Job 9.26
Biblia Hebraica Stuttgartensia

¹ וַיַּ֥עַן אִיֹּ֗וב וַיֹּאמַֽר׃ ² אָ֭מְנָם יָדַ֣עְתִּי כִי־כֵ֑ן וּמַה־יִּצְדַּ֖ק אֱנֹ֣ושׁ עִם־אֵֽל׃Job 4.17 Romains 3.20 Job 25.4 Psaumes 143.2 Psaumes 130.3
³ אִם־יַ֭חְפֹּץ לָרִ֣יב עִמֹּ֑ו לֹֽא־יַ֝עֲנֶ֗נּוּ אַחַ֥ת מִנִּי־אָֽלֶף׃Job 10.2 Job 40.2 Job 9.32-9.33 Job 33.13 Job 23.3-23.7
⁴ חֲכַ֣ם לֵ֭בָב וְאַמִּ֣יץ כֹּ֑חַ מִֽי־הִקְשָׁ֥ה אֵ֝לָ֗יו וַיִּשְׁלָֽם׃Job 36.5 Job 9.19 Proverbes 29.1 Ephésiens 1.8 Job 12.13
⁵ הַמַּעְתִּ֣יק הָ֭רִים וְלֹ֣א יָדָ֑עוּ אֲשֶׁ֖ר הֲפָכָ֣ם בְּאַפֹּֽו׃Job 28.9 Matthieu 27.51 Luc 21.11 Apocalypse 16.18-16.20 Psaumes 68.8
⁶ הַמַּרְגִּ֣יז אֶ֭רֶץ מִמְּקֹומָ֑הּ וְ֝עַמּוּדֶ֗יהָ יִתְפַלָּצֽוּן׃Hébreux 12.26 Esaïe 2.21 Psaumes 75.3 Aggée 2.6 Esaïe 2.19
⁷ הָאֹמֵ֣ר לַ֭חֶרֶס וְלֹ֣א יִזְרָ֑ח וּבְעַ֖ד כֹּוכָבִ֣ים יַחְתֹּֽם׃Esaïe 13.10 Amos 8.9 Luc 21.25-21.26 Amos 4.13 Exode 10.21-10.22
⁸ נֹטֶ֣ה שָׁמַ֣יִם לְבַדֹּ֑ו וְ֝דֹורֵ֗ךְ עַל־בָּ֥מֳתֵי יָֽם׃Psaumes 104.2-104.3 Esaïe 44.24 Esaïe 40.22 Job 37.18 Jérémie 10.11
⁹ עֹֽשֶׂה־עָ֭שׁ כְּסִ֥יל וְכִימָ֗ה וְחַדְרֵ֥י תֵמָֽן׃Amos 5.8 Genèse 1.16 Job 38.31-38.41 Psaumes 104.13 Actes 28.13
¹⁰ עֹשֶׂ֣ה גְ֭דֹלֹות עַד־אֵ֣ין חֵ֑קֶר וְנִפְלָאֹ֗ות עַד־אֵ֥ין מִסְפָּֽר׃Job 5.9 Psaumes 71.15 Psaumes 72.18 Psaumes 136.4 Job 37.23
¹¹ הֵ֤ן יַעֲבֹ֣ר עָ֭לַי וְלֹ֣א אֶרְאֶ֑ה וְ֝יַחֲלֹ֗ף וְֽלֹא־אָבִ֥ין לֹֽו׃Job 23.8-23.9 Job 35.14 1 Timothée 6.16 Psaumes 77.19
¹² הֵ֣ן יַ֭חְתֹּף מִ֣י יְשִׁיבֶ֑נּוּ מִֽי־יֹאמַ֥ר אֵ֝לָ֗יו מַֽה־תַּעֲשֶֽׂה׃Esaïe 45.9 Job 11.10 Job 23.13 Romains 11.34 Daniel 4.35
¹³ אֱ֭לֹוהַּ לֹא־יָשִׁ֣יב אַפֹּ֑ו תַּחְתָּ֥יו שָׁ֝חֲח֗וּ עֹ֣זְרֵי רָֽהַב׃Esaïe 30.7 Job 26.12 Psaumes 89.10 Esaïe 51.9 Jacques 4.6-4.7
¹⁴ אַ֭ף כִּֽי־אָנֹכִ֣י אֶֽעֱנֶ֑נּוּ אֶבְחֲרָ֖ה דְבָרַ֣י עִמֹּֽו׃Job 4.19 Job 25.6 Job 23.4 Job 11.4-11.5 Job 23.7
¹⁵ אֲשֶׁ֣ר אִם־צָ֭דַקְתִּי לֹ֣א אֶעֱנֶ֑ה לִ֝מְשֹׁפְטִ֗י אֶתְחַנָּֽן׃Job 10.15 Job 8.5 1 Pierre 2.23 2 Chroniques 33.13 Daniel 9.3
¹⁶ אִם־קָרָ֥אתִי וַֽיַּעֲנֵ֑נִי לֹֽא־אַ֝אֲמִ֗ין כִּֽי־יַאֲזִ֥ין קֹולִֽי׃Luc 24.41 Juges 6.13 Exode 6.9 Psaumes 66.18-66.20 Job 29.24
¹⁷ אֲשֶׁר־בִּשְׂעָרָ֥ה יְשׁוּפֵ֑נִי וְהִרְבָּ֖ה פְצָעַ֣י חִנָּֽם׃Job 2.3 Job 16.14 Job 34.6 Jean 9.3 Psaumes 25.3
¹⁸ לֹֽא־יִ֭תְּנֵנִי הָשֵׁ֣ב רוּחִ֑י כִּ֥י יַ֝שְׂבִּעַ֗נִי מַמְּרֹרִֽים׃Job 7.19 Lamentations 3.15 Lamentations 3.18-3.19 Psaumes 39.13 Job 27.2
¹⁹ אִם־לְכֹ֣חַ אַמִּ֣יץ הִנֵּ֑ה וְאִם־לְ֝מִשְׁפָּ֗ט מִ֣י יֹועִידֵֽנִי׃Job 9.4 Job 9.32-9.33 1 Corinthiens 1.25 Job 40.9-40.10 Matthieu 6.13
²⁰ אִם־אֶ֭צְדָּק פִּ֣י יַרְשִׁיעֵ֑נִי תָּֽם־אָ֝֗נִי וַֽיַּעְקְשֵֽׁנִי׃Job 34.35 Job 15.5-15.6 Proverbes 10.19 Job 35.16 Job 1.1
²¹ תָּֽם־אָ֭נִי לֹֽא־אֵדַ֥ע נַפְשִׁ֗י אֶמְאַ֥ס חַיָּֽי׃Job 1.1 Psaumes 139.23-139.24 Job 7.21 1 Jean 3.20 Proverbes 28.26
²² אַחַ֗ת הִ֥יא עַל־כֵּ֥ן אָמַ֑רְתִּי תָּ֥ם וְ֝רָשָׁ֗ע ה֣וּא מְכַלֶּֽה׃Ecclésiaste 9.1-9.3 Ezéchiel 21.3-21.4 Job 10.8 Luc 13.2-13.4
²³ אִם־שֹׁ֭וט יָמִ֣ית פִּתְאֹ֑ם לְמַסַּ֖ת נְקִיִּ֣ם יִלְעָֽג׃Psaumes 44.22 Ezéchiel 14.19-14.21 Job 4.7 Job 2.7 Job 1.13-1.19
²⁴ אֶ֤רֶץ׀ נִתְּנָ֬ה בְֽיַד־רָשָׁ֗ע פְּנֵֽי־שֹׁפְטֶ֥יהָ יְכַסֶּ֑ה אִם־לֹ֖א אֵפֹ֣וא מִי־הֽוּא׃Job 24.25 Job 10.3 Jérémie 14.4 Esther 7.8 Habakuk 1.14-1.17
²⁵ וְיָמַ֣י קַ֭לּוּ מִנִּי־רָ֑ץ בָּֽ֝רְח֗וּ לֹא־רָא֥וּ טֹובָֽה׃Job 7.6-7.7 Psaumes 90.9-90.10 Jacques 4.14 Psaumes 39.5 Psaumes 89.47
²⁶ חָ֭לְפוּ עִם־אֳנִיֹּ֣ות אֵבֶ֑ה כְּ֝נֶ֗שֶׁר יָט֥וּשׂ עֲלֵי־אֹֽכֶל׃Habakuk 1.8 Esaïe 18.2 Jérémie 4.13 2 Samuel 1.23 Proverbes 23.5
²⁷ אִם־אָ֭מְרִי אֶשְׁכְּחָ֣ה שִׂיחִ֑י אֶעֶזְבָ֖ה פָנַ֣י וְאַבְלִֽיגָה׃Job 7.13 Job 7.11 Jérémie 8.18 Psaumes 77.2-77.3
²⁸ יָגֹ֥רְתִּי כָל־עַצְּבֹתָ֑י יָ֝דַ֗עְתִּי כִּי־לֹ֥א תְנַקֵּֽנִי׃Psaumes 119.120 Job 9.20-9.21 Job 21.6 Job 3.25 Exode 20.7
²⁹ אָנֹכִ֥י אֶרְשָׁ֑ע לָמָּה־זֶּ֝֗ה הֶ֣בֶל אִיגָֽע׃Jérémie 2.35 Job 10.14-10.17 Job 21.16-21.17 Psaumes 37.33 Job 10.2
³⁰ אִם־הִתְרָחַ֥צְתִּי בְמֵי־שָׁ֑לֶג וַ֝הֲזִכֹּ֗ותִי בְּבֹ֣ר כַּפָּֽי׃Jérémie 2.22 1 Jean 1.8 Psaumes 26.6 Jérémie 4.14 Job 31.7
³¹ אָ֭ז בַּשַּׁ֣חַת תִּטְבְּלֵ֑נִי וְ֝תִֽעֲב֗וּנִי שַׂלְמֹותָֽי׃Philippiens 3.8-3.9 Esaïe 64.6 Job 15.6 Job 9.20 Esaïe 59.6
³² כִּי־לֹא־אִ֣ישׁ כָּמֹ֣נִי אֶֽעֱנֶ֑נּוּ נָבֹ֥וא יַ֝חְדָּ֗ו בַּמִּשְׁפָּֽט׃Ecclésiaste 6.10 Romains 9.20 Psaumes 143.2 Nombres 23.19 Job 33.12
³³ לֹ֣א יֵשׁ־בֵּינֵ֣ינוּ מֹוכִ֑יחַ יָשֵׁ֖ת יָדֹ֣ו עַל־שְׁנֵֽינוּ׃1 Samuel 2.25 Job 9.19 Psaumes 106.23 1 Rois 3.16-3.28 1 Jean 2.1-2.2
³⁴ יָסֵ֣ר מֵעָלַ֣י שִׁבְטֹ֑ו וְ֝אֵמָתֹ֗ו אַֽל־תְּבַעֲתַֽנִּי׃Psaumes 39.10 Job 33.7 Job 13.11 Job 37.1 Job 31.23
³⁵ אַֽ֭דַבְּרָה וְלֹ֣א אִירָאֶ֑נּוּ כִּ֥י לֹא־כֵ֥ן אָ֝נֹכִ֗י עִמָּדִֽי׃