Esaïe 26.17
Biblia Hebraica Stuttgartensia

Cantique à la gloire de Dieu

¹ בַּיֹּ֣ום הַה֔וּא יוּשַׁ֥ר הַשִּׁיר־הַזֶּ֖ה בְּאֶ֣רֶץ יְהוּדָ֑ה עִ֣יר עָז־לָ֔נוּ יְשׁוּעָ֥ה יָשִׁ֖ית חֹומֹ֥ות וָחֵֽל׃
Esaïe 60.18 Esaïe 27.1-27.2 Psaumes 48.12 Esaïe 25.9 Jérémie 33.11
² פִּתְח֖וּ שְׁעָרִ֑ים וְיָבֹ֥א גֹוי־צַדִּ֖יק שֹׁמֵ֥ר אֱמֻנִֽים׃
Esaïe 60.11 Esaïe 54.14 Esaïe 62.2 Psaumes 118.20 Apocalypse 21.24
³ יֵ֣צֶר סָמ֔וּךְ תִּצֹּ֖ר שָׁלֹ֣ום׀ שָׁלֹ֑ום כִּ֥י בְךָ֖ בָּטֽוּחַ׃
Philippiens 4.7 Jean 14.27 Jean 16.33 Psaumes 9.10 Romains 4.18-4.21
⁴ בִּטְח֥וּ בַֽיהוָ֖ה עֲדֵי־עַ֑ד כִּ֚י בְּיָ֣הּ יְהוָ֔ה צ֖וּר עֹולָמִֽים׃
Esaïe 12.2 Esaïe 50.10 Psaumes 62.8 Philippiens 4.13 Psaumes 55.22
⁵ כִּ֤י הֵשַׁח֙ יֹשְׁבֵ֣י מָרֹ֔ום קִרְיָ֖ה נִשְׂגָּבָ֑ה יַשְׁפִּילֶ֤נָּה יַשְׁפִּילָהּ֙ עַד־אֶ֔רֶץ יַגִּיעֶ֖נָּה עַד־עָפָֽר׃
Job 40.11-40.13 Esaïe 25.11-25.12 Esaïe 32.19 Esaïe 47.1 Jérémie 51.25-51.26
⁶ תִּרְמְסֶ֖נָּה רָ֑גֶל רַגְלֵ֥י עָנִ֖י פַּעֲמֵ֥י דַלִּֽים׃
Apocalypse 2.26 Esaïe 3.15 Josué 10.24 Romains 16.20 Luc 1.51-1.53
⁷ אֹ֥רַח לַצַּדִּ֖יק מֵֽישָׁרִ֑ים יָשָׁ֕ר מַעְגַּ֥ל צַדִּ֖יק תְּפַלֵּֽס׃
1 Samuel 2.2-2.4 1 Jean 3.10 2 Corinthiens 1.12 Esaïe 35.8 1 Chroniques 29.17
⁸ אַ֣ף אֹ֧רַח מִשְׁפָּטֶ֛יךָ יְהוָ֖ה קִוִּינ֑וּךָ לְשִׁמְךָ֥ וּֽלְזִכְרְךָ֖ תַּאֲוַת־נָֽפֶשׁ׃
Exode 3.15 Psaumes 44.17-44.18 Esaïe 25.9 Nombres 36.13 Esaïe 56.1
⁹ נַפְשִׁ֤י אִוִּיתִ֨יךָ֙ בַּלַּ֔יְלָה אַף־רוּחִ֥י בְקִרְבִּ֖י אֲשַֽׁחֲרֶ֑ךָּ כִּ֞י כַּאֲשֶׁ֤ר מִשְׁפָּטֶ֨יךָ֙ לָאָ֔רֶץ צֶ֥דֶק לָמְד֖וּ יֹשְׁבֵ֥י תֵבֵֽל׃
Matthieu 6.33 Psaumes 63.1 Proverbes 8.17 Psaumes 119.62 Apocalypse 11.13
¹⁰ יֻחַ֤ן רָשָׁע֙ בַּל־לָמַ֣ד צֶ֔דֶק בְּאֶ֥רֶץ נְכֹחֹ֖ות יְעַוֵּ֑ל וּבַל־יִרְאֶ֖ה גֵּא֥וּת יְהוָֽה׃ ס
Jean 5.37-5.38 Osée 11.7 Matthieu 4.5 Apocalypse 2.21 Jérémie 31.23
¹¹ יְהוָ֛ה רָ֥מָה יָדְךָ֖ בַּל־יֶחֱזָי֑וּן יֶחֱז֤וּ וְיֵבֹ֨שׁוּ֙ קִנְאַת־עָ֔ם אַף־אֵ֖שׁ צָרֶ֥יךָ תֹאכְלֵֽם׃ ס
Esaïe 5.24 Michée 5.9 Esaïe 11.13 Esaïe 18.3 Apocalypse 19.20
¹² יְהוָ֕ה תִּשְׁפֹּ֥ת שָׁלֹ֖ום לָ֑נוּ כִּ֛י גַּ֥ם כָּֽל־מַעֲשֵׂ֖ינוּ פָּעַ֥לְתָּ לָּֽנוּ׃
Deutéronome 30.6 Esaïe 57.10 Psaumes 57.2 Psaumes 29.11 Jean 14.27
¹³ יְהוָ֣ה אֱלֹהֵ֔ינוּ בְּעָל֥וּנוּ אֲדֹנִ֖ים זֽוּלָתֶ֑ךָ לְבַד־בְּךָ֖ נַזְכִּ֥יר שְׁמֶֽךָ׃
Esaïe 2.8 Romains 6.22 Esaïe 51.22 Esaïe 10.11 2 Chroniques 12.8
¹⁴ מֵתִים֙ בַּל־יִחְי֔וּ רְפָאִ֖ים בַּל־יָקֻ֑מוּ לָכֵ֤ן פָּקַ֨דְתָּ֙ וַתַּשְׁמִידֵ֔ם וַתְּאַבֵּ֥ד כָּל־זֵ֖כֶר לָֽמֹו׃
Esaïe 8.19 Deutéronome 4.28 Psaumes 106.28 Exode 14.30 Esaïe 14.19-14.22
¹⁵ יָסַ֤פְתָּ לַגֹּוי֙ יְהוָ֔ה יָסַ֥פְתָּ לַגֹּ֖וי נִכְבָּ֑דְתָּ רִחַ֖קְתָּ כָּל־קַצְוֵי־אָֽרֶץ׃
Esaïe 9.3 Jérémie 30.19 Esaïe 10.22 Psaumes 86.9-86.10 Jérémie 32.37
¹⁶ יְהוָ֖ה בַּצַּ֣ר פְּקָד֑וּךָ צָק֣וּן לַ֔חַשׁ מוּסָרְךָ֖ לָֽמֹו׃
Osée 5.15 1 Samuel 1.15 2 Chroniques 6.37-6.38 Deutéronome 4.29-4.30 Esaïe 37.3
¹⁷ כְּמֹ֤ו הָרָה֙ תַּקְרִ֣יב לָלֶ֔דֶת תָּחִ֥יל תִּזְעַ֖ק בַּחֲבָלֶ֑יהָ כֵּ֛ן הָיִ֥ינוּ מִפָּנֶ֖יךָ יְהוָֽה׃
Jean 16.21 Esaïe 13.8 1 Thessaloniciens 5.3 Esaïe 21.3 Jérémie 30.6
¹⁸ הָרִ֣ינוּ חַ֔לְנוּ כְּמֹ֖ו יָלַ֣דְנוּ ר֑וּחַ יְשׁוּעֹת֙ בַּל־נַ֣עֲשֶׂה אֶ֔רֶץ וּבַֽל־יִפְּל֖וּ יֹשְׁבֵ֥י תֵבֵֽל׃
Psaumes 17.14 Esaïe 33.11 2 Rois 19.3 Josué 7.7-7.9 1 Samuel 11.13
¹⁹ יִֽחְי֣וּ מֵתֶ֔יךָ נְבֵלָתִ֖י יְקוּמ֑וּן הָקִ֨יצוּ וְרַנְּנ֜וּ שֹׁכְנֵ֣י עָפָ֗ר כִּ֣י טַ֤ל אֹורֹת֙ טַלֶּ֔ךָ וָאָ֖רֶץ רְפָאִ֥ים תַּפִּֽיל׃ ס
Daniel 12.2 Ezéchiel 37.1-37.14 Ephésiens 5.14 Osée 13.14 Esaïe 25.8
²⁰ לֵ֤ךְ עַמִּי֙ בֹּ֣א בַחֲדָרֶ֔יךָ וּֽסְגֹ֥ר דְּלָתְךָ֖ בַּעֲדֶ֑ךָ חֲבִ֥י כִמְעַט־רֶ֖גַע עַד־יַעֲבָר־זָֽעַם׃
Psaumes 30.5 Psaumes 91.4 Esaïe 54.7-54.8 Psaumes 91.1 Esaïe 10.25
²¹ כִּֽי־הִנֵּ֤ה יְהוָה֙ יֹצֵ֣א מִמְּקֹומֹ֔ו לִפְקֹ֛ד עֲוֹ֥ן יֹֽשֵׁב־הָאָ֖רֶץ עָלָ֑יו וְגִלְּתָ֤ה הָאָ֨רֶץ֙ אֶת־דָּמֶ֔יהָ וְלֹֽא־תְכַסֶּ֥ה עֹ֖וד עַל־הֲרוּגֶֽיהָ׃ ס
Job 16.18 2 Thessaloniciens 1.7-1.10 Luc 11.50 Ezéchiel 24.7-24.8 Luc 11.40