1 Rois 9.14
Vulgate

Nouvelle apparition de Dieu à Salomon

¹ factum est autem cum perfecisset Salomon aedificium domus Domini et aedificium regis et omne quod optaverat et voluerat facere
1 Rois 9.19 1 Rois 6.37-7.1 2 Chroniques 7.11-8.6 Ecclésiaste 6.9 Ecclésiaste 2.10
² apparuit Dominus ei secundo sicut apparuerat ei in Gabaon
1 Rois 3.5 1 Rois 11.9 2 Chroniques 7.12 2 Chroniques 1.7-1.12
³ dixitque Dominus ad eum exaudivi orationem tuam et deprecationem tuam qua deprecatus es coram me sanctificavi domum hanc quam aedificasti ut ponerem nomen meum ibi in sempiternum et erunt oculi mei et cor meum ibi cunctis diebus
1 Rois 8.29 Deutéronome 11.12 2 Rois 20.5 Psaumes 10.17 2 Chroniques 6.40
⁴ tu quoque si ambulaveris coram me sicut ambulavit pater tuus in simplicitate cordis et in aequitate et feceris omnia quae praecepi tibi et legitima mea et iudicia mea servaveris
1 Rois 11.6 1 Rois 15.5 Genèse 17.1 1 Rois 11.4 1 Rois 14.8
⁵ ponam thronum regni tui super Israhel in sempiternum sicut locutus sum David patri tuo dicens non auferetur de genere tuo vir de solio Israhel
1 Rois 2.4 1 Rois 6.12 2 Samuel 7.12 2 Samuel 7.16 1 Chroniques 22.9-22.10
⁶ si autem aversione aversi fueritis vos et filii vestri non sequentes me nec custodientes mandata mea et caerimonias quas proposui vobis sed abieritis et colueritis deos alienos et adoraveritis eos
2 Samuel 7.14-7.16 1 Chroniques 28.9 1 Samuel 2.30 2 Chroniques 15.2 Psaumes 89.30
⁷ auferam Israhel de superficie terrae quam dedi eis et templum quod sanctificavi nomini meo proiciam a conspectu meo eritque Israhel in proverbium et in fabulam cunctis populis
Jérémie 24.9 Psaumes 44.14 Deutéronome 4.26 Deutéronome 28.37 2 Rois 25.21
⁸ et domus haec erit in exemplum omnis qui transierit per eam stupebit et sibilabit et dicet quare fecit Dominus sic terrae huic et domui huic
Jérémie 22.8-22.9 Deutéronome 29.24-29.26 2 Chroniques 7.21 Jérémie 22.28 Jérémie 19.8
⁹ et respondebunt quia dereliquerunt Dominum Deum suum qui eduxit patres eorum de terra Aegypti et secuti sunt deos alienos et adoraverunt eos et coluerunt idcirco induxit Dominus super eos omne malum hoc
Jérémie 2.10-2.13 Deutéronome 29.25-29.28 Jérémie 2.19 Jérémie 12.7-12.8 Jérémie 50.7

Travaux de construction de Salomon

¹⁰ expletis autem annis viginti postquam aedificaverat Salomon duas domos id est domum Domini et domum regis
1 Rois 6.37-7.1 1 Rois 9.1 2 Chroniques 8.1-8.18
¹¹ Hiram rege Tyri praebente Salomoni ligna cedrina et abiegna et aurum iuxta omne quod opus habuerat tunc dedit Salomon Hiram viginti oppida in terra Galileae
2 Chroniques 8.2 2 Chroniques 2.8-2.10 Josué 20.7 2 Chroniques 2.16 1 Rois 5.6-5.10
¹² egressusque est Hiram de Tyro ut videret oppida quae dederat ei Salomon et non placuerunt ei
Nombres 22.34 Juges 14.3
¹³ et ait haecine sunt civitates quas dedisti mihi frater et appellavit eas terram Chabul usque in diem hanc
Josué 19.27 1 Rois 5.1-5.2 Amos 1.9
¹⁴ misit quoque Hiram ad regem centum viginti talenta auri
1 Rois 9.11 1 Rois 10.21 1 Rois 10.10 1 Rois 10.14 1 Rois 9.28
¹⁵ haec est summa expensarum quam obtulit rex Salomon ad aedificandam domum Domini et domum suam et Mello et murum Hierusalem et Eser et Mageddo et Gazer
Josué 17.11 1 Rois 5.13 2 Samuel 5.9 1 Rois 9.24 Josué 11.1
¹⁶ Pharao rex Aegypti ascendit et cepit Gazer succenditque eam igni et Chananeum qui habitabat in civitate interfecit et dedit eam in dote filiae suae uxori Salomonis
1 Rois 3.1 1 Rois 9.24 1 Rois 7.8 Josué 16.10
¹⁷ aedificavit ergo Salomon Gazer et Bethoron inferiorem
Josué 16.3 Josué 21.22 Josué 19.44 Josué 10.10 2 Chroniques 8.4-8.18
¹⁸ et Baalath et Palmyram in terra solitudinis
Josué 19.44 2 Chroniques 8.4
¹⁹ et omnes vicos qui ad se pertinebant et erant absque muro munivit et civitates curruum et civitates equitum et quodcumque ei placuit ut aedificaret in Hierusalem et in Libano et in omni terra potestatis suae
1 Rois 9.1 1 Rois 4.26-4.28 1 Rois 10.26 Ecclésiaste 6.9 Ecclésiaste 2.10
²⁰ universum populum qui remanserat de Amorreis et Hettheis et Ferezeis et Eveis et Iebuseis qui non sunt de filiis Israhel
Deutéronome 7.1-7.3 Exode 34.11-34.12 Exode 23.28-23.33 2 Chroniques 8.7-8.18 Genèse 15.19-15.21
²¹ horum filios qui remanserant in terra quos scilicet non potuerant filii Israhel exterminare fecit Salomon tributarios usque ad diem hanc
Josué 17.12 Josué 15.63 Juges 1.21 Genèse 9.25-9.26 Esdras 2.55-2.58
²² de filiis autem Israhel non constituit Salomon servire quemquam sed erant viri bellatores et ministri eius et principes et duces et praefecti curruum et equorum
Lévitique 25.39 1 Samuel 8.11-8.12 1 Rois 4.1-4.27 2 Chroniques 8.9-8.10
²³ erant autem principes super omnia opera Salomonis praepositi quingenti quinquaginta qui habebant subiectum populum et statutis operibus imperabant
1 Rois 5.16 2 Chroniques 8.10 2 Chroniques 2.18
²⁴ filia autem Pharaonis ascendit de civitate David in domum suam quam aedificaverat ei tunc aedificavit Mello
1 Rois 11.27 2 Samuel 5.9 2 Chroniques 32.5 1 Rois 7.8 1 Rois 3.1
²⁵ offerebat quoque Salomon tribus vicibus per annos singulos holocausta et pacificas victimas super altare quod aedificaverat Domino et adolebat thymiama coram Domino perfectumque est templum
Deutéronome 16.16 2 Chroniques 8.16 2 Chroniques 8.12-8.13 Exode 23.14-23.17 1 Chroniques 23.13
²⁶ classem quoque fecit rex Salomon in Asiongaber quae est iuxta Ahilam in litore maris Rubri in terra Idumea
1 Rois 22.48 Nombres 33.35 Deutéronome 2.8 2 Chroniques 8.17-8.18 2 Chroniques 8.11-8.12
²⁷ misitque Hiram in classe illa servos suos viros nauticos et gnaros maris cum servis Salomonis
1 Rois 10.11 1 Rois 5.6 1 Rois 5.9 2 Chroniques 20.36-20.37 1 Rois 22.49
²⁸ qui cum venissent in Ophir sumptum inde aurum quadringentorum viginti talentorum detulerunt ad regem Salomonem
1 Chroniques 29.4 2 Chroniques 8.18 Esaïe 13.12 Job 22.24 Job 28.16