Psaumes 135.8
Biblia Hebraica Stuttgartensia

¹ הַ֥לְלוּ יָ֨הּ׀ הַֽ֭לְלוּ אֶת־שֵׁ֣ם יְהוָ֑ה הַֽ֝לְלוּ עַבְדֵ֥י יְהוָֽה׃Psaumes 134.1 Psaumes 112.1 Psaumes 107.15 Psaumes 107.8 Psaumes 113.1-113.3
² שֶׁ֣֭עֹֽמְדִים בְּבֵ֣ית יְהוָ֑ה בְּ֝חַצְרֹ֗ות בֵּ֣ית אֱלֹהֵֽינוּ׃Psaumes 92.13 Psaumes 116.19 Luc 2.37 1 Chroniques 16.37-16.42 1 Chroniques 23.30
³ הַֽ֭לְלוּ־יָהּ כִּי־טֹ֣וב יְהוָ֑ה זַמְּר֥וּ לִ֝שְׁמֹ֗ו כִּ֣י נָעִֽים׃Psaumes 147.1 Psaumes 119.68 Psaumes 63.5 Psaumes 136.1 Psaumes 118.1
⁴ כִּֽי־יַעֲקֹ֗ב בָּחַ֣ר לֹ֣ו יָ֑הּ יִ֝שְׂרָאֵ֗ל לִסְגֻלָּתֹֽו׃Deutéronome 10.15 1 Pierre 2.9 Tite 2.14 Deutéronome 7.6-7.7 Malachie 3.17
⁵ כִּ֤י אֲנִ֣י יָ֭דַעְתִּי כִּי־גָדֹ֣ול יְהוָ֑ה וַ֝אֲדֹנֵ֗ינוּ מִכָּל־אֱלֹהִֽים׃Psaumes 48.1 Psaumes 97.9 Psaumes 95.3 Deutéronome 10.17 Psaumes 89.6
⁶ כֹּ֤ל אֲשֶׁר־חָפֵ֥ץ יְהוָ֗ה עָ֫שָׂ֥ה בַּשָּׁמַ֥יִם וּבָאָ֑רֶץ בַּ֝יַּמִּ֗ים וְכָל־תְּהֹומֹֽות׃Psaumes 115.3 Matthieu 8.26-8.27 Daniel 4.35 Psaumes 33.11 Esaïe 46.10
⁷ מַֽעֲלֶ֣ה נְשִׂאִים֮ מִקְצֵ֪ה הָ֫אָ֥רֶץ בְּרָקִ֣ים לַמָּטָ֣ר עָשָׂ֑ה מֹֽוצֵא־ר֝וּחַ מֵאֹֽוצְרֹותָֽיו׃Jérémie 10.13 Zacharie 10.1 Jérémie 51.16 Psaumes 148.8 Job 28.25-28.26
⁸ שֶֽׁ֭הִכָּה בְּכֹורֵ֣י מִצְרָ֑יִם מֵ֝אָדָ֗ם עַד־בְּהֵמָֽה׃Psaumes 78.51 Exode 12.12 Psaumes 105.36 Exode 12.29-12.30 Exode 13.15
⁹ שָׁלַ֤ח׀ אֹתֹ֣ות וּ֭מֹפְתִים בְּתֹוכֵ֣כִי מִצְרָ֑יִם בְּ֝פַרְעֹ֗ה וּבְכָל־עֲבָדָֽיו׃Psaumes 136.15 Deutéronome 6.22 Psaumes 105.27-105.29 Esaïe 51.9-51.10 Actes 7.36
¹⁰ שֶֽׁ֭הִכָּה גֹּויִ֣ם רַבִּ֑ים וְ֝הָרַ֗ג מְלָכִ֥ים עֲצוּמִֽים׃Psaumes 136.17-136.22 Nombres 21.24 Psaumes 44.2-44.3
¹¹ לְסִיחֹ֤ון׀ מֶ֤לֶךְ הָאֱמֹרִ֗י וּ֭לְעֹוג מֶ֣לֶךְ הַבָּשָׁ֑ן וּ֝לְכֹ֗ל מַמְלְכֹ֥ות כְּנָֽעַן׃Josué 12.7-12.24 Deutéronome 29.7 Josué 10.1-10.12 Nombres 21.21-21.35 Deutéronome 2.30-3.11
¹² וְנָתַ֣ן אַרְצָ֣ם נַחֲלָ֑ה נַ֝חֲלָ֗ה לְיִשְׂרָאֵ֥ל עַמֹּֽו׃Psaumes 78.55 Psaumes 136.21-136.22 Nombres 33.54 Psaumes 44.1-44.3 Deutéronome 29.8
¹³ יְ֭הוָה שִׁמְךָ֣ לְעֹולָ֑ם יְ֝הוָ֗ה זִכְרְךָ֥ לְדֹר־וָדֹֽר׃Psaumes 102.12 Exode 3.15 Psaumes 102.21 Osée 12.5 Psaumes 8.1
¹⁴ כִּֽי־יָדִ֣ין יְהוָ֣ה עַמֹּ֑ו וְעַל־עֲ֝בָדָ֗יו יִתְנֶחָֽם׃Deutéronome 32.36 Psaumes 50.4 Psaumes 90.13 1 Chroniques 21.15 Psaumes 96.13
¹⁵ עֲצַבֵּ֣י הַ֭גֹּויִם כֶּ֣סֶף וְזָהָ֑ב מַ֝עֲשֵׂ֗ה יְדֵ֣י אָדָֽם׃Psaumes 115.4-115.8 Esaïe 37.19 Deutéronome 4.28 Esaïe 40.19-40.20 Jérémie 10.3-10.11
¹⁶ פֶּֽה־לָ֭הֶם וְלֹ֣א יְדַבֵּ֑רוּ עֵינַ֥יִם לָ֝הֶ֗ם וְלֹ֣א יִרְאֽוּ׃Esaïe 6.10 Matthieu 13.14-13.16
¹⁷ אָזְנַ֣יִם לָ֭הֶם וְלֹ֣א יַאֲזִ֑ינוּ אַ֝֗ף אֵין־יֶשׁ־ר֥וּחַ בְּפִיהֶֽם׃ ¹⁸ כְּ֭מֹוהֶם יִהְי֣וּ עֹשֵׂיהֶ֑ם כֹּ֭ל אֲשֶׁר־בֹּטֵ֣חַ בָּהֶֽם׃Esaïe 44.18-44.20 Psaumes 115.8 Psaumes 97.7 Jérémie 10.8 2 Corinthiens 4.4
¹⁹ בֵּ֣ית יִ֭שְׂרָאֵל בָּרֲכ֣וּ אֶת־יְהוָ֑ה בֵּ֥ית אַ֝הֲרֹ֗ן בָּרֲכ֥וּ אֶת־יְהוָֽה׃Apocalypse 19.5 Psaumes 115.9-115.11 Psaumes 148.14 Psaumes 147.19-147.20 Psaumes 145.10
²⁰ בֵּ֣ית הַ֭לֵּוִי בָּרֲכ֣וּ אֶת־יְהוָ֑ה יִֽרְאֵ֥י יְ֝הוָ֗ה בָּרֲכ֥וּ אֶת־יְהוָֽה׃ ²¹ בָּ֘ר֤וּךְ יְהוָ֨ה׀ מִצִּיֹּ֗ון שֹׁ֘כֵ֤ן יְֽרוּשָׁלִָ֗ם הַֽלְלוּ־יָֽהּ׃Psaumes 134.3 Psaumes 132.13-132.14 Psaumes 48.1 Psaumes 128.5 Psaumes 76.2