Ecclésiaste 10
Biblia Hebraica Stuttgartensia

¹ זְב֣וּבֵי מָ֔וֶת יַבְאִ֥ישׁ יַבִּ֖יעַ שֶׁ֣מֶן רֹוקֵ֑חַ יָקָ֛ר מֵחָכְמָ֥ה מִכָּבֹ֖וד סִכְל֥וּת מְעָֽט׃ Matthieu 5.13-5.16 Galates 2.12-2.14 2 Chroniques 19.2 Exode 30.25 Exode 30.34-30.35
² לֵ֤ב חָכָם֙ לִֽימִינֹ֔ו וְלֵ֥ב כְּסִ֖יל לִשְׂמֹאלֹֽו׃ Luc 14.28-14.32 Ecclésiaste 10.14 Proverbes 14.8 Ecclésiaste 10.10 Proverbes 17.16
³ וְגַם־בַּדֶּ֛רֶךְ כְּשֶׁסָּכָ֥ל הֹלֵ֖ךְ לִבֹּ֣ו חָסֵ֑ר וְאָמַ֥ר לַכֹּ֖ל סָכָ֥ל הֽוּא׃ Proverbes 18.2 Proverbes 13.16 1 Pierre 4.4 Ecclésiaste 5.3 Proverbes 18.6
⁴ אִם־ר֤וּחַ הַמֹּושֵׁל֙ תַּעֲלֶ֣ה עָלֶ֔יךָ מְקֹומְךָ֖ אַל־תַּנַּ֑ח כִּ֣י מַרְפֵּ֔א יַנִּ֖יחַ חֲטָאִ֥ים גְּדֹולִֽים׃ Ecclésiaste 8.3 Proverbes 25.15 1 Samuel 25.24-25.44
⁵ יֵ֣שׁ רָעָ֔ה רָאִ֖יתִי תַּ֣חַת הַשָּׁ֑מֶשׁ כִּשְׁגָגָ֕ה שֶׁיֹּצָ֖א מִלִּפְנֵ֥י הַשַּׁלִּֽיט׃ Ecclésiaste 5.13 Ecclésiaste 9.3 Ecclésiaste 4.7 Ecclésiaste 4.1 Ecclésiaste 6.1
⁶ נִתַּ֣ן הַסֶּ֔כֶל בַּמְּרֹומִ֖ים רַבִּ֑ים וַעֲשִׁירִ֖ים בַּשֵּׁ֥פֶל יֵשֵֽׁבוּ׃ Proverbes 28.12 Esther 3.1 Proverbes 29.2 Juges 9.14-9.20 Proverbes 28.28
⁷ רָאִ֥יתִי עֲבָדִ֖ים עַל־סוּסִ֑ים וְשָׂרִ֛ים הֹלְכִ֥ים כַּעֲבָדִ֖ים עַל־הָאָֽרֶץ׃ Proverbes 19.10 Proverbes 30.22 Esther 6.8
⁸ חֹפֵ֥ר גּוּמָּ֖ץ בֹּ֣ו יִפֹּ֑ול וּפֹרֵ֥ץ גָּדֵ֖ר יִשְּׁכֶ֥נּוּ נָחָֽשׁ׃ Amos 5.19 Proverbes 26.27 Amos 9.3 Psaumes 7.15-7.16 Psaumes 9.15-9.16
⁹ מַסִּ֣יעַ אֲבָנִ֔ים יֵעָצֵ֖ב בָּהֶ֑ם בֹּוקֵ֥עַ עֵצִ֖ים יִסָּ֥כֶן בָּֽם׃ ¹⁰ אִם־קֵהָ֣ה הַבַּרְזֶ֗ל וְהוּא֙ לֹא־פָנִ֣ים קִלְקַ֔ל וַחֲיָלִ֖ים יְגַבֵּ֑ר וְיִתְרֹ֥ון הַכְשֵׁ֖ר חָכְמָֽה׃ Jacques 1.5 Ephésiens 5.15-5.17 Exode 18.19-18.23 Ecclésiaste 10.15 1 Corinthiens 14.20
¹¹ אִם־יִשֹּׁ֥ךְ הַנָּחָ֖שׁ בְּלֹוא־לָ֑חַשׁ וְאֵ֣ין יִתְרֹ֔ון לְבַ֖עַל הַלָּשֹֽׁון׃ Jérémie 8.17 Psaumes 58.4-58.5 Psaumes 64.3 Proverbes 18.21 Jacques 3.6
¹² דִּבְרֵ֥י פִי־חָכָ֖ם חֵ֑ן וְשִׂפְתֹ֥ות כְּסִ֖יל תְּבַלְּעֶֽנּוּ׃ Luc 4.22 Proverbes 15.2 Colossiens 4.6 Ephésiens 4.29 Proverbes 12.18
¹³ תְּחִלַּ֥ת דִּבְרֵי־פִ֖יהוּ סִכְל֑וּת וְאַחֲרִ֣ית פִּ֔יהוּ הֹולֵל֖וּת רָעָֽה׃ 1 Samuel 22.7-22.8 Actes 5.28-5.33 Matthieu 2.7-2.8 Luc 6.2 1 Samuel 25.10-25.11
¹⁴ וְהַסָּכָ֖ל יַרְבֶּ֣ה דְבָרִ֑ים לֹא־יֵדַ֤ע הָאָדָם֙ מַה־שֶׁיִּֽהְיֶ֔ה וַאֲשֶׁ֤ר יִֽהְיֶה֙ מֵֽאַחֲרָ֔יו מִ֖י יַגִּ֥יד לֹֽו׃ Proverbes 15.2 Ecclésiaste 8.7 Ecclésiaste 6.12 Ecclésiaste 5.3 Ecclésiaste 3.22
¹⁵ עֲמַ֥ל הַכְּסִילִ֖ים תְּיַגְּעֶ֑נּוּ אֲשֶׁ֥ר לֹֽא־יָדַ֖ע לָלֶ֥כֶת אֶל־עִֽיר׃ Ecclésiaste 10.10 Ecclésiaste 10.3 Esaïe 57.1 Jérémie 50.4-50.5 Habakuk 2.6
¹⁶ אִֽי־לָ֣ךְ אֶ֔רֶץ שֶׁמַּלְכֵּ֖ךְ נָ֑עַר וְשָׂרַ֖יִךְ בַּבֹּ֥קֶר יֹאכֵֽלוּ׃ Esaïe 3.12 Esaïe 3.4-3.5 2 Chroniques 13.7 Esaïe 5.11-5.12 Esaïe 28.7-28.8
¹⁷ אַשְׁרֵ֣יךְ אֶ֔רֶץ שֶׁמַּלְכֵּ֖ךְ בֶּן־חֹורִ֑ים וְשָׂרַ֨יִךְ֙ בָּעֵ֣ת יֹאכֵ֔לוּ בִּגְבוּרָ֖ה וְלֹ֥א בַשְּׁתִֽי׃ Proverbes 31.4-31.5 Jérémie 30.21 Proverbes 28.2-28.3 Esaïe 5.11 Deutéronome 14.26
¹⁸ בַּעֲצַלְתַּ֖יִם יִמַּ֣ךְ הַמְּקָרֶ֑ה וּבְשִׁפְל֥וּת יָדַ֖יִם יִדְלֹ֥ף הַבָּֽיִת׃ Proverbes 14.1 Proverbes 20.4 Proverbes 12.24 Hébreux 6.11 Proverbes 23.21
¹⁹ לִשְׂחֹוק֙ עֹשִׂ֣ים לֶ֔חֶם וְיַ֖יִן יְשַׂמַּ֣ח חַיִּ֑ים וְהַכֶּ֖סֶף יַעֲנֶ֥ה אֶת־הַכֹּֽל׃ Psaumes 104.15 Luc 12.19 Esaïe 24.11 Néhémie 5.8 Juges 9.13
²⁰ גַּ֣ם בְּמַדָּֽעֲךָ֗ מֶ֚לֶךְ אַל־תְּקַלֵּ֔ל וּבְחַדְרֵי֙ מִשְׁכָּ֣בְךָ֔ אַל־תְּקַלֵּ֖ל עָשִׁ֑יר כִּ֣י עֹ֤וף הַשָּׁמַ֨יִם֙ יֹולִ֣יךְ אֶת־הַקֹּ֔ול וּבַ֥עַל כְּנָפַ֖יִם יַגֵּ֥יד דָּבָֽר׃ Exode 22.28 Actes 23.5 Luc 10.40 Luc 12.2-12.3 Ecclésiaste 7.21-7.22