Ecclésiaste 10.10
Biblia Hebraica Stuttgartensia

Réflexions sur la folie

¹ זְב֣וּבֵי מָ֔וֶת יַבְאִ֥ישׁ יַבִּ֖יעַ שֶׁ֣מֶן רֹוקֵ֑חַ יָקָ֛ר מֵחָכְמָ֥ה מִכָּבֹ֖וד סִכְל֥וּת מְעָֽט׃
Galates 2.12-2.14 Matthieu 5.13-5.16 Exode 30.25 Exode 30.34-30.35 2 Chroniques 19.2
² לֵ֤ב חָכָם֙ לִֽימִינֹ֔ו וְלֵ֥ב כְּסִ֖יל לִשְׂמֹאלֹֽו׃
Ecclésiaste 10.10 Proverbes 17.16 Ecclésiaste 9.10 Luc 12.18-12.20 Luc 14.28-14.32
³ וְגַם־בַּדֶּ֛רֶךְ כְּשֶׁסָּכָ֥ל הֹלֵ֖ךְ לִבֹּ֣ו חָסֵ֑ר וְאָמַ֥ר לַכֹּ֖ל סָכָ֥ל הֽוּא׃
Proverbes 18.2 Proverbes 13.16 Proverbes 18.6 1 Pierre 4.4 Ecclésiaste 5.3
⁴ אִם־ר֤וּחַ הַמֹּושֵׁל֙ תַּעֲלֶ֣ה עָלֶ֔יךָ מְקֹומְךָ֖ אַל־תַּנַּ֑ח כִּ֣י מַרְפֵּ֔א יַנִּ֖יחַ חֲטָאִ֥ים גְּדֹולִֽים׃
Proverbes 25.15 Ecclésiaste 8.3 1 Samuel 25.24-25.44
⁵ יֵ֣שׁ רָעָ֔ה רָאִ֖יתִי תַּ֣חַת הַשָּׁ֑מֶשׁ כִּשְׁגָגָ֕ה שֶׁיֹּצָ֖א מִלִּפְנֵ֥י הַשַּׁלִּֽיט׃
Ecclésiaste 4.7 Ecclésiaste 4.1 Ecclésiaste 6.1 Ecclésiaste 3.16 Ecclésiaste 5.13
⁶ נִתַּ֣ן הַסֶּ֔כֶל בַּמְּרֹומִ֖ים רַבִּ֑ים וַעֲשִׁירִ֖ים בַּשֵּׁ֥פֶל יֵשֵֽׁבוּ׃
Proverbes 28.12 Proverbes 29.2 Esther 3.1 Jacques 2.3-2.5 1 Rois 12.13-12.14
⁷ רָאִ֥יתִי עֲבָדִ֖ים עַל־סוּסִ֑ים וְשָׂרִ֛ים הֹלְכִ֥ים כַּעֲבָדִ֖ים עַל־הָאָֽרֶץ׃
Proverbes 19.10 Proverbes 30.22 Esther 6.8
⁸ חֹפֵ֥ר גּוּמָּ֖ץ בֹּ֣ו יִפֹּ֑ול וּפֹרֵ֥ץ גָּדֵ֖ר יִשְּׁכֶ֥נּוּ נָחָֽשׁ׃
Proverbes 26.27 Amos 5.19 Juges 9.53-9.57 2 Samuel 17.23 Juges 9.5
⁹ מַסִּ֣יעַ אֲבָנִ֔ים יֵעָצֵ֖ב בָּהֶ֑ם בֹּוקֵ֥עַ עֵצִ֖ים יִסָּ֥כֶן בָּֽם׃
¹⁰ אִם־קֵהָ֣ה הַבַּרְזֶ֗ל וְהוּא֙ לֹא־פָנִ֣ים קִלְקַ֔ל וַחֲיָלִ֖ים יְגַבֵּ֑ר וְיִתְרֹ֥ון הַכְשֵׁ֖ר חָכְמָֽה׃
Ecclésiaste 10.15 Jacques 1.5 Ephésiens 5.15-5.17 Exode 18.19-18.23 Ecclésiaste 9.15-9.17
¹¹ אִם־יִשֹּׁ֥ךְ הַנָּחָ֖שׁ בְּלֹוא־לָ֑חַשׁ וְאֵ֣ין יִתְרֹ֔ון לְבַ֖עַל הַלָּשֹֽׁון׃
Jérémie 8.17 Psaumes 58.4-58.5 Jacques 3.6 Psaumes 52.2 Psaumes 64.3
¹² דִּבְרֵ֥י פִי־חָכָ֖ם חֵ֑ן וְשִׂפְתֹ֥ות כְּסִ֖יל תְּבַלְּעֶֽנּוּ׃
Luc 4.22 Proverbes 15.2 Ephésiens 4.29 Colossiens 4.6 Psaumes 40.9-40.10
¹³ תְּחִלַּ֥ת דִּבְרֵי־פִ֖יהוּ סִכְל֑וּת וְאַחֲרִ֣ית פִּ֔יהוּ הֹולֵל֖וּת רָעָֽה׃
Luc 11.38 2 Rois 6.31 1 Samuel 22.16-22.18 Jean 12.10 Luc 6.11
¹⁴ וְהַסָּכָ֖ל יַרְבֶּ֣ה דְבָרִ֑ים לֹא־יֵדַ֤ע הָאָדָם֙ מַה־שֶׁיִּֽהְיֶ֔ה וַאֲשֶׁ֤ר יִֽהְיֶה֙ מֵֽאַחֲרָ֔יו מִ֖י יַגִּ֥יד לֹֽו׃
Proverbes 15.2 Ecclésiaste 5.3 Ecclésiaste 3.22 Ecclésiaste 8.7 Ecclésiaste 6.12
¹⁵ עֲמַ֥ל הַכְּסִילִ֖ים תְּיַגְּעֶ֑נּוּ אֲשֶׁ֥ר לֹֽא־יָדַ֖ע לָלֶ֥כֶת אֶל־עִֽיר׃
Esaïe 55.2 Esaïe 47.12-47.13 Esaïe 35.8-35.10 Matthieu 11.28-11.30 Ecclésiaste 10.10
¹⁶ אִֽי־לָ֣ךְ אֶ֔רֶץ שֶׁמַּלְכֵּ֖ךְ נָ֑עַר וְשָׂרַ֖יִךְ בַּבֹּ֥קֶר יֹאכֵֽלוּ׃
Esaïe 3.12 Esaïe 3.4-3.5 Esaïe 5.11-5.12 2 Chroniques 13.7 2 Chroniques 36.9
¹⁷ אַשְׁרֵ֣יךְ אֶ֔רֶץ שֶׁמַּלְכֵּ֖ךְ בֶּן־חֹורִ֑ים וְשָׂרַ֨יִךְ֙ בָּעֵ֣ת יֹאכֵ֔לוּ בִּגְבוּרָ֖ה וְלֹ֥א בַשְּׁתִֽי׃
Proverbes 31.4-31.5 Proverbes 28.2-28.3 Esaïe 5.11 Deutéronome 14.26 Ecclésiaste 10.6-10.7
¹⁸ בַּעֲצַלְתַּ֖יִם יִמַּ֣ךְ הַמְּקָרֶ֑ה וּבְשִׁפְל֥וּת יָדַ֖יִם יִדְלֹ֥ף הַבָּֽיִת׃
Proverbes 14.1 Proverbes 20.4 Proverbes 24.30-24.34 2 Pierre 1.5-1.10 Proverbes 21.25
¹⁹ לִשְׂחֹוק֙ עֹשִׂ֣ים לֶ֔חֶם וְיַ֖יִן יְשַׂמַּ֣ח חַיִּ֑ים וְהַכֶּ֖סֶף יַעֲנֶ֥ה אֶת־הַכֹּֽל׃
Psaumes 104.15 Luc 12.19 Actes 11.29 Ecclésiaste 7.11-7.12 1 Chroniques 29.2-29.9
²⁰ גַּ֣ם בְּמַדָּֽעֲךָ֗ מֶ֚לֶךְ אַל־תְּקַלֵּ֔ל וּבְחַדְרֵי֙ מִשְׁכָּ֣בְךָ֔ אַל־תְּקַלֵּ֖ל עָשִׁ֑יר כִּ֣י עֹ֤וף הַשָּׁמַ֨יִם֙ יֹולִ֣יךְ אֶת־הַקֹּ֔ול וּבַ֥עַל כְּנָפַ֖יִם יַגֵּ֥יד דָּבָֽר׃
Exode 22.28 Actes 23.5 Luc 19.40 Esaïe 8.21 Luc 10.40