Matthieu 2.7
Les Évangiles en Corse

Ghjunghjenu i sapienti venuti da l’oriente

¹ Ghjesù era natu in Betleeme, una cità di Ghjudea, in tempi di u rè Erode. Tandu ghjunsenu in Ghjerusaleme unepochi di sapienti venuti da l’Oriente.
Luc 2.4-2.7 Michée 5.2 Daniel 9.24-9.25 Genèse 49.10 Luc 1.5
² Dissenu : « duve hè issa criatura nata pocu fà, u rè di i Ghjudei ? In Oriente avemu vistu spuntà a so stella è simu ghjunti quì à fà li onore. »
Nombres 24.17 Jérémie 23.5 Esaïe 9.6-9.7 Zacharie 9.9 Jean 1.49
³ Intesu cusì fù scunvoltu u rè Erode, è, à tempu à ellu, Ghjerusaleme sana sana.
Matthieu 23.37 Matthieu 8.29 Jean 11.47-11.48 Actes 4.24-4.27 Actes 16.20-16.21
⁴ U rè piglia è accoglie tutti i capisacerdoti è i maestri di a lege, è li dumanda duv’ellu avia da nasce u Cristu.
Actes 23.9 Malachie 2.7 Jean 8.3 Actes 4.5 Matthieu 13.52
⁵ Quelli risposenu : « in Betleeme di Ghjudea, cum’ellu l’hà scritta u prufeta :


Genèse 35.19 Ruth 4.11 Ruth 1.1 1 Samuel 16.1 Ruth 2.4
⁶ È tù, o Betleeme, terra di Ghjuda,
di sicura ùn serai a più chjuca
di e cità di a Ghjudea,
chì da tè hà da esce un guida
è hà da appasturà u mo populu, Israele. »


Michée 5.2 Jean 7.42 Apocalypse 11.15 Genèse 49.10 Nombres 24.19
⁷ Tandu Erode chjamò à l’appiattu i sapienti è si fece dì, in manera sicura, quand’ella era spuntata a stella
Matthieu 26.3-26.5 Esaïe 7.5-7.7 Psaumes 55.21 1 Samuel 18.21 Psaumes 83.3-83.4
⁸ È po i mandò in Betleeme dicendu li : « andate è buscate indezii precisi nant’à issa criatura. Quand’è vo l’averete trova, fate mi la sapè ch’eu voghi ancu eu à fà li onore. »
Psaumes 55.11-55.15 Psaumes 12.2-12.3 Esdras 4.1-4.2 Lamentations 3.37 Psaumes 33.10-33.11
⁹ Avendu lu intesu, partinu. Ed eccu chì a stella ch’elli avianu vistu in Oriente li viaghjava davanti ; ghjunta sopr’à u locu duv’ella era a criatura, a stella si firmò ;
Matthieu 2.2 Proverbes 2.1-2.6 2 Pierre 1.19 Proverbes 8.17 Psaumes 25.12
¹⁰ à vede la ne sentinu tamanta gioia.
Luc 2.20 Romains 15.9-15.13 Luc 2.10 Psaumes 67.4 Psaumes 105.3
¹¹ Entrati in la casa, vedenu u zitellu cù Maria, a mamma. Si indinochjanu pè adurà lu, aprenu i so tisori è li offrenu rigali : oru, incensu è mirra.
Psaumes 72.10 Esaïe 60.6 Matthieu 2.2 1 Samuel 10.27 Luc 2.38
¹² Più tardi un sognu l’avertì di ùn avè da turnà ind’è Erode, è si ne vultonu in i so lochi pè Ùnantra strada.
Matthieu 2.22 Matthieu 27.19 Matthieu 1.20 Matthieu 2.19 Exode 1.17

Fughjenu in Egittu

¹³ Partuti elli, un anghjulu di Diu si prisenta in sognu à Ghjiseppu è li dice : « pesa ti, piglia a criatura è a mamma, fughji in Egittu è stà ci sin’à ch’eu ti parli, chì Erode hà da fà circà a criatura pè tumbà la. »
Exode 1.22 Job 33.15 Matthieu 2.12 Actes 5.19 Actes 12.11
¹⁴ Ghjiseppu si pisò, pigliò, di notte tempu, u criaturu è a mamma è partì in Egittu.
Matthieu 2.20-2.21 Actes 26.21 Matthieu 1.24
¹⁵ Ci stete sin’à a morte di Erode, da ch’ella venga cumpiita a parolla di u Signore, detta da u prufeta : aghju fattu vene u mo figliolu da l’Egittu.’
Osée 11.1 Exode 4.22 Jean 19.36 Matthieu 1.22 Jean 19.28

E criature sò stirpate

¹⁶ Tandu Erode videndu chì i sapienti l’avianu brullatu s’inzergò à l’alta. è cumandò di tumbà ogni criatura di Betleeme è di tuttu u circondu, sin’à l’età di dui anni, sicondu u tempu calculatu da i sappienti.
Esaïe 59.7 Juges 16.10 Job 12.4 Apocalypse 17.6 Genèse 49.7
¹⁷ Cusì vense cumpiita a parolla detta da u prufeta Ghjeremia :


¹⁸ una voce si hè intesa in Rama,
tamantu pientu è lamentu ;
Rachele pienghje i so figlioli
è ùn vole esse cunsulata chì ùn ci sò più.’

Jérémie 31.15 Jérémie 4.31 Genèse 35.16-35.20 Jérémie 9.17-9.21 Genèse 42.36

Voltanu da l’Egittu

¹⁹ Mortu Erode, un anghjulu di Diu cumparse in sognu à Ghjiseppu in Egittu,
Matthieu 1.20 Daniel 8.25 Esaïe 51.12 Jérémie 30.10 Daniel 11.45
²⁰ è li disse : « pesa ti, piglia a criatura è a mamma è parti in terra d’Israele, chì sò morti quelli chì vulianu fà more u bambinu. »
Exode 4.19 1 Rois 11.21 Matthieu 2.13 1 Rois 12.1-12.3 Proverbes 3.5-3.6
²¹ Ghjiseppu si pisò, pigliò a criatura è a mamma è partì in terra d’Israele.
Hébreux 11.8 Genèse 6.22
²² Ma quand’ellu intese chì Archelau era rè, invece di u babbu Erode, Ghjiseppu temì di andà ci è, prevenutu da un sognu, si ritirò in Galilea.
Luc 2.39 Matthieu 3.13 Matthieu 2.12-2.13 Matthieu 2.19 Psaumes 121.8
²³ À tempu ghjuntu andete à stà in una cità chjamata Nazarè. Cusì vense cumpiita a parolla detta da i prufeta : Nazarenu sarà chjamatu’.
Jean 18.7 Juges 13.5 Jean 1.45-1.46 Jean 19.19 Jean 18.5