1 Tandu Ghjesù s’adrizzò à a ghjente accolta è à i so discepuli è disse :
Matthieu 15.10-15.20 Luc 12.1 Marc 7.14 Luc 20.45-20.46 Luc 12.57
2 « i Scribi è i Farusei sò incaricati di dì è di spiicà a Lege di Musè.
Luc 20.46 Marc 12.38 Esdras 7.25 Esdras 7.6 Néhémie 8.4-8.8
3 Dunque fate puru è osservate ciò ch’elli vi diceranu, ma ùn fate secondu i so atti, chì dicenu è ùn facenu.
Tite 1.16 2 Timothée 3.5 2 Chroniques 30.12 Exode 18.23 Deutéronome 17.9-17.12
4 Leganu tamante some è e mettenu in collu à l’omi, ma per move le ùn ci volenu mette mancu un ditu.
Luc 11.46 Actes 15.10 Galates 6.13 Matthieu 11.28-11.30 Actes 15.28
5 Tutti i so atti, i facenu propiu per fà si vede da a ghjente. I stucci ch’omu si mette à dossu per a prichera, elli l’anu più grandi ; i frisgi di i vestiti da pricà, l’anu più longhi.
Matthieu 6.1-6.16 Deutéronome 6.8 Jean 5.44 Matthieu 9.20 Exode 13.9
6 Li piace à piglià u primu rangu in i ripasti è e prime sedie in e sinagoghe,
Jacques 2.1-2.4 Romains 12.10 Luc 20.46-20.47 Marc 12.38-12.39 Luc 11.43-11.54
7 à esse salutati in piazza publica è à sente si chjamà Maestru da a ghjente.
Jean 1.38 Jean 1.49 Jean 3.2 Jean 3.26 Jean 6.25
8 Ma voi, ùn vi fate chjamà Maestru : chì maestru ùn ne avete chè unu è site tutti fratelli.
Jacques 3.1 Luc 22.32 Matthieu 23.10 Matthieu 26.49 Colossiens 1.1-1.2
9 Annantu à a terra, ch’è vo ùn chjamite Babbu à nimu : chì Babbu ùn ne avite chè unu, u Babbu di u celu.
Malachie 1.6 1 Jean 3.1 Romains 8.14-8.17 Hébreux 12.9 Job 32.21-32.22
10 Ch’è vo ùn vi faccite chjamà Patroni : chì patrone ùn ne avite chè unu, u Messia.
11 U più maiò trà voi altri serà u vostru servu ;
Galates 5.13 2 Corinthiens 11.23 2 Corinthiens 4.5 Luc 22.26-22.27 Marc 10.43-10.44
12 à chì si face più grande serà fattu più chjucu ; à chì si face più chjucu serà fattu più grande.
1 Pierre 5.5 Jacques 4.6 Luc 14.11 Luc 18.14 Matthieu 18.4
13 « Guai à voi, falsi chè vo site, scribi è Farusei chì chjudite à l’omi u regnu di i celi ; voi stessi ùn ci entrite è à l’entranti li chjudite e porte.
Luc 11.52 Matthieu 23.27 Matthieu 23.29 Actes 8.1 Zacharie 11.17
14 Guai à voi, falsi chè vo site, scribi è Farusei chì vi manghjate a robba di e veduve è fate vista di pricà tantu. Moltu più serete cundannati.
15 « Guai à voi, falsi chè vo site, scribi è Farusei chì girate terra è mare per riesce à cunverte una sola persona, è po quand’è voi l’avete acquistata, a fate degna di l’infernu duie volte peghju chè voi !
Actes 13.43 Actes 2.10 Actes 6.5 Matthieu 5.22 Actes 17.13
16 « Guai à voi chì aprite a strada à a cechesca quand’è vo dite : ‘À chì ghjura pè u tempiu, ùn hè nunda ; ma à chì ghjura pè l’oru di u tempiu, quessu hè ligatu.’
Matthieu 15.14 Matthieu 23.24 Matthieu 5.33-5.35 Matthieu 23.17 Matthieu 23.19
17 Mansa di scemi è di cechi ! Chì serà po u valevule, l’oru o u tempiu chì santificheghja l’oru ?
Matthieu 23.19 Exode 30.26-30.29 Nombres 16.38-16.39 Psaumes 94.8
18 È dite dinò : ‘À chì ghjura pè l’altare, ùn hè nunda; ma à chì ghjura pè a robba offerta, quessu hè ligatu.’
19 Mansa di cechi ! Chì serà po u valevule, a robba offerta o l’altare chì santificheghja a robba offerta ?
Exode 29.37 Exode 30.29
20 Chì à chì ghjura per l’altare ghjura per l’altare è per tuttu ciò chì hè nantu ;
21 à chì ghjura per u santuariu ghjura per u santuariu è per Quellu chì ci stà ;
1 Rois 8.13 Psaumes 26.8 2 Chroniques 6.2 2 Chroniques 7.2 Colossiens 2.9
22 à chì ghjura per u celu ghjura per u tronu di Diu è per Quellu chì ci posa.
Matthieu 5.34 Esaïe 66.1 Psaumes 11.4 Apocalypse 4.2-4.3 Actes 7.49
23 « Guai à voi, falsi chè vo site, scribi è Farusei chì pagate a tassa di a menta, di u finochju è di u cuminu, quandu ch’è vo lasciate corre u più gravu in a Lege: u dirittu, a misericordia è a fideltà ; quessa sì, ci vulia à fà la, senza nigligintà u restu.
Luc 11.42 Michée 6.8 Osée 6.6 1 Samuel 15.22 Lévitique 27.30
24 Guidi cechi, chì arrestate u muscusgiulu in lu stacciu ma vi inghjuttite u camellu !
Matthieu 19.24 Luc 6.7-6.10 Matthieu 15.2-15.6 Matthieu 27.6-27.8 Matthieu 23.16
25 « Guai à voi, falsi chè vo site, scribi è Farusei chì purificate u fora di u calice è di u piattu, quandu chì u drentu hè pienu zeppu à robba di latrucinu è di ingurdizia.
Luc 11.39-11.40 Matthieu 15.19-15.20 Esaïe 28.7-28.8 Marc 7.4-7.13
26 Faruseu cecu ! Purificheghja prima u drentu di u calice, per chì u fora venga purificatu ancu ellu.
Jacques 4.8 Hébreux 10.22 Luc 6.45 Jérémie 13.27 Matthieu 12.33
27 « Guai à voi, falsi chè vo site, scribi è Farusei chì v’assumigliate à tumbini imbiancati: à l’infora parenu belli, ma à l’indrentu sò pieni à ussicami è robba impura.
Actes 23.3 Luc 11.44 Nombres 19.16 Esaïe 58.1-58.2
28 Cusì site voi altri : da fora, parite à ognunu ghjente ghjusta, ma à l’indrentu, site trapieni à inghjustizia è falsità.
Matthieu 23.5 Luc 16.15 Jérémie 17.9-17.10 Marc 7.21-7.23 Matthieu 15.19-15.20
29 « Guai à voi, falsi chè vo site, scribi è Farusei chì inalzate i sipolcri di i prufeta è adurnate e fosse di i ghjusti,
Luc 11.47-11.48 Actes 2.29
30 è dite : ‘sè no avessimu campatu à i tempi di i nostri babbi, ùn seriamu micca stati i so cumplici per tumbà i prufeta.’
Matthieu 23.34-23.35 Matthieu 21.35-21.36 2 Chroniques 36.15 Jérémie 2.30
31 Cusì tistimuniate contru à voi stessi : site i figlioli di quelli chì anu tombu i prufeti !
Actes 7.51-7.52 1 Thessaloniciens 2.15-2.16 Luc 19.22 Josué 24.22 Psaumes 64.8
32 Ebbè ! Fate puru ancu voi cusì è peghju !
Genèse 15.16 1 Thessaloniciens 2.16 Nombres 32.14 Zacharie 5.6-5.11
33 Serpi, figlioli di serpi, cumu vi puderiate francà da u castigu di l’infernu ?
Matthieu 3.7 Matthieu 12.34 Luc 3.7 Jean 8.44 Matthieu 5.22
34 Ghjè per quessa chì eu, vi mandu prufeta, savii è maestri di a Lege. Ne tumberete è ne crucifisserete, ne staffilerete in e vostre sinagoghe è i percoterete da cità in cità,
Matthieu 10.16-10.17 Matthieu 10.23 Matthieu 13.52 Actes 13.1 Actes 9.1-9.2
35 per ch’ellu vi ricaschi addossu tuttu u sangue di i ghjusti spartu annantu à a terra, dapoi u sangue d’Abel u ghjustu sin’à u sangue di Zaccaria, figliolu di Baracchia, ch’è vo avete tombu trà u santuariu è l’altare.
Zacharie 1.1 Genèse 4.8 Hébreux 11.4 2 Chroniques 24.20-24.22 Apocalypse 18.24
36 Da veru a vi dicu, tuttu què hà da ricascà annantu à sta ghjente d’oghje. »
Matthieu 24.34 Matthieu 10.23 Marc 13.30-13.31 Luc 21.32-21.33 Ezéchiel 12.21-12.28
37 « Ghjerusaleme, Ghjerusaleme, tù chì assassini i prufeta è tombi à petrate quelli chì ti sò mandati, quantu volte aghju vulsutu accoglie i to figlioli cum’è a cioccia accoglie i so piulelli sottu à l’ale,è ùn avete vulsutu micca !
Deutéronome 32.11-32.12 Ruth 2.12 Matthieu 5.12 Psaumes 63.7 Luc 13.34-13.35
38 Ebbè ! V’hà da esse lasciata diserta, a vostra casa.
Jérémie 22.5 Luc 21.24 Marc 13.14 Esaïe 64.10-64.12 2 Chroniques 7.20-7.21
39 Chì, a vi dicu, oramai ùn mi viderete più, sinu à u ghjornu chè vo diciarete :
benedittu Quellu chì vene à nome di u Signore!’ »
Psaumes 118.26 Matthieu 21.9 Romains 11.25 Osée 3.4 Jean 8.56