Juges 5.6
Septante

Cantique de Débora

¹ καὶ ᾖσεν Δεββωρα καὶ Βαρακ υἱὸς Αβινεεμ ἐν τῇ ἡμέρᾳ ἐκείνῃ καὶ εἶπεν.
Exode 15.1 2 Chroniques 20.27 Exode 15.21 Esaïe 26.1 2 Chroniques 20.21
² ἐν τῷ ἄρξασθαι ἀρχηγοὺς ἐν Ισραηλ ἐν προαιρέσει λαοῦ εὐλογεῖτε τὸν κύριον.
Juges 5.9 2 Chroniques 17.16 Psaumes 110.3 Néhémie 11.2 1 Corinthiens 9.17
³ ἀκούσατε βασιλεῖς ἐνωτίζεσθε σατράπαι δυνατοί ἐγὼ τῷ κυρίῳ ᾄσομαι ψαλῶ τῷ θεῷ Ισραηλ.
Esdras 7.21 Psaumes 119.46 Psaumes 2.10-2.12 Psaumes 49.1-49.2 Psaumes 138.4-138.5
⁴ κύριε ἐν τῇ ἐξόδῳ σου ἐκ Σηιρ ἐν τῷ ἀπαίρειν σε ἐξ ἀγροῦ Εδωμ γῆ ἐσείσθη καὶ ὁ οὐρανὸς ἐξεστάθη καὶ αἱ νεφέλαι ἔσταξαν ὕδωρ.
Deutéronome 33.2 Psaumes 68.7-68.8 2 Samuel 22.8 Job 9.6 Psaumes 77.17
⁵ ὄρη ἐσαλεύθησαν ἀπὸ προσώπου κυρίου τοῦτο Σινα ἀπὸ προσώπου κυρίου θεοῦ Ισραηλ.
Exode 19.18 Psaumes 97.5 Esaïe 64.1-64.3 Hébreux 12.18 Nahum 1.5
⁶ ἐν ἡμέραις Σαμεγαρ υἱοῦ Αναθ ἐν ἡμέραις Ιαηλ ἐξέλιπον βασιλεῖς καὶ ἐπορεύθησαν τρίβους ἐπορεύθησαν ὁδοὺς διεστραμμένας.
Juges 3.31 Esaïe 33.8 Lamentations 1.4 Lévitique 26.22 2 Chroniques 15.5
⁷ ἐξέλιπεν φραζων ἐν τῷ Ισραηλ ἐξέλιπεν ἕως οὗ ἐξανέστη Δεββωρα ὅτι ἀνέστη μήτηρ ἐν τῷ Ισραηλ.
2 Samuel 20.19 Esther 9.19 Esaïe 49.23 Romains 16.13 Juges 4.4-4.6
⁸ ᾑρέτισαν θεοὺς καινοὺς ὡς ἄρτον κρίθινον σκέπην ἐὰν ἴδω σιρομαστῶν ἐν τεσσαράκοντα χιλιάσιν.
Juges 2.12 Juges 2.17 Deutéronome 32.16-32.17 1 Samuel 13.19-13.22 Juges 4.3
⁹ ἡ καρδία μου ἐπὶ τὰ διατεταγμένα τῷ Ισραηλ οἱ δυνάσται τοῦ λαοῦ εὐλογεῖτε τὸν κύριον.
Juges 5.2 1 Chroniques 29.9 2 Corinthiens 8.17 2 Corinthiens 8.3-8.4 2 Corinthiens 8.12
¹⁰ ἐπιβεβηκότες ἐπὶ ὑποζυγίων καθήμενοι ἐπὶ λαμπηνῶν.
Juges 12.14 Juges 10.4 Psaumes 107.32 Psaumes 145.11 Psaumes 145.5
¹¹ φθέγξασθε φωνὴν ἀνακρουομένων ἀνὰ μέσον εὐφραινομένων ἐκεῖ δώσουσιν δικαιοσύνην κυρίῳ δίκαιοι ἐνίσχυσαν ἐν τῷ Ισραηλ τότε κατέβη εἰς τὰς πόλεις αὐτοῦ ὁ λαὸς κυρίου.
Michée 6.5 1 Samuel 12.7 Genèse 26.20-26.22 Juges 5.8 Deutéronome 22.24
¹² ἐξεγείρου ἐξεγείρου Δεββωρα ἐξέγειρον μυριάδας μετὰ λαοῦ ἐξεγείρου ἐξεγείρου λάλει μετ’ ᾠδῆς ἐνισχύων ἐξανίστασο Βαρακ καὶ ἐνίσχυσον Δεββωρα τὸν Βαρακ αἰχμαλώτιζε αἰχμαλωσίαν σου υἱὸς Αβινεεμ.
Psaumes 57.8 Ephésiens 4.8 Psaumes 68.18 Esaïe 52.1-52.2 Esaïe 51.17
¹³ πότε ἐμεγαλύνθη ἡ ἰσχὺς αὐτοῦ κύριε ταπείνωσόν μοι τοὺς ἰσχυροτέρους μου.
Esaïe 41.15-41.16 Psaumes 49.14 Apocalypse 2.26-2.27 Psaumes 75.7 Apocalypse 3.9
¹⁴ λαὸς Εφραιμ ἐτιμωρήσατο αὐτοὺς ἐν κοιλάδι ἀδελφοῦ σου Βενιαμιν ἐν λαοῖς σου ἐξ ἐμοῦ Μαχιρ κατέβησαν ἐξερευνῶντες καὶ ἐκ Ζαβουλων κύριος ἐπολέμει μοι ἐν δυνατοῖς ἐκεῖθεν ἐν σκήπτρῳ ἐνισχύοντος ἡγήσεως.
Juges 12.15 Nombres 32.39-32.40 Juges 3.13 Juges 3.27 Exode 17.8-17.16
¹⁵ ἐν Ισσαχαρ μετὰ Δεββωρας ἐξαπέστειλεν πεζοὺς αὐτοῦ εἰς τὴν κοιλάδα ἵνα τί σὺ κατοικεῖς ἐν μέσῳ χειλέων ἐξέτεινεν ἐν τοῖς ποσὶν αὐτοῦ ἐν διαιρέσεσιν Ρουβην μεγάλοι ἀκριβασμοὶ καρδίας.
Juges 4.14 Juges 4.10 Juges 4.6 Actes 20.13 2 Corinthiens 11.2
¹⁶ ἵνα τί μοι κάθησαι ἀνὰ μέσον τῶν μοσφαθαιμ τοῦ εἰσακούειν συρισμοὺς ἐξεγειρόντων τοῦ διελθεῖν εἰς τὰ τοῦ Ρουβην μεγάλοι ἐξιχνιασμοὶ καρδίας.
Nombres 32.24 Juges 5.15 Psaumes 4.4 Lamentations 3.40-3.41 Philippiens 3.19
¹⁷ Γαλααδ ἐν τῷ πέραν τοῦ Ιορδάνου κατεσκήνωσεν καὶ Δαν ἵνα τί παροικεῖ πλοίοις Ασηρ παρῴκησεν παρ’ αἰγιαλὸν θαλασσῶν καὶ ἐπὶ τὰς διακοπὰς αὐτοῦ κατεσκήνωσεν.
Josué 13.25 Josué 13.31 Josué 19.24-19.31
¹⁸ Ζαβουλων λαὸς ὀνειδίσας ψυχὴν αὐτοῦ εἰς θάνατον καὶ Νεφθαλιμ ἐπὶ ὕψη ἀγροῦ.
Juges 4.10 Juges 4.6 Apocalypse 12.11 1 Jean 3.16 Actes 20.24
¹⁹ ἦλθον βασιλεῖς καὶ παρετάξαντο τότε ἐπολέμησαν βασιλεῖς Χανααν ἐν Θενναχ ἐπὶ ὕδατος Μαγεδδω πλεονεξίαν ἀργυρίου οὐκ ἔλαβον.
Juges 5.30 Juges 1.27 1 Rois 4.12 Apocalypse 19.19 Psaumes 68.12-68.14
²⁰ ἐκ τοῦ οὐρανοῦ ἐπολέμησαν ἀστέρες ἐκ τῆς τάξεως αὐτῶν ἐπολέμησαν μετὰ Σισαρα.
Josué 10.11 Juges 4.15 1 Samuel 7.10 Psaumes 77.17-77.18
²¹ χειμάρρους Κισων ἐξέβαλεν αὐτούς χειμάρρους καδημιμ χειμάρρους Κισων καταπατήσει αὐτοὺς ψυχή μου δυνατή.
Juges 4.7 Psaumes 44.5 Esaïe 25.10 1 Rois 18.40 Psaumes 83.9-83.10
²² τότε ἀπεκόπησαν πτέρναι ἵππου αμαδαρωθ δυνατῶν αὐτοῦ.
Psaumes 147.10-147.11 Michée 4.13 Psaumes 33.17 Jérémie 47.4 Esaïe 5.28
²³ καταράσασθε Μαρωζ εἶπεν ὁ ἄγγελος κυρίου καταράσει καταράσασθε τοὺς ἐνοίκους αὐτῆς ὅτι οὐκ ἤλθοσαν εἰς τὴν βοήθειαν κυρίου βοηθὸς ἡμῶν κύριος ἐν μαχηταῖς δυνατός.
Juges 21.9-21.10 1 Samuel 17.47 1 Samuel 26.19 1 Corinthiens 3.9 Matthieu 25.41
²⁴ εὐλογηθείη ἐκ γυναικῶν Ιαηλ γυνὴ Χαβερ τοῦ Κιναίου ἐκ γυναικῶν ἐν σκηνῇ εὐλογηθείη.
Juges 4.17 Luc 1.28 Luc 1.42 Proverbes 31.31 Genèse 14.19
²⁵ ὕδωρ ᾔτησεν αὐτήν καὶ γάλα ἔδωκεν αὐτῷ ἐν λακάνῃ ἰσχυρῶν προσήγγισεν βούτυρον.
Juges 4.19-4.21
²⁶ τὴν χεῖρα αὐτῆς τὴν ἀριστερὰν εἰς πάσσαλον ἐξέτεινεν τὴν δεξιὰν αὐτῆς εἰς ἀποτομὰς κατακόπων καὶ ἀπέτεμεν Σισαρα ἀπέτριψεν τὴν κεφαλὴν αὐτοῦ καὶ συνέθλασεν καὶ διήλασεν τὴν γνάθον αὐτοῦ.
Juges 4.21 1 Samuel 17.49-17.51 2 Samuel 20.22
²⁷ ἀνὰ μέσον τῶν ποδῶν αὐτῆς συγκάμψας ἔπεσεν ἐκοιμήθη μεταξὺ ποδῶν αὐτῆς ἐν ᾧ ἔκαμψεν ἐκεῖ ἔπεσεν ταλαίπωρος.
Psaumes 52.7 Jacques 2.13 Matthieu 7.2
²⁸ διὰ τῆς θυρίδος διέκυπτεν ἡ μήτηρ Σισαρα διὰ τῆς δικτυωτῆς ἐπιβλέπουσα ἐπὶ τοὺς μεταστρέφοντας μετὰ Σισαρα διὰ τί ἠσχάτισεν τὸ ἅρμα αὐτοῦ παραγενέσθαι διὰ τί ἐχρόνισαν ἴχνη ἁρμάτων αὐτοῦ.
2 Rois 1.2 Proverbes 7.6 Cantique 2.9 Cantique 8.14 Juges 4.15
²⁹ σοφαὶ ἀρχουσῶν αὐτῆς ἀνταπεκρίναντο πρὸς αὐτήν καὶ αὐτὴ ἀπεκρίνατο ἐν ῥήμασιν αὐτῆς.
³⁰ οὐχὶ εὑρήσουσιν αὐτὸν διαμερίζοντα σκῦλα φιλιάζων φίλοις εἰς κεφαλὴν δυνατοῦ σκῦλα βαμμάτων Σισαρα σκῦλα βαμμάτων ποικιλίας βαφὴ ποικίλων περὶ τράχηλον αὐτοῦ σκῦλον.
Exode 15.9 Job 20.5 Psaumes 45.14 Genèse 37.3 2 Samuel 13.18
³¹ οὕτως ἀπόλοιντο πάντες οἱ ἐχθροί σου κύριε καὶ οἱ ἀγαπῶντες αὐτὸν καθὼς ἡ ἀνατολὴ τοῦ ἡλίου ἐν δυναστείαις αὐτοῦ καὶ ἡσύχασεν ἡ γῆ τεσσαράκοντα ἔτη.
Psaumes 19.4-19.5 2 Samuel 23.4 Psaumes 37.6 Romains 8.28 Jacques 1.12