Job 6.16
Biblia Hebraica Stuttgartensia

¹ וַיַּ֥עַן אִיֹּ֗וב וַיֹּאמַֽר׃Job 4.1
² ל֗וּ שָׁקֹ֣ול יִשָּׁקֵ֣ל כַּעְשִׂ֑י וְ֝הַוָּתִ֗י בְּֽמֹאזְנַ֥יִם יִשְׂאוּ־יָֽחַד׃Job 4.5 Job 23.2 Job 31.6
³ כִּֽי־עַתָּ֗ה מֵחֹ֣ול יַמִּ֣ים יִכְבָּ֑ד עַל־כֵּ֝֗ן דְּבָרַ֥י לָֽעוּ׃Proverbes 27.3 Matthieu 11.28 Psaumes 40.5 Psaumes 77.4 Job 37.19-37.20
⁴ כִּ֤י חִצֵּ֪י שַׁדַּ֡י עִמָּדִ֗י אֲשֶׁ֣ר חֲ֭מָתָם שֹׁתָ֣ה רוּחִ֑י בִּעוּתֵ֖י אֱלֹ֣והַּ יַֽעַרְכֽוּנִי׃Psaumes 38.2 Job 30.15 Psaumes 88.15-88.16 Job 16.12-16.14 Psaumes 18.14
⁵ הֲיִֽנְהַק־פֶּ֥רֶא עֲלֵי־דֶ֑שֶׁא אִ֥ם יִגְעֶה־שֹּׁ֝֗ור עַל־בְּלִילֹֽו׃Psaumes 42.1 Psaumes 104.14 Joël 1.18-1.20 Jérémie 14.6
⁶ הֲיֵאָכֵ֣ל תָּ֭פֵל מִבְּלִי־מֶ֑לַח אִם־יֶשׁ־טַ֝֗עַם בְּרִ֣יר חַלָּמֽוּת׃Lévitique 2.13 Colossiens 4.6 Job 6.30 Luc 14.34 Psaumes 119.103
⁷ מֵאֲנָ֣ה לִנְגֹּ֣ועַ נַפְשִׁ֑י הֵ֝֗מָּה כִּדְוֵ֥י לַחְמִֽי׃Daniel 10.3 1 Rois 22.27 Ezéchiel 4.16 1 Rois 17.12 Ezéchiel 4.14
⁸ מִֽי־יִ֭תֵּן תָּבֹ֣וא שֶֽׁאֱלָתִ֑י וְ֝תִקְוָתִ֗י יִתֵּ֥ן אֱלֹֽוהַּ׃Psaumes 119.81 Job 6.11-6.13 Job 17.14-17.16
⁹ וְיֹאֵ֣ל אֱ֭לֹוהַּ וִֽידַכְּאֵ֑נִי יַתֵּ֥ר יָ֝דֹ֗ו וִֽיבַצְּעֵֽנִי׃1 Rois 19.4 Job 7.15-7.16 Jonas 4.3 Job 14.13 Jonas 4.8
¹⁰ וּ֥תְהִי עֹ֨וד׀ נֶ֘חָ֤מָתִ֗י וַאֲסַלְּדָ֣ה בְ֭חִילָה לֹ֣א יַחְמֹ֑ול כִּי־לֹ֥א כִ֝חַ֗דְתִּי אִמְרֵ֥י קָדֹֽושׁ׃Lévitique 19.2 Esaïe 57.15 Job 23.12 Osée 11.9 2 Pierre 2.4-2.5
¹¹ מַה־כֹּחִ֥י כִֽי־אֲיַחֵ֑ל וּמַה־קִּ֝צִּ֗י כִּֽי־אַאֲרִ֥יךְ נַפְשִֽׁי׃Psaumes 102.23 Psaumes 39.5 Psaumes 103.14-103.16 Job 17.1 Job 17.14-17.16
¹² אִם־כֹּ֣חַ אֲבָנִ֣ים כֹּחִ֑י אִֽם־בְּשָׂרִ֥י נָחֽוּשׁ׃Job 41.24 Job 40.18
¹³ הַאִ֬ם אֵ֣ין עֶזְרָתִ֣י בִ֑י וְ֝תֻשִׁיָּ֗ה נִדְּחָ֥ה מִמֶּֽנִּי׃Job 13.2 Job 19.28 Galates 6.4 2 Corinthiens 1.12 Job 12.2-12.3
¹⁴ לַמָּ֣ס מֵרֵעֵ֣הוּ חָ֑סֶד וְיִרְאַ֖ת שַׁדַּ֣י יַעֲזֹֽוב׃Proverbes 17.17 Job 15.4 Job 4.3-4.5 Psaumes 36.1-36.3 Romains 12.15
¹⁵ אַ֭חַי בָּגְד֣וּ כְמֹו־נָ֑חַל כַּאֲפִ֖יק נְחָלִ֣ים יַעֲבֹֽרוּ׃Jérémie 15.18 Psaumes 38.11 Psaumes 41.9 Jean 16.32 Jean 13.18
¹⁶ הַקֹּדְרִ֥ים מִנִּי־קָ֑רַח עָ֝לֵ֗ימֹו יִתְעַלֶּם־שָֽׁלֶג׃ ¹⁷ בְּ֭עֵת יְזֹרְב֣וּ נִצְמָ֑תוּ בְּ֝חֻמֹּ֗ו נִדְעֲכ֥וּ מִמְּקֹומָֽם׃Job 24.19 1 Rois 17.1
¹⁸ יִ֭לָּ֣פְתוּ אָרְחֹ֣ות דַּרְכָּ֑ם יַעֲל֖וּ בַתֹּ֣הוּ וְיֹאבֵֽדוּ׃ ¹⁹ הִ֭בִּיטוּ אָרְחֹ֣ות תֵּמָ֑א הֲלִיכֹ֥ת שְׁ֝בָ֗א קִוּוּ־לָֽמֹו׃Esaïe 21.14 Genèse 25.15 Jérémie 25.23 1 Rois 10.1 Ezéchiel 27.22-27.23
²⁰ בֹּ֥שׁוּ כִּֽי־בָטָ֑ח בָּ֥אוּ עָ֝דֶ֗יהָ וַיֶּחְפָּֽרוּ׃Romains 9.33 Jérémie 17.13 Romains 5.5 Jérémie 14.3-14.4
²¹ כִּֽי־עַ֭תָּה הֱיִ֣יתֶם לֹ֑ו תִּֽרְא֥וּ חֲ֝תַ֗ת וַתִּירָֽאוּ׃Psaumes 38.11 Matthieu 26.56 Esaïe 2.22 Job 2.11-2.13 Matthieu 26.31
²² הֲֽכִי־אָ֭מַרְתִּי הָ֣בוּ לִ֑י וּ֝מִכֹּחֲכֶ֗ם שִׁחֲד֥וּ בַעֲדִֽי׃1 Samuel 12.3 Actes 20.33 Job 42.11
²³ וּמַלְּט֥וּנִי מִיַּד־צָ֑ר וּמִיַּ֖ד עָרִיצִ֣ים תִּפְדּֽוּנִי׃Psaumes 107.2 Job 5.20 Jérémie 15.21 Psaumes 49.15 Néhémie 5.8
²⁴ הֹ֭ורוּנִי וַאֲנִ֣י אַחֲרִ֑ישׁ וּמַה־שָּׁ֝גִ֗יתִי הָבִ֥ינוּ לִֽי׃Jacques 3.2 Job 33.1 Psaumes 39.1-39.2 Proverbes 9.9 Psaumes 19.12
²⁵ מַה־נִּמְרְצ֥וּ אִמְרֵי־יֹ֑שֶׁר וּמַה־יֹּוכִ֖יחַ הֹוכֵ֣חַ מִכֶּֽם׃Proverbes 12.18 Proverbes 25.11 Job 24.25 Proverbes 18.21 Job 16.3-16.5
²⁶ הַלְהֹוכַ֣ח מִלִּ֣ים תַּחְשֹׁ֑בוּ וּ֝לְר֗וּחַ אִמְרֵ֥י נֹאָֽשׁ׃Job 8.2 Osée 12.1 Job 34.3-34.9 Job 3.3-3.26 Job 2.10
²⁷ אַף־עַל־יָתֹ֥ום תַּפִּ֑ילוּ וְ֝תִכְר֗וּ עַל־רֵֽיעֲכֶֽם׃Job 24.9 Psaumes 7.15 Joël 3.3 2 Pierre 2.3 Job 22.9
²⁸ וְ֭עַתָּה הֹואִ֣ילוּ פְנוּ־בִ֑י וְעַל־פְּ֝נֵיכֶ֗ם אִם־אֲכַזֵּֽב׃Job 11.3 Job 27.4 Job 36.4 Job 13.4 Job 33.3
²⁹ שֻֽׁבוּ־נָ֭א אַל־תְּהִ֣י עַוְלָ֑ה וְשֻֽׁבוּ עֹ֝וד צִדְקִי־בָֽהּ׃Job 17.10 Job 34.5 Job 23.10 Malachie 3.18 Job 27.4-27.6
³⁰ הֲיֵשׁ־בִּלְשֹׁונִ֥י עַוְלָ֑ה אִם־חִ֝כִּ֗י לֹא־יָבִ֥ין הַוֹּֽות׃Job 12.11 Job 42.3-42.6 Job 6.6 Job 33.8-33.12 Job 34.3