Esaïe 26.9
Biblia Hebraica Stuttgartensia

Cantique à la gloire de Dieu

¹ בַּיֹּ֣ום הַה֔וּא יוּשַׁ֥ר הַשִּׁיר־הַזֶּ֖ה בְּאֶ֣רֶץ יְהוּדָ֑ה עִ֣יר עָז־לָ֔נוּ יְשׁוּעָ֥ה יָשִׁ֖ית חֹומֹ֥ות וָחֵֽל׃
Esaïe 60.18 Jérémie 33.11 Psaumes 31.21 Esaïe 62.11 Esaïe 27.1-27.2
² פִּתְח֖וּ שְׁעָרִ֑ים וְיָבֹ֥א גֹוי־צַדִּ֖יק שֹׁמֵ֥ר אֱמֻנִֽים׃
Esaïe 60.11 1 Pierre 2.9 Actes 2.47 Esaïe 62.10 Esaïe 54.14
³ יֵ֣צֶר סָמ֔וּךְ תִּצֹּ֖ר שָׁלֹ֣ום׀ שָׁלֹ֑ום כִּ֥י בְךָ֖ בָּטֽוּחַ׃
Philippiens 4.7 Jean 14.27 Jean 16.33 Psaumes 9.10 Romains 4.18-4.21
⁴ בִּטְח֥וּ בַֽיהוָ֖ה עֲדֵי־עַ֑ד כִּ֚י בְּיָ֣הּ יְהוָ֔ה צ֖וּר עֹולָמִֽים׃
Esaïe 12.2 Philippiens 4.13 Esaïe 50.10 Psaumes 62.8 Psaumes 55.22
⁵ כִּ֤י הֵשַׁח֙ יֹשְׁבֵ֣י מָרֹ֔ום קִרְיָ֖ה נִשְׂגָּבָ֑ה יַשְׁפִּילֶ֤נָּה יַשְׁפִּילָהּ֙ עַד־אֶ֔רֶץ יַגִּיעֶ֖נָּה עַד־עָפָֽר׃
Job 40.11-40.13 Jérémie 51.64 Esaïe 13.11 Esaïe 14.13 Jérémie 51.37
⁶ תִּרְמְסֶ֖נָּה רָ֑גֶל רַגְלֵ֥י עָנִ֖י פַּעֲמֵ֥י דַלִּֽים׃
1 Corinthiens 1.26 Esaïe 60.14 Jérémie 50.45 Luc 10.19 Esaïe 25.10
⁷ אֹ֥רַח לַצַּדִּ֖יק מֵֽישָׁרִ֑ים יָשָׁ֕ר מַעְגַּ֥ל צַדִּ֖יק תְּפַלֵּֽס׃
1 Samuel 2.2-2.4 Psaumes 1.6 1 Corinthiens 4.5 Psaumes 11.4 Ephésiens 2.10
⁸ אַ֣ף אֹ֧רַח מִשְׁפָּטֶ֛יךָ יְהוָ֖ה קִוִּינ֑וּךָ לְשִׁמְךָ֥ וּֽלְזִכְרְךָ֖ תַּאֲוַת־נָֽפֶשׁ׃
Exode 3.15 Job 23.10-23.12 2 Thessaloniciens 3.5 Esaïe 30.18 Psaumes 77.10-77.12
⁹ נַפְשִׁ֤י אִוִּיתִ֨יךָ֙ בַּלַּ֔יְלָה אַף־רוּחִ֥י בְקִרְבִּ֖י אֲשַֽׁחֲרֶ֑ךָּ כִּ֞י כַּאֲשֶׁ֤ר מִשְׁפָּטֶ֨יךָ֙ לָאָ֔רֶץ צֶ֥דֶק לָמְד֖וּ יֹשְׁבֵ֥י תֵבֵֽל׃
Psaumes 63.1 Matthieu 6.33 Apocalypse 11.13 Cantique 3.1-3.4 Luc 6.12
¹⁰ יֻחַ֤ן רָשָׁע֙ בַּל־לָמַ֣ד צֶ֔דֶק בְּאֶ֥רֶץ נְכֹחֹ֖ות יְעַוֵּ֑ל וּבַל־יִרְאֶ֖ה גֵּא֥וּת יְהוָֽה׃ ס
Jean 5.37-5.38 Osée 11.7 Esaïe 5.12 Exode 8.31-8.32 1 Samuel 15.17
¹¹ יְהוָ֛ה רָ֥מָה יָדְךָ֖ בַּל־יֶחֱזָי֑וּן יֶחֱז֤וּ וְיֵבֹ֨שׁוּ֙ קִנְאַת־עָ֔ם אַף־אֵ֖שׁ צָרֶ֥יךָ תֹאכְלֵֽם׃ ס
Esaïe 5.24 Michée 5.9 1 Samuel 6.9 Jérémie 5.3 Exode 9.14
¹² יְהוָ֕ה תִּשְׁפֹּ֥ת שָׁלֹ֖ום לָ֑נוּ כִּ֛י גַּ֥ם כָּֽל־מַעֲשֵׂ֖ינוּ פָּעַ֥לְתָּ לָּֽנוּ׃
Deutéronome 30.6 Ezéchiel 20.22 Jérémie 33.6 Ezéchiel 20.14 Ezéchiel 36.25
¹³ יְהוָ֣ה אֱלֹהֵ֔ינוּ בְּעָל֥וּנוּ אֲדֹנִ֖ים זֽוּלָתֶ֑ךָ לְבַד־בְּךָ֖ נַזְכִּ֥יר שְׁמֶֽךָ׃
Esaïe 2.8 Jean 8.32 Amos 6.10 Esaïe 63.7 1 Corinthiens 4.7
¹⁴ מֵתִים֙ בַּל־יִחְי֔וּ רְפָאִ֖ים בַּל־יָקֻ֑מוּ לָכֵ֤ן פָּקַ֨דְתָּ֙ וַתַּשְׁמִידֵ֔ם וַתְּאַבֵּ֥ד כָּל־זֵ֖כֶר לָֽמֹו׃
Esaïe 8.19 Habakuk 2.18-2.20 Esaïe 26.19 Esaïe 51.12-51.13 Apocalypse 19.19-19.21
¹⁵ יָסַ֤פְתָּ לַגֹּוי֙ יְהוָ֔ה יָסַ֥פְתָּ לַגֹּ֖וי נִכְבָּ֑דְתָּ רִחַ֖קְתָּ כָּל־קַצְוֵי־אָֽרֶץ׃
Esaïe 9.3 Nombres 23.10 Deutéronome 28.25 Genèse 12.2 Jean 17.1
¹⁶ יְהוָ֖ה בַּצַּ֣ר פְּקָד֑וּךָ צָק֣וּן לַ֔חַשׁ מוּסָרְךָ֖ לָֽמֹו׃
Osée 5.15 Psaumes 77.1-77.2 Juges 10.9-10.10 Psaumes 142.2 Osée 7.14
¹⁷ כְּמֹ֤ו הָרָה֙ תַּקְרִ֣יב לָלֶ֔דֶת תָּחִ֥יל תִּזְעַ֖ק בַּחֲבָלֶ֑יהָ כֵּ֛ן הָיִ֥ינוּ מִפָּנֶ֖יךָ יְהוָֽה׃
Jean 16.21 Esaïe 13.8 Esaïe 21.3 1 Thessaloniciens 5.3 Psaumes 48.6
¹⁸ הָרִ֣ינוּ חַ֔לְנוּ כְּמֹ֖ו יָלַ֣דְנוּ ר֑וּחַ יְשׁוּעֹת֙ בַּל־נַ֣עֲשֶׂה אֶ֔רֶץ וּבַֽל־יִפְּל֖וּ יֹשְׁבֵ֥י תֵבֵֽל׃
Psaumes 17.14 Osée 13.13 Jean 7.7 1 Jean 5.19 Exode 5.22-5.23
¹⁹ יִֽחְי֣וּ מֵתֶ֔יךָ נְבֵלָתִ֖י יְקוּמ֑וּן הָקִ֨יצוּ וְרַנְּנ֜וּ שֹׁכְנֵ֣י עָפָ֗ר כִּ֣י טַ֤ל אֹורֹת֙ טַלֶּ֔ךָ וָאָ֖רֶץ רְפָאִ֥ים תַּפִּֽיל׃ ס
Daniel 12.2 Osée 13.14 Ezéchiel 37.1-37.14 Ephésiens 5.14 Esaïe 25.8
²⁰ לֵ֤ךְ עַמִּי֙ בֹּ֣א בַחֲדָרֶ֔יךָ וּֽסְגֹ֥ר דְּלָתְךָ֖ בַּעֲדֶ֑ךָ חֲבִ֥י כִמְעַט־רֶ֖גַע עַד־יַעֲבָר־זָֽעַם׃
Psaumes 30.5 Psaumes 91.4 Esaïe 54.7-54.8 Psaumes 91.1 Esaïe 51.16
²¹ כִּֽי־הִנֵּ֤ה יְהוָה֙ יֹצֵ֣א מִמְּקֹומֹ֔ו לִפְקֹ֛ד עֲוֹ֥ן יֹֽשֵׁב־הָאָ֖רֶץ עָלָ֑יו וְגִלְּתָ֤ה הָאָ֨רֶץ֙ אֶת־דָּמֶ֔יהָ וְלֹֽא־תְכַסֶּ֥ה עֹ֖וד עַל־הֲרוּגֶֽיהָ׃ ס
Job 16.18 Ezéchiel 10.18-10.19 Ezéchiel 10.3-10.5 Esaïe 18.4 Jude 1.14-1.15