Esaïe 44.26
Vulgate

L’Éternel et les idoles

¹ et nunc audi Iacob serve meus et Israhel quem elegi
Jérémie 30.10 Esaïe 41.8 Jérémie 46.27-46.28 Luc 13.34 Deutéronome 7.6-7.8
² haec dicit Dominus faciens et formans te ab utero auxiliator tuus noli timere serve meus Iacob et Rectissime quem elegi
Jérémie 1.5 Esaïe 43.1 Esaïe 44.24 Esaïe 49.1 Esaïe 43.7
³ effundam enim aquas super sitientem et fluenta super aridam effundam spiritum meum super semen tuum et benedictionem meam super stirpem tuam
Joël 2.28 Actes 2.17 Esaïe 59.21 Jean 7.37-7.39 Apocalypse 21.6
⁴ et germinabunt inter herbas quasi salices iuxta praeterfluentes aquas
Psaumes 1.3 Esaïe 58.11 Psaumes 92.13-92.15 Esaïe 61.11 Actes 5.14
⁵ iste dicet Domini ego sum et ille vocabit in nomine Iacob et hic scribet manu sua Domino et in nomine Israhel adsimilabitur
Jérémie 50.5 Galates 6.16 1 Pierre 2.9 Psaumes 116.16 Michée 4.2
⁶ haec dicit Dominus rex Israhel et redemptor eius Dominus exercituum ego primus et ego novissimus et absque me non est deus
Esaïe 41.4 Apocalypse 1.8 Esaïe 43.10-43.11 Esaïe 48.12 Apocalypse 22.13
⁷ quis similis mei vocet et adnuntiet et ordinem exponat mihi ex quo constitui populum antiquum ventura et quae futura sunt adnuntient eis
Esaïe 41.26 Esaïe 41.22 Esaïe 43.12 Esaïe 43.9 Esaïe 45.21
⁸ nolite timere neque conturbemini ex tunc audire te feci et adnuntiavi vos estis testes mei numquid est deus absque me et formator quem ego non noverim
Esaïe 43.10 Deutéronome 4.35 1 Samuel 2.2 Deutéronome 4.39 Jean 10.30
⁹ plastae idoli omnes nihil sunt et amantissima eorum non proderunt eis ipsi sunt testes eorum quia non vident neque intellegunt ut confundantur
Esaïe 41.24 Esaïe 41.29 Psaumes 97.7 Esaïe 46.6-46.7 Psaumes 115.8
¹⁰ quis formavit deum et sculptile conflavit ad nihil utile
Jérémie 10.5 Habakuk 2.18 Actes 19.26 Daniel 3.1 Esaïe 41.29
¹¹ ecce omnes participes eius confundentur fabri enim sunt ex hominibus convenient omnes stabunt et pavebunt et confundentur simul
Esaïe 42.17 Esaïe 45.16 Psaumes 97.7 Esaïe 1.29 1 Samuel 6.4-6.5
¹² faber ferrarius lima operatus est in prunis et in malleis formavit illud et operatus est in brachio fortitudinis suae esuriet et deficiet non bibet aquam et lassescet
Esaïe 40.19 Esaïe 41.6-41.7 Esaïe 46.6-46.7 Exode 32.4 Habakuk 2.13
¹³ artifex lignarius extendit normam formavit illud in runcina fecit illud in angularibus et in circino tornavit illud et fecit imaginem viri quasi speciosum hominem habitantem in domo
Juges 17.4-17.5 Psaumes 115.5-115.7 Esaïe 41.7 Juges 18.24 Ezéchiel 8.12
¹⁴ succidit cedros tulit ilicem et quercum quae steterat inter ligna saltus plantavit pinum quam pluvia nutrivit
Esaïe 40.20 Jérémie 10.3-10.8 Habakuk 2.19 Osée 4.12
¹⁵ et facta est hominibus in focum sumpsit ex eis et calefactus est et succendit et coxit panes de reliquo autem operatus est deum et adoravit fecit sculptile et curvatus est ante illud
2 Chroniques 25.14 Apocalypse 9.20 Esaïe 44.10 Esaïe 45.20 Juges 2.19
¹⁶ medium eius conbusit igni et de medio eius carnes comedit coxit pulmentum et saturatus est et calefactus est et dixit va calefactus sum vidi focum
¹⁷ reliquum autem eius deum fecit sculptile sibi curvatur ante illud et adorat illud et obsecrat dicens libera me quia deus meus es tu
Esaïe 45.20 Daniel 6.20-6.22 Daniel 3.29 Daniel 3.17 Esaïe 36.19-36.20
¹⁸ nescierunt neque intellexerunt lutati enim sunt ne videant oculi eorum et ne intellegant corde suo
2 Corinthiens 4.3-4.4 Psaumes 81.12 Esaïe 6.9-6.10 Jérémie 10.14 Romains 11.8-11.10
¹⁹ non recogitant in mente sua neque cognoscunt neque sentiunt ut dicant medietatem eius conbusi igne et coxi super carbones eius panes coxi carnes et comedi et de reliquo eius idolum faciam ante truncum ligni procidam
Deutéronome 27.15 2 Rois 23.13 1 Rois 11.5 1 Rois 11.7 Deutéronome 32.46
²⁰ pars eius cinis est cor insipiens adoravit illud et non liberabit animam suam neque dicet forte mendacium est in dextera mea
Job 15.31 Psaumes 102.9 Romains 1.28 Osée 4.12 Romains 1.25

Retour d’Israël chez lui

²¹ memento horum Iacob et Israhel quoniam servus meus es tu formavi te servus meus es tu Israhel non oblivisceris mei
Esaïe 44.1-44.2 Esaïe 43.15 Esaïe 43.1 Romains 11.28-11.29 Esaïe 41.8-41.9
²² delevi ut nubem iniquitates tuas et quasi nebulam peccata tua revertere ad me quoniam redemi te
Esaïe 43.25 1 Corinthiens 6.20 Psaumes 51.1 1 Pierre 1.18-1.19 Psaumes 51.9
²³ laudate caeli quoniam fecit Dominus iubilate extrema terrae resonate montes laudationem saltus et omne lignum eius quoniam redemit Dominus Iacob et Israhel gloriabitur
Esaïe 49.13 Psaumes 69.34 Psaumes 96.11-96.12 Jérémie 51.48 Psaumes 98.7-98.8
²⁴ haec dicit Dominus redemptor tuus et formator tuus ex utero ego sum Dominus faciens omnia extendens caelos solus stabiliens terram et nullus mecum
Esaïe 42.5 Esaïe 43.14 Esaïe 45.12 Esaïe 44.2 Esaïe 51.13
²⁵ irrita faciens signa divinorum et ariolos in furorem vertens convertens sapientes retrorsum et scientiam eorum stultam faciens
2 Samuel 15.31 Psaumes 33.10 Job 5.12-5.14 Jérémie 50.36 Jérémie 51.57
²⁶ suscitans verbum servi sui et consilium nuntiorum suorum conplens qui dico Hierusalem habitaberis et civitatibus Iuda aedificabimini et deserta eius suscitabo
Zacharie 1.6 Actes 2.25-2.28 Esaïe 42.9 Luc 24.44 Ezéchiel 36.33-36.36
²⁷ qui dico profundo desolare et flumina tua arefaciam
Jérémie 50.38 Jérémie 51.36 Esaïe 42.15 Esaïe 51.15 Apocalypse 16.12
²⁸ qui dico Cyro pastor meus es et omnem voluntatem meam conplebis qui dico Hierusalem aedificaberis et templo fundaberis
2 Chroniques 36.22-1.3 Esaïe 45.1 Esaïe 45.13 Esaïe 45.3 Psaumes 78.71-78.72