1 ⸀Ὁμοίως γυναῖκες ὑποτασσόμεναι τοῖς ἰδίοις ἀνδράσιν, ἵνα ⸀καὶ εἴ τινες ἀπειθοῦσιν τῷ λόγῳ διὰ τῆς τῶν γυναικῶν ἀναστροφῆς ἄνευ λόγου κερδηθήσονται
Colossiens 3.18 1 Corinthiens 7.16 Genèse 3.16 1 Corinthiens 11.3 Ephésiens 5.22-5.24
2 ἐποπτεύσαντες τὴν ἐν φόβῳ ἁγνὴν ἀναστροφὴν ὑμῶν.
1 Pierre 2.12 Philippiens 1.27 Philippiens 3.20 1 Timothée 4.12 Ephésiens 6.5
3 ὧν ἔστω οὐχ ὁ ἔξωθεν ἐμπλοκῆς τριχῶν καὶ περιθέσεως χρυσίων ἢ ἐνδύσεως ἱματίων κόσμος,
1 Timothée 2.9-2.10 Esaïe 3.18-3.24 Tite 2.3-2.15 2 Rois 9.30 Exode 38.8
4 ἀλλ’ ὁ κρυπτὸς τῆς καρδίας ἄνθρωπος ἐν τῷ ἀφθάρτῳ τοῦ ⸂πραέως καὶ ἡσυχίου⸃ πνεύματος, ὅ ἐστιν ἐνώπιον τοῦ θεοῦ πολυτελές.
Romains 2.29 Romains 7.22 1 Samuel 16.7 Esaïe 61.1 Matthieu 23.26
5 οὕτως γάρ ποτε καὶ αἱ ἅγιαι γυναῖκες αἱ ἐλπίζουσαι ⸀εἰς θεὸν ἐκόσμουν ἑαυτάς, ὑποτασσόμεναι τοῖς ἰδίοις ἀνδράσιν,
1 Timothée 5.5 Tite 2.3-2.4 Actes 9.36 Luc 8.2-8.3 Proverbes 31.30
6 ὡς Σάρρα ⸀ὑπήκουσεν τῷ Ἀβραάμ, κύριον αὐτὸν καλοῦσα· ἧς ἐγενήθητε τέκνα ἀγαθοποιοῦσαι καὶ μὴ φοβούμεναι μηδεμίαν πτόησιν.
Genèse 18.12 Actes 4.19 Daniel 3.16-3.18 Actes 4.8-4.13 1 Pierre 3.14-3.15
7 Οἱ ἄνδρες ὁμοίως συνοικοῦντες κατὰ γνῶσιν, ὡς ἀσθενεστέρῳ σκεύει τῷ γυναικείῳ ἀπονέμοντες τιμήν, ὡς καὶ ⸀συγκληρονόμοις χάριτος ζωῆς, εἰς τὸ μὴ ἐγκόπτεσθαι τὰς προσευχὰς ὑμῶν.
Colossiens 3.19 Ephésiens 5.33 Ephésiens 5.25-5.28 Malachie 2.14-2.16 1 Thessaloniciens 4.4
8 Τὸ δὲ τέλος πάντες ὁμόφρονες, συμπαθεῖς, φιλάδελφοι, εὔσπλαγχνοι, ⸀ταπεινόφρονες,
Ephésiens 4.31-5.2 Romains 12.10 1 Pierre 1.22 Ephésiens 4.2 Colossiens 3.12
9 μὴ ἀποδιδόντες κακὸν ἀντὶ κακοῦ ἢ λοιδορίαν ἀντὶ λοιδορίας τοὐναντίον δὲ ⸀εὐλογοῦντες, ὅτι εἰς τοῦτο ἐκλήθητε ἵνα εὐλογίαν κληρονομήσητε.
Romains 12.17 Romains 12.14 Proverbes 20.22 Romains 12.19-12.21 1 Thessaloniciens 5.15
10 ὁ γὰρ θέλων ζωὴν ἀγαπᾶν καὶ ἰδεῖν ἡμέρας ἀγαθὰς παυσάτω τὴν ⸀γλῶσσαν ἀπὸ κακοῦ καὶ ⸀χείλη τοῦ μὴ λαλῆσαι δόλον,
Psaumes 34.12-34.16 Jacques 1.26 Apocalypse 14.5 Proverbes 8.35 Jacques 3.1-3.10
11 ἐκκλινάτω ⸀δὲ ἀπὸ κακοῦ καὶ ποιησάτω ἀγαθόν, ζητησάτω εἰρήνην καὶ διωξάτω αὐτήν·
Matthieu 5.9 Hébreux 12.14 Romains 12.18 Psaumes 34.14 Jacques 3.17-3.18
12 ὅτι ὀφθαλμοὶ κυρίου ἐπὶ δικαίους καὶ ὦτα αὐτοῦ εἰς δέησιν αὐτῶν, πρόσωπον δὲ κυρίου ἐπὶ ποιοῦντας κακά.
Jean 9.31 Proverbes 15.29 Psaumes 34.15-34.16 Proverbes 15.8 Proverbes 15.3
13 Καὶ τίς ὁ κακώσων ὑμᾶς ἐὰν τοῦ ἀγαθοῦ ⸀ζηλωταὶ γένησθε;
Proverbes 16.7 Romains 8.28 Psaumes 38.20 Romains 13.3 Proverbes 15.9
14 ἀλλ’ εἰ καὶ πάσχοιτε διὰ δικαιοσύνην, μακάριοι. τὸν δὲ φόβον αὐτῶν μὴ φοβηθῆτε μηδὲ ταραχθῆτε,
1 Pierre 2.19-2.20 Esaïe 8.12-8.13 Esaïe 41.10-41.14 Matthieu 5.10-5.12 Jean 14.1
15 κύριον δὲ τὸν ⸀Χριστὸν ἁγιάσατε ἐν ταῖς καρδίαις ὑμῶν, ⸀ἕτοιμοι ἀεὶ πρὸς ἀπολογίαν παντὶ τῷ αἰτοῦντι ὑμᾶς λόγον περὶ τῆς ἐν ὑμῖν ἐλπίδος,Colossiens 4.6 2 Timothée 2.25-2.26 Luc 21.14-21.15 Hébreux 6.1 1 Pierre 3.2
16 ⸀ἀλλὰ μετὰ πραΰτητος καὶ φόβου, συνείδησιν ἔχοντες ἀγαθήν, ἵνα ἐν ᾧ ⸀καταλαλεῖσθε καταισχυνθῶσιν οἱ ἐπηρεάζοντες ὑμῶν τὴν ἀγαθὴν ἐν Χριστῷ ἀναστροφήν.
1 Pierre 2.12 Hébreux 13.18 Matthieu 5.11 1 Pierre 2.19 1 Pierre 2.15
17 κρεῖττον γὰρ ἀγαθοποιοῦντας, εἰ θέλοι τὸ θέλημα τοῦ θεοῦ, πάσχειν ἢ κακοποιοῦντας.
1 Pierre 2.15 1 Pierre 2.20 1 Pierre 3.14 1 Pierre 4.19 1 Pierre 4.15
18 ὅτι καὶ Χριστὸς ἅπαξ περὶ ἁμαρτιῶν ⸀ἔπαθεν, δίκαιος ὑπὲρ ἀδίκων, ἵνα ⸀ὑμᾶς προσαγάγῃ τῷ θεῷ, θανατωθεὶς μὲν σαρκὶ ζῳοποιηθεὶς δὲ πνεύματι·
1 Pierre 4.1 Hébreux 9.28 Hébreux 9.26 1 Pierre 4.6 1 Jean 1.9
19 ἐν ᾧ καὶ τοῖς ἐν φυλακῇ πνεύμασιν πορευθεὶς ἐκήρυξεν,
1 Pierre 4.6 Esaïe 61.1 Esaïe 42.7 Esaïe 49.9 Apocalypse 20.7
20 ἀπειθήσασίν ποτε ὅτε ἀπεξεδέχετο ἡ τοῦ θεοῦ μακροθυμία ἐν ἡμέραις Νῶε κατασκευαζομένης κιβωτοῦ εἰς ἣν ⸀ὀλίγοι, τοῦτ’ ἔστιν ὀκτὼ ψυχαί, διεσώθησαν δι’ ὕδατος.
Hébreux 11.7 Genèse 6.3 Genèse 6.5 2 Pierre 2.5 Genèse 8.18
21 ὃ ⸂καὶ ὑμᾶς ἀντίτυπον νῦν⸃ σῴζει βάπτισμα, οὐ σαρκὸς ἀπόθεσις ῥύπου ἀλλὰ συνειδήσεως ἀγαθῆς ἐπερώτημα εἰς θεόν, δι’ ἀναστάσεως Ἰησοῦ Χριστοῦ,
Marc 16.16 1 Pierre 1.3 Galates 3.27 Actes 2.38 Matthieu 28.19
22 ὅς ἐστιν ἐν ⸀δεξιᾷ θεοῦ πορευθεὶς εἰς οὐρανὸν ὑποταγέντων αὐτῷ ἀγγέλων καὶ ἐξουσιῶν καὶ δυνάμεων.
Ephésiens 1.20-1.21 Romains 8.38 Marc 16.19 Hébreux 8.1 Hébreux 1.3