1 È tandu ghjunsinu unipochi chì li parledinu di i Galilei chì Pilatu avia fattu tumbà, mischiendu u so sangui cù quillu di i so sacrifizii.
Lamentations 2.20 Matthieu 27.2 1 Pierre 4.17-4.18 Actes 5.37 Ezéchiel 9.5-9.7
2 È Ghjesù rispundì : « soca criditi ch’elli fussinu stati più gran piccatori cà l’altri Galilei, par essa morti cusì ?
Jean 9.2 Actes 28.4 Job 22.5-22.16 Luc 13.4
3 Innò, ma sì voi ùn vi cunvirtiti, eti da piriscia tutti cum’è elli.
Matthieu 12.45 Matthieu 3.2 Matthieu 24.21-24.29 Luc 23.28-23.30 Matthieu 3.10-3.12
4 È quilli diciottu chì a torra li caschedi à dossu in Siloè è i tumbedi tutti, criditi ch’elli fussinu stati più culpevuli cà tutti quilli chì stanu in Ghjerusalemi ?
Jean 9.11 Jean 9.7 Matthieu 6.12 Luc 11.4 Néhémie 3.15
5 Innò, a vi dicu, ma sì voi ùn vi cunvirtiti eti da piriscia tutti cum’è elli. »
Luc 13.3 Ezéchiel 18.30 Esaïe 28.10-28.13
6 È li dissi issa parabula : « un omu avia una fica chì criscia in la so vigna, è andedi par coglia i fichi ma ùn ni truvedi.
Jérémie 2.21 Galates 5.22 Matthieu 21.19-21.20 Philippiens 4.17 Jean 15.16
7 È dissi à u vignaghjolu : ‘mì, sò trè anni ch’e’ vengu à coglia i fichi d’issa fica è ùn ni trovu ; taglia la puri, ch’ella ùn pigli u locu par nulla.’
Matthieu 7.19 Luc 3.9 Exode 32.10 Romains 2.4-2.5 Lévitique 19.23
8 Ma quillu li rispundì : ‘o signò, lascia la stà ancu par quistannu, ch’e a zappitteghji è ch’e l’assuvi
Joël 2.17 2 Pierre 3.9 Exode 34.9 Nombres 14.11-14.20 Jérémie 14.7-14.9
9 da veda s’ella farà i fichi un antru annu ; sì di nò, a farè taglià.’ »
Esdras 9.14-9.15 Jean 15.2 1 Thessaloniciens 2.15 Psaumes 69.22-69.28 Hébreux 6.8
10 Ghjesù insignava ind’ una sinagoga u ghjornu di u sabbatu.
Matthieu 4.23 Luc 4.44 Luc 4.15-4.16
11 È ci era una donna chì eranu diciottu anni ch’ella era inferma par via di un ispiritu gattivu chì a tinia aghjumpata, è ùn si pudia addirrizzà micca.
Luc 13.16 Luc 8.2 Luc 8.43 Job 2.7 Luc 8.27
12 Videndu la Ghjesù a chjamedi è li dissi : « o donna, sè guarita di a to infirmità. »
Psaumes 107.20 Matthieu 8.16 Joël 3.10 Esaïe 65.1 Luc 13.16
13 È à tempu li missi i mani in capu, è ella s’addirizzò subitu è ludedi à Diu.
Psaumes 103.1-103.5 Luc 18.43 Marc 5.23 Marc 16.18 Luc 4.40
14 Ma u capisinagoga s’infuriò par via chì Ghjesù l’avia risanata u ghjornu di u sabbatu ; dissi à a folla : « sò sei i ghjorni ch’ellu ci voli à travaglià; viniti tandu à fà vi curà, micca u ghjornu di u sabbatu. »
Exode 20.9 Luc 8.41 Matthieu 12.2 Luc 6.11 Luc 6.7
15 È u Signori li risposi cusì : « o falsi chì voi seti, soca ugnunu di voi, u ghjornu di u sabbatu, ùn discioglii da a stalla u so boiu o u so sumeri è ùn lu porta à bia ?
Luc 14.5 Actes 13.9-13.10 Luc 6.42 Matthieu 23.28 Proverbes 11.9
16 È à issa donna chì hè figliola d’Abraamu è chì Satanassu a tinia ligata chì eranu diciottu anni, ùn ci vulia à scioglia li issa pastoghja u ghjornu di u sabbatu ? »
Luc 19.9 Jean 8.44 Luc 3.8 Matthieu 4.10 Romains 4.12-4.16
17 È mentri ch’ellu parlava cusì tutti quilli chì li eranu contru s’avvargugnavanu è tutta a folla si ralicrava videndu i so fatti boni.
Psaumes 132.18 1 Pierre 3.16 Esaïe 4.2 2 Timothée 3.9 Actes 3.9-3.11
18 È li dissi : « à chì s’assumiglia u Regnu di Diu, cù chì l’avaraghju da paragunà ?
Luc 13.20 Marc 4.30-4.34 Luc 7.31 Marc 4.26 Luc 17.21
19 Hè cum’è un granellu di senapa, chì un omu hà pigliatu è postu in lu chjosu, è dopu hè crisciutu,hè vinutu arburu è l’acelli anu fattu i nidi in li so rami. »
Matthieu 17.20 Cantique 6.2 Zacharie 2.11 Ezéchiel 47.1-47.12 Esaïe 53.10-54.3
20 È dissi dinò : « cù chì avaraghju da paragunà u Regnu di Diu ?
21 Hè cum’è u levitu, chì una donna hà pigliatu è impastatu cù un mezu saccu di farina, fin à ch’ella livitessi tutta a pasta. »
Matthieu 13.33 1 Corinthiens 5.6 Psaumes 92.13-92.14 Job 17.9 Proverbes 4.18
22 È Ghjesù passava pà i cità è i paesi, è insignava fendu strada ver di Ghjerusalemi.
Luc 9.51 Marc 6.6 Luc 4.43-4.44 Actes 10.38 Marc 10.32-10.34
23 È unu li dissi : « o Signori, avaranu da essa pochi quilli chì saranu salvi ? » Ghjesù rispundì dicendu à a ghjenti :
Matthieu 7.14 Matthieu 19.25 Luc 21.7-21.8 Matthieu 24.3-24.5 Matthieu 20.16
24 « feti i sforzi da entra pà a porta stretta, chì parechji, a vi dicu, pruvaranu à entra è ùn pudaranu.
2 Pierre 1.10 Proverbes 21.25 Jean 8.21 1 Corinthiens 9.24-9.27 Matthieu 7.13-7.14
25 Quand’ì u patron di casa si sarà arrittu è ch’ellu avarà sarratu a porta, chì voi stareti fora è chì voi pichjareti à a porta dicendu : ‘o signò, apri ci’, ellu vi rispundarà : ‘ùn sò di quali voi ni seti.’
Matthieu 25.10-25.12 Luc 13.27 Luc 6.46 Matthieu 7.21-7.23 Genèse 7.16
26 Tandu l’avareti da dì : ‘emu magnatu è bitu cù tecu, è insignavi in li nostri piazzi.’
Tite 1.16 Esaïe 58.2 2 Timothée 3.5
27 Ellu vi diciarà ‘ùn sò di quali voi ni seti ; luntan da mè, voi tutti, chì feti a inghjustizia!’
Matthieu 25.41 Psaumes 6.8 Luc 13.25 Psaumes 119.115 Matthieu 7.22-7.23
28 È tandu ci saranu i pienti è i chirchenni, quand’ì voi vidareti à Abraamu, à Isaccu, à Ghjacobbe è à tutti i prufeti, in lu Regnu di Diu, è chì voi sareti lampati fora.
Matthieu 25.30 Matthieu 8.11-8.12 Matthieu 22.13 Matthieu 24.51 Apocalypse 22.15
29 È vinarà omi da livanti è da punenti, da u nordu è da u meziornu, è si mittaranu à tavulinu in lu Regnu di Diu.
Ephésiens 3.6-3.8 Colossiens 1.6 Marc 13.27 Esaïe 43.6 Genèse 28.14
30 È mirè, ci sò di l’ultimi chì saranu i prima, è di i prima chì saranu l’ultimi. »
Matthieu 19.30 Marc 10.31 Matthieu 20.16 Matthieu 8.11-8.12 Matthieu 3.9-3.10
31 Tandu ghjunsinu unipochi di Farusei è li dissinu : « esci è vai ti ni da quì, chì Erodi ti voli tumbà. »
Néhémie 6.9-6.11 Psaumes 11.1-11.2 Amos 7.12-7.13 Matthieu 14.1 Luc 3.1
32 È Ghjesù li rispundì : « andeti è diti à issa vulpaccia : Cacciu i dimonii è risanu ghjenti oghji è dumani, è u terzu ghjornu avaraghju compiu tuttu.
Hébreux 2.10 Hébreux 5.9 Luc 9.7-9.9 Jean 19.30 Marc 6.14
33 Ma mi tocca à fà strada oghji è dumani è u dopu ghjornu, chì ùn pò essa ch’ellu morghi un prufeta for di Ghjerusalemi.
Matthieu 21.11 Jean 12.35 Jean 4.34 Actes 10.38 Matthieu 20.18
34 O Ghjerusalemi, o Ghjerusalemi, chì fai mora i prufeti è tombi à pitrati quilli chì ti sò mandati, quantu volti aghju vulsutu aduniscia i to figlioli, cum’è a ghjallina ascondi i piulelli sottu à i so ali,ma voi ùn eti vulsutu !
Actes 7.52 Matthieu 23.37-23.39 Deutéronome 32.11-32.12 Luc 19.41-19.42 Luc 23.28
35 A vostra casa hè lasciata in mani à voi, a vi dicu, ùn mi vidareti più fin’à chì vo dicati :
binadettu quillu chì veni in nomi di u Signori. »
Psaumes 118.26 Matthieu 21.9 Daniel 9.26-9.27 Esaïe 1.7-1.8 Luc 21.5-21.6