Ezéchiel 32.19
Vulgate

Complainte sur le pharaon et l’Égypte

¹ et factum est duodecimo anno in mense duodecimo in una mensis factum est verbum Domini ad me dicens
Ezéchiel 30.20 Ezéchiel 32.17 Ezéchiel 33.21 Ezéchiel 29.17 Ezéchiel 31.1
² fili hominis adsume lamentum super Pharao regem Aegypti et dices ad eum leoni gentium adsimilatus es et draconi qui est in mari et ventilabas cornu in fluminibus tuis et conturbabas aquas pedibus tuis et conculcabas flumina eorum
Ezéchiel 29.3 Nahum 2.11-2.13 Ezéchiel 27.2 Esaïe 27.1 Jérémie 4.7
³ propterea haec dicit Dominus Deus expandam super te rete meum in multitudine populorum multorum et extrahent te in sagena mea
Ezéchiel 12.13 Ezéchiel 17.20 Ecclésiaste 9.12 Osée 7.12 Habakuk 1.14-1.17
⁴ et proiciam te in terram super faciem agri abiciam te et habitare faciam super te omnia volatilia caeli et saturabo de te bestias universae terrae
Esaïe 18.6 Ezéchiel 31.12-31.13 Ezéchiel 29.5 Psaumes 79.2-79.3 Apocalypse 19.17-19.18
⁵ et dabo carnes tuas super montes et implebo colles tuos sanie tua
Ezéchiel 31.12
⁶ et inrigabo terram pedore sanguinis tui super montes et valles implebuntur ex te
Esaïe 34.3 Exode 7.17 Esaïe 34.7 Apocalypse 14.20 Apocalypse 16.6
⁷ et operiam cum extinctus fueris caelos et nigrescere faciam stellas eius solem nube tegam et luna non dabit lumen suum
Esaïe 13.10 Joël 2.31 Matthieu 24.29 Ezéchiel 30.3 Esaïe 34.4
⁸ omnia luminaria caeli maerere faciam super te et dabo tenebras super terram tuam dicit Dominus Deus
Genèse 1.14 Proverbes 20.20
⁹ et inritabo cor populorum multorum cum induxero contritionem tuam in gentibus super terras quas nescis
Apocalypse 18.10-18.15 Ezéchiel 29.12 Apocalypse 11.18 Jérémie 25.15-25.25 Ezéchiel 30.26
¹⁰ et stupescere faciam super te populos multos et reges eorum horrore nimio formidabunt super te cum volare coeperit gladius meus super facies eorum et obstupescent repente singuli pro anima sua in die ruinae suae
Ezéchiel 27.35 Ezéchiel 26.16 1 Rois 9.8 Zacharie 11.2 Exode 15.14-15.16
¹¹ quia haec dicit Dominus Deus gladius regis Babylonis veniet tibi
Ezéchiel 30.22-30.25 Ezéchiel 30.4 Jérémie 46.13 Jérémie 46.24-46.26 Ezéchiel 26.7
¹² in gladiis fortium deiciam multitudinem tuam inexpugnabiles gentes omnes heae et vastabunt superbiam Aegypti et dissipabitur multitudo eius
Ezéchiel 28.7 Ezéchiel 31.11 Ezéchiel 29.19 Habakuk 1.6-1.7 Esaïe 25.2-25.3
¹³ et perdam omnia iumenta eius quae erant super aquas plurimas et non conturbabit eas pes hominis ultra neque ungula iumentorum turbabit eas
Ezéchiel 29.11 Ezéchiel 29.8 Ezéchiel 32.2 Ezéchiel 30.12 Ezéchiel 34.18
¹⁴ tunc purissimas reddam aquas eorum et flumina eorum quasi oleum adducam ait Dominus Deus
¹⁵ cum dedero terram Aegypti desolatam deseretur autem terra a plenitudine sua quando percussero omnes habitatores eius et scient quia ego Dominus
Exode 7.5 Ezéchiel 6.7 Exode 14.18 Exode 14.4 Ezéchiel 30.26
¹⁶ planctus est et plangent eum filiae gentium plangent eum super Aegypto et super multitudine eius plangent eum ait Dominus Deus
2 Chroniques 35.25 Ezéchiel 32.2 2 Samuel 1.17 Ezéchiel 26.17 2 Samuel 3.33-3.34
¹⁷ et factum est in duodecimo anno in quintadecima mensis factum est verbum Domini ad me dicens
Ezéchiel 32.1 Ezéchiel 1.2 Ezéchiel 31.1 Ezéchiel 33.21
¹⁸ fili hominis cane lugubre super multitudine Aegypti et detrahe eam ipsam et filias gentium robustarum ad terram ultimam cum his qui descendunt in lacum
Ezéchiel 31.14 Jérémie 1.10 Ezéchiel 32.16 Ezéchiel 32.2 Michée 1.8
¹⁹ quo pulchrior es descende et dormi cum incircumcisis
Ezéchiel 31.18 Ezéchiel 32.29-32.30 Ezéchiel 32.24 Ezéchiel 32.21 Ezéchiel 28.10
²⁰ in medio interfectorum gladio cadent gladius datus est adtraxerunt eam et omnes populos eius
Psaumes 28.3 Proverbes 24.11 Jérémie 22.19 Ezéchiel 29.8-29.12 Ezéchiel 32.23-32.26
²¹ loquentur ei potentissimi robustorum de medio inferni qui cum auxiliatoribus eius descenderunt et dormierunt incircumcisi interfecti gladio
Esaïe 14.9-14.10 Ezéchiel 32.27 Ezéchiel 32.19 Esaïe 1.31 Psaumes 9.17
²² ibi Assur et omnis multitudo eius in circuitu illius sepulchra eius omnes interfecti et qui ceciderunt gladio
Ezéchiel 32.26 Ezéchiel 32.24 Ezéchiel 32.29-32.30 Ezéchiel 31.3-31.18 Esaïe 30.33
²³ quorum data sunt sepulchra in novissimis laci et facta est multitudo eius per gyrum sepulchri eius universi interfecti cadentesque gladio qui dederant quondam formidinem in terra viventium
Ezéchiel 26.20 Ezéchiel 26.17 Psaumes 27.13 Ezéchiel 32.24-32.27 Job 28.13
²⁴ ibi Aelam et omnis multitudo eius per gyrum sepulchri sui omnes hii interfecti ruentesque gladio qui descenderunt incircumcisi ad terram ultimam qui posuerunt terrorem suum in terra viventium et portaverunt ignominiam suam cum his qui descendunt in lacum
Ezéchiel 16.52 Ezéchiel 32.18 Jérémie 49.34-49.39 Genèse 10.22 Ezéchiel 32.25
²⁵ in medio interfectorum posuerunt cubile eius in universis populis eius in circuitu eius sepulchrum illius omnes hii incircumcisi interfectique gladio dederant enim terrorem in terra viventium et portaverunt ignominiam suam cum his qui descendunt in lacum in medio interfectorum positi sunt
Psaumes 139.8 1 Chroniques 10.4 Actes 7.51 Ezéchiel 44.9 2 Samuel 1.20
²⁶ ibi Mosoch et Thubal et omnis multitudo eius in circuitu illius sepulchra eius omnes hii incircumcisi interfectique et cadentes gladio quia dederunt formidinem suam in terra viventium
Ezéchiel 27.13 Genèse 10.2 Ezéchiel 39.1 Ezéchiel 38.2-38.3 Ezéchiel 32.19-32.20
²⁷ et non dormient cum fortibus cadentibusque et incircumcisis qui descenderunt ad infernum cum armis suis et posuerunt gladios suos sub capitibus suis et fuerunt iniquitates eorum in ossibus eorum quia terror fortium facti sunt in terra viventium
Esaïe 14.18-14.19 Job 3.13-3.15 Job 20.11 Psaumes 109.18 Ezéchiel 32.21
²⁸ et tu ergo in medio incircumcisorum contereris et dormies cum interfectis gladio
Daniel 2.34-2.35
²⁹ ibi Idumea et reges eius omnes duces eius qui dati sunt cum exercitu suo cum interfectis gladio et qui cum incircumcisis dormierunt et cum his qui descenderunt in lacum
Jérémie 49.7-49.22 Genèse 25.30 Ezéchiel 25.1-25.17 Abdias 1.1-1.9 Esaïe 63.1-63.6
³⁰ ibi principes aquilonis omnes et universi venatores qui deducti sunt cum interfectis paventes et in sua fortitudine confusi qui dormierunt incircumcisi cum interfectis gladio et portaverunt confusionem suam cum his qui descendunt in lacum
Ezéchiel 38.6 Ezéchiel 28.21 Ezéchiel 38.15 Ezéchiel 39.2 Jérémie 25.22
³¹ vidit eos Pharao et consolatus est super universa multitudine sua quae interfecta est gladio Pharao et omnis exercitus eius ait Dominus Deus
Ezéchiel 31.16 Ezéchiel 14.22 Lamentations 2.13
³² quia dedi terrorem meum in terra viventium et dormivit in medio incircumcisorum cum interfectis gladio Pharao et omnis multitudo eius ait Dominus Deus
Ezéchiel 32.27 Apocalypse 6.15-6.17 2 Corinthiens 5.11 Jérémie 25.15-25.38 Sophonie 3.6-3.8