Esaïe 3.25
Biblia Hebraica Stuttgartensia

Jugement des habitants de Jérusalem

¹ כִּי֩ הִנֵּ֨ה הָאָדֹ֜ון יְהוָ֣ה צְבָאֹ֗ות מֵסִ֤יר מִירוּשָׁלִַ֨ם֙ וּמִ֣יהוּדָ֔ה מַשְׁעֵ֖ן וּמַשְׁעֵנָ֑ה כֹּ֚ל מִשְׁעַן־לֶ֔חֶם וְכֹ֖ל מִשְׁעַן־מָֽיִם׃
Lévitique 26.26 Esaïe 1.24 Esaïe 2.22 Psaumes 105.16 Ezéchiel 4.16-4.17
² גִּבֹּ֖ור וְאִ֣ישׁ מִלְחָמָ֑ה שֹׁופֵ֥ט וְנָבִ֖יא וְקֹסֵ֥ם וְזָקֵֽן׃
Ezéchiel 17.13 2 Rois 24.14-24.16 Esaïe 2.13-2.15 Lamentations 5.12-5.14 Ezéchiel 9.5
³ שַׂר־חֲמִשִּׁ֖ים וּנְשׂ֣וּא פָנִ֑ים וְיֹועֵ֛ץ וַחֲכַ֥ם חֲרָשִׁ֖ים וּנְבֹ֥ון לָֽחַשׁ׃
Exode 4.10 Exode 18.21 Juges 8.18 Exode 4.14-4.16 1 Samuel 8.12
⁴ וְנָתַתִּ֥י נְעָרִ֖ים שָׂרֵיהֶ֑ם וְתַעֲלוּלִ֖ים יִמְשְׁלוּ־בָֽם׃
Ecclésiaste 10.16 1 Rois 3.7-3.9 2 Chroniques 36.2 2 Chroniques 33.1 2 Chroniques 36.9
⁵ וְנִגַּ֣שׂ הָעָ֔ם אִ֥ישׁ בְּאִ֖ישׁ וְאִ֣ישׁ בְּרֵעֵ֑הוּ יִרְהֲב֗וּ הַנַּ֨עַר֙ בַּזָּקֵ֔ן וְהַנִּקְלֶ֖ה בַּנִּכְבָּֽד׃
Jérémie 9.3-9.8 Esaïe 1.4 Matthieu 26.67 Ezéchiel 22.6-22.7 Lévitique 19.32
⁶ כִּֽי־יִתְפֹּ֨שׂ אִ֤ישׁ בְּאָחִיו֙ בֵּ֣ית אָבִ֔יו שִׂמְלָ֣ה לְכָ֔ה קָצִ֖ין תִּֽהְיֶה־לָּ֑נוּ וְהַמַּכְשֵׁלָ֥ה הַזֹּ֖את תַּ֥חַת יָדֶֽךָ׃
Esaïe 4.1 Juges 11.6-11.8 Jean 6.15
⁷ יִשָּׂא֩ בַיֹּ֨ום הַה֤וּא׀ לֵאמֹר֙ לֹא־אֶהְיֶ֣ה חֹבֵ֔שׁ וּבְבֵיתִ֕י אֵ֥ין לֶ֖חֶם וְאֵ֣ין שִׂמְלָ֑ה לֹ֥א תְשִׂימֻ֖נִי קְצִ֥ין עָֽם׃
Osée 5.13 Osée 6.1 Apocalypse 10.5-10.6 Jérémie 14.19 Genèse 14.22
⁸ כִּ֤י כָשְׁלָה֙ יְר֣וּשָׁלִַ֔ם וִיהוּדָ֖ה נָפָ֑ל כִּֽי־לְשֹׁונָ֤ם וּמַֽעַלְלֵיהֶם֙ אֶל־יְהוָ֔ה לַמְרֹ֖ות עֵנֵ֥י כְבֹודֹֽו׃
Jude 1.15 Osée 7.16 Esaïe 5.18-5.19 Psaumes 73.8-73.11 Matthieu 12.36-12.37
⁹ הַכָּרַ֤ת פְּנֵיהֶם֙ עָ֣נְתָה בָּ֔ם וְחַטָּאתָ֛ם כִּסְדֹ֥ם הִגִּ֖ידוּ לֹ֣א כִחֵ֑דוּ אֹ֣וי לְנַפְשָׁ֔ם כִּֽי־גָמְל֥וּ לָהֶ֖ם רָעָֽה׃
Genèse 13.13 Esaïe 3.16 Jérémie 3.3 Romains 6.23 Ezéchiel 23.16
¹⁰ אִמְר֥וּ צַדִּ֖יק כִּי־טֹ֑וב כִּֽי־פְרִ֥י מַעַלְלֵיהֶ֖ם יֹאכֵֽלוּ׃
Deutéronome 28.1-28.14 Ecclésiaste 8.12 Ezéchiel 9.4 Psaumes 18.23-18.24 Psaumes 128.1-128.2
¹¹ אֹ֖וי לְרָשָׁ֣ע רָ֑ע כִּֽי־גְמ֥וּל יָדָ֖יו יֵעָ֥שֶׂה לֹּֽו׃
Deutéronome 28.15-28.68 Psaumes 1.3-1.5 Esaïe 48.22 Esaïe 65.13-65.15 Ecclésiaste 8.13
¹² עַמִּי֙ נֹגְשָׂ֣יו מְעֹולֵ֔ל וְנָשִׁ֖ים מָ֣שְׁלוּ בֹ֑ו עַמִּי֙ מְאַשְּׁרֶ֣יךָ מַתְעִ֔ים וְדֶ֥רֶךְ אֹֽרְחֹתֶ֖יךָ בִּלֵּֽעוּ׃ ס
Esaïe 3.4 Matthieu 15.14 Matthieu 23.13 Esaïe 28.14-28.15 2 Rois 11.1
¹³ נִצָּ֥ב לָרִ֖יב יְהוָ֑ה וְעֹמֵ֖ד לָדִ֥ין עַמִּֽים׃
Michée 6.2 Proverbes 22.22-22.23 Osée 4.1-4.2 Proverbes 23.10-23.11 Psaumes 12.5
¹⁴ יְהוָה֙ בְּמִשְׁפָּ֣ט יָבֹ֔וא עִם־זִקְנֵ֥י עַמֹּ֖ו וְשָׂרָ֑יו וְאַתֶּם֙ בִּֽעַרְתֶּ֣ם הַכֶּ֔רֶם גְּזֵלַ֥ת הֶֽעָנִ֖י בְּבָתֵּיכֶֽם׃
Job 22.4 Psaumes 143.2 Matthieu 21.33 Jérémie 5.27 Job 24.9
¹⁵ מַּה־לָּכֶם֙ תְּדַכְּא֣וּ עַמִּ֔י וּפְנֵ֥י עֲנִיִּ֖ים תִּטְחָ֑נוּ נְאֻם־אֲדֹנָ֥י יְהוִ֖ה צְבָאֹֽות׃ ס
Psaumes 94.5 Jonas 1.6 Amos 8.4-8.6 Amos 2.6-2.7 Exode 5.14
¹⁶ וַיֹּ֣אמֶר יְהוָ֗ה יַ֚עַן כִּ֤י גָֽבְהוּ֙ בְּנֹ֣ות צִיֹּ֔ון וַתֵּלַ֨כְנָה֙ נְטוּיֹ֣ות גָּרֹ֔ון וּֽמְשַׂקְּרֹ֖ות עֵינָ֑יִם הָלֹ֤וךְ וְטָפֹף֙ תֵּלַ֔כְנָה וּבְרַגְלֵיהֶ֖ם תְּעַכַּֽסְנָה׃
Esaïe 4.4 Esaïe 32.9-32.11 Ezéchiel 16.49-16.50 Matthieu 21.5 Cantique 3.11
¹⁷ וְשִׂפַּ֣ח אֲדֹנָ֔י קָדְקֹ֖ד בְּנֹ֣ות צִיֹּ֑ון וַיהוָ֖ה פָּתְהֵ֥ן יְעָרֶֽה׃ ס
Jérémie 13.22 Deutéronome 28.27 Esaïe 20.4 Ezéchiel 23.25-23.29 Ezéchiel 16.36-16.37
¹⁸ בַּיֹּ֨ום הַה֜וּא יָסִ֣יר אֲדֹנָ֗י אֵ֣ת תִּפְאֶ֧רֶת הָעֲכָסִ֛ים וְהַשְּׁבִיסִ֖ים וְהַשַּׂהֲרֹנִֽים׃
Juges 8.21 Juges 8.26
¹⁹ הַנְּטִיפֹ֥ות וְהַשֵּׁירֹ֖ות וְהָֽרְעָלֹֽות׃
Exode 35.22 Nombres 31.50 Genèse 24.22 Genèse 24.30 Genèse 38.25
²⁰ הַפְּאֵרִ֤ים וְהַצְּעָדֹות֙ וְהַקִּשֻּׁרִ֔ים וּבָתֵּ֥י הַנֶּ֖פֶשׁ וְהַלְּחָשִֽׁים׃
Exode 39.28 Genèse 35.4 Ezéchiel 16.12 Exode 32.2 Osée 2.13
²¹ הַטַּבָּעֹ֖ות וְנִזְמֵ֥י הָאָֽף׃
Genèse 24.47 Cantique 5.14 1 Timothée 2.9-2.10 1 Pierre 3.3-3.4 Esther 8.12
²² הַמַּֽחֲלָצֹות֙ וְהַמַּ֣עֲטָפֹ֔ות וְהַמִּטְפָּחֹ֖ות וְהָחֲרִיטִֽים׃
²³ וְהַגִּלְיֹנִים֙ וְהַסְּדִינִ֔ים וְהַצְּנִיפֹ֖ות וְהָרְדִידִֽים׃
Luc 16.19 1 Chroniques 15.27 Genèse 24.65 Apocalypse 19.14 Ezéchiel 16.10
²⁴ וְהָיָה֩ תַ֨חַת בֹּ֜שֶׂם מַ֣ק יִֽהְיֶ֗ה וְתַ֨חַת חֲגֹורָ֤ה נִקְפָּה֙ וְתַ֨חַת מַעֲשֶׂ֤ה מִקְשֶׁה֙ קָרְחָ֔ה וְתַ֥חַת פְּתִיגִ֖יל מַחֲגֹ֣רֶת שָׂ֑ק כִּי־תַ֖חַת יֹֽפִי׃
Ezéchiel 27.31 Lamentations 2.10 Esaïe 22.12 Esaïe 15.3 Amos 8.10
²⁵ מְתַ֖יִךְ בַּחֶ֣רֶב יִפֹּ֑לוּ וּגְבוּרָתֵ֖ךְ בַּמִּלְחָמָֽה׃
Jérémie 14.18 Jérémie 21.9 Amos 9.10 2 Chroniques 29.9 Jérémie 18.21
²⁶ וְאָנ֥וּ וְאָבְל֖וּ פְּתָחֶ֑יהָ וְנִקָּ֖תָה לָאָ֥רֶץ תֵּשֵֽׁב׃
Jérémie 14.2 Lamentations 2.10 Lamentations 1.4 Job 2.13 Job 2.8