Job 6.26
Vulgate

Intervention n° 2 de Job

¹ respondens autem Iob dixit
Job 4.1
² utinam adpenderentur peccata mea quibus iram merui et calamitas quam patior in statera
Job 31.6 Job 4.5 Job 23.2
³ quasi harena maris haec gravior appareret unde et verba mea dolore sunt plena
Proverbes 27.3 Job 23.2 Matthieu 11.28 Psaumes 40.5 Psaumes 77.4
⁴ quia sagittae Domini in me sunt quarum indignatio ebibit spiritum meum et terrores Domini militant contra me
Psaumes 38.2 Job 30.15 Psaumes 88.15-88.16 Job 16.12-16.14 Psaumes 7.13
⁵ numquid rugiet onager cum habuerit herbam aut mugiet bos cum ante praesepe plenum steterit
Jérémie 14.6 Psaumes 42.1 Psaumes 104.14 Joël 1.18-1.20
⁶ aut poterit comedi insulsum quod non est sale conditum aut potest aliquis gustare quod gustatum adfert mortem
Lévitique 2.13 Colossiens 4.6 Job 34.3 Job 6.30 Luc 14.34
⁷ quae prius tangere nolebat anima mea nunc prae angustia cibi mei sunt
Job 3.24 Daniel 10.3 1 Rois 22.27 Ezéchiel 4.16 1 Rois 17.12
⁸ quis det ut veniat petitio mea et quod expecto tribuat mihi Deus
Job 17.14-17.16 Psaumes 119.81 Job 6.11-6.13
⁹ et qui coepit ipse me conterat solvat manum suam et succidat me
1 Rois 19.4 Jonas 4.3 Job 7.15-7.16 Esaïe 48.10-48.13 Job 14.13
¹⁰ et haec mihi sit consolatio ut adfligens me dolore non parcat nec contradicam sermonibus Sancti
Job 23.12 Lévitique 19.2 Esaïe 57.15 Osée 11.9 Psaumes 40.9-40.10
¹¹ quae est enim fortitudo mea ut sustineam aut quis finis meus ut patienter agam
Psaumes 103.14-103.16 Job 17.1 Psaumes 102.23 Psaumes 39.5 Job 17.14-17.16
¹² nec fortitudo lapidum fortitudo mea nec caro mea aerea est
Job 40.18 Job 41.24
¹³ ecce non est auxilium mihi in me et necessarii quoque mei recesserunt a me
Job 26.2 Job 13.2 Job 19.28 Galates 6.4 2 Corinthiens 1.12
¹⁴ qui tollit ab amico suo misericordiam timorem Domini derelinquit
Proverbes 17.17 Genèse 20.11 Galates 6.2 Hébreux 13.3 1 Corinthiens 12.26
¹⁵ fratres mei praeterierunt me sicut torrens qui raptim transit in convallibus
Jérémie 15.18 Psaumes 38.11 Psaumes 41.9 Jean 16.32 Jean 13.18
¹⁶ qui timent pruinam inruet super eos nix
¹⁷ tempore quo fuerint dissipati peribunt et ut incaluerit solventur de loco suo
1 Rois 17.1 Job 24.19
¹⁸ involutae sunt semitae gressuum eorum ambulabunt in vacuum et peribunt
¹⁹ considerate semitas Theman itinera Saba et expectate paulisper
Genèse 25.15 Esaïe 21.14 Jérémie 25.23 1 Rois 10.1 Ezéchiel 27.22-27.23
²⁰ confusi sunt quia speravi venerunt quoque usque ad me et pudore cooperti sunt
Jérémie 14.3-14.4 Romains 9.33 Jérémie 17.13 Romains 5.5
²¹ nunc venistis et modo videntes plagam meam timetis
Psaumes 38.11 Proverbes 19.7 Psaumes 62.9 Jérémie 17.5-17.6 Apocalypse 18.9-18.10
²² numquid dixi adferte mihi et de substantia vestra donate mihi
Job 42.11 1 Samuel 12.3 Actes 20.33
²³ vel liberate me de manu hostis et de manu robustorum eruite me
Lévitique 25.48 Psaumes 107.2 Job 5.20 Jérémie 15.21 Psaumes 49.15
²⁴ docete me et ego tacebo et si quid forte ignoravi instruite me
Jacques 3.2 Psaumes 19.12 Job 10.2 Job 32.11 Job 33.1
²⁵ quare detraxistis sermonibus veritatis cum e vobis nullus sit qui possit arguere
Job 4.4 Proverbes 16.21-16.24 Proverbes 12.18 Proverbes 25.11 Job 24.25
²⁶ ad increpandum tantum eloquia concinnatis et in ventum verba profertis
Job 8.2 Job 40.5 Job 6.9 Matthieu 12.37 Job 42.7
²⁷ super pupillum inruitis et subvertere nitimini amicum vestrum
Job 22.9 Jacques 1.27 Nahum 3.10 Job 24.3 Job 24.9
²⁸ verumtamen quod coepistis explete praebete aurem et videte an mentiar
Job 33.3 Job 11.3 Job 27.4 Job 36.4 Job 13.4
²⁹ respondete obsecro absque contentione et loquentes id quod iustum est iudicate
Job 17.10 Job 42.6 Job 34.5 Job 23.10 Malachie 3.18
³⁰ et non invenietis in lingua mea iniquitatem nec in faucibus meis stultitia personabit
Job 12.11 Hébreux 5.14 Job 42.3-42.6 Job 6.6 Job 33.8-33.12