Apocalypse 18.22
Vulgate

¹ et post haec vidi alium angelum descendentem de caelo habentem potestatem magnam et terra inluminata est a gloria eius
Ezéchiel 43.2 Apocalypse 17.1 Esaïe 60.1-60.3 Luc 17.24 Apocalypse 21.23
² et exclamavit in forti voce dicens cecidit cecidit Babylon magna et facta est habitatio daemoniorum et custodia omnis spiritus inmundi et custodia omnis volucris inmundae
Apocalypse 14.8 Jérémie 51.37 Jérémie 50.39-50.40 Esaïe 14.23 Jérémie 51.8
³ quia de ira fornicationis eius biberunt omnes gentes et reges terrae cum illa fornicati sunt et mercatores terrae de virtute deliciarum eius divites facti sunt
Apocalypse 14.8 Apocalypse 17.2 Apocalypse 18.9 Ezéchiel 27.9-27.25 Jérémie 51.7
⁴ et audivi aliam vocem de caelo dicentem exite de illa populus meus ut ne participes sitis delictorum eius et de plagis eius non accipiatis
2 Corinthiens 6.17 Jérémie 51.6 Jérémie 51.45 Esaïe 52.11 Jérémie 50.8
⁵ quoniam pervenerunt peccata eius usque ad caelum et recordatus est Deus iniquitatum eius
Apocalypse 16.19 Jérémie 51.9 Esdras 9.6 Genèse 18.20-18.21 Jonas 1.2
⁶ reddite illi sicut ipsa reddidit et duplicate duplicia secundum opera eius in poculo quo miscuit miscite illi duplum
Psaumes 137.8 Jérémie 50.15 Jérémie 50.29 Apocalypse 16.19 Apocalypse 17.4
⁷ quantum glorificavit se et in deliciis fuit tantum date illi tormentum et luctum quia in corde suo dicit sedeo regina et vidua non sum et luctum non videbo
Sophonie 2.15 Lamentations 1.1 Psaumes 45.9 Esaïe 22.12-22.14 Esaïe 47.7-47.9
⁸ ideo in una die venient plagae eius mors et luctus et fames et igni conburetur quia fortis est Deus qui iudicavit illam
Jérémie 50.34 Jérémie 50.31 Apocalypse 17.16 Apocalypse 18.9-18.10 Apocalypse 11.17
⁹ et flebunt et plangent se super illam reges terrae qui cum illa fornicati sunt et in deliciis vixerunt cum viderint fumum incendii eius
Apocalypse 19.3 Apocalypse 18.3 Apocalypse 17.2 Apocalypse 18.18 Ezéchiel 26.16-26.17
¹⁰ longe stantes propter timorem tormentorum eius dicentes vae vae civitas illa magna Babylon civitas illa fortis quoniam una hora venit iudicium tuum
Apocalypse 18.19 Apocalypse 18.8 Apocalypse 18.15-18.17 Apocalypse 14.8 Joël 1.15
¹¹ et negotiatores terrae flebunt et lugebunt super illam quoniam merces eorum nemo emet amplius
Apocalypse 18.3 Apocalypse 18.15 Ezéchiel 27.27-27.36 Apocalypse 18.23 Esaïe 23.1-23.15
¹² mercem auri et argenti et lapidis pretiosi et margaritis et byssi et purpurae et serici et cocci et omne lignum thyinum et omnia vasa eboris et omnia vasa de lapide pretioso et aeramento et ferro et marmore
Apocalypse 17.4 Ezéchiel 27.5-27.25 Proverbes 8.10-8.11 2 Chroniques 2.8 1 Rois 10.11-10.12
¹³ et cinnamomum et amomum et odoramentorum et unguenti et turis et vini et olei et similae et tritici et iumentorum et ovium et equorum et raedarum et mancipiorum et animarum hominum
Ezéchiel 27.13 Néhémie 5.8 1 Timothée 1.10 Amos 2.6 Esaïe 50.1
¹⁴ et poma tua desiderii animae discessit a te et omnia pinguia et clara perierunt a te et amplius illa iam non invenient
Luc 16.25 Jacques 4.2 Psaumes 106.14 Psaumes 78.18 1 Jean 2.16-2.17
¹⁵ mercatores horum qui divites facti sunt ab ea longe stabunt propter timorem tormentorum eius flentes ac lugentes
Apocalypse 18.3 Ezéchiel 27.31 Actes 19.24-19.27 Juges 18.23-18.24 Osée 12.7-12.8
¹⁶ et dicentes vae vae civitas illa magna quae amicta erat byssino et purpura et cocco et deaurata est auro et lapide pretioso et margaritis
Apocalypse 17.4 Apocalypse 18.10-18.11 Apocalypse 18.19 Luc 16.19-16.31
¹⁷ quoniam una hora destitutae sunt tantae divitiae et omnis gubernator et omnis qui in locum navigat et nautae et qui maria operantur longe steterunt
Jonas 1.6 Apocalypse 17.16 Esaïe 23.14 Ezéchiel 27.27-27.36 Lamentations 4.6
¹⁸ et clamaverunt videntes locum incendii eius dicentes quae similis civitati huic magnae
Apocalypse 13.4 Apocalypse 18.9-18.10 Ezéchiel 27.30-27.32 Jérémie 51.37 Esaïe 23.8-23.9
¹⁹ et miserunt pulverem super capita sua et clamaverunt flentes et lugentes dicentes vae vae civitas magna in qua divites facti sunt omnes qui habent naves in mari de pretiis eius quoniam una hora desolata est
Apocalypse 18.10 Josué 7.6 Job 2.12 Ezéchiel 27.30 Néhémie 9.1
²⁰ exulta super eam caelum et sancti et apostoli et prophetae quoniam iudicavit Deus iudicium vestrum de illa
Apocalypse 12.12 Apocalypse 6.10 Luc 11.49-11.50 Luc 18.7-18.8 Jérémie 51.47-51.48
²¹ et sustulit unus angelus fortis lapidem quasi molarem magnum et misit in mare dicens hoc impetu mittetur Babylon magna illa civitas et ultra iam non invenietur
Apocalypse 5.2 Jérémie 51.63-51.64 Ezéchiel 26.21 Job 20.8 Psaumes 37.36
²² et vox citharoedorum et musicorum et tibia canentium et tuba non audietur in te amplius et omnis artifex omnis artis non invenietur in te amplius et vox molae non audietur in te amplius
Ezéchiel 26.13 Jérémie 25.10 Jérémie 7.34 Jérémie 33.11 Esaïe 24.8-24.9
²³ et lux lucernae non lucebit tibi amplius et vox sponsi et sponsae non audietur adhuc in te quia mercatores tui erant principes terrae quia in veneficiis tuis erraverunt omnes gentes
Apocalypse 18.3 Esaïe 23.8 Nahum 3.4 Jérémie 7.34 Jérémie 16.9
²⁴ et in ea sanguis prophetarum et sanctorum inventus est et omnium qui interfecti sunt in terra
Apocalypse 17.6 Apocalypse 16.6 Jérémie 51.49 Ezéchiel 22.12 Matthieu 23.35