Job 3.20
Biblia Hebraica Stuttgartensia

¹ אַחֲרֵי־כֵ֗ן פָּתַ֤ח אִיֹּוב֙ אֶת־פִּ֔יהוּ וַיְקַלֵּ֖ל אֶת־יֹומֹֽו׃ פJérémie 20.14-20.15 Psaumes 106.33 Psaumes 39.2-39.3 Job 35.16 Job 2.9-2.10
² וַיַּ֥עַן אִיֹּ֗וב וַיֹּאמַֽר׃Juges 18.14
³ יֹ֣אבַד יֹ֖ום אִוָּ֣לֶד בֹּ֑ו וְהַלַּ֥יְלָה אָ֝מַ֗ר הֹ֣רָה גָֽבֶר׃Jérémie 20.14-20.18 Job 10.18-10.19 Jérémie 15.10
⁴ הַיֹּ֥ום הַה֗וּא יְֽהִ֫י חֹ֥שֶׁךְ אַֽל־יִדְרְשֵׁ֣הוּ אֱלֹ֣והַּ מִמָּ֑עַל וְאַל־תֹּופַ֖ע עָלָ֣יו נְהָרָֽה׃Deutéronome 11.12 Apocalypse 16.10 Actes 27.20 Exode 10.22-10.23 Amos 5.18
⁵ יִגְאָלֻ֡הוּ חֹ֣שֶׁךְ וְ֭צַלְמָוֶת תִּשְׁכָּן־עָלָ֣יו עֲנָנָ֑ה יְ֝בַעֲתֻ֗הוּ כִּֽמְרִ֥ירֵי יֹֽום׃Job 10.21-10.22 Psaumes 23.4 Esaïe 9.2 Jérémie 13.16 Job 28.3
⁶ הַלַּ֥יְלָה הַהוּא֮ יִקָּחֵ֪ה֫וּ אֹ֥פֶל אַל־יִ֭חַדְּ בִּימֵ֣י שָׁנָ֑ה בְּמִסְפַּ֥ר יְ֝רָחִ֗ים אַל־יָבֹֽא׃ ⁷ הִנֵּ֤ה הַלַּ֣יְלָה הַ֭הוּא יְהִ֣י גַלְמ֑וּד אַל־תָּבֹ֖א רְנָנָ֣ה בֹֽו׃Apocalypse 18.22-18.23 Jérémie 7.34 Esaïe 24.8 Esaïe 13.20-13.22
⁸ יִקְּבֻ֥הוּ אֹרְרֵי־יֹ֑ום הָ֝עֲתִידִ֗ים עֹרֵ֥ר לִוְיָתָֽן׃Job 41.1 Job 41.10 Job 41.25 2 Chroniques 35.25 Marc 5.38
⁹ יֶחְשְׁכוּ֮ כֹּוכְבֵ֪י נִ֫שְׁפֹּ֥ו יְקַו־לְאֹ֥ור וָאַ֑יִן וְאַל־יִ֝רְאֶ֗ה בְּעַפְעַפֵּי־שָֽׁחַר׃Job 41.18 Job 30.26 Jérémie 13.16 Jérémie 8.15
¹⁰ כִּ֤י לֹ֣א סָ֭גַר דַּלְתֵ֣י בִטְנִ֑י וַיַּסְתֵּ֥ר עָ֝מָ֗ל מֵעֵינָֽי׃Job 6.2-6.3 Genèse 29.31 Job 23.2 Genèse 20.18 Ecclésiaste 6.3-6.5
¹¹ לָ֤מָּה לֹּ֣א מֵרֶ֣חֶם אָמ֑וּת מִבֶּ֖טֶן יָצָ֣אתִי וְאֶגְוָֽע׃Job 10.18-10.19 Psaumes 71.6 Psaumes 139.13-139.16 Jérémie 15.10 Psaumes 22.9-22.10
¹² מַ֭דּוּעַ קִדְּמ֣וּנִי בִרְכָּ֑יִם וּמַה־שָּׁ֝דַ֗יִם כִּ֣י אִינָֽק׃Esaïe 66.12 Genèse 30.3 Genèse 50.23 Ezéchiel 16.4-16.5
¹³ כִּֽי־עַ֭תָּה שָׁכַ֣בְתִּי וְאֶשְׁקֹ֑וט יָ֝שַׁ֗נְתִּי אָ֤ז׀ יָנ֬וּחַֽ לִֽי׃Job 10.22 Job 7.8-7.10 Job 19.27 Job 14.10-14.12 Ecclésiaste 9.10
¹⁴ עִם־מְ֭לָכִים וְיֹ֣עֲצֵי אָ֑רֶץ הַבֹּנִ֖ים חֳרָבֹ֣ות לָֽמֹו׃Job 15.28 Esaïe 14.10-14.16 Job 30.23 Ezéchiel 27.18-27.32 Esaïe 58.12
¹⁵ אֹ֣ו עִם־שָׂ֭רִים זָהָ֣ב לָהֶ֑ם הַֽמְמַלְאִ֖ים בָּתֵּיהֶ֣ם כָּֽסֶף׃1 Rois 10.27 Job 27.16-27.17 Zacharie 9.3 Sophonie 1.18 Job 12.21
¹⁶ אֹ֚ו כְנֵ֣פֶל טָ֭מוּן לֹ֣א אֶהְיֶ֑ה כְּ֝עֹלְלִ֗ים לֹא־רָ֥אוּ אֹֽור׃Psaumes 58.8 1 Corinthiens 15.8 Ecclésiaste 6.3
¹⁷ שָׁ֣ם רְ֭שָׁעִים חָ֣דְלוּ רֹ֑גֶז וְשָׁ֥ם יָ֝נ֗וּחוּ יְגִ֣יעֵי כֹֽחַ׃Job 17.16 Apocalypse 14.13 Job 14.13 2 Thessaloniciens 1.6-1.7 2 Pierre 2.8
¹⁸ יַ֭חַד אֲסִירִ֣ים שַׁאֲנָ֑נוּ לֹ֥א שָׁ֝מְע֗וּ קֹ֣ול נֹגֵֽשׂ׃Job 39.7 Esaïe 14.3-14.4 Juges 4.3 Exode 5.15-5.19 Exode 5.6-5.8
¹⁹ קָטֹ֣ן וְ֭גָדֹול שָׁ֣ם ה֑וּא וְ֝עֶ֗בֶד חָפְשִׁ֥י מֵאֲדֹנָֽיו׃Job 30.23 Psaumes 49.6-49.10 Psaumes 49.14-49.20 Ecclésiaste 12.5 Luc 16.22-16.23
²⁰ לָ֤מָּה יִתֵּ֣ן לְעָמֵ֣ל אֹ֑ור וְ֝חַיִּ֗ים לְמָ֣רֵי נָֽפֶשׁ׃Jérémie 20.18 Job 7.15-7.16 1 Samuel 1.10 Proverbes 31.6 Job 6.9
²¹ הַֽמְחַכִּ֣ים לַמָּ֣וֶת וְאֵינֶ֑נּוּ וַֽ֝יַּחְפְּרֻ֗הוּ מִמַּטְמֹונִֽים׃Apocalypse 9.6 Proverbes 2.4 1 Rois 19.4 Jonas 4.8 Jonas 4.3
²² הַשְּׂמֵחִ֥ים אֱלֵי־גִ֑יל יָ֝שִׂ֗ישׂוּ כִּ֣י יִמְצְאוּ־קָֽבֶר׃ ²³ לְ֭גֶבֶר אֲשֶׁר־דַּרְכֹּ֣ו נִסְתָּ֑רָה וַיָּ֖סֶךְ אֱלֹ֣והַּ בַּעֲדֹֽו׃Job 19.8 Lamentations 3.7 Esaïe 40.27 Job 12.14 Osée 2.6
²⁴ כִּֽי־לִפְנֵ֣י לַ֭חְמִי אַנְחָתִ֣י תָבֹ֑א וַֽיִּתְּכ֥וּ כַ֝מַּ֗יִם שַׁאֲגֹתָֽי׃Psaumes 102.9 Psaumes 80.5 Psaumes 38.8 Psaumes 42.3-42.4 Psaumes 22.1-22.2
²⁵ כִּ֤י פַ֣חַד פָּ֭חַדְתִּי וַיֶּאֱתָיֵ֑נִי וַאֲשֶׁ֥ר יָ֝גֹ֗רְתִּי יָ֣בֹא לִֽי׃Job 1.5 Job 30.15 Job 31.23
²⁶ לֹ֤א שָׁלַ֨וְתִּי׀ וְלֹ֖א שָׁקַ֥טְתִּי וְֽלֹא־נָ֗חְתִּי וַיָּ֥בֹא רֹֽגֶז׃ פJob 7.14 Psaumes 143.11 Job 27.9