Psaumes 106.16
Biblia Hebraica Stuttgartensia

L’infidélité d’Israël et la bonté de Dieu

¹ הַֽלְלוּיָ֨הּ׀ הֹוד֣וּ לַיהוָ֣ה כִּי־טֹ֑וב כִּ֖י לְעֹולָ֣ם חַסְדֹּֽו׃
Psaumes 105.1 Psaumes 107.1 1 Chroniques 16.34 1 Thessaloniciens 5.18 Psaumes 105.45
² מִ֗י יְ֭מַלֵּל גְּבוּרֹ֣ות יְהוָ֑ה יַ֝שְׁמִ֗יעַ כָּל־תְּהִלָּתֹֽו׃
Néhémie 9.5 Job 26.14 Psaumes 145.3-145.12 Romains 11.33 Psaumes 40.5
³ אַ֭שְׁרֵי שֹׁמְרֵ֣י מִשְׁפָּ֑ט עֹשֵׂ֖ה צְדָקָ֣ה בְכָל־עֵֽת׃
Psaumes 15.2 Apocalypse 22.14 Jacques 1.25 Galates 6.9 Deutéronome 11.1
⁴ זָכְרֵ֣נִי יְ֭הוָה בִּרְצֹ֣ון עַמֶּ֑ךָ פָּ֝קְדֵ֗נִי בִּישׁוּעָתֶֽךָ׃
Psaumes 119.132 Luc 23.42 Actes 15.14 Néhémie 13.22 Néhémie 13.14
⁵ לִרְאֹ֤ות׀ בְּטֹ֘ובַ֤ת בְּחִירֶ֗יךָ לִ֭שְׂמֹחַ בְּשִׂמְחַ֣ת גֹּויֶ֑ךָ לְ֝הִתְהַלֵּ֗ל עִם־נַחֲלָתֶֽךָ׃
Psaumes 105.6 Psaumes 105.43 Psaumes 1.3 Esaïe 45.25 1 Pierre 2.9
⁶ חָטָ֥אנוּ עִם־אֲבֹותֵ֗ינוּ הֶעֱוִ֥ינוּ הִרְשָֽׁעְנוּ׃
1 Rois 8.47 Néhémie 9.16 Lévitique 26.40 Psaumes 78.8 Esdras 9.6-9.7
⁷ אֲבֹ֘ותֵ֤ינוּ בְמִצְרַ֨יִם׀ לֹא־הִשְׂכִּ֬ילוּ נִפְלְאֹותֶ֗יךָ לֹ֣א זָ֭כְרוּ אֶת־רֹ֣ב חֲסָדֶ֑יךָ וַיַּמְר֖וּ עַל־יָ֣ם בְּיַם־סֽוּף׃
Exode 14.11-14.12 Psaumes 78.42 Ephésiens 2.11 Esaïe 63.7 Esaïe 44.18
⁸ וַֽ֭יֹּושִׁיעֵם לְמַ֣עַן שְׁמֹ֑ו לְ֝הֹודִ֗יעַ אֶת־גְּבוּרָתֹֽו׃
Exode 9.16 Ezéchiel 20.9 Ezéchiel 20.14 Ezéchiel 20.44 Romains 9.17
⁹ וַיִּגְעַ֣ר בְּיַם־ס֭וּף וַֽיֶּחֱרָ֑ב וַיֹּולִיכֵ֥ם בַּ֝תְּהֹמֹ֗ות כַּמִּדְבָּֽר׃
Psaumes 18.15 Nahum 1.4 Psaumes 78.13 Esaïe 63.11-63.14 Psaumes 114.3-114.7
¹⁰ וַֽ֭יֹּושִׁיעֵם מִיַּ֣ד שֹׂונֵ֑א וַ֝יִּגְאָלֵ֗ם מִיַּ֥ד אֹויֵֽב׃
Psaumes 107.2 Exode 14.30 Deutéronome 11.4 Michée 6.4 Exode 15.9-15.10
¹¹ וַיְכַסּוּ־מַ֥יִם צָרֵיהֶ֑ם אֶחָ֥ד מֵ֝הֶ֗ם לֹ֣א נֹותָֽר׃
Exode 15.5 Exode 14.27-14.28 Psaumes 78.53 Exode 14.13 Exode 15.10
¹² וַיַּאֲמִ֥ינוּ בִדְבָרָ֑יו יָ֝שִׁ֗ירוּ תְּהִלָּתֹֽו׃
Exode 14.31-15.21 Jean 8.30-8.31 Luc 8.13
¹³ מִֽ֭הֲרוּ שָׁכְח֣וּ מַעֲשָׂ֑יו לֹֽא־חִ֝כּ֗וּ לַעֲצָתֹֽו׃
Exode 15.24 Exode 16.2 Psaumes 78.11 Proverbes 1.25 Exode 17.2
¹⁴ וַיִּתְאַוּ֣וּ תַ֭אֲוָה בַּמִּדְבָּ֑ר וַיְנַסּוּ־אֵ֝֗ל בִּֽישִׁימֹֽון׃
1 Corinthiens 10.9 Exode 17.2 Nombres 11.4 1 Corinthiens 10.6 Nombres 14.22
¹⁵ וַיִּתֵּ֣ן לָ֭הֶם שֶׁאֱלָתָ֑ם וַיְשַׁלַּ֖ח רָזֹ֣ון בְּנַפְשָֽׁם׃
Esaïe 10.16 Nombres 11.31-11.34 Esaïe 24.16 Psaumes 78.29-78.31
¹⁶ וַיְקַנְא֣וּ לְ֭מֹשֶׁה בַּֽמַּחֲנֶ֑ה לְ֝אַהֲרֹ֗ן קְדֹ֣ושׁ יְהוָֽה׃
Nombres 16.1-16.50 Lévitique 21.10-21.12 Exode 28.36 Lévitique 21.6-21.8
¹⁷ תִּפְתַּח־אֶ֭רֶץ וַתִּבְלַ֣ע דָּתָ֑ן וַ֝תְּכַ֗ס עַל־עֲדַ֥ת אֲבִירָֽם׃
Deutéronome 11.6 Nombres 16.29-16.33 Nombres 26.10
¹⁸ וַתִּבְעַר־אֵ֥שׁ בַּעֲדָתָ֑ם לֶ֝הָבָ֗ה תְּלַהֵ֥ט רְשָׁעִֽים׃
Nombres 16.35-16.40 Nombres 16.46 Hébreux 12.29
¹⁹ יַעֲשׂוּ־עֵ֥גֶל בְּחֹרֵ֑ב וַ֝יִּשְׁתַּחֲו֗וּ לְמַסֵּכָֽה׃
1 Corinthiens 10.7 Exode 32.4-32.8 Néhémie 9.18 Exode 32.35 Deutéronome 9.8
²⁰ וַיָּמִ֥ירוּ אֶת־כְּבֹודָ֑ם בְּתַבְנִ֥ית שֹׁ֝֗ור אֹכֵ֥ל עֵֽשֶׂב׃
Jérémie 2.11 Esaïe 40.18-40.25 Exode 20.4-20.5 Psaumes 89.17 Romains 1.22-1.23
²¹ שָׁ֭כְחוּ אֵ֣ל מֹושִׁיעָ֑ם עֹשֶׂ֖ה גְדֹלֹ֣ות בְּמִצְרָֽיִם׃
Psaumes 106.13 Deutéronome 4.34 Psaumes 135.9 Osée 1.7 Psaumes 78.11-78.12
²² נִ֭פְלָאֹות בְּאֶ֣רֶץ חָ֑ם נֹ֝ורָאֹ֗ות עַל־יַם־סֽוּף׃
Psaumes 78.51 Psaumes 105.23 Exode 14.25-14.28 Psaumes 105.27-105.36 Exode 15.10
²³ וַיֹּ֗אמֶר לְֽהַשְׁמִ֫ידָ֥ם לוּלֵ֡י מֹ֘שֶׁ֤ה בְחִירֹ֗ו עָמַ֣ד בַּפֶּ֣רֶץ לְפָנָ֑יו לְהָשִׁ֥יב חֲ֝מָתֹ֗ו מֵֽהַשְׁחִֽית׃
Psaumes 105.6 Ezéchiel 22.30 Deutéronome 9.25 Jean 15.19 Deutéronome 9.19
²⁴ וַֽ֭יִּמְאֲסוּ בְּאֶ֣רֶץ חֶמְדָּ֑ה לֹֽא־הֶ֝אֱמִ֗ינוּ לִדְבָרֹֽו׃
Deutéronome 1.32 Nombres 14.31 Ezéchiel 20.6 Jérémie 3.19 Hébreux 3.18-3.19
²⁵ וַיֵּרָגְנ֥וּ בְאָהֳלֵיהֶ֑ם לֹ֥א שָׁ֝מְע֗וּ בְּקֹ֣ול יְהוָֽה׃
Psaumes 95.7-95.9 Hébreux 3.15 Nombres 14.22 Deutéronome 1.26-1.27 Hébreux 3.7-3.8
²⁶ וַיִּשָּׂ֣א יָדֹ֣ו לָהֶ֑ם לְהַפִּ֥יל אֹ֝ותָ֗ם בַּמִּדְבָּֽר׃
Ezéchiel 20.15 Hébreux 3.11 Psaumes 95.11 Nombres 14.28-14.35 Exode 6.8
²⁷ וּלְהַפִּ֣יל זַ֭רְעָם בַּגֹּויִ֑ם וּ֝לְזָרֹותָ֗ם בָּאֲרָצֹֽות׃
Psaumes 44.11 Lévitique 26.33 Deutéronome 28.37 Deutéronome 32.26-32.27 Ezéchiel 20.23
²⁸ וַ֭יִּצָּ֣מְדוּ לְבַ֣עַל פְּעֹ֑ור וַ֝יֹּאכְל֗וּ זִבְחֵ֥י מֵתִֽים׃
Osée 9.10 Deutéronome 4.3 Nombres 25.5 1 Corinthiens 10.19-10.20 Jérémie 10.8-10.10
²⁹ וַ֭יַּכְעִיסוּ בְּמַֽעַלְלֵיהֶ֑ם וַתִּפְרָץ־בָּ֝֗ם מַגֵּפָֽה׃
Ecclésiaste 7.29 Nombres 25.9 Deutéronome 32.16-32.21 1 Corinthiens 10.8 Romains 1.21-1.24
³⁰ וַיַּעֲמֹ֣ד פִּֽ֭ינְחָס וַיְפַלֵּ֑ל וַ֝תֵּעָצַ֗ר הַמַּגֵּפָֽה׃
Nombres 25.14-25.15 Josué 7.12 Nombres 25.6-25.8 Deutéronome 13.15-13.17 Jonas 1.12-1.15
³¹ וַתֵּחָ֣שֶׁב לֹ֭ו לִצְדָקָ֑ה לְדֹ֥ר וָ֝דֹ֗ר עַד־עֹולָֽם׃
Nombres 25.11-25.13 Deutéronome 24.13 Genèse 15.6 Marc 14.3-14.9
³² וַ֭יַּקְצִיפוּ עַל־מֵ֥י מְרִיבָ֑ה וַיֵּ֥רַע לְ֝מֹשֶׁ֗ה בַּעֲבוּרָֽם׃
Psaumes 81.7 Deutéronome 1.37 Nombres 20.2-20.13 Nombres 20.23-20.24 Deutéronome 4.21
³³ כִּֽי־הִמְר֥וּ אֶת־רוּחֹ֑ו וַ֝יְבַטֵּ֗א בִּשְׂפָתָֽיו׃
Nombres 20.10-20.11 Job 2.10 Job 38.2 Jacques 3.2 Genèse 30.1
³⁴ לֹֽא־הִ֭שְׁמִידוּ אֶת־הָֽעַמִּ֑ים אֲשֶׁ֤ר אָמַ֖ר יְהוָ֣ה לָהֶֽם׃
Deutéronome 7.16 Juges 1.21 Deutéronome 7.2 Nombres 33.52 Nombres 33.55-33.56
³⁵ וַיִּתְעָרְב֥וּ בַגֹּויִ֑ם וַֽ֝יִּלְמְד֗וּ מַֽעֲשֵׂיהֶֽם׃
Juges 3.5-3.6 Juges 1.27-1.36 Juges 2.2-2.3 Esaïe 2.6 Josué 15.63
³⁶ וַיַּעַבְד֥וּ אֶת־עֲצַבֵּיהֶ֑ם וַיִּהְי֖וּ לָהֶ֣ם לְמֹוקֵֽשׁ׃
Deutéronome 7.16 Juges 2.3 Exode 23.33 2 Rois 17.8-17.11 Juges 10.6
³⁷ וַיִּזְבְּח֣וּ אֶת־בְּ֭נֵיהֶם וְאֶת־בְּנֹֽותֵיהֶ֗ם לַשֵּֽׁדִים׃
2 Rois 16.3 1 Corinthiens 10.20 2 Rois 17.17 Deutéronome 32.17 Jérémie 7.31
³⁸ וַיִּֽשְׁפְּכ֨וּ דָ֪ם נָקִ֡י דַּם־בְּנֵ֘יהֶ֤ם וּֽבְנֹותֵיהֶ֗ם אֲשֶׁ֣ר זִ֭בְּחוּ לַעֲצַבֵּ֣י כְנָ֑עַן וַתֶּחֱנַ֥ף הָ֝אָ֗רֶץ בַּדָּמִֽים׃
Nombres 35.33 Jérémie 2.34 Esaïe 1.15 Esaïe 26.21 Deutéronome 21.9
³⁹ וַיִּטְמְא֥וּ בְמַעֲשֵׂיהֶ֑ם וַ֝יִּזְ֗נוּ בְּמַֽעַלְלֵיהֶֽם׃
Ezéchiel 20.18 Nombres 15.39 Lévitique 17.7 Osée 9.1 Ezéchiel 20.30-20.31
⁴⁰ וַיִּֽחַר־אַ֣ף יְהוָ֣ה בְּעַמֹּ֑ו וַ֝יְתָעֵ֗ב אֶת־נַחֲלָתֹֽו׃
Juges 2.14 Deutéronome 9.29 Deutéronome 32.19 Psaumes 74.1 Juges 2.20
⁴¹ וַיִּתְּנֵ֥ם בְּיַד־גֹּויִ֑ם וַֽיִּמְשְׁל֥וּ בָ֝הֶ֗ם שֹׂנְאֵיהֶֽם׃
Juges 2.14 Deutéronome 28.25 Deutéronome 32.30 Juges 3.8 Juges 3.12
⁴² וַיִּלְחָצ֥וּם אֹויְבֵיהֶ֑ם וַ֝יִּכָּנְע֗וּ תַּ֣חַת יָדָֽם׃
Juges 10.12 Juges 4.3
⁴³ פְּעָמִ֥ים רַבֹּ֗ות יַצִּ֫ילֵ֥ם וְ֭הֵמָּה יַמְר֣וּ בַעֲצָתָ֑ם וַ֝יָּמֹ֗כּוּ בַּעֲוֹנָֽם׃
Juges 2.16-2.18 Psaumes 81.12 1 Samuel 13.19 1 Samuel 12.9-12.11 Juges 6.5
⁴⁴ וַ֭יַּרְא בַּצַּ֣ר לָהֶ֑ם בְּ֝שָׁמְעֹ֗ו אֶת־רִנָּתָֽם׃
Juges 3.9 Juges 4.3 Juges 6.6-6.10 Juges 2.18 Néhémie 9.27-9.38
⁴⁵ וַיִּזְכֹּ֣ר לָהֶ֣ם בְּרִיתֹ֑ו וַ֝יִּנָּחֵ֗ם כְּרֹ֣ב חֲסָדָֽיו׃
Psaumes 105.8 Psaumes 69.16 Juges 2.18 Psaumes 51.1 Esaïe 63.7
⁴⁶ וַיִּתֵּ֣ן אֹותָ֣ם לְרַחֲמִ֑ים לִ֝פְנֵ֛י כָּל־שֹׁובֵיהֶֽם׃
Esdras 9.9 Jérémie 42.12 1 Rois 8.50 Jérémie 15.11 Néhémie 1.11
⁴⁷ הֹושִׁיעֵ֨נוּ׀ יְה֘וָ֤ה אֱלֹהֵ֗ינוּ וְקַבְּצֵנוּ֮ מִֽן־הַגֹּ֫ויִ֥ם לְ֭הֹדֹות לְשֵׁ֣ם קָדְשֶׁ֑ךָ לְ֝הִשְׁתַּבֵּ֗חַ בִּתְהִלָּתֶֽךָ׃
2 Corinthiens 2.14 Apocalypse 7.10-7.12 Ezéchiel 36.24-36.28 Ezéchiel 37.21-37.28 1 Chroniques 16.35-16.36
⁴⁸ בָּר֤וּךְ־יְהוָ֨ה אֱלֹהֵ֪י יִשְׂרָאֵ֡ל מִן־הָ֤עֹולָ֨ם׀ וְעַ֬ד הָעֹולָ֗ם וְאָמַ֖ר כָּל־הָעָ֥ם אָמֵ֗ן הַֽלְלוּ־יָֽהּ׃
Psaumes 41.13 Psaumes 89.52 Psaumes 72.18-72.19 Psaumes 105.45-106.1 1 Chroniques 29.10