Ezéchiel 34.20
Vulgate

¹ et factum est verbum Domini ad me dicens ² fili hominis propheta de pastoribus Israhel propheta et dices pastoribus haec dicit Dominus Deus vae pastoribus Israhel qui pascebant semet ipsos nonne greges pascuntur a pastoribusJérémie 23.1 Jérémie 3.15 Esaïe 40.11 Luc 20.46-20.47 Jean 21.15-21.17
³ lac comedebatis et lanis operiebamini et quod crassum erat occidebatis gregem autem meum non pascebatisZacharie 11.16 Zacharie 11.5 Ezéchiel 33.25-33.26 Michée 3.1-3.3 Esaïe 1.10
⁴ quod infirmum fuit non consolidastis et quod aegrotum non sanastis quod fractum est non alligastis et quod abiectum est non reduxistis quod perierat non quaesistis sed cum austeritate imperabatis eis et cum potentiaZacharie 11.15-11.16 Matthieu 10.6 Ezéchiel 34.16 Matthieu 9.36 Matthieu 18.12-18.13
⁵ et dispersae sunt oves meae eo quod non esset pastor et factae sunt in devorationem omnium bestiarum agri et dispersae suntMatthieu 9.36 Jérémie 23.2 2 Chroniques 18.16 Ezéchiel 34.8 Jérémie 50.17
⁶ erraverunt greges mei in cunctis montibus et in universo colle excelso et super omnem faciem terrae dispersi sunt greges mei et non erat qui requireret non erat inquam qui requireret1 Pierre 2.25 Psaumes 142.4 Jean 10.16 Jérémie 40.11-40.12 Ezéchiel 7.16
⁷ propterea pastores audite verbum DominiEsaïe 1.10 Matthieu 23.13-23.36 Psaumes 82.1-82.7 Jérémie 13.18 Jérémie 13.13
⁸ vivo ego dicit Dominus Deus quia pro eo quod facti sunt greges mei in rapinam et oves meae in devorationem omnium bestiarum agri eo quod non esset pastor neque enim quaesierunt pastores gregem meum sed pascebant pastores semet ipsos et greges meos non pascebantJude 1.12 Actes 20.33 2 Pierre 2.13 1 Corinthiens 9.15 Ezéchiel 34.31
⁹ propterea pastores audite verbum Domini ¹⁰ haec dicit Dominus Deus ecce ego ipse super pastores requiram gregem meum de manu eorum et cessare eos faciam ut ultra non pascant gregem nec pascant amplius pastores semet ipsos et liberabo gregem meum de ore eorum et non erunt ultra eis in escamEzéchiel 13.8 Ezéchiel 34.2 Zacharie 10.3 Jérémie 21.13 Hébreux 13.17
¹¹ quia haec dicit Dominus Deus ecce ego ipse requiram oves meas et visitabo easLuc 19.10 Psaumes 119.176 Psaumes 23.1-23.3 Lévitique 26.28 Esaïe 48.15
¹² sicut visitat pastor gregem suum in die quando fuerit in medio ovium suarum dissipatarum sic visitabo oves meas et liberabo eas de omnibus locis quo dispersae fuerant in die nubis et caliginisJean 10.11-10.12 Ezéchiel 30.3 Luc 15.4-15.6 Esaïe 40.11 Luc 19.10
¹³ et educam eas de populis et congregabo eas de terris et inducam eas in terram suam et pascam eas in montibus Israhel in rivis et in cunctis sedibus terraeEzéchiel 28.25-28.26 Ezéchiel 11.17 Esaïe 11.11-11.16 Esaïe 65.9-65.10 Psaumes 106.47
¹⁴ in pascuis uberrimis pascam eas et in montibus excelsis Israhel erunt pascuae eorum ibi requiescent in herbis virentibus et in pascuis pinguibus pascentur super montes IsrahelJean 10.9 Jérémie 31.25 Jérémie 31.12-31.14 Psaumes 23.1-23.2 Esaïe 40.11
¹⁵ ego pascam oves meas et ego eas accubare faciam dicit Dominus DeusJérémie 3.15 Psaumes 23.1-23.2 Esaïe 65.9-65.10 Cantique 1.7-1.8 Sophonie 3.13
¹⁶ quod perierat requiram et quod abiectum erat reducam et quod confractum fuerat alligabo et quod infirmum erat consolidabo et quod pingue et forte custodiam et pascam illas in iudicioEsaïe 49.26 Esaïe 5.17 Luc 19.10 Ezéchiel 34.4 Esaïe 10.16
¹⁷ vos autem greges mei haec dicit Dominus Deus ecce ego iudico inter pecus et pecus arietum et hircorumMatthieu 25.32-25.33 Ezéchiel 34.20-34.22 Zacharie 10.3 Ezéchiel 20.37-20.38
¹⁸ nonne satis vobis erat pascuam bonam depasci insuper et reliquias pascuarum vestrarum conculcastis pedibus vestris et cum purissimam aquam biberetis reliquam pedibus vestris turbabatis2 Samuel 7.19 Nombres 16.9 Ezéchiel 16.47 Matthieu 23.13 Nombres 16.13
¹⁹ et oves meae his quae conculcata pedibus vestris fuerant pascebantur et quae pedes vestri turbaverant haec bibebant ²⁰ propterea haec dicit Dominus Deus ad eos ecce ego ipse iudico inter pecus pingue et macilentumPsaumes 22.12-22.16 Ezéchiel 34.17 Matthieu 25.31-25.46 Ezéchiel 34.10
²¹ pro eo quod lateribus et umeris inpingebatis et cornibus vestris ventilabatis omnia infirma pecora donec dispergerentur forasLuc 13.14-13.16 Deutéronome 33.17 Zacharie 11.5 Zacharie 11.16-11.17 Ezéchiel 34.3-34.5
²² salvabo gregem meum et non erit ultra in rapinam et iudicabo inter pecus et pecusJérémie 23.2-23.3 Psaumes 72.12-72.14 Ezéchiel 34.10 Zacharie 11.7-11.9
²³ et suscitabo super ea pastorem unum qui pascat ea servum meum David ipse pascet ea et ipse erit eis in pastoremJean 10.11 Esaïe 40.11 Jérémie 30.9 Ezéchiel 37.24-37.25 Ecclésiaste 12.11
²⁴ ego autem Dominus ero eis in Deum et servus meus David princeps in medio eorum ego Dominus locutus sumEzéchiel 36.28 Ezéchiel 37.27 Ezéchiel 34.30-34.31 1 Corinthiens 15.25 Esaïe 43.2-43.3
²⁵ et faciam cum eis pactum pacis et cessare faciam bestias pessimas de terra et qui habitant in deserto securi dormient in saltibusEsaïe 11.6-11.9 Ezéchiel 37.26 Lévitique 26.6 Job 5.22 Esaïe 35.9
²⁶ et ponam eos in circuitu collis mei benedictionem et deducam imbrem in tempore suo pluviae benedictionis eruntEsaïe 44.3 Psaumes 68.9 Deutéronome 28.12 Lévitique 26.4 Malachie 3.10
²⁷ et dabit lignum agri fructum suum et terra dabit germen suum et erunt in terra sua absque timore et scient quia ego Dominus cum contrivero catenas iugi eorum et eruero eos de manu imperantium sibiJérémie 30.8 Lévitique 26.13 Lévitique 26.4 Esaïe 52.2-52.3 Jean 15.5-15.8
²⁸ et non erunt ultra in rapinam gentibus neque bestiae terrae devorabunt eos sed habitabunt confidenter absque ullo terroreEzéchiel 34.25 Jérémie 30.10 Ezéchiel 36.4 Ezéchiel 34.29 Ezéchiel 34.8
²⁹ et suscitabo eis germen nominatum et non erunt ultra inminuti fame in terra neque portabunt amplius obprobria gentiumEsaïe 4.2 Ezéchiel 36.29 Ezéchiel 36.15 Ezéchiel 34.26-34.27 Zacharie 6.12
³⁰ et scient quia ego Dominus Deus eorum cum eis et ipsi populus meus domus Israhel ait Dominus DeusEzéchiel 34.24 Psaumes 46.11 Psaumes 46.7 Ezéchiel 37.27 Ezéchiel 14.11
³¹ vos autem greges mei greges pascuae meae homines estis et ego Dominus Deus vester dicit Dominus DeusPsaumes 100.3 Jean 10.16 Psaumes 80.1 Ezéchiel 36.38 Psaumes 78.52