1 Rois 6.16
Vulgate

Construction du temple

¹ factum est igitur quadringentesimo et octogesimo anno egressionis filiorum Israhel de terra Aegypti in anno quarto mense zio ipse est mensis secundus regis Salomonis super Israhel aedificare coepit domum Domino
Actes 7.47 2 Chroniques 3.1-3.2 Colossiens 2.7 Zacharie 6.15 Juges 11.26
² domus autem quam aedificabat rex Salomon Domino habebat sexaginta cubitos in longitudine et viginti cubitos in latitudine et triginta cubitos in altitudine
Ezéchiel 41.1-41.15 Ezéchiel 40.1-40.41 Apocalypse 21.16-21.17 Esdras 6.3-6.4
³ et porticus erat ante templum viginti cubitorum longitudinis iuxta mensuram latitudinis templi et habebat decem cubitos latitudinis ante faciem templi
Actes 3.10-3.11 2 Chroniques 3.3-3.4 Ezéchiel 41.15 Jean 10.23 Matthieu 4.5
⁴ fecitque in templo fenestras obliquas
Ezéchiel 40.16 Ezéchiel 41.26 Ezéchiel 41.16 Cantique 2.9
⁵ et aedificavit super parietem templi tabulata per gyrum in parietibus domus per circuitum templi et oraculi et fecit latera in circuitu
1 Rois 6.16 2 Chroniques 5.7 2 Chroniques 4.20 1 Rois 6.19-6.21 2 Chroniques 5.9
⁶ tabulatum quod subter erat quinque cubitos habebat latitudinis et medium tabulatum sex cubitorum latitudinis et tertium tabulatum septem habens cubitos latitudinis trabes autem posuit in domo per circuitum forinsecus ut non hererent muris templi
⁷ domus autem cum aedificaretur lapidibus dedolatis atque perfectis aedificata est et malleus et securis et omne ferramentum non sunt audita in domo cum aedificaretur
Deutéronome 27.5-27.6 Exode 20.25 1 Pierre 2.5 Jacques 3.17-3.18 Esaïe 42.2
⁸ ostium lateris medii in parte erat domus dexterae et per cocleam ascendebant in medium cenaculum et a medio in tertium
Ezéchiel 41.6-41.7
⁹ et aedificavit domum et consummavit eam texit quoque domum laquearibus cedrinis
1 Rois 6.14 1 Rois 6.38
¹⁰ et aedificavit tabulatum super omnem domum quinque cubitis altitudinis et operuit domum lignis cedrinis
¹¹ et factus est sermo Domini ad Salomonem dicens
¹² domus haec quam aedificas si ambulaveris in praeceptis meis et iudicia mea feceris et custodieris omnia mandata mea gradiens per ea firmabo sermonem meum tibi quem locutus sum ad David patrem tuum
1 Chroniques 22.10 1 Chroniques 28.9 1 Rois 3.14 Colossiens 1.23 Zacharie 3.7
¹³ et habitabo in medio filiorum Israhel et non derelinquam populum meum Israhel
Exode 25.8 Deutéronome 31.6 Lévitique 26.11 Hébreux 13.5 Deutéronome 31.8
¹⁴ igitur aedificavit Salomon domum et consummavit eam
1 Rois 6.38 1 Rois 6.9 Actes 7.47-7.48
¹⁵ et aedificavit parietes domus intrinsecus tabulatis cedrinis a pavimento domus usque ad summitatem parietum et usque ad laquearia operuit lignis intrinsecus et texit pavimentum domus tabulis abiegnis
1 Rois 7.7
¹⁶ aedificavitque viginti cubitorum ad posteriorem partem templi tabulata cedrina a pavimento usque ad superiora et fecit interiorem domum oraculi in sanctum sanctorum
1 Rois 8.6 2 Chroniques 3.8 Lévitique 16.2 Hébreux 9.3 Ezéchiel 45.3
¹⁷ porro quadraginta cubitorum erat ipsum templum pro foribus oraculi
¹⁸ et cedro omnis domus intrinsecus vestiebatur habens tornaturas suas et iuncturas fabrefactas et celaturas eminentes omnia cedrinis tabulis vestiebantur nec omnino lapis apparere poterat in pariete
1 Rois 7.24
¹⁹ oraculum autem in medio domus in interiori parte fecerat ut poneret ibi arcam foederis Domini
Exode 40.20-40.21 1 Rois 6.5 1 Rois 8.6-8.10 2 Chroniques 5.7 2 Chroniques 4.20
²⁰ porro oraculum habebat viginti cubitos longitudinis et viginti cubitos latitudinis et viginti cubitos altitudinis et operuit illud atque vestivit auro purissimo sed et altare vestivit cedro
Exode 30.1-30.3 1 Rois 6.22 1 Rois 6.2-6.3 1 Rois 7.48
²¹ domum quoque ante oraculum operuit auro purissimo et adfixit lamminas clavis aureis
2 Chroniques 3.14-3.16 Exode 26.29 Exode 26.32-26.33 Exode 36.34 1 Rois 6.5
²² nihilque erat in templo quod non auro tegeretur sed et totum altare oraculi texit auro
Exode 30.1 Exode 30.3 2 Chroniques 3.7-3.14 Exode 30.5-30.6 1 Rois 6.20
²³ et fecit in oraculo duo cherubin de lignis olivarum decem cubitorum altitudinis
Exode 37.7-37.9 2 Chroniques 3.10-3.13 Ezéchiel 10.2-10.22 Hébreux 1.14 Psaumes 18.10
²⁴ quinque cubitorum ala cherub una et quinque cubitorum ala cherub altera id est decem cubitos habentes a summitate alae usque ad alae alterius summitatem
²⁵ decem quoque cubitorum erat cherub secundus mensura pari et opus unum erat in duobus cherubin
²⁶ id est altitudinem habebat unus cherub decem cubitorum et similiter cherub secundus
²⁷ posuitque cherubin in medio templi interioris extendebant autem alas suas cherubin et tangebat ala una parietem et ala cherub secundi tangebat parietem alterum alae autem alterae in media parte templi se invicem contingebant
Exode 37.9 Exode 25.20 2 Chroniques 5.8 1 Rois 8.7 2 Chroniques 3.11
²⁸ texit quoque cherubin auro
²⁹ et omnes parietes templi per circuitum scalpsit variis celaturis et torno et fecit in eis cherubin et palmas et picturas varias quasi prominentes de pariete et egredientes
1 Rois 6.32 Ephésiens 3.10 Psaumes 92.12-92.15 Apocalypse 5.11-5.14 Exode 36.8
³⁰ sed et pavimentum domus texit auro intrinsecus et extrinsecus
Apocalypse 21.18-21.21 Esaïe 60.17 Esaïe 54.11-54.12
³¹ et in ingressu oraculi fecit ostiola de lignis olivarum postesque angulorum quinque
Jean 10.9 Hébreux 10.19-10.20 Ephésiens 3.18 Jean 14.6
³² et duo ostia de lignis olivarum et scalpsit in eis picturam cherubin et palmarum species et anaglyfa valde prominentia et texit ea auro et operuit tam cherubin quam palmas et cetera auro
1 Rois 6.18 1 Rois 6.29
³³ fecitque in introitum templi postes de lignis olivarum quadrangulatos
³⁴ et duo ostia de lignis abiegnis altrinsecus et utrumque ostium duplex erat et se invicem tenens aperiebatur
Ezéchiel 41.23-41.25 1 Rois 5.8
³⁵ et scalpsit cherubin et palmas et celaturas valde eminentes operuitque omnia lamminis aureis opere quadro ad regulam
³⁶ et aedificavit atrium interius tribus ordinibus lapidum politorum et uno ordine lignorum cedri
1 Rois 7.12 2 Chroniques 7.7 Apocalypse 11.2 Exode 27.9-27.19 Exode 38.9-38.20
³⁷ anno quarto fundata est domus Domini in mense zio
1 Rois 6.1 2 Chroniques 3.2
³⁸ et in anno undecimo mense bul ipse est mensis octavus perfecta est domus in omni opere suo et in universis utensilibus aedificavitque eam annis septem
Jean 2.20 Zacharie 4.9 Esdras 6.14-6.15 1 Rois 7.1 Esdras 3.8-3.13