Job 19.8
Biblia Hebraica Stuttgartensia

¹ וַיַּ֥עַן אִיֹּ֗וב וַיֹּאמַֽר׃ ² עַד־אָ֭נָה תֹּוגְי֣וּן נַפְשִׁ֑י וּֽתְדַכְּאוּנַ֥נִי בְמִלִּֽים׃Proverbes 18.21 Psaumes 42.10 Job 27.2 Job 18.2 Apocalypse 6.10
³ זֶ֤ה עֶ֣שֶׂר פְּ֭עָמִים תַּכְלִימ֑וּנִי לֹֽא־תֵ֝בֹ֗שׁוּ תַּהְכְּרוּ־לִֽי׃Genèse 31.7 Daniel 1.20 Job 19.17 Job 18.4-18.21 Néhémie 4.12
⁴ וְאַף־אָמְנָ֥ם שָׁגִ֑יתִי אִ֝תִּ֗י תָּלִ֥ין מְשׁוּגָתִֽי׃Proverbes 9.12 Ezéchiel 18.4 Galates 6.5 2 Samuel 24.17 Job 11.3-11.6
⁵ אִם־אָ֭מְנָם עָלַ֣י תַּגְדִּ֑ילוּ וְתֹוכִ֥יחוּ עָ֝לַ֗י חֶרְפָּתִּֽי׃Psaumes 35.26 Psaumes 38.16 Psaumes 55.12 Sophonie 2.10 1 Samuel 1.6
⁶ דְּֽעוּ־אֵ֭פֹו כִּי־אֱלֹ֣והַּ עִוְּתָ֑נִי וּ֝מְצוּדֹ֗ו עָלַ֥י הִקִּֽיף׃Job 18.8-18.10 Job 7.20 Ezéchiel 32.3 Job 16.11-16.14 Psaumes 66.10-66.12
⁷ הֵ֤ן אֶצְעַ֣ק חָ֭מָס וְלֹ֣א אֵעָנֶ֑ה אֲ֝שַׁוַּ֗ע וְאֵ֣ין מִשְׁפָּֽט׃Habakuk 1.2-1.3 Lamentations 3.8 Job 30.20 Job 40.8 Job 10.15-10.17
⁸ אָרְחִ֣י גָ֭דַר וְלֹ֣א אֶעֱבֹ֑ור וְעַ֥ל נְ֝תִיבֹותַ֗י חֹ֣שֶׁךְ יָשִֽׂים׃Job 3.23 Lamentations 3.7 Lamentations 3.9 Osée 2.6 Jérémie 13.16
⁹ כְּ֭בֹודִי מֵעָלַ֣י הִפְשִׁ֑יט וַ֝יָּ֗סַר עֲטֶ֣רֶת רֹאשִֽׁי׃Psaumes 89.44 Job 29.7-29.14 Lamentations 5.16 Psaumes 89.39 Psaumes 49.16-49.17
¹⁰ יִתְּצֵ֣נִי סָ֭בִיב וָאֵלַ֑ךְ וַיַּסַּ֥ע כָּ֝עֵ֗ץ תִּקְוָתִֽי׃Job 24.20 Psaumes 37.35-37.36 Job 12.14 Psaumes 102.11 Job 7.6
¹¹ וַיַּ֣חַר עָלַ֣י אַפֹּ֑ו וַיַּחְשְׁבֵ֖נִי לֹ֣ו כְצָרָֽיו׃Job 13.24 Job 33.10 Job 16.9 Lamentations 2.5 Deutéronome 32.22
¹² יַ֤חַד׀ יָ֘בֹ֤אוּ גְדוּדָ֗יו וַיָּסֹ֣לּוּ עָלַ֣י דַּרְכָּ֑ם וַיַּחֲנ֖וּ סָבִ֣יב לְאָהֳלִֽי׃Job 30.12 Job 16.13 Esaïe 10.5-10.6 Job 16.11 Esaïe 51.23
¹³ אַ֭חַי מֵעָלַ֣י הִרְחִ֑יק וְ֝יֹדְעַ֗י אַךְ־זָ֥רוּ מִמֶּֽנִּי׃Psaumes 88.8 Psaumes 69.8 Psaumes 88.18 Psaumes 31.11 Psaumes 69.20
¹⁴ חָדְל֥וּ קְרֹובָ֑י וּֽמְיֻדָּעַ֥י שְׁכֵחֽוּנִי׃Psaumes 38.11 Michée 7.5-7.6 Psaumes 55.12-55.14 Jean 13.18 Proverbes 18.24
¹⁵ גָּ֘רֵ֤י בֵיתִ֣י וְ֭אַמְהֹתַי לְזָ֣ר תַּחְשְׁבֻ֑נִי נָ֝כְרִ֗י הָיִ֥יתִי בְעֵינֵיהֶֽם׃Job 31.31-31.32 Psaumes 123.3
¹⁶ לְעַבְדִּ֣י קָ֭רָאתִי וְלֹ֣א יַעֲנֶ֑ה בְּמֹו־פִ֝֗י אֶתְחַנֶּן־לֹֽו׃Job 1.15-1.17 Job 1.19
¹⁷ ר֭וּחִֽי זָ֣רָה לְאִשְׁתִּ֑י וְ֝חַנֹּתִ֗י לִבְנֵ֥י בִטְנִֽי׃Job 17.1 Job 2.9-2.10
¹⁸ גַּם־עֲ֭וִילִים מָ֣אֲסוּ בִ֑י אָ֝ק֗וּמָה וַיְדַבְּרוּ־בִֽי׃2 Rois 2.23 Job 30.1 Job 30.12 Esaïe 3.5
¹⁹ תִּֽ֭עֲבוּנִי כָּל־מְתֵ֣י סֹודִ֑י וְזֶֽה־אָ֝הַ֗בְתִּי נֶהְפְּכוּ־בִֽי׃Psaumes 41.9 Psaumes 55.12-55.14 Luc 22.48 Job 6.14-6.15 Psaumes 109.4-109.5
²⁰ בְּעֹורִ֣י וּ֭בִבְשָׂרִי דָּבְקָ֣ה עַצְמִ֑י וָ֝אֶתְמַלְּטָ֗ה בְּעֹ֣ור שִׁנָּֽי׃Psaumes 102.5 Lamentations 4.8 Job 33.19-33.22 Lamentations 5.10 Psaumes 22.14-22.17
²¹ חָנֻּ֬נִי חָנֻּ֣נִי אַתֶּ֣ם רֵעָ֑י כִּ֥י יַד־אֱ֝לֹ֗והַּ נָ֣גְעָה בִּֽי׃Job 1.11 Psaumes 38.2 Job 6.14 Hébreux 13.3 Job 2.5
²² לָ֭מָּה תִּרְדְּפֻ֣נִי כְמֹו־אֵ֑ל וּ֝מִבְּשָׂרִ֗י לֹ֣א תִשְׂבָּֽעוּ׃Psaumes 69.26 Job 10.16 Job 31.31 Job 2.5 Michée 3.3
²³ מִֽי־יִתֵּ֣ן אֵ֭פֹו וְיִכָּתְב֣וּן מִלָּ֑י מִֽי־יִתֵּ֖ן בַּסֵּ֣פֶר וְיֻחָֽקוּ׃Esaïe 30.8 Esaïe 8.1 Job 31.35
²⁴ בְּעֵט־בַּרְזֶ֥ל וְעֹפָ֑רֶת לָ֝עַ֗ד בַּצּ֥וּר יֵחָצְבֽוּן׃Jérémie 17.1 Exode 28.21 Deutéronome 27.2-27.3 Deutéronome 27.8 Exode 28.11-28.12
²⁵ וַאֲנִ֣י יָ֭דַעְתִּי גֹּ֣אֲלִי חָ֑י וְ֝אַחֲרֹ֗ון עַל־עָפָ֥ר יָקֽוּם׃Esaïe 43.14 Proverbes 23.11 Psaumes 19.14 Psaumes 78.35 Esaïe 54.5
²⁶ וְאַחַ֣ר עֹ֖ורִֽי נִקְּפוּ־זֹ֑את וּ֝מִבְּשָׂרִ֗י אֶֽחֱזֶ֥ה אֱלֹֽוהַּ׃Psaumes 17.15 1 Jean 3.2 1 Corinthiens 13.12 Matthieu 5.8 Psaumes 16.9
²⁷ אֲשֶׁ֤ר אֲנִ֨י׀ אֶֽחֱזֶה־לִּ֗י וְעֵינַ֣י רָא֣וּ וְלֹא־זָ֑ר כָּל֖וּ כִלְיֹתַ֣י בְּחֵקִֽי׃Psaumes 73.26 Esaïe 26.19 Nombres 24.17
²⁸ כִּ֣י תֹ֖אמְרוּ מַה־נִּרְדָּף־לֹ֑ו וְשֹׁ֥רֶשׁ דָּ֝בָ֗ר נִמְצָא־בִֽי׃Job 19.22 Psaumes 69.26 1 Rois 14.13
²⁹ גּ֤וּרוּ לָכֶ֨ם׀ מִפְּנֵי־חֶ֗רֶב כִּֽי־חֵ֭מָה עֲוֹנֹ֣ות חָ֑רֶב לְמַ֖עַן תֵּדְע֣וּן שַׁדּֽוּן׃Ecclésiaste 11.9 Jacques 4.11-4.12 Ecclésiaste 12.14 Job 13.7-13.11 Psaumes 58.10-58.11