Ghjesù guarisce un leprosu
1 Ghjesù era falatu da a muntagna è eranu una mansa di ghjente chì andavanu cun ellu.
Matthieu 8.18 Matthieu 4.25-5.1 Matthieu 12.15 Luc 14.25-14.27 Matthieu 19.2
2 Ed eccuti ch’ellu affacca un liparosu, è li si indinochja davanti dicendu : « o Signore, s’è tù voli, mi poi purificà. »
Matthieu 18.26 Matthieu 15.25 Deutéronome 24.8-24.9 Luc 5.12-5.14 Apocalypse 22.8-22.9
3 Ghjesù stende a manu, u tocca è dice : « iè chì vogliu, purificatu ch’è tù sia » è quellu subitu subitu hè purificatu da a lepra.
Luc 5.13 Psaumes 33.9 Genèse 1.3 2 Rois 5.14 Marc 7.34
4 Tandu Ghjesù li dice : « fà casu d’ ùn parlà ne à nimu, ma vai è fà ti vede da u prete è presenta li u donu ch’ellu hà dettu Musè, ch’ellu ghjovi di prova à tutti. »
Lévitique 14.2-14.32 Marc 7.36 Matthieu 9.30 Luc 5.14 Luc 17.14
Ghjesù guarisce u servu di un centurione
di l’armata rumana
5 Entrutu Ghjesù in Cafarnau, li s’affacca un centurione chì li chede aiutu, è dice :
Luc 7.1-7.10 Matthieu 9.1 Marc 15.39 Actes 27.43 Actes 23.17
6 « o Signore, ci aghju u mo servu stracquatu in lettu, hè paralizatu è strazia chì ùn ne pò più. »
Matthieu 4.24 Actes 9.33 Matthieu 9.2 Job 31.13-31.14 Colossiens 3.11
7 Ghjesù li dice : « aghju da vene à guarì lu. »
Luc 7.6 Matthieu 9.18-9.19 Marc 5.23-5.24
8 U centurione risponde è dice : « o Signore, ùn sò degnu ch’è tù entri in casa mea, ma dì solu una parolla è u mo servu hà da esse guaritu.
Psaumes 107.20 Luc 7.6-7.7 Genèse 32.10 Matthieu 8.3 Luc 15.21
9 Chì sò ancu eu un omu sottumessu à un putere, è sottu à mè aghju i suldati. À unu li dicu : ‘vai !’ è ellu và. À l’altru : ‘veni !’ è ellu vene. À u mo servu li dicu : ‘fà cusì !’ è ellu a face. »
Tite 2.9 Ezéchiel 14.17-14.21 Luc 4.39 Psaumes 119.91 Luc 4.35-4.36
10 Intesu isse parolle, Ghjesù si maraviglia è dice à l’altri chì eranu cun ellu : « a vi dicu da veru : tamanta fede ùn l’aghju trova indè nimu d’Israele.
Matthieu 15.28 Luc 7.9 Luc 7.50 Luc 5.20 Marc 6.6
11 È vi dicu chì parechji anu da vene da levante è punente è ch’elli s’anu da calà à tavulinu cù Abraamu, cù Isaccu è cù Ghjacobbu in u regnu di i celi.
Luc 13.28-13.29 Malachie 1.11 Michée 4.1-4.2 Ephésiens 2.11-2.14 Esaïe 2.2-2.3
12 Invece quelli chì devianu stà in u regnu seranu lampati fora in a bughjura ; è ci seranu i pienti è i chirchenni. »
Matthieu 13.42 Matthieu 25.30 Luc 13.28 Matthieu 13.50 Matthieu 24.51
13 È po Ghjesù disse à u centurione : « vai, ch’ella ti sia fatta secondu a to fede. » È subitu tandu u servu fù guaritu.
Matthieu 9.22 Jean 4.52-4.53 Matthieu 9.29-9.30 Ecclésiaste 9.7 Marc 7.29
Ghjesù guarisce parechje persone
14 Dopu Ghjesù entre in casa ind’è Petru. Vede a socera di quellu stracquata cù a freba.
Luc 4.38-4.41 Marc 1.29-1.34 1 Corinthiens 9.5 1 Timothée 4.3 1 Timothée 3.2
15 Tocca a so manu è a freba sparisce ; tandu a donna s’arrizza è mette à serve lu.
2 Rois 13.21 Actes 19.11-19.13 Matthieu 8.3 Matthieu 9.29 Matthieu 9.20
16 Toccu sera, li purtonu parechje persone indemuniate. Cù a so parolla mandò via i spiriti è guarì tutti i malati.
Actes 19.13-19.16 Luc 4.40 Marc 9.25 Matthieu 9.2 Marc 1.32-1.34
17 Cusì fù rializata a parolla di Diu detta da u prufetu Isaia :
si hà pigliatu à dossu tutte e nostre debulezze
è s’hà messu à collu tutti i nostri mali.’
Esaïe 53.4 1 Pierre 2.24 Matthieu 1.22
Ghjesù risponde à quelli chì u vulianu seguità
18 Videndu si una grande folla in giru, Ghjesù cumandò d’andà da culandi à u lavu.
Marc 4.35 Luc 8.22 Jean 6.15 Matthieu 14.22 Marc 5.21
19 S’avvicina un maestru di a Lege è dice à Ghjesù : « o Maestru, aghju da vene cù tè duv’è voglia ch’è tù vachi. »
Esdras 7.6 Jean 13.36-13.38 Luc 22.33-22.34 1 Corinthiens 1.20 Luc 9.57-9.60
20 È Ghjesù dice : « e volpe anu e so tane è l’acelli di u celu anu i so nidi, ma u Figliolu di l’Omu ùn hà locu da ripone u capu. »
Psaumes 84.3 Matthieu 12.40 Luc 2.16 Luc 2.7 Matthieu 12.8
21 Un antru di i discepuli li disse : « o Sgiò Maestru, lascia ch’È vachi prima à interrà à babbu. »
Luc 9.59-9.62 Lévitique 21.11-21.12 Nombres 6.6-6.7 Aggée 1.2 Deutéronome 33.9-33.10
22 Ghjesù li dice : « veni cù mè è lascia i morti interrà i morti. »
Jean 1.43 Ephésiens 5.14 Colossiens 2.13 Luc 15.32 Matthieu 9.9
Ghjesù calma a timpesta
23 S’era imbarcatu cù i so discepuli chì andavanu cun ellu.
Luc 8.22-8.25 Marc 4.36-4.41 Matthieu 9.1 Luc 7.22
24 Ed eccu ch’ellu ci fù in mare tamanta timpesta è a barca fù fasciata da i marosuli, ma ellu durmia.
Luc 8.23 Jean 6.17-6.18 Jonas 1.4-1.5 Marc 4.37-4.38 Actes 27.14-27.38
25 L’altri s’avvicinanu, u discetanu è dicenu : « o Signore, salva ci, chì simu persi. »
Psaumes 44.22-44.23 Jonas 1.6 Marc 4.38-4.39 2 Chroniques 20.12 Esaïe 51.9-51.10
26 Li dice : « chì hè sta paura, o ghjente di poca fede ? » Tandu s’arrizza, minaccia i venti è u mare, è vene a calma tamanta.
Esaïe 41.10-41.14 Matthieu 6.30 Psaumes 65.7 Marc 6.48-6.51 Psaumes 107.28-107.30
27 Tandu, l’omi si ne maraviglianu è dicenu : « chì omu serà questu, chì ancu i venti è u mare u stanu à sente? »
Marc 1.27 Marc 6.51 Marc 7.37 Matthieu 14.33 Matthieu 15.31
Ghjesù guarisce dui indemuniati in Gadarà
28 Ghjuntu ch’ellu fù da mare in là, in i lochi di i Gadaresi, l’affacconu dui indemuniati isciuti da e tombe ; da tantu ch’elli eranu periculosi, nimu pudia più passà pè quella strada.
Marc 5.1-5.20 Actes 10.38 Luc 8.26-8.39 Matthieu 4.24 Juges 5.6
29 Ed eccu chì elli mettenu à mughjà : « chì ci hè, da noi à tè, o figliolu di Diu, serai ghjuntu à strazià ci prima di l’ora ? »
Marc 1.24 Luc 4.34 2 Samuel 16.10 Marc 5.7 Jean 2.4
30 È ci era, luntanu, una bella banda di porchi chì pascianu.
Esaïe 65.3-65.4 Luc 8.32 Esaïe 66.3 Lévitique 11.7 Deutéronome 14.8
31 I demonii pricuravanu à Ghjesù : « s’è tù ci scacci, metti ci ind’è issa banda di i porchi. »
Marc 5.7 Marc 5.12 Apocalypse 20.1-20.2 Apocalypse 12.12 Luc 8.30-8.33
32 Ghjesù li dice : « andate. » Tandu sortenu da l’omi è entrenu in i porchi. Ed eccu a banda sana chì si lampa in mare da l’elpa, è morenu tutti ind’è l’acqua.
Marc 5.13 Apocalypse 20.7 Job 2.3-2.8 Job 1.10-1.19 Luc 8.33
33 I purcaghji eranu scappati è andati à fà sapè tuttu pè a cità, è cuntetinu ancu quella di l’indemuniati.
Actes 19.15-19.17 Luc 8.34-8.36 Marc 5.14-5.16
34 Ed eccu chì a cità sana esce à truvà à Ghjesù ; è vistu lu, li dumandanu d’esce da i so cunfini.
Actes 16.39 Luc 5.8 1 Rois 17.18 Job 22.17 Job 21.14