Esaïe 3.11
Biblia Hebraica Stuttgartensia

Jugement des habitants de Jérusalem

¹ כִּי֩ הִנֵּ֨ה הָאָדֹ֜ון יְהוָ֣ה צְבָאֹ֗ות מֵסִ֤יר מִירוּשָׁלִַ֨ם֙ וּמִ֣יהוּדָ֔ה מַשְׁעֵ֖ן וּמַשְׁעֵנָ֑ה כֹּ֚ל מִשְׁעַן־לֶ֔חֶם וְכֹ֖ל מִשְׁעַן־מָֽיִם׃
Lévitique 26.26 Esaïe 1.24 Jérémie 37.21 Esaïe 51.22 Jérémie 38.9
² גִּבֹּ֖ור וְאִ֣ישׁ מִלְחָמָ֑ה שֹׁופֵ֥ט וְנָבִ֖יא וְקֹסֵ֥ם וְזָקֵֽן׃
Ezéchiel 17.13 Ezéchiel 8.12 Psaumes 74.9 Amos 2.3 2 Rois 24.14-24.16
³ שַׂר־חֲמִשִּׁ֖ים וּנְשׂ֣וּא פָנִ֑ים וְיֹועֵ֛ץ וַחֲכַ֥ם חֲרָשִׁ֖ים וּנְבֹ֥ון לָֽחַשׁ׃
Deutéronome 1.15 Exode 4.10 Exode 18.21 Juges 8.18 Exode 4.14-4.16
⁴ וְנָתַתִּ֥י נְעָרִ֖ים שָׂרֵיהֶ֑ם וְתַעֲלוּלִ֖ים יִמְשְׁלוּ־בָֽם׃
Ecclésiaste 10.16 2 Chroniques 36.11 2 Chroniques 36.5 1 Rois 3.7-3.9 2 Chroniques 36.2
⁵ וְנִגַּ֣שׂ הָעָ֔ם אִ֥ישׁ בְּאִ֖ישׁ וְאִ֣ישׁ בְּרֵעֵ֑הוּ יִרְהֲב֗וּ הַנַּ֨עַר֙ בַּזָּקֵ֔ן וְהַנִּקְלֶ֖ה בַּנִּכְבָּֽד׃
Jérémie 9.3-9.8 Zacharie 7.9-7.11 2 Samuel 16.5-16.9 Jérémie 22.17 2 Rois 2.23
⁶ כִּֽי־יִתְפֹּ֨שׂ אִ֤ישׁ בְּאָחִיו֙ בֵּ֣ית אָבִ֔יו שִׂמְלָ֣ה לְכָ֔ה קָצִ֖ין תִּֽהְיֶה־לָּ֑נוּ וְהַמַּכְשֵׁלָ֥ה הַזֹּ֖את תַּ֥חַת יָדֶֽךָ׃
Esaïe 4.1 Jean 6.15 Juges 11.6-11.8
⁷ יִשָּׂא֩ בַיֹּ֨ום הַה֤וּא׀ לֵאמֹר֙ לֹא־אֶהְיֶ֣ה חֹבֵ֔שׁ וּבְבֵיתִ֕י אֵ֥ין לֶ֖חֶם וְאֵ֣ין שִׂמְלָ֑ה לֹ֥א תְשִׂימֻ֖נִי קְצִ֥ין עָֽם׃
Osée 5.13 Ezéchiel 34.4 Deutéronome 32.40 Esaïe 58.12 Osée 6.1
⁸ כִּ֤י כָשְׁלָה֙ יְר֣וּשָׁלִַ֔ם וִיהוּדָ֖ה נָפָ֑ל כִּֽי־לְשֹׁונָ֤ם וּמַֽעַלְלֵיהֶם֙ אֶל־יְהוָ֔ה לַמְרֹ֖ות עֵנֵ֥י כְבֹודֹֽו׃
Esaïe 1.7 2 Chroniques 33.11 2 Chroniques 28.18 Ezéchiel 8.12 Habakuk 1.13
⁹ הַכָּרַ֤ת פְּנֵיהֶם֙ עָ֣נְתָה בָּ֔ם וְחַטָּאתָ֛ם כִּסְדֹ֥ם הִגִּ֖ידוּ לֹ֣א כִחֵ֑דוּ אֹ֣וי לְנַפְשָׁ֔ם כִּֽי־גָמְל֥וּ לָהֶ֖ם רָעָֽה׃
Genèse 13.13 Genèse 18.20-18.21 Proverbes 8.36 Psaumes 73.6-73.7 Lamentations 5.16
¹⁰ אִמְר֥וּ צַדִּ֖יק כִּי־טֹ֑וב כִּֽי־פְרִ֥י מַעַלְלֵיהֶ֖ם יֹאכֵֽלוּ׃
Deutéronome 28.1-28.14 Ecclésiaste 8.12 Psaumes 128.1-128.2 Ezéchiel 18.9-18.19 Ezéchiel 9.4
¹¹ אֹ֖וי לְרָשָׁ֣ע רָ֑ע כִּֽי־גְמ֥וּל יָדָ֖יו יֵעָ֥שֶׂה לֹּֽו׃
Psaumes 1.3-1.5 Esaïe 48.22 Esaïe 65.13-65.15 Ecclésiaste 8.13 Deutéronome 28.15-28.68
¹² עַמִּי֙ נֹגְשָׂ֣יו מְעֹולֵ֔ל וְנָשִׁ֖ים מָ֣שְׁלוּ בֹ֑ו עַמִּי֙ מְאַשְּׁרֶ֣יךָ מַתְעִ֔ים וְדֶ֥רֶךְ אֹֽרְחֹתֶ֖יךָ בִּלֵּֽעוּ׃ ס
Esaïe 3.4 Nombres 6.23-6.27 Nahum 3.13 Matthieu 15.14 Matthieu 23.13
¹³ נִצָּ֥ב לָרִ֖יב יְהוָ֑ה וְעֹמֵ֖ד לָדִ֥ין עַמִּֽים׃
Michée 6.2 Psaumes 12.5 Proverbes 22.22-22.23 Osée 4.1-4.2 Proverbes 23.10-23.11
¹⁴ יְהוָה֙ בְּמִשְׁפָּ֣ט יָבֹ֔וא עִם־זִקְנֵ֥י עַמֹּ֖ו וְשָׂרָ֑יו וְאַתֶּם֙ בִּֽעַרְתֶּ֣ם הַכֶּ֔רֶם גְּזֵלַ֥ת הֶֽעָנִ֖י בְּבָתֵּיכֶֽם׃
Job 22.4 Psaumes 143.2 Amos 4.1 Jacques 2.6 Michée 6.10
¹⁵ מַּה־לָּכֶם֙ תְּדַכְּא֣וּ עַמִּ֔י וּפְנֵ֥י עֲנִיִּ֖ים תִּטְחָ֑נוּ נְאֻם־אֲדֹנָ֥י יְהוִ֖ה צְבָאֹֽות׃ ס
Psaumes 94.5 Michée 3.2-3.3 Jonas 1.6 Amos 8.4-8.6 Amos 2.6-2.7
¹⁶ וַיֹּ֣אמֶר יְהוָ֗ה יַ֚עַן כִּ֤י גָֽבְהוּ֙ בְּנֹ֣ות צִיֹּ֔ון וַתֵּלַ֨כְנָה֙ נְטוּיֹ֣ות גָּרֹ֔ון וּֽמְשַׂקְּרֹ֖ות עֵינָ֑יִם הָלֹ֤וךְ וְטָפֹף֙ תֵּלַ֔כְנָה וּבְרַגְלֵיהֶ֖ם תְּעַכַּֽסְנָה׃
Esaïe 4.4 Esaïe 32.9-32.11 Cantique 3.11 Ezéchiel 16.49-16.50 Matthieu 21.5
¹⁷ וְשִׂפַּ֣ח אֲדֹנָ֔י קָדְקֹ֖ד בְּנֹ֣ות צִיֹּ֑ון וַיהוָ֖ה פָּתְהֵ֥ן יְעָרֶֽה׃ ס
Jérémie 13.22 Lévitique 13.29-13.30 Nahum 3.5 Lévitique 13.43-13.44 Esaïe 47.2-47.3
¹⁸ בַּיֹּ֨ום הַה֜וּא יָסִ֣יר אֲדֹנָ֗י אֵ֣ת תִּפְאֶ֧רֶת הָעֲכָסִ֛ים וְהַשְּׁבִיסִ֖ים וְהַשַּׂהֲרֹנִֽים׃
Juges 8.21 Juges 8.26
¹⁹ הַנְּטִיפֹ֥ות וְהַשֵּׁירֹ֖ות וְהָֽרְעָלֹֽות׃
Ezéchiel 16.11 Genèse 24.53 Exode 35.22 Nombres 31.50 Genèse 24.22
²⁰ הַפְּאֵרִ֤ים וְהַצְּעָדֹות֙ וְהַקִּשֻּׁרִ֔ים וּבָתֵּ֥י הַנֶּ֖פֶשׁ וְהַלְּחָשִֽׁים׃
Exode 39.28 Genèse 35.4 Ezéchiel 16.12 Exode 32.2 Osée 2.13
²¹ הַטַּבָּעֹ֖ות וְנִזְמֵ֥י הָאָֽף׃
Genèse 24.47 Luc 15.22 Genèse 41.42 Ezéchiel 16.12 Cantique 5.14
²² הַמַּֽחֲלָצֹות֙ וְהַמַּ֣עֲטָפֹ֔ות וְהַמִּטְפָּחֹ֖ות וְהָחֲרִיטִֽים׃
²³ וְהַגִּלְיֹנִים֙ וְהַסְּדִינִ֔ים וְהַצְּנִיפֹ֖ות וְהָרְדִידִֽים׃
Ruth 3.15 Genèse 41.42 Exode 38.8 Apocalypse 19.8 Luc 16.19
²⁴ וְהָיָה֩ תַ֨חַת בֹּ֜שֶׂם מַ֣ק יִֽהְיֶ֗ה וְתַ֨חַת חֲגֹורָ֤ה נִקְפָּה֙ וְתַ֨חַת מַעֲשֶׂ֤ה מִקְשֶׁה֙ קָרְחָ֔ה וְתַ֥חַת פְּתִיגִ֖יל מַחֲגֹ֣רֶת שָׂ֑ק כִּי־תַ֖חַת יֹֽפִי׃
Lamentations 2.10 Esaïe 22.12 Ezéchiel 27.31 Amos 8.10 Esaïe 15.3
²⁵ מְתַ֖יִךְ בַּחֶ֣רֶב יִפֹּ֑לוּ וּגְבוּרָתֵ֖ךְ בַּמִּלְחָמָֽה׃
Jérémie 19.7 Jérémie 11.22 Lamentations 2.21 Jérémie 14.18 Jérémie 21.9
²⁶ וְאָנ֥וּ וְאָבְל֖וּ פְּתָחֶ֑יהָ וְנִקָּ֖תָה לָאָ֥רֶץ תֵּשֵֽׁב׃
Jérémie 14.2 Lamentations 2.10 Lamentations 1.4 Job 2.13 Ezéchiel 26.16