1 ⸀Ὁμοίως γυναῖκες ὑποτασσόμεναι τοῖς ἰδίοις ἀνδράσιν, ἵνα ⸀καὶ εἴ τινες ἀπειθοῦσιν τῷ λόγῳ διὰ τῆς τῶν γυναικῶν ἀναστροφῆς ἄνευ λόγου κερδηθήσονται
Colossiens 3.18 1 Corinthiens 7.16 1 Corinthiens 11.3 Genèse 3.16 1 Corinthiens 9.19-9.22
2 ἐποπτεύσαντες τὴν ἐν φόβῳ ἁγνὴν ἀναστροφὴν ὑμῶν.
Philippiens 1.27 1 Pierre 2.12 Ephésiens 5.33 1 Pierre 1.15 Philippiens 3.20
3 ὧν ἔστω οὐχ ὁ ἔξωθεν ἐμπλοκῆς τριχῶν καὶ περιθέσεως χρυσίων ἢ ἐνδύσεως ἱματίων κόσμος,
Esaïe 3.18-3.24 1 Timothée 2.9-2.10 Tite 2.3-2.15 Genèse 24.22 Exode 32.2
4 ἀλλ’ ὁ κρυπτὸς τῆς καρδίας ἄνθρωπος ἐν τῷ ἀφθάρτῳ τοῦ ⸂πραέως καὶ ἡσυχίου⸃ πνεύματος, ὅ ἐστιν ἐνώπιον τοῦ θεοῦ πολυτελές.
Romains 2.29 Romains 7.22 1 Samuel 16.7 Esaïe 61.1 Matthieu 23.26
5 οὕτως γάρ ποτε καὶ αἱ ἅγιαι γυναῖκες αἱ ἐλπίζουσαι ⸀εἰς θεὸν ἐκόσμουν ἑαυτάς, ὑποτασσόμεναι τοῖς ἰδίοις ἀνδράσιν,
1 Timothée 5.5 Tite 2.3-2.4 Actes 1.14 Actes 9.36 Luc 8.2-8.3
6 ὡς Σάρρα ⸀ὑπήκουσεν τῷ Ἀβραάμ, κύριον αὐτὸν καλοῦσα· ἧς ἐγενήθητε τέκνα ἀγαθοποιοῦσαι καὶ μὴ φοβούμεναι μηδεμίαν πτόησιν.
Genèse 18.12 Galates 4.22-4.26 Matthieu 26.69-26.75 Actes 4.19 Daniel 3.16-3.18
7 Οἱ ἄνδρες ὁμοίως συνοικοῦντες κατὰ γνῶσιν, ὡς ἀσθενεστέρῳ σκεύει τῷ γυναικείῳ ἀπονέμοντες τιμήν, ὡς καὶ ⸀συγκληρονόμοις χάριτος ζωῆς, εἰς τὸ μὴ ἐγκόπτεσθαι τὰς προσευχὰς ὑμῶν.
Colossiens 3.19 Ephésiens 5.33 Malachie 2.14-2.16 Ephésiens 5.25-5.28 1 Thessaloniciens 4.4
8 Τὸ δὲ τέλος πάντες ὁμόφρονες, συμπαθεῖς, φιλάδελφοι, εὔσπλαγχνοι, ⸀ταπεινόφρονες,
Ephésiens 4.31-5.2 Romains 12.10 1 Pierre 1.22 Colossiens 3.12 Ephésiens 4.2
9 μὴ ἀποδιδόντες κακὸν ἀντὶ κακοῦ ἢ λοιδορίαν ἀντὶ λοιδορίας τοὐναντίον δὲ ⸀εὐλογοῦντες, ὅτι εἰς τοῦτο ἐκλήθητε ἵνα εὐλογίαν κληρονομήσητε.
Romains 12.17 Romains 12.14 Proverbes 20.22 Romains 12.19-12.21 1 Thessaloniciens 5.15
10 ὁ γὰρ θέλων ζωὴν ἀγαπᾶν καὶ ἰδεῖν ἡμέρας ἀγαθὰς παυσάτω τὴν ⸀γλῶσσαν ἀπὸ κακοῦ καὶ ⸀χείλη τοῦ μὴ λαλῆσαι δόλον,
Psaumes 34.12-34.16 Jacques 1.26 Apocalypse 14.5 Proverbes 8.35 Jacques 3.1-3.10
11 ἐκκλινάτω ⸀δὲ ἀπὸ κακοῦ καὶ ποιησάτω ἀγαθόν, ζητησάτω εἰρήνην καὶ διωξάτω αὐτήν·
Matthieu 5.9 Psaumes 34.14 Hébreux 12.14 Romains 12.18 Galates 5.22
12 ὅτι ὀφθαλμοὶ κυρίου ἐπὶ δικαίους καὶ ὦτα αὐτοῦ εἰς δέησιν αὐτῶν, πρόσωπον δὲ κυρίου ἐπὶ ποιοῦντας κακά.
Jean 9.31 Proverbes 15.29 Psaumes 34.15-34.16 Proverbes 15.8 Proverbes 15.3
13 Καὶ τίς ὁ κακώσων ὑμᾶς ἐὰν τοῦ ἀγαθοῦ ⸀ζηλωταὶ γένησθε;
Proverbes 16.7 Romains 8.28 Psaumes 38.20 1 Thessaloniciens 5.15 1 Corinthiens 14.1
14 ἀλλ’ εἰ καὶ πάσχοιτε διὰ δικαιοσύνην, μακάριοι. τὸν δὲ φόβον αὐτῶν μὴ φοβηθῆτε μηδὲ ταραχθῆτε,
1 Pierre 2.19-2.20 Esaïe 8.12-8.13 Marc 10.29 Jean 14.27 Esaïe 41.10-41.14
15 κύριον δὲ τὸν ⸀Χριστὸν ἁγιάσατε ἐν ταῖς καρδίαις ὑμῶν, ⸀ἕτοιμοι ἀεὶ πρὸς ἀπολογίαν παντὶ τῷ αἰτοῦντι ὑμᾶς λόγον περὶ τῆς ἐν ὑμῖν ἐλπίδος,Colossiens 4.6 2 Timothée 2.25-2.26 Luc 21.14-21.15 1 Pierre 3.2 Hébreux 6.1
16 ⸀ἀλλὰ μετὰ πραΰτητος καὶ φόβου, συνείδησιν ἔχοντες ἀγαθήν, ἵνα ἐν ᾧ ⸀καταλαλεῖσθε καταισχυνθῶσιν οἱ ἐπηρεάζοντες ὑμῶν τὴν ἀγαθὴν ἐν Χριστῷ ἀναστροφήν.
1 Pierre 2.12 Hébreux 13.18 Matthieu 5.11 1 Pierre 2.19 1 Pierre 2.15
17 κρεῖττον γὰρ ἀγαθοποιοῦντας, εἰ θέλοι τὸ θέλημα τοῦ θεοῦ, πάσχειν ἢ κακοποιοῦντας.
1 Pierre 4.19 1 Pierre 2.15 1 Pierre 2.20 1 Pierre 3.14 1 Pierre 4.15
Christ, un exemple dans la souffrance
18 ὅτι καὶ Χριστὸς ἅπαξ περὶ ἁμαρτιῶν ⸀ἔπαθεν, δίκαιος ὑπὲρ ἀδίκων, ἵνα ⸀ὑμᾶς προσαγάγῃ τῷ θεῷ, θανατωθεὶς μὲν σαρκὶ ζῳοποιηθεὶς δὲ πνεύματι·
1 Pierre 4.1 Hébreux 9.28 Hébreux 9.26 1 Pierre 4.6 1 Jean 1.9
19 ἐν ᾧ καὶ τοῖς ἐν φυλακῇ πνεύμασιν πορευθεὶς ἐκήρυξεν,
1 Pierre 4.6 Esaïe 61.1 Esaïe 42.7 Esaïe 49.9 Apocalypse 20.7
20 ἀπειθήσασίν ποτε ὅτε ἀπεξεδέχετο ἡ τοῦ θεοῦ μακροθυμία ἐν ἡμέραις Νῶε κατασκευαζομένης κιβωτοῦ εἰς ἣν ⸀ὀλίγοι, τοῦτ’ ἔστιν ὀκτὼ ψυχαί, διεσώθησαν δι’ ὕδατος.
Hébreux 11.7 Genèse 6.3 Genèse 6.5 2 Pierre 2.5 Genèse 8.18
21 ὃ ⸂καὶ ὑμᾶς ἀντίτυπον νῦν⸃ σῴζει βάπτισμα, οὐ σαρκὸς ἀπόθεσις ῥύπου ἀλλὰ συνειδήσεως ἀγαθῆς ἐπερώτημα εἰς θεόν, δι’ ἀναστάσεως Ἰησοῦ Χριστοῦ,
Marc 16.16 Galates 3.27 1 Pierre 1.3 Actes 2.38 Actes 22.16
22 ὅς ἐστιν ἐν ⸀δεξιᾷ θεοῦ πορευθεὶς εἰς οὐρανὸν ὑποταγέντων αὐτῷ ἀγγέλων καὶ ἐξουσιῶν καὶ δυνάμεων.
Hébreux 8.1 Ephésiens 1.20-1.21 Romains 8.38 Marc 16.19 Hébreux 1.3