Ecclésiaste 10
Biblia Hebraica Stuttgartensia

Réflexions sur la folie

1 זְב֣וּבֵי מָ֔וֶת יַבְאִ֥ישׁ יַבִּ֖יעַ שֶׁ֣מֶן רֹוקֵ֑חַ יָקָ֛ר מֵחָכְמָ֥ה מִכָּבֹ֖וד סִכְל֥וּת מְעָֽט׃
Galates 2.12-2.14 Matthieu 5.13-5.16 Exode 30.25 Exode 30.34-30.35 2 Chroniques 19.2
2 לֵ֤ב חָכָם֙ לִֽימִינֹ֔ו וְלֵ֥ב כְּסִ֖יל לִשְׂמֹאלֹֽו׃
Proverbes 14.8 Ecclésiaste 10.10 Proverbes 17.16 Ecclésiaste 9.10 Luc 12.18-12.20
3 וְגַם־בַּדֶּ֛רֶךְ כְּשֶׁסָּכָ֥ל הֹלֵ֖ךְ לִבֹּ֣ו חָסֵ֑ר וְאָמַ֥ר לַכֹּ֖ל סָכָ֥ל הֽוּא׃
Proverbes 18.2 Proverbes 13.16 Ecclésiaste 5.3 Proverbes 18.6 1 Pierre 4.4
4 אִם־ר֤וּחַ הַמֹּושֵׁל֙ תַּעֲלֶ֣ה עָלֶ֔יךָ מְקֹומְךָ֖ אַל־תַּנַּ֑ח כִּ֣י מַרְפֵּ֔א יַנִּ֖יחַ חֲטָאִ֥ים גְּדֹולִֽים׃
Ecclésiaste 8.3 Proverbes 25.15 1 Samuel 25.24-25.44
5 יֵ֣שׁ רָעָ֔ה רָאִ֖יתִי תַּ֣חַת הַשָּׁ֑מֶשׁ כִּשְׁגָגָ֕ה שֶׁיֹּצָ֖א מִלִּפְנֵ֥י הַשַּׁלִּֽיט׃
Ecclésiaste 9.3 Ecclésiaste 4.7 Ecclésiaste 4.1 Ecclésiaste 6.1 Ecclésiaste 3.16
6 נִתַּ֣ן הַסֶּ֔כֶל בַּמְּרֹומִ֖ים רַבִּ֑ים וַעֲשִׁירִ֖ים בַּשֵּׁ֥פֶל יֵשֵֽׁבוּ׃
Proverbes 28.12 Esther 3.1 Proverbes 29.2 Jacques 2.3-2.5 1 Rois 12.13-12.14
7 רָאִ֥יתִי עֲבָדִ֖ים עַל־סוּסִ֑ים וְשָׂרִ֛ים הֹלְכִ֥ים כַּעֲבָדִ֖ים עַל־הָאָֽרֶץ׃
Proverbes 19.10 Proverbes 30.22 Esther 6.8
8 חֹפֵ֥ר גּוּמָּ֖ץ בֹּ֣ו יִפֹּ֑ול וּפֹרֵ֥ץ גָּדֵ֖ר יִשְּׁכֶ֥נּוּ נָחָֽשׁ׃
Proverbes 26.27 Amos 5.19 Esther 7.10 Juges 9.53-9.57 2 Samuel 17.23
9 מַסִּ֣יעַ אֲבָנִ֔ים יֵעָצֵ֖ב בָּהֶ֑ם בֹּוקֵ֥עַ עֵצִ֖ים יִסָּ֥כֶן בָּֽם׃
10 אִם־קֵהָ֣ה הַבַּרְזֶ֗ל וְהוּא֙ לֹא־פָנִ֣ים קִלְקַ֔ל וַחֲיָלִ֖ים יְגַבֵּ֑ר וְיִתְרֹ֥ון הַכְשֵׁ֖ר חָכְמָֽה׃
Exode 18.19-18.23 Ecclésiaste 10.15 Jacques 1.5 Ephésiens 5.15-5.17 Ecclésiaste 9.15-9.17
11 אִם־יִשֹּׁ֥ךְ הַנָּחָ֖שׁ בְּלֹוא־לָ֑חַשׁ וְאֵ֣ין יִתְרֹ֔ון לְבַ֖עַל הַלָּשֹֽׁון׃
Jérémie 8.17 Psaumes 58.4-58.5 Proverbes 18.21 Jacques 3.6 Psaumes 52.2
12 דִּבְרֵ֥י פִי־חָכָ֖ם חֵ֑ן וְשִׂפְתֹ֥ות כְּסִ֖יל תְּבַלְּעֶֽנּוּ׃
Luc 4.22 Proverbes 15.2 Ephésiens 4.29 Colossiens 4.6 Psaumes 140.9
13 תְּחִלַּ֥ת דִּבְרֵי־פִ֖יהוּ סִכְל֑וּת וְאַחֲרִ֣ית פִּ֔יהוּ הֹולֵל֖וּת רָעָֽה׃
2 Rois 6.27 Actes 7.54-7.59 2 Rois 6.31 Luc 11.38 Jean 12.10
14 וְהַסָּכָ֖ל יַרְבֶּ֣ה דְבָרִ֑ים לֹא־יֵדַ֤ע הָאָדָם֙ מַה־שֶׁיִּֽהְיֶ֔ה וַאֲשֶׁ֤ר יִֽהְיֶה֙ מֵֽאַחֲרָ֔יו מִ֖י יַגִּ֥יד לֹֽו׃
Proverbes 15.2 Ecclésiaste 5.3 Ecclésiaste 3.22 Ecclésiaste 8.7 Ecclésiaste 6.12
15 עֲמַ֥ל הַכְּסִילִ֖ים תְּיַגְּעֶ֑נּוּ אֲשֶׁ֥ר לֹֽא־יָדַ֖ע לָלֶ֥כֶת אֶל־עִֽיר׃
Psaumes 107.4 Esaïe 55.2 Esaïe 47.12-47.13 Esaïe 35.8-35.10 Matthieu 11.28-11.30
16 אִֽי־לָ֣ךְ אֶ֔רֶץ שֶׁמַּלְכֵּ֖ךְ נָ֑עַר וְשָׂרַ֖יִךְ בַּבֹּ֥קֶר יֹאכֵֽלוּ׃
Esaïe 3.12 Esaïe 3.4-3.5 Esaïe 5.11-5.12 2 Chroniques 13.7 2 Chroniques 36.5
17 אַשְׁרֵ֣יךְ אֶ֔רֶץ שֶׁמַּלְכֵּ֖ךְ בֶּן־חֹורִ֑ים וְשָׂרַ֨יִךְ֙ בָּעֵ֣ת יֹאכֵ֔לוּ בִּגְבוּרָ֖ה וְלֹ֥א בַשְּׁתִֽי׃
Proverbes 31.4-31.5 Proverbes 28.2-28.3 Esaïe 5.11 Deutéronome 14.26 Ecclésiaste 10.6-10.7
18 בַּעֲצַלְתַּ֖יִם יִמַּ֣ךְ הַמְּקָרֶ֑ה וּבְשִׁפְל֥וּת יָדַ֖יִם יִדְלֹ֥ף הַבָּֽיִת׃
Proverbes 14.1 Proverbes 20.4 Proverbes 23.21 Proverbes 24.30-24.34 2 Pierre 1.5-1.10
19 לִשְׂחֹוק֙ עֹשִׂ֣ים לֶ֔חֶם וְיַ֖יִן יְשַׂמַּ֣ח חַיִּ֑ים וְהַכֶּ֖סֶף יַעֲנֶ֥ה אֶת־הַכֹּֽל׃
Psaumes 104.15 Luc 12.19 Ecclésiaste 9.7 Actes 2.45 Actes 11.29
20 גַּ֣ם בְּמַדָּֽעֲךָ֗ מֶ֚לֶךְ אַל־תְּקַלֵּ֔ל וּבְחַדְרֵי֙ מִשְׁכָּ֣בְךָ֔ אַל־תְּקַלֵּ֖ל עָשִׁ֑יר כִּ֣י עֹ֤וף הַשָּׁמַ֨יִם֙ יֹולִ֣יךְ אֶת־הַקֹּ֔ול וּבַ֥עַל כְּנָפַ֖יִם יַגֵּ֥יד דָּבָֽר׃
Exode 22.28 Actes 23.5 2 Rois 6.12 Luc 19.40 Esaïe 8.21