Job 15
Biblia Hebraica Stuttgartensia

¹ וַ֭יַּעַן אֱלִיפַ֥ז הַֽתֵּימָנִ֗י וַיֹּאמַֽר׃ Job 2.11 Job 42.9 Job 4.1 Job 42.7 Job 22.1
² הֶֽחָכָ֗ם יַעֲנֶ֥ה דַֽעַת־ר֑וּחַ וִֽימַלֵּ֖א קָדִ֣ים בִּטְנֹֽו׃ Job 6.26 Job 8.2 Osée 12.1 Job 13.2 Jacques 3.13
³ הֹוכֵ֣חַ בְּ֭דָבָר לֹ֣א יִסְכֹּ֑ון וּ֝מִלִּ֗ים לֹא־יֹועִ֥יל בָּֽם׃ Malachie 3.13-3.15 1 Timothée 6.4-6.5 Job 13.4-13.5 Colossiens 4.6 Matthieu 12.36-12.37
⁴ אַף־אַ֭תָּה תָּפֵ֣ר יִרְאָ֑ה וְתִגְרַ֥ע שִׂ֝יחָ֗ה לִפְנֵי־אֵֽל׃ Romains 3.31 Job 4.5-4.6 Psaumes 36.1-36.3 Amos 6.10 Job 5.8
⁵ כִּ֤י יְאַלֵּ֣ף עֲוֹנְךָ֣ פִ֑יךָ וְ֝תִבְחַ֗ר לְשֹׁ֣ון עֲרוּמִֽים׃ Luc 6.45 Job 12.6 Marc 7.21-7.22 Jérémie 9.8 Jérémie 9.3-9.5
⁶ יַרְשִֽׁיעֲךָ֣ פִ֣יךָ וְלֹא־אָ֑נִי וּ֝שְׂפָתֶ֗יךָ יַעֲנוּ־בָֽךְ׃ Luc 19.22 Matthieu 12.37 Job 9.20 Job 35.2-35.3 Job 33.8-33.12
⁷ הֲרִאישֹׁ֣ון אָ֭דָם תִּוָּלֵ֑ד וְלִפְנֵ֖י גְבָעֹ֣ות חֹולָֽלְתָּ׃ Psaumes 90.2 Job 38.4-38.41 Proverbes 8.22-8.25 Genèse 4.1 Job 12.12
⁸ הַבְסֹ֣וד אֱלֹ֣והַ תִּשְׁמָ֑ע וְתִגְרַ֖ע אֵלֶ֣יךָ חָכְמָֽה׃ Romains 11.34 Jérémie 23.18 Job 29.4 Jean 15.15 Psaumes 25.14
⁹ מַה־יָּ֭דַעְתָּ וְלֹ֣א נֵדָ֑ע תָּ֝בִ֗ין וְֽלֹא־עִמָּ֥נוּ הֽוּא׃ Job 13.2 Job 12.3 Job 26.3-26.4 2 Corinthiens 11.21-11.30 2 Corinthiens 11.5
¹⁰ גַּם־שָׂ֣ב גַּם־יָשִׁ֣ישׁ בָּ֑נוּ כַּבִּ֖יר מֵאָבִ֣יךָ יָמִֽים׃ Job 32.6-32.7 Job 12.12 Job 8.8-8.10 Proverbes 16.31 Deutéronome 32.7
¹¹ הַמְעַ֣ט מִ֭מְּךָ תַּנְחֻמֹ֣ות אֵ֑ל וְ֝דָבָ֗ר לָאַ֥ט עִמָּֽךְ׃ Job 36.16 2 Corinthiens 7.6 Job 11.13-11.19 Job 15.8 Job 13.2
¹² מַה־יִּקָּחֲךָ֥ לִבֶּ֑ךָ וּֽמַה־יִּרְזְמ֥וּן עֵינֶֽיךָ׃ Marc 7.21-7.22 Actes 8.22 Jacques 1.14-1.15 Ecclésiaste 11.9 Actes 5.3-5.4
¹³ כִּֽי־תָשִׁ֣יב אֶל־אֵ֣ל רוּחֶ֑ךָ וְהֹצֵ֖אתָ מִפִּ֣יךָ מִלִּֽין׃ Romains 8.7-8.8 Job 15.25-15.27 Job 9.4 Job 12.6 Jacques 3.2-3.6
¹⁴ מָֽה־אֱנֹ֥ושׁ כִּֽי־יִזְכֶּ֑ה וְכִֽי־יִ֝צְדַּ֗ק יְל֣וּד אִשָּֽׁה׃ Ecclésiaste 7.20 Proverbes 20.9 Job 14.4 Job 25.4-25.6 Psaumes 14.3
¹⁵ הֵ֣ן בִּ֭קְדֹשָׁיו לֹ֣א יַאֲמִ֑ין וְ֝שָׁמַ֗יִם לֹא־זַכּ֥וּ בְעֵינָֽיו׃ Job 25.5 Job 4.18 Job 5.1 Esaïe 6.2-6.5
¹⁶ אַ֭ף כִּֽי־נִתְעָ֥ב וְֽנֶאֱלָ֑ח אִישׁ־שֹׁתֶ֖ה כַמַּ֣יִם עַוְלָֽה׃ Proverbes 19.28 Job 34.7 Tite 3.3 Job 20.12 Romains 3.9-3.19
¹⁷ אֲחַוְךָ֥ שְֽׁמַֽע־לִ֑י וְזֶֽה־חָ֝זִ֗יתִי וַאֲסַפֵּֽרָה׃ Job 13.5-13.6 Job 36.2 Job 5.27 Job 33.1 Job 34.2
¹⁸ אֲשֶׁר־חֲכָמִ֥ים יַגִּ֑ידוּ וְלֹ֥א כִֽ֝חֲד֗וּ מֵאֲבֹותָֽם׃ Job 8.8 Esaïe 38.19 Psaumes 78.3-78.6 Job 15.10 Psaumes 71.18
¹⁹ לָהֶ֣ם לְ֭בַדָּם נִתְּנָ֣ה הָאָ֑רֶץ וְלֹא־עָ֖בַר זָ֣ר בְּתֹוכָֽם׃ Joël 3.17 Genèse 10.32 Genèse 10.25 Deutéronome 32.8
²⁰ כָּל־יְמֵ֣י רָ֭שָׁע ה֣וּא מִתְחֹולֵ֑ל וּמִסְפַּ֥ר שָׁ֝נִ֗ים נִצְפְּנ֥וּ לֶעָרִֽיץ׃ Job 27.13 Job 24.1 Jacques 5.1-5.6 Psaumes 90.3-90.4 Psaumes 90.12
²¹ קֹול־פְּחָדִ֥ים בְּאָזְנָ֑יו בַּ֝שָּׁלֹ֗ום שֹׁודֵ֥ד יְבֹואֶֽנּוּ׃ Job 18.11 1 Thessaloniciens 5.3 Lévitique 26.36 Job 20.5-20.7 Job 1.13-1.19
²² לֹא־יַאֲמִ֣ין שׁ֭וּב מִנִּי־חֹ֑שֶׁךְ וְצָפ֖וּי ה֣וּא אֱלֵי־חָֽרֶב׃ Matthieu 27.5 Job 9.16 Job 6.11 Job 27.14 2 Rois 6.33
²³ נֹ֘דֵ֤ד ה֣וּא לַלֶּ֣חֶם אַיֵּ֑ה יָדַ֓ע׀ כִּֽי־נָכֹ֖ון בְּיָדֹ֣ו יֹֽום־חֹֽשֶׁךְ׃ Psaumes 109.10 Psaumes 59.15 Job 18.12 Job 18.5-18.6 Hébreux 10.27
²⁴ יְֽ֭בַעֲתֻהוּ צַ֣ר וּמְצוּקָ֑ה תִּ֝תְקְפֵ֗הוּ כְּמֶ֤לֶךְ׀ עָתִ֬יד לַכִּידֹֽור׃ Proverbes 1.27 Proverbes 6.11 Esaïe 13.3 Proverbes 24.34 Psaumes 119.143
²⁵ כִּֽי־נָטָ֣ה אֶל־אֵ֣ל יָדֹ֑ו וְאֶל־שַׁ֝דַּ֗י יִתְגַּבָּֽר׃ Psaumes 73.9 Psaumes 52.7 Actes 9.5 Psaumes 73.11 Actes 12.23
²⁶ יָר֣וּץ אֵלָ֣יו בְּצַוָּ֑אר בַּ֝עֲבִ֗י גַּבֵּ֥י מָֽגִנָּֽיו׃ Job 16.12 Psaumes 18.40 2 Chroniques 28.22 2 Chroniques 32.13-32.17 Genèse 49.8
²⁷ כִּֽי־כִסָּ֣ה פָנָ֣יו בְּחֶלְבֹּ֑ו וַיַּ֖עַשׂ פִּימָ֣ה עֲלֵי־כָֽסֶל׃ Psaumes 17.10 Psaumes 73.7 Esaïe 6.10 Jérémie 5.28 Job 17.10
²⁸ וַיִּשְׁכֹּ֤ון׀ עָ֘רִ֤ים נִכְחָדֹ֗ות בָּ֭תִּים לֹא־יֵ֣שְׁבוּ לָ֑מֹו אֲשֶׁ֖ר הִתְעַתְּד֣וּ לְגַלִּֽים׃ Job 3.14 Jérémie 26.18 Esaïe 5.8-5.10 Jérémie 51.37 Michée 7.18
²⁹ לֹֽא־יֶ֖עְשַׁר וְלֹא־יָק֣וּם חֵילֹ֑ו וְלֹֽא־יִטֶּ֖ה לָאָ֣רֶץ מִנְלָֽם׃ Job 27.16-27.17 Psaumes 49.16-49.17 Job 22.15-22.20 Job 20.22-20.28 Jacques 5.1-5.3
³⁰ לֹֽא־יָס֨וּר׀ מִנִּי־חֹ֗שֶׁךְ יֹֽ֭נַקְתֹּו תְּיַבֵּ֣שׁ שַׁלְהָ֑בֶת וְ֝יָס֗וּר בְּר֣וּחַ פִּֽיו׃ Job 4.9 Job 15.22 Job 20.26 Esaïe 30.33 Job 18.5-18.6
³¹ אַל־יַאֲמֵ֣ן בַּשָּׁ֣יו נִתְעָ֑ה כִּי־שָׁ֝֗וְא תִּהְיֶ֥ה תְמוּרָתֹֽו׃ Esaïe 59.4 Osée 8.7 Job 4.8 Proverbes 22.8 Psaumes 62.10
³² בְּֽלֹא־יֹ֭ומֹו תִּמָּלֵ֑א וְ֝כִפָּתֹ֗ו לֹ֣א רַעֲנָֽנָה׃ Ecclésiaste 7.17 Job 22.16 Psaumes 55.23 Jean 15.6 Job 18.16-18.17
³³ יַחְמֹ֣ס כַּגֶּ֣פֶן בִּסְרֹ֑ו וְיַשְׁלֵ֥ךְ כַּ֝זַּ֗יִת נִצָּתֹֽו׃ Deutéronome 28.39-28.40 Esaïe 33.9 Apocalypse 6.13
³⁴ כִּֽי־עֲדַ֣ת חָנֵ֣ף גַּלְמ֑וּד וְ֝אֵ֗שׁ אָכְלָ֥ה אָֽהֳלֵי־שֹֽׁחַד׃ Job 8.13 Job 8.22 Matthieu 24.51 Job 29.12-29.17 Job 36.13
³⁵ הָרֹ֣ה עָ֭מָל וְיָלֹ֣ד אָ֑וֶן וּ֝בִטְנָ֗ם תָּכִ֥ין מִרְמָֽה׃ ס Psaumes 7.14 Osée 10.13 Esaïe 59.4-59.5 Jacques 1.15 Galates 6.7-6.8