Esaïe 3.8
Vulgate

Jugement des habitants de Jérusalem

¹ ecce enim Dominator Deus exercituum auferet ab Hierusalem et ab Iuda validum et fortem omne robur panis et omne robur aquae
Lévitique 26.26 Esaïe 1.24 Esaïe 5.13 Esaïe 36.12 Jérémie 37.21
² fortem et virum bellatorem iudicem et prophetam et ariolum et senem
Ezéchiel 17.13 Ezéchiel 9.5 Esaïe 9.14-9.15 Ezéchiel 8.12 Psaumes 74.9
³ principem super quinquaginta et honorabilem vultu et consiliarium sapientem de architectis et prudentem eloquii mystici
1 Samuel 8.12 Deutéronome 1.15 Exode 4.10 Exode 18.21 Juges 8.18
⁴ et dabo pueros principes eorum et effeminati dominabuntur eis
Ecclésiaste 10.16 2 Chroniques 36.9 2 Chroniques 34.1 2 Chroniques 36.11 2 Chroniques 36.5
⁵ et inruet populus vir ad virum unusquisque ad proximum suum tumultuabitur puer contra senem et ignobilis contra nobilem
Jérémie 9.3-9.8 Ezéchiel 22.12 Esaïe 9.19-9.21 Marc 14.65 Zacharie 7.9-7.11
⁶ adprehendet enim vir fratrem suum domesticum patris sui vestimentum tibi est princeps esto noster ruina autem haec sub manu tua
Esaïe 4.1 Jean 6.15 Juges 11.6-11.8
⁷ respondebit in die illa dicens non sum medicus et in domo mea non est panis neque vestimentum nolite constituere me principem populi
Osée 5.13 Genèse 14.22 Lamentations 2.13 Ezéchiel 34.4 Deutéronome 32.40
⁸ ruit enim Hierusalem et Iudas concidit quia lingua eorum et adinventiones eorum contra Dominum ut provocarent oculos maiestatis eius
2 Chroniques 36.17-36.19 Ezéchiel 8.17-8.18 Jérémie 26.18 Malachie 3.13-3.15 Esaïe 1.7
⁹ agnitio vultus eorum respondit eis et peccatum suum quasi Sodomae praedicaverunt nec absconderunt vae animae eorum quoniam reddita sunt eis mala
Genèse 13.13 Jérémie 44.16-44.17 Proverbes 30.13 Genèse 18.20-18.21 Proverbes 8.36
¹⁰ dicite iusto quoniam bene quoniam fructum adinventionum suarum comedet
Deutéronome 28.1-28.14 Ecclésiaste 8.12 Psaumes 128.1-128.2 Ezéchiel 18.9-18.19 Ezéchiel 9.4
¹¹ vae impio in malum retributio enim manuum eius fiet ei
Psaumes 1.3-1.5 Esaïe 48.22 Esaïe 65.13-65.15 Ecclésiaste 8.13 Deutéronome 28.15-28.68
¹² populum meum exactores sui spoliaverunt et mulieres dominatae sunt eius popule meus qui beatum te dicunt ipsi te decipiunt et viam gressuum tuorum dissipant
Esaïe 3.4 Esaïe 9.15-9.16 Jérémie 5.31 Nombres 6.23-6.27 Nahum 3.13
¹³ stat ad iudicandum Dominus et stat ad iudicandos populos
Michée 6.2 Psaumes 12.5 Proverbes 22.22-22.23 Osée 4.1-4.2 Proverbes 23.10-23.11
¹⁴ Dominus ad iudicium veniet cum senibus populi sui et principibus eius vos enim depasti estis vineam meam et rapina pauperis in domo vestra
Job 22.4 Psaumes 143.2 Esaïe 3.2-3.3 Job 24.2-24.7 Amos 4.1
¹⁵ quare adteritis populum meum et facies pauperum commolitis dicit Dominus Deus exercituum
Psaumes 94.5 Ezéchiel 18.2 Esaïe 58.4 Michée 3.2-3.3 Jonas 1.6
¹⁶ et dixit Dominus pro eo quod elevatae sunt filiae Sion et ambulaverunt extento collo et nutibus oculorum ibant et plaudebant ambulabant et in pedibus suis conposito gradu incedebant
Esaïe 32.9-32.11 Esaïe 4.4 Cantique 3.11 Ezéchiel 16.49-16.50 Matthieu 21.5
¹⁷ decalvabit Dominus verticem filiarum Sion et Dominus crinem earum nudabit
Jérémie 13.22 Ezéchiel 16.36-16.37 Apocalypse 16.2 Lévitique 13.29-13.30 Nahum 3.5
¹⁸ in die illa auferet Dominus ornatum calciamentorum et lunulas
Juges 8.21 Juges 8.26
¹⁹ et torques et monilia et armillas et mitras
Genèse 38.25 Genèse 38.18 Ezéchiel 16.11 Genèse 24.53 Exode 35.22
²⁰ discriminalia et periscelidas et murenulas et olfactoriola et inaures
Exode 39.28 Genèse 35.4 Ezéchiel 16.12 Exode 32.2 Osée 2.13
²¹ et anulos et gemmas in fronte pendentes
Genèse 24.47 Jacques 2.2 Luc 15.22 Genèse 41.42 Ezéchiel 16.12
²² et mutatoria et pallia et linteamina et acus
²³ et specula et sindones et vittas et theristra
Ezéchiel 16.10 Cantique 5.7 Ruth 3.15 Genèse 41.42 Exode 38.8
²⁴ et erit pro suavi odore fetor et pro zona funiculus et pro crispanti crine calvitium et pro fascia pectorali cilicium
Lamentations 2.10 Esaïe 22.12 Ezéchiel 27.31 Esaïe 15.3 Amos 8.10
²⁵ pulcherrimi quoque viri tui gladio cadent et fortes tui in proelio
Jérémie 18.21 Esaïe 1.20 Jérémie 19.7 Jérémie 11.22 Lamentations 2.21
²⁶ et maerebunt atque lugebunt portae eius et desolata in terra sedebit
Jérémie 14.2 Lamentations 2.10 Lamentations 1.4 Job 2.13 Luc 19.44