1 Corinthiens 10.27
³⁰ et murmurabant Pharisaei et scribae eorum dicentes ad discipulos eius quare cum publicanis et peccatoribus manducatis et bibitis
Actes 23.9 Matthieu 21.28-21.32 Luc 18.11 Luc 7.34 Marc 7.3
³¹ et respondens Iesus dixit ad illos non egent qui sani sunt medico sed qui male habent
Marc 2.17 Matthieu 9.12-9.13 Jérémie 8.22
³² non veni vocare iustos sed peccatores in paenitentiam
Luc 24.47 Luc 15.10 Luc 15.7 Actes 3.19 Actes 5.31
³³ at illi dixerunt ad eum quare discipuli Iohannis ieiunant frequenter et obsecrationes faciunt similiter et Pharisaeorum tui autem edunt et bibunt
Marc 2.18-2.22 Luc 11.1 Luc 18.12 Matthieu 9.14-9.17 Luc 20.47
³⁴ quibus ipse ait numquid potestis filios sponsi dum cum illis est sponsus facere ieiunare
Jean 3.29 Cantique 2.6-2.7 Esaïe 54.5 Cantique 6.1 Cantique 5.8
³⁵ venient autem dies et cum ablatus fuerit ab illis sponsus tunc ieiunabunt in illis diebus
Luc 17.22 Jean 12.8 Matthieu 6.17-6.18 Daniel 9.26 Jean 14.3-14.4
³⁶ dicebat autem et similitudinem ad illos quia nemo commissuram a vestimento novo inmittit in vestimentum vetus alioquin et novum rumpit et veteri non convenit commissura a novo
2 Corinthiens 6.16 Matthieu 9.16-9.17 Lévitique 19.19 Marc 2.21-2.22 Deutéronome 22.11
³⁷ et nemo mittit vinum novum in utres veteres alioquin rumpet vinum novum utres et ipsum effundetur et utres peribunt
Josué 9.4 Psaumes 119.83 Josué 9.13
³⁸ sed vinum novum in utres novos mittendum est et utraque conservantur
Hébreux 8.8-8.13 Galates 6.13-6.14 Apocalypse 21.5 Galates 4.9-4.11 2 Corinthiens 5.17
³⁹ et nemo bibens vetus statim vult novum dicit enim vetus melius est
Jérémie 6.16 Romains 4.11-4.12 Hébreux 11.39 Hébreux 11.1-11.2 Marc 7.7-7.13