Actes 26.8
Vulgate

¹ Agrippa vero ad Paulum ait permittitur tibi loqui pro temet ipso tunc Paulus extenta manu coepit rationem reddere
Actes 9.15 Proverbes 18.17 Actes 26.2 Proverbes 1.24 Actes 22.1
² de omnibus quibus accusor a Iudaeis rex Agrippa aestimo me beatum apud te cum sim defensurus me hodie
³ maxime te sciente omnia quae apud Iudaeos sunt consuetudines et quaestiones propter quod obsecro patienter me audias
Actes 6.14 Actes 26.7 Actes 24.10 Actes 25.26 Actes 24.4
⁴ et quidem vitam meam a iuventute quae ab initio fuit in gente mea in Hierosolymis noverunt omnes Iudaei
Galates 1.13 Actes 22.3 2 Timothée 3.10 Philippiens 3.5
⁵ praescientes me ab initio si velint testimonium perhibere quoniam secundum certissimam sectam nostrae religionis vixi Pharisaeus
Actes 23.6 Actes 24.5 Actes 22.3 Philippiens 3.5-3.6 Actes 24.14
⁶ et nunc in spe quae ad patres nostros repromissionis facta est a Deo sto iudicio subiectus
Actes 24.15 Actes 28.20 Michée 5.2 Romains 15.8 Actes 23.6
⁷ in quam duodecim tribus nostrae nocte ac die deservientes sperant devenire de qua spe accusor a Iudaeis rex
Jacques 1.1 1 Timothée 5.5 Esdras 6.17 Luc 22.30 Actes 26.2
⁸ quid incredibile iudicatur apud vos si Deus mortuos suscitat
Actes 10.40-10.42 Actes 13.30-13.31 Actes 17.31-17.32 Actes 4.2 Luc 18.27
⁹ et ego quidem existimaveram me adversus nomen Iesu Nazareni debere multa contraria agere
1 Timothée 1.13 Actes 22.8 Jean 15.21 Actes 9.16 Galates 1.13-1.14
¹⁰ quod et feci Hierosolymis et multos sanctorum ego in carceribus inclusi a principibus sacerdotum potestate accepta et cum occiderentur detuli sententiam
Actes 8.3 Actes 9.13-9.14 Actes 9.21 Actes 22.4-22.5 Actes 9.26
¹¹ et per omnes synagogas frequenter puniens eos conpellebam blasphemare et amplius insaniens in eos persequebar usque in exteras civitates
Actes 22.19 Actes 13.45 Matthieu 10.17 Marc 3.28 Actes 22.5
¹² in quibus dum irem Damascum cum potestate et permissu principum sacerdotum
Jean 7.45-7.48 Actes 26.10 Actes 22.5-22.11 Psaumes 94.20-94.21 Jérémie 26.8
¹³ die media in via vidi rex de caelo supra splendorem solis circumfulsisse me lumen et eos qui mecum simul erant
Matthieu 17.2 Esaïe 24.23 Actes 22.6 Apocalypse 1.16 Actes 9.3
¹⁴ omnesque nos cum decidissemus in terram audivi vocem loquentem mihi hebraica lingua Saule Saule quid me persequeris durum est tibi contra stimulum calcitrare
Actes 21.40 Actes 9.7 Actes 22.2 1 Corinthiens 10.22 Actes 9.4-9.5
¹⁵ ego autem dixi quis es Domine Dominus autem dixit ego sum Iesus quem tu persequeris
Jean 15.20-15.21 Exode 16.8 Matthieu 25.45 Matthieu 25.40
¹⁶ sed exsurge et sta super pedes tuos ad hoc enim apparui tibi ut constituam te ministrum et testem eorum quae vidisti et eorum quibus apparebo tibi
Actes 22.14-22.15 Daniel 10.11 Ezéchiel 2.1 2 Corinthiens 5.18 Colossiens 1.7
¹⁷ eripiens te de populo et gentibus in quas nunc ego mitto te
Actes 9.15 Jérémie 1.19 Romains 11.13 1 Timothée 2.7 Jérémie 1.8
¹⁸ aperire oculos eorum ut convertantur a tenebris ad lucem et de potestate Satanae ad Deum ut accipiant remissionem peccatorum et sortem inter sanctos per fidem quae est in me
Actes 20.32 1 Pierre 2.9 Esaïe 42.7 Ephésiens 1.18 Ephésiens 5.8
¹⁹ unde rex Agrippa non fui incredulus caelestis visionis
Galates 1.16 Jonas 1.3 Actes 26.2 Esaïe 50.5 Actes 26.26-26.27
²⁰ sed his qui sunt Damasci primum et Hierosolymis et in omnem regionem Iudaeae et gentibus adnuntiabam ut paenitentiam agerent et converterentur ad Deum digna paenitentiae opera facientes
Matthieu 3.8 Actes 3.19 Actes 2.38 Matthieu 9.13 Actes 9.35
²¹ hac ex causa me Iudaei cum essem in templo conprehensum temptabant interficere
Actes 21.30-21.31 Actes 21.27 Actes 22.22 Actes 23.12-23.15 Actes 25.3
²² auxilio autem adiutus Dei usque in hodiernum diem sto testificans minori atque maiori nihil extra dicens quam ea quae prophetae sunt locuti futura esse et Moses
Actes 24.14 Jean 5.46 Luc 24.44 Actes 10.43 Luc 24.27
²³ si passibilis Christus si primus ex resurrectione mortuorum lumen adnuntiaturus est populo et gentibus
Apocalypse 1.5 Luc 2.32 Colossiens 1.18 Luc 24.26 Jean 10.18
²⁴ haec loquente eo et rationem reddente Festus magna voce dixit insanis Paule multae te litterae ad insaniam convertunt
1 Corinthiens 4.10 Marc 3.21 2 Corinthiens 5.13 1 Corinthiens 1.23 Actes 17.32
²⁵ at Paulus non insanio inquit optime Feste sed veritatis et sobrietatis verba eloquor
Actes 23.26 Actes 24.3 1 Pierre 3.9 1 Pierre 2.21-2.23 1 Pierre 3.15
²⁶ scit enim de his rex ad quem et constanter loquor latere enim eum nihil horum arbitror neque enim in angulo quicquam horum gestum est
Actes 2.1-2.12 Actes 5.18-5.42 Matthieu 26.5 Actes 26.2-26.3 Matthieu 27.29-27.54
²⁷ credis rex Agrippa prophetis scio quia credis
Actes 26.22-26.23
²⁸ Agrippa autem ad Paulum in modico suades me Christianum fieri
Actes 11.26 2 Corinthiens 4.2 Jacques 1.23-1.24 Ezéchiel 33.31 Marc 10.17-10.22
²⁹ et Paulus opto apud Deum et in modico et in magno non tantum te sed et omnes hos qui audiunt hodie fieri tales qualis et ego sum exceptis vinculis his
Actes 21.33 1 Corinthiens 7.7 1 Corinthiens 4.8 Romains 10.1 Ephésiens 6.20
³⁰ et exsurrexit rex et praeses et Bernice et qui adsidebant eis
Actes 18.15 Actes 25.23 Actes 28.22
³¹ et cum secessissent loquebantur ad invicem dicentes quia nihil morte aut vinculorum dignum quid facit homo iste
Actes 23.29 Actes 23.9 Actes 25.25 1 Pierre 3.16 1 Pierre 4.14-4.16
³² Agrippa autem Festo dixit dimitti poterat homo hic si non appellasset Caesarem
Actes 28.18 Actes 25.25 Actes 25.11-25.12