1 Unipochi di ghjorni dopu, Ghjesù ghjunse torna in Cafarnau. Intesu ch’ellu era in casa,
Matthieu 9.1 Luc 18.35-18.38 Marc 7.24 Luc 5.18 Marc 1.45
2 accorse tanta ghjente chì, mancu firmava locu davanti à a porta. Ed ellu predicava a parolla.
Marc 1.45 Marc 2.13 Luc 8.11 Romains 10.8 Actes 11.19
3 Ed eccu chì quattru omi chì purtavarolla un paraliticu si fecenu avanti.
Luc 5.18-5.26 Matthieu 9.1-9.8 Matthieu 4.24
4 Ma cum’ellu ùn ci era mezu d’avvicinassi per via di a folla, scuprinu u tettu sopra à duv’ellu era Ghjesù, è, per l’apertura, fecinu falà a barella duv’ellu era stracquatu u paraliticu.
Luc 5.19 Deutéronome 22.8
5 È Ghjesù, videndu a fede di quella ghjente disse à u paraliticu : « o figliò, i to peccati ti sò perdunati. »
Matthieu 9.2 Jacques 5.15 Matthieu 9.22 Jean 5.14 Marc 2.9-2.10
6 Ci si truvavanu à pusà uni pochi di Maestri di a Lege chì pensavanu in elli stessi :
Luc 5.21-5.22 Matthieu 16.7-16.8 2 Corinthiens 10.5 Marc 8.17
7 « cumu hè ch’ellu parla cusì ? Ghjestema. Quale pò perduna i peccati s’ellu ùn hè Diu solu? »
Esaïe 43.25 Luc 7.49 Psaumes 130.4 Daniel 9.9 Jean 10.36
8 Ma Ghjesù chì avia subitu capitu ind’u so spiritu u perchè di isse riflessione li disse : « cumu hè chè vo’ rivugliulate isse cose ind’u vostru core ?
Ezéchiel 38.10 Luc 24.38 1 Chroniques 29.17 Luc 5.22 Esaïe 55.7
9 Chì sarà u più faciule : à dì à u paraliticu : ‘i to peccati ti sò perdunati’, o à dilli : ‘arrizzati, piglia a to barella è viaghja’.
Matthieu 9.5 Luc 5.22-5.25
10 Allora, perchè vo’sappiate chì u Figliolu di l’Omu hà, nantu a terra, u putere di perdunà i peccati,
Daniel 7.13-7.14 Jean 5.20-5.27 1 Timothée 1.13-1.16 Matthieu 16.13 Actes 5.31
11 ti ne dò l’ordine, disse à u paraliticu : ‘arrizzati, piglia a to barella è vaitine in casa toia’. »
Jean 5.8-5.10 Marc 1.41 Jean 6.63
12 Quellu s’arrizzò subitu, pigliò a so barella è si ne andò vistu da tutti, di modu ch’elli fermonu meravigliati è, glurifichendu à Diu dicianu : « ùn n’avemu mai vistu un affare simule. »
Matthieu 9.33 Matthieu 9.8 Luc 7.16 Luc 13.13 Jean 9.32
13 Ghjesù si n’andò torna ver’ di u mare ; tutta a folla andava à truvallu, è ellu insegnava.
Marc 1.45 Matthieu 13.1 Marc 3.20-3.21 Marc 2.2 Luc 21.38
14 Strada facendu, vide à Levì, u figliolu d’Alfeu, chì pusava à u so scagnu, è li disse : « seguitami. » È Levì, arrizzendusi, u seguitò.
Marc 3.18 Luc 5.27-5.32 Marc 1.17-1.20 Actes 1.13 Luc 6.15
15 Era à tavulinu in casa di Levì è ci era assai publicani è peccatori attavulinati cù Ghjesù è i so discepuli, chì eranu parechji à seguitallu.
Luc 15.1 Luc 5.29-5.30 Luc 6.17 Matthieu 9.10-9.11 Matthieu 21.31-21.32
16 Allora i scribi (di u pertitu di i) Farusei, vistu ch’ellu manghjava cù i publicani è i peccatori, dissenu à i discepuli : « cumu hè ch’ellu manghja cù i publicani è i peccatori? »
Esaïe 65.5 Actes 23.9 Luc 18.11 Luc 19.7 Hébreux 12.3
17 Ghjesù chì l’avia intesi li disse : « ùn sò i sani chì anu bisognu di u medicu : sò i malati ! Ùn sò micca venutu per chjamà i ghjusti ma i peccatori. »
Luc 5.31-5.32 Matthieu 9.12-9.13 Luc 19.10 1 Timothée 1.15-1.16 Luc 15.7
18 Èi discepuli di Ghjuvanni è i Farusei facianu u dighjunu. Allora uni pochi ghjunsenu à dilli : « cumu hè chì i discepuli di Ghjuvanni è quelli di i Farusei facenu u dighjunu è i to discepuli ùn ne facenu ? »
Matthieu 6.16 Matthieu 6.18 Luc 18.12 Matthieu 9.14-9.17 Romains 10.3
19 È Ghjesù li rispose : « serà po chì l’amici di u sposu possanu fà u dighjunu tantu chì u sposu hè cun elli ? Tantu chì u sposu hè cun elli ùn ponu fà dighjunu.
Genèse 29.22 Matthieu 25.1-25.10 Juges 14.10-14.11 Psaumes 45.14 Cantique 6.8
20 Ma venera un ghjornu chì u sposu li serà cacciatu. Tandu faranu u dighjunu.
Esaïe 54.5 Luc 17.22 Jean 13.33 Actes 14.23 Zacharie 13.7
21 « ùn ci hè nimu ch’impezzi un pannu vechju di stofa nova, chì tandu a stofa nova strappa u pannu vechju è a sdrigitura s’ingrenda.
Matthieu 9.16 Esaïe 57.16 Psaumes 103.13-103.15 1 Corinthiens 10.13
22 È nimu mette u vinu novu inde l’otre vechje, o sinnò u vinu crepa l’otre, è vinu è otre ùn sò più da nulla. U vinu novu ci vole à mettelu inde l’otre nove. »
Luc 5.37-5.38 Matthieu 9.17 Psaumes 119.83 Job 32.19 Josué 9.4
23 Un sabbatu, mentre chì Ghjesù marchjava à l’orici d’un suminatu, i discepuli ci si cansedinu per strappassi due spighe.
Luc 6.1-6.5 Matthieu 12.1-12.8 Deutéronome 23.24-23.25
24 Allora i Farusei li dissenu : « mì ! Cumu hè chì i to discepuli facenu ciò chì ùn si deve fà u sabbatu? »
Matthieu 15.2-15.3 Exode 20.10 Matthieu 23.23-23.24 Esaïe 56.6 Matthieu 12.2
25 Li rispose : « ùn avete mai lettu ciò ch’ellu fece Davide quand’ellu si truvò inde u bisognu è chì ellu stessu è i so cumpagni ebbenu a fame ?
1 Samuel 21.3-21.6 Matthieu 21.16 Matthieu 22.31 Marc 12.26 Marc 12.20
26 Cumu ch’ellu entrò in la casa di Diu, à l’epuca chì Abiatar era u capisacerdote, è manghjò i pani di l’offerta riservati à i soli sacerdoti, è ne dede ancu à iso cumpagni ? »
2 Samuel 8.17 Lévitique 24.5-24.9 1 Samuel 21.1 1 Chroniques 24.6 2 Samuel 15.35
27 Poi disse : « u sabbatu hè statu fattu per l’omu è micca l’omu pè u sabbatu.
Colossiens 2.16 Deutéronome 5.14 Exode 23.12 Luc 6.9 Ezéchiel 20.20
28 È per ciò, u Figliolu di l’Omu hè patrone ancu di u sabbatu. »
Apocalypse 1.10 Jean 5.9-5.11 Jean 9.5-9.11 Ephésiens 1.22 Jean 9.16