Job 3.8
Biblia Hebraica Stuttgartensia

Dialogue entre Job et ses amis

Intervention n° 1 de Job

¹ אַחֲרֵי־כֵ֗ן פָּתַ֤ח אִיֹּוב֙ אֶת־פִּ֔יהוּ וַיְקַלֵּ֖ל אֶת־יֹומֹֽו׃ פ
Jérémie 20.14-20.15 Psaumes 106.33 Psaumes 39.2-39.3 Job 2.5 Job 1.22
² וַיַּ֥עַן אִיֹּ֗וב וַיֹּאמַֽר׃
Juges 18.14
³ יֹ֣אבַד יֹ֖ום אִוָּ֣לֶד בֹּ֑ו וְהַלַּ֥יְלָה אָ֝מַ֗ר הֹ֣רָה גָֽבֶר׃
Jérémie 20.14-20.18 Job 10.18-10.19 Jérémie 15.10
⁴ הַיֹּ֥ום הַה֗וּא יְֽהִ֫י חֹ֥שֶׁךְ אַֽל־יִדְרְשֵׁ֣הוּ אֱלֹ֣והַּ מִמָּ֑עַל וְאַל־תֹּופַ֖ע עָלָ֣יו נְהָרָֽה׃
Exode 10.22-10.23 Amos 5.18 Matthieu 27.45 Joël 2.2 Deutéronome 11.12
⁵ יִגְאָלֻ֡הוּ חֹ֣שֶׁךְ וְ֭צַלְמָוֶת תִּשְׁכָּן־עָלָ֣יו עֲנָנָ֑ה יְ֝בַעֲתֻ֗הוּ כִּֽמְרִ֥ירֵי יֹֽום׃
Psaumes 23.4 Job 10.21-10.22 Jérémie 13.16 Job 28.3 Esaïe 9.2
⁶ הַלַּ֥יְלָה הַהוּא֮ יִקָּחֵ֪ה֫וּ אֹ֥פֶל אַל־יִ֭חַדְּ בִּימֵ֣י שָׁנָ֑ה בְּמִסְפַּ֥ר יְ֝רָחִ֗ים אַל־יָבֹֽא׃
⁷ הִנֵּ֤ה הַלַּ֣יְלָה הַ֭הוּא יְהִ֣י גַלְמ֑וּד אַל־תָּבֹ֖א רְנָנָ֣ה בֹֽו׃
Apocalypse 18.22-18.23 Jérémie 7.34 Esaïe 24.8 Esaïe 13.20-13.22
⁸ יִקְּבֻ֥הוּ אֹרְרֵי־יֹ֑ום הָ֝עֲתִידִ֗ים עֹרֵ֥ר לִוְיָתָֽן׃
Job 41.1 Job 41.10 Marc 5.38 Matthieu 11.17 Jérémie 9.17-9.18
⁹ יֶחְשְׁכוּ֮ כֹּוכְבֵ֪י נִ֫שְׁפֹּ֥ו יְקַו־לְאֹ֥ור וָאַ֑יִן וְאַל־יִ֝רְאֶ֗ה בְּעַפְעַפֵּי־שָֽׁחַר׃
Job 41.18 Job 30.26 Jérémie 13.16 Jérémie 8.15
¹⁰ כִּ֤י לֹ֣א סָ֭גַר דַּלְתֵ֣י בִטְנִ֑י וַיַּסְתֵּ֥ר עָ֝מָ֗ל מֵעֵינָֽי׃
Ecclésiaste 11.10 Jérémie 20.17 Job 10.18-10.19 1 Samuel 1.5 Job 6.2-6.3
¹¹ לָ֤מָּה לֹּ֣א מֵרֶ֣חֶם אָמ֑וּת מִבֶּ֖טֶן יָצָ֣אתִי וְאֶגְוָֽע׃
Job 10.18-10.19 Psaumes 58.8 Esaïe 46.3 Osée 9.14 Psaumes 71.6
¹² מַ֭דּוּעַ קִדְּמ֣וּנִי בִרְכָּ֑יִם וּמַה־שָּׁ֝דַ֗יִם כִּ֣י אִינָֽק׃
Esaïe 66.12 Genèse 30.3 Genèse 50.23 Ezéchiel 16.4-16.5
¹³ כִּֽי־עַ֭תָּה שָׁכַ֣בְתִּי וְאֶשְׁקֹ֑וט יָ֝שַׁ֗נְתִּי אָ֤ז׀ יָנ֬וּחַֽ לִֽי׃
Job 21.23 Ecclésiaste 6.3-6.5 Job 17.13 Job 21.13 Job 10.22
¹⁴ עִם־מְ֭לָכִים וְיֹ֣עֲצֵי אָ֑רֶץ הַבֹּנִ֖ים חֳרָבֹ֣ות לָֽמֹו׃
Job 15.28 Esaïe 14.10-14.16 Ezéchiel 26.20 1 Rois 2.10 Psaumes 49.6-49.10
¹⁵ אֹ֣ו עִם־שָׂ֭רִים זָהָ֣ב לָהֶ֑ם הַֽמְמַלְאִ֖ים בָּתֵּיהֶ֣ם כָּֽסֶף׃
Job 12.21 Esaïe 2.7 Job 22.25 Nombres 22.18 1 Rois 10.27
¹⁶ אֹ֚ו כְנֵ֣פֶל טָ֭מוּן לֹ֣א אֶהְיֶ֑ה כְּ֝עֹלְלִ֗ים לֹא־רָ֥אוּ אֹֽור׃
Psaumes 58.8 1 Corinthiens 15.8 Ecclésiaste 6.3
¹⁷ שָׁ֣ם רְ֭שָׁעִים חָ֣דְלוּ רֹ֑גֶז וְשָׁ֥ם יָ֝נ֗וּחוּ יְגִ֣יעֵי כֹֽחַ׃
Apocalypse 14.13 Job 17.16 Esaïe 57.1-57.2 Hébreux 4.11 Hébreux 4.9
¹⁸ יַ֭חַד אֲסִירִ֣ים שַׁאֲנָ֑נוּ לֹ֥א שָׁ֝מְע֗וּ קֹ֣ול נֹגֵֽשׂ׃
Job 39.7 Esaïe 14.3-14.4 Juges 4.3 Exode 5.15-5.19 Exode 5.6-5.8
¹⁹ קָטֹ֣ן וְ֭גָדֹול שָׁ֣ם ה֑וּא וְ֝עֶ֗בֶד חָפְשִׁ֥י מֵאֲדֹנָֽיו׃
Ecclésiaste 8.8 Hébreux 9.27 Psaumes 49.2 Ecclésiaste 12.7 Job 30.23
²⁰ לָ֤מָּה יִתֵּ֣ן לְעָמֵ֣ל אֹ֑ור וְ֝חַיִּ֗ים לְמָ֣רֵי נָֽפֶשׁ׃
Job 7.15-7.16 Jérémie 20.18 Proverbes 31.6 1 Samuel 1.10 2 Rois 4.27
²¹ הַֽמְחַכִּ֣ים לַמָּ֣וֶת וְאֵינֶ֑נּוּ וַֽ֝יַּחְפְּרֻ֗הוּ מִמַּטְמֹונִֽים׃
Apocalypse 9.6 Proverbes 2.4 Jonas 4.8 Jonas 4.3 Nombres 11.15
²² הַשְּׂמֵחִ֥ים אֱלֵי־גִ֑יל יָ֝שִׂ֗ישׂוּ כִּ֣י יִמְצְאוּ־קָֽבֶר׃
²³ לְ֭גֶבֶר אֲשֶׁר־דַּרְכֹּ֣ו נִסְתָּ֑רָה וַיָּ֖סֶךְ אֱלֹ֣והַּ בַּעֲדֹֽו׃
Job 19.8 Lamentations 3.7 Esaïe 40.27 Psaumes 31.8 Lamentations 3.9
²⁴ כִּֽי־לִפְנֵ֣י לַ֭חְמִי אַנְחָתִ֣י תָבֹ֑א וַֽיִּתְּכ֥וּ כַ֝מַּ֗יִם שַׁאֲגֹתָֽי׃
Psaumes 102.9 Psaumes 38.8 Psaumes 42.3-42.4 Psaumes 80.5 Job 6.7
²⁵ כִּ֤י פַ֣חַד פָּ֭חַדְתִּי וַיֶּאֱתָיֵ֑נִי וַאֲשֶׁ֥ר יָ֝גֹ֗רְתִּי יָ֣בֹא לִֽי׃
Job 1.5 Job 30.15 Job 31.23
²⁶ לֹ֤א שָׁלַ֨וְתִּי׀ וְלֹ֖א שָׁקַ֥טְתִּי וְֽלֹא־נָ֗חְתִּי וַיָּ֥בֹא רֹֽגֶז׃ פ
Job 7.14 Psaumes 143.11 Job 27.9