1 Rois 8.12
Vulgate

Inauguration du temple

¹ tunc congregavit omnes maiores natu Israhel cum principibus tribuum et duces familiarum filiorum Israhel ad regem Salomonem in Hierusalem ut deferrent arcam foederis Domini de civitate David id est de Sion
2 Chroniques 5.2-5.10 1 Chroniques 15.25 2 Samuel 6.12-6.17 Josué 24.1 2 Samuel 6.6
² convenitque ad regem Salomonem universus Israhel in mense hethanim in sollemni die ipse est mensis septimus
Lévitique 23.34 2 Chroniques 7.8-7.10 Jean 7.37 Esdras 3.4 Deutéronome 16.13
³ veneruntque cuncti senes ex Israhel et tulerunt sacerdotes arcam
Deutéronome 31.9 Josué 3.6 Nombres 4.15 Josué 3.3 1 Chroniques 15.11-15.15
⁴ et portaverunt arcam Domini et tabernaculum foederis et omnia vasa sanctuarii quae erant in tabernaculo et ferebant ea sacerdotes et Levitae
2 Chroniques 1.3 1 Rois 3.4 Exode 40.2-40.33
⁵ rex autem Salomon et omnis multitudo Israhel quae convenerat ad eum gradiebatur cum illo ante arcam et immolabant oves et boves absque aestimatione et numero
2 Samuel 6.13 1 Rois 8.62-8.63 1 Chroniques 16.1
⁶ et intulerunt sacerdotes arcam foederis Domini in locum suum in oraculum templi in sanctum sanctorum subter alas cherubin
1 Rois 6.27 1 Rois 6.19 2 Samuel 6.17 Exode 26.33-26.34 2 Samuel 6.2
⁷ siquidem cherubin expandebant alas super locum arcae et protegebant arcam et vectes eius desuper
⁸ cumque eminerent vectes et apparerent summitates eorum foris sanctuarium ante oraculum non apparebant ultra extrinsecus qui et fuerunt ibi usque in praesentem diem
Exode 25.13-25.15 Exode 37.4-37.5 Josué 4.9 Matthieu 28.15 Exode 40.20
⁹ in arca autem non est aliud nisi duae tabulae lapideae quas posuerat in ea Moses in Horeb quando pepigit foedus Dominus cum filiis Israhel cum egrederentur de terra Aegypti
Exode 25.21 Hébreux 9.4 Exode 40.20 Deutéronome 4.13 Exode 34.27-34.28
¹⁰ factum est autem cum exissent sacerdotes de sanctuario nebula implevit domum Domini
Exode 40.34-40.35 2 Chroniques 7.1-7.2
¹¹ et non poterant sacerdotes stare et ministrare propter nebulam impleverat enim gloria Domini domum Domini
Ezéchiel 44.4 Ezéchiel 43.2 Actes 7.55 Lévitique 9.23 2 Corinthiens 4.6
¹² tunc ait Salomon Dominus dixit ut habitaret in nebula
Psaumes 97.2 Lévitique 16.2 Esaïe 45.15 2 Chroniques 6.1-6.11 Exode 20.21
¹³ aedificans aedificavi domum in habitaculum tuum firmissimum solium tuum in sempiternum
2 Samuel 7.13 Psaumes 132.13-132.14 Exode 15.17 1 Chroniques 28.20 Hébreux 9.24
¹⁴ convertitque rex faciem suam et benedixit omni ecclesiae Israhel omnis enim ecclesia Israhel stabat
2 Samuel 6.18 1 Chroniques 16.2 Luc 24.50-24.51 Néhémie 9.2 Néhémie 8.7
¹⁵ et ait benedictus Dominus Deus Israhel qui locutus est ore suo ad David patrem meum et in manibus eius perfecit dicens
Luc 1.68 1 Chroniques 29.20 Néhémie 9.5 1 Chroniques 29.10 Josué 23.15-23.16
¹⁶ a die qua eduxi populum meum Israhel de Aegypto non elegi civitatem de universis tribubus Israhel ut aedificaretur domus et esset nomen meum ibi sed elegi David ut esset super populum meum Israhel
1 Samuel 16.1 Deutéronome 12.11 2 Samuel 7.4-7.8 1 Chroniques 28.4 1 Chroniques 17.5-17.6
¹⁷ voluitque David pater meus aedificare domum nomini Domini Dei Israhel
2 Samuel 7.2-7.3 1 Chroniques 17.1-17.15 1 Chroniques 28.2 1 Chroniques 22.7
¹⁸ et ait Dominus ad David patrem meum quod cogitasti in corde tuo aedificare domum nomini meo bene fecisti hoc ipsum mente tractans
2 Chroniques 6.7-6.9 2 Corinthiens 8.12
¹⁹ verumtamen tu non aedificabis domum sed filius tuus qui egredietur de renibus tuis ipse aedificabit domum nomini meo
2 Samuel 7.5 2 Samuel 7.12-7.13 1 Chroniques 17.11-17.12 1 Chroniques 22.8-22.10 1 Rois 5.3-5.5
²⁰ confirmavit Dominus sermonem suum quem locutus est stetique pro David patre meo et sedi super thronum Israhel sicut locutus est Dominus et aedificavi domum nomini Domini Dei Israhel
1 Chroniques 28.5-28.6 1 Rois 8.15 Esaïe 9.7 Néhémie 9.8 Ezéchiel 37.14
²¹ et constitui ibi locum arcae in qua foedus est Domini quod percussit cum patribus nostris quando egressi sunt de terra Aegypti
Deutéronome 31.26 1 Rois 8.9 Deutéronome 9.9 1 Rois 8.5-8.6 Deutéronome 9.11
²² stetit autem Salomon ante altare Domini in conspectu ecclesiae Israhel et expandit manus suas in caelum
Esdras 9.5 Exode 9.33 1 Rois 8.54 Exode 9.29 Esaïe 1.15
²³ et ait Domine Deus Israhel non est similis tui Deus in caelo desuper et super terra deorsum qui custodis pactum et misericordiam servis tuis qui ambulant coram te in toto corde suo
Deutéronome 7.9 2 Samuel 7.22 Néhémie 1.5 Daniel 9.4 1 Samuel 2.2
²⁴ qui custodisti servo tuo David patri meo quae locutus es ei ore locutus es et manibus perfecisti ut et haec dies probat
1 Rois 8.15 2 Chroniques 6.14-6.15 2 Samuel 7.16 2 Samuel 7.12
²⁵ nunc igitur Domine Deus Israhel conserva famulo tuo David patri meo quae locutus es ei dicens non auferetur de te vir coram me qui sedeat super thronum Israhel ita tamen si custodierint filii tui viam suam ut ambulent coram me sicut tu ambulasti in conspectu meo
1 Rois 2.4 2 Chroniques 6.16-6.17 1 Chroniques 28.9 1 Rois 9.4-9.6 Jérémie 33.17-33.26
²⁶ et nunc Deus Israhel firmentur verba tua quae locutus es servo tuo David patri meo
Psaumes 41.13 Jérémie 11.5 Esaïe 45.3 Esaïe 41.17 Ezéchiel 36.36-36.37
²⁷ ergone putandum est quod vere Deus habitet super terram si enim caelum et caeli caelorum te capere non possunt quanto magis domus haec quam aedificavi
Esaïe 66.1 Jérémie 23.24 2 Chroniques 2.6 Psaumes 139.7-139.16 Actes 7.48-7.49
²⁸ sed respice ad orationem servi tui et ad preces eius Domine Deus meus audi hymnum et orationem quam servus tuus orat coram te hodie
Psaumes 86.3 2 Chroniques 6.19 Psaumes 5.1 Psaumes 141.2 Psaumes 88.1-88.2
²⁹ ut sint oculi tui aperti super domum hanc nocte et die super domum de qua dixisti erit nomen meum ibi ut exaudias orationem qua orat te servus tuus in loco isto
Néhémie 1.6 Deutéronome 12.11 2 Chroniques 6.20 Daniel 6.10 1 Rois 8.52
³⁰ ut exaudias deprecationem servi tui et populi tui Israhel quodcumque oraverint in loco isto et exaudies in loco habitaculi tui in caelo et cum exaudieris propitius eris
1 Rois 8.39 1 Rois 8.36 1 Rois 8.34 Psaumes 130.3-130.4 Ecclésiaste 5.2
³¹ si peccaverit homo in proximum suum et habuerit aliquod iuramentum quo teneatur adstrictus et venerit propter iuramentum coram altari tuo in domum tuam
Exode 22.8-22.11 Lévitique 5.1 Proverbes 30.9 2 Chroniques 6.22-6.23 Nombres 5.16-5.22
³² tu exaudies in caelo et facies et iudicabis servos tuos condemnans impium et reddens viam suam super caput eius iustificansque iustum et retribuens ei secundum iustitiam suam
Deutéronome 25.1 Exode 23.7 Proverbes 1.31 Romains 2.13 Esaïe 3.10-3.11
³³ si fugerit populus tuus Israhel inimicos suos quia peccaturus est tibi et agentes paenitentiam et confitentes nomini tuo venerint et oraverint et deprecati te fuerint in domo hac
Lévitique 26.17 Deutéronome 28.25 Lévitique 26.39-26.42 Deutéronome 28.48 Lévitique 26.25
³⁴ exaudi in caelo et dimitte peccatum populi tui Israhel et reduces eos in terram quam dedisti patribus eorum
Daniel 9.19 Jérémie 31.27 Amos 7.2 Daniel 9.12 1 Rois 8.30
³⁵ si clausum fuerit caelum et non pluerit propter peccata eorum et orantes in loco isto paenitentiam egerint nomini tuo et a peccatis suis conversi fuerint propter adflictionem suam
Lévitique 26.19 Deutéronome 11.17 1 Rois 8.33 Apocalypse 11.6 Luc 4.25
³⁶ exaudi eos in caelo et dimitte peccata servorum tuorum et populi tui Israhel et ostende eis viam bonam per quam ambulent et da pluviam super terram tuam quam dedisti populo tuo in possessionem
Psaumes 27.11 1 Samuel 12.23 Jérémie 6.16 Jérémie 14.22 Psaumes 94.12
³⁷ fames si oborta fuerit in terra aut pestilentia aut corruptus aer aurugo lucusta rubigo et adflixerit eum et inimicus eius portas obsidens omnis plaga universa infirmitas
Deutéronome 28.21-28.22 Lévitique 26.16 2 Chroniques 20.9 Deutéronome 28.38-28.42 Psaumes 105.34-105.35
³⁸ cuncta devotatio et inprecatio quae acciderit omni homini de populo tuo Israhel si quis cognoverit plagam cordis sui et expanderit manus suas in domo hac
Philippiens 4.6 Psaumes 42.11 Romains 7.24 Esaïe 1.15 1 Rois 8.22
³⁹ tu audies in caelo in loco habitationis tuae et repropitiaberis et facies ut des unicuique secundum omnes vias suas sicut videris cor eius quia tu nosti solus cor omnium filiorum hominum
1 Chroniques 28.9 1 Samuel 16.7 Actes 1.24 Jérémie 17.10 Apocalypse 2.23
⁴⁰ ut timeant te cunctis diebus quibus vivunt super faciem terrae quam dedisti patribus nostris
Psaumes 130.4 Deutéronome 6.2 Psaumes 115.13 Hébreux 12.28 Apocalypse 15.4
⁴¹ insuper et alienigena qui non est de populo tuo Israhel cum venerit de terra longinqua propter nomen tuum audietur enim nomen tuum magnum et manus tua fortis et brachium tuum
1 Rois 10.1-10.2 Matthieu 15.22-15.28 Matthieu 2.1 Jean 12.20 2 Chroniques 6.32
⁴² extentum ubique cum venerit ergo et oraverit in loco hoc
Deutéronome 3.24 Actes 8.27 Esaïe 66.19-66.20 Jérémie 32.17 Ezéchiel 20.9
⁴³ tu exaudies in caelo in firmamento habitaculi tui et facies omnia pro quibus invocaverit te alienigena ut discant universi populi terrarum nomen tuum timere sicut populus tuus Israhel et probent quia nomen tuum invocatum est super domum hanc quam aedificavi
Psaumes 102.15 1 Samuel 17.46 Psaumes 67.2 2 Rois 19.19 Psaumes 86.9
⁴⁴ si egressus fuerit populus tuus ad bellum contra inimicos suos per viam quocumque miseris eos orabunt te contra viam civitatis quam elegisti et contra domum quam aedificavi nomini tuo
2 Samuel 5.23 Deutéronome 31.3-31.6 1 Samuel 15.3 2 Samuel 5.19 Josué 6.2-6.5
⁴⁵ et exaudies in caelo orationem eorum et preces eorum et facies iudicium eorum
Genèse 18.25 Psaumes 9.4 Jérémie 5.28
⁴⁶ quod si peccaverint tibi non est enim homo qui non peccet et iratus tradideris eos inimicis suis et capti ducti fuerint in terram inimicorum longe vel prope
Ecclésiaste 7.20 Proverbes 20.9 1 Jean 1.8-1.10 Lévitique 26.34-26.39 2 Rois 25.21
⁴⁷ et egerint paenitentiam in corde suo in loco captivitatis et conversi deprecati te fuerint in captivitate sua dicentes peccavimus inique egimus impie gessimus
Psaumes 106.6 Esdras 9.6-9.7 Daniel 9.5-9.11 Aggée 1.7 Ezéchiel 18.28
⁴⁸ et reversi fuerint ad te in universo corde suo et tota anima sua in terra inimicorum suorum ad quam captivi ducti sunt et oraverint te contra viam terrae suae quam dedisti patribus eorum et civitatis quam elegisti et templi quod aedificavi nomini tuo
Daniel 6.10 Deutéronome 4.29 Jérémie 29.12-29.14 1 Samuel 7.3-7.4 Jonas 2.4
⁴⁹ exaudies in caelo in firmamento solii tui orationem eorum et preces et facies iudicium eorum
2 Rois 19.19 Zacharie 1.15-1.16 1 Rois 8.45
⁵⁰ et propitiaberis populo tuo qui peccavit tibi et omnibus iniquitatibus eorum quibus praevaricati sunt in te et dabis misericordiam coram eis qui eos captivos habuerint ut misereantur eis
Psaumes 106.46 2 Chroniques 30.9 Actes 7.10 Esdras 7.6 Daniel 1.9-1.10
⁵¹ populus enim tuus est et hereditas tua quos eduxisti de terra Aegypti de medio fornacis ferreae
Deutéronome 4.20 Jérémie 11.4 Néhémie 1.10 Nombres 14.13-14.19 Exode 32.11-32.12
⁵² ut sint oculi tui aperti ad deprecationem servi tui et populi tui Israhel et exaudias eos in universis pro quibus invocaverint te
1 Rois 8.29 Psaumes 145.18 Psaumes 86.5 2 Chroniques 6.40
⁵³ tu enim separasti eos tibi in hereditatem de universis populis terrae sicut locutus es per Mosen servum tuum quando eduxisti patres nostros de Aegypto Domine Deus
Exode 19.5-19.6 Deutéronome 32.9 Deutéronome 14.2 2 Corinthiens 6.14-6.18 Exode 33.16
⁵⁴ factum est autem cum conplesset Salomon orans Dominum omnem orationem et deprecationem hanc surrexit de conspectu altaris Domini utrumque enim genu in terram fixerat et manus expanderat ad caelum
Luc 22.45 Luc 22.41 2 Chroniques 7.1 Actes 20.36 Actes 21.5
⁵⁵ stetit ergo et benedixit omni ecclesiae Israhel voce magna dicens
1 Rois 8.14 2 Samuel 6.18 Nombres 6.23-6.26 1 Chroniques 16.2
⁵⁶ benedictus Dominus qui dedit requiem populo suo Israhel iuxta omnia quae locutus est non cecidit ne unus quidem sermo ex omnibus bonis quae locutus est per Mosen servum suum
Josué 23.14-23.15 Josué 21.44-21.45 Luc 21.33 Deutéronome 12.10 Luc 1.72-1.73
⁵⁷ sit Dominus Deus noster nobiscum sicut fuit cum patribus nostris non derelinquens nos neque proiciens
Deutéronome 31.6 Josué 1.5 Hébreux 13.5 Josué 1.9 Psaumes 46.11
⁵⁸ sed inclinet corda nostra ad se ut ambulemus in universis viis eius et custodiamus mandata eius et caerimonias et iudicia quaecumque mandavit patribus nostris
Psaumes 119.36 Jérémie 31.33 Philippiens 2.13 Psaumes 110.3 Ezéchiel 36.26-36.27
⁵⁹ et sint sermones mei isti quibus deprecatus sum coram Domino adpropinquantes Domino Deo nostro die et nocte ut faciat iudicium servo suo et populo suo Israhel per singulos dies
Deutéronome 33.25 Luc 11.3 Jean 17.9 1 Jean 2.2 Psaumes 102.1-102.2
⁶⁰ et sciant omnes populi terrae quia Dominus ipse est Deus et non est ultra absque eo
Deutéronome 4.35 1 Rois 18.39 Jérémie 10.10-10.12 Josué 4.24 2 Rois 19.19
⁶¹ sit quoque cor nostrum perfectum cum Domino Deo nostro ut ambulemus in decretis eius et custodiamus mandata eius sicut et hodie
2 Rois 20.3 1 Rois 11.4 1 Rois 15.14 1 Rois 15.3 Deutéronome 18.13
⁶² igitur rex et omnis Israhel cum eo immolabant victimas coram Domino
2 Samuel 6.17-6.19 2 Chroniques 7.4-7.10 Esdras 6.16-6.17
⁶³ mactavitque Salomon hostias pacificas quas immolavit Domino boum viginti duo milia ovium centum viginti milia et dedicaverunt templum Domini rex et filii Israhel
Esdras 6.16-6.17 Néhémie 12.27 Nombres 7.10-7.11 Jean 10.22 Michée 6.7
⁶⁴ in die illa sanctificavit rex medium atrii quod erat ante domum Domini fecit quippe ibi holocaustum et sacrificium et adipem pacificorum quia altare aereum quod erat coram Domino minus erat et capere non poterat holocausta et sacrificium et adipem pacificorum
2 Chroniques 4.1 2 Chroniques 7.7
⁶⁵ fecit ergo Salomon in tempore illo festivitatem celebrem et omnis Israhel cum eo multitudo magna ab introitu Emath usque ad rivum Aegypti coram Domino Deo nostro septem diebus et septem diebus id est quattuordecim diebus
Nombres 34.5 1 Rois 8.2 Nombres 34.8 Genèse 15.18 Juges 3.3
⁶⁶ et in die octava dimisit populos qui benedicentes regi profecti sunt in tabernacula sua laetantes et alacri corde super omnibus bonis quae fecerat Dominus David servo suo et Israhel populo suo
2 Chroniques 30.26-31.1 Psaumes 122.6 Zacharie 9.17 Deutéronome 12.18 1 Rois 8.1