Jérémie 23.1
Vulgate

¹ vae pastoribus qui disperdunt et dilacerant gregem pascuae meae dicit Dominus
Jérémie 10.21 Zacharie 11.15-11.17 Ezéchiel 34.2-34.10 Ezéchiel 13.3 Matthieu 9.36
² ideo haec dicit Dominus Deus Israhel ad pastores qui pascunt populum meum vos dispersistis gregem meum eiecistis eos et non visitastis eos ecce ego visitabo super vos malitiam studiorum vestrorum ait Dominus
Exode 32.34 Michée 7.4 Jérémie 21.12 Jérémie 11.22 Jérémie 13.21
³ et ego congregabo reliquias gregis mei de omnibus terris ad quas eiecero eos illuc et convertam eos ad rura sua et crescent et multiplicabuntur
Jérémie 32.37 Jérémie 31.8 Esaïe 43.5-43.6 Jérémie 29.14 Esaïe 11.11-11.16
⁴ et suscitabo super eos pastores et pascent eos non formidabunt ultra et non pavebunt et nullus quaeretur ex numero dicit Dominus
Jean 21.15-21.17 Michée 5.4-5.5 1 Pierre 1.5 Jérémie 3.14-3.15 Jérémie 33.26
⁵ ecce dies veniunt ait Dominus et suscitabo David germen iustum et regnabit rex et sapiens erit et faciet iudicium et iustitiam in terra
Esaïe 4.2 Esaïe 52.13 Luc 1.32-1.33 Esaïe 53.2 Esaïe 9.7
⁶ in diebus illius salvabitur Iuda et Israhel habitabit confidenter et hoc est nomen quod vocabunt eum Dominus iustus noster
1 Corinthiens 1.30 Romains 3.22 Jérémie 33.16 Matthieu 1.21-1.23 Philippiens 3.9
⁷ propter hoc ecce dies veniunt dicit Dominus et non dicent ultra vivit Dominus qui eduxit filios Israhel de terra Aegypti
Jérémie 16.14-16.15 Esaïe 43.18-43.19 Jérémie 23.3 Jérémie 31.31-31.34
⁸ sed vivit Dominus qui eduxit et adduxit semen domus Israhel de terra aquilonis et de cunctis terris ad quas eieceram eos illuc et habitabunt in terra sua
Esaïe 43.5-43.6 Amos 9.14-9.15 Ezéchiel 34.13 Ezéchiel 37.25 Esaïe 27.12-27.13

Les prétendus prophètes

⁹ ad prophetas contritum est cor meum in medio mei contremuerunt omnia ossa mea factus sum quasi vir ebrius et quasi homo madidus a vino a facie Domini et a facie verborum sanctorum eius
Habakuk 3.16 Ezéchiel 9.4 Lamentations 3.15 Ezéchiel 9.6 Jérémie 25.15-25.18
¹⁰ quia adulteris repleta est terra quia a facie maledictionis luxit terra arefacta sunt arva deserti factus est cursus eorum malus et fortitudo eorum dissimilis
Osée 4.2-4.3 Psaumes 107.34 Jérémie 9.10 Jérémie 9.2 Malachie 3.5
¹¹ propheta namque et sacerdos polluti sunt et in domo mea inveni malum eorum ait Dominus
Sophonie 3.4 Jérémie 6.13 Ezéchiel 23.39 Jérémie 7.30 Ezéchiel 8.16
¹² idcirco via eorum erit quasi lubricum in tenebris inpellentur enim et corruent in ea adferam enim super eos mala annum visitationis eorum ait Dominus
Jérémie 13.16 Psaumes 35.6 Jérémie 11.23 Proverbes 4.19 Esaïe 8.22
¹³ et in prophetis Samariae vidi fatuitatem prophetabant in Baal et decipiebant populum meum Israhel
Jérémie 2.8 Esaïe 9.16 1 Rois 18.18-18.21 Osée 9.7-9.8 1 Rois 18.25-18.28
¹⁴ et in prophetis Hierusalem vidi similitudinem adulterium et iter mendacii et confortaverunt manus pessimorum ut non converteretur unusquisque a malitia sua facti sunt mihi omnes Sodoma et habitatores eius quasi Gomorra
Jérémie 29.23 Esaïe 1.9-1.10 Jérémie 14.14 Jérémie 23.32 Genèse 18.20
¹⁵ propterea haec dicit Dominus exercituum ad prophetas ecce ego cibabo eos absinthio et potabo eos felle a prophetis enim Hierusalem est egressa pollutio super omnem terram
Jérémie 8.14 Jérémie 9.15 Lamentations 3.5 Matthieu 27.34 Lamentations 3.19
¹⁶ haec dicit Dominus exercituum nolite audire verba prophetarum qui prophetant vobis et decipiunt vos visionem cordis sui loquuntur non de ore Domini
Jérémie 14.14 Jérémie 27.9-27.10 Matthieu 7.15 Ezéchiel 13.3 Galates 1.8-1.9
¹⁷ dicunt his qui blasphemant me locutus est Dominus pax erit vobis et omni qui ambulat in pravitate cordis sui dixerunt non veniet super vos malum
Michée 3.11 Jérémie 13.10 Jérémie 8.11 Amos 9.10 Jérémie 9.14
¹⁸ quis enim adfuit in consilio Domini et vidit et audivit sermonem eius quis consideravit verbum illius et audivit
Jérémie 23.22 1 Corinthiens 2.16 Amos 3.7 Job 15.8-15.10 2 Chroniques 18.23
¹⁹ ecce turbo dominicae indignationis egredietur et tempestas erumpens super caput impiorum veniet
Jérémie 25.32 Jérémie 30.23 Amos 1.14 Esaïe 5.25-5.28 Esaïe 66.15-66.16
²⁰ non revertetur furor Domini usque dum faciat et usque dum conpleat cogitationem cordis sui in novissimis diebus intellegetis consilium eius
Jérémie 30.24 Genèse 49.1 Zacharie 1.6 2 Rois 23.26 Esaïe 14.24
²¹ non mittebam prophetas et ipsi currebant non loquebar ad eos et ipsi prophetabant
Jérémie 14.14 Jérémie 27.15 Jérémie 23.32 Esaïe 6.8 Jérémie 29.9
²² si stetissent in consilio meo et nota fecissent verba mea populo meo avertissem utique eos a via sua mala et a pessimis cogitationibus suis
Zacharie 1.4 Jérémie 25.5 Jérémie 23.18 Jérémie 35.15 Actes 26.18-26.20
²³ putasne Deus e vicino ego sum dicit Dominus et non Deus de longe
Psaumes 139.1-139.10 1 Rois 20.23 Jonas 1.3-1.4 Psaumes 113.5 Ezéchiel 20.32-20.35
²⁴ si occultabitur vir in absconditis et ego non videbo eum dicit Dominus numquid non caelum et terram ego impleo ait Dominus
Proverbes 15.3 Psaumes 139.7 Psaumes 90.8 1 Rois 8.27 Esaïe 29.15
²⁵ audivi quae dixerunt prophetae prophetantes in nomine meo mendacium atque dicentes somniavi somniavi
Jérémie 23.32 Joël 2.28 Jérémie 29.8 Jérémie 23.28 Nombres 12.6
²⁶ usquequo istud in corde est prophetarum vaticinantium mendacium et prophetantium seductiones cordis sui
1 Timothée 4.1-4.2 Psaumes 4.2 2 Thessaloniciens 2.9-2.11 Jérémie 4.14 Jérémie 14.14
²⁷ qui volunt facere ut obliviscatur populus meus nominis mei propter somnia eorum quae narrant unusquisque ad proximum suum sicut obliti sunt patres eorum nominis mei propter Baal
Juges 3.7 Juges 8.33-8.34 2 Timothée 2.17-2.18 2 Timothée 3.6-3.8 Deutéronome 13.1-13.5
²⁸ propheta qui habet somnium narret somnium et qui habet sermonem meum loquatur sermonem meum vere quid paleis ad triticum dicit Dominus
1 Corinthiens 3.12-3.13 Luc 12.42 2 Corinthiens 2.17 1 Corinthiens 4.2 Proverbes 14.5
²⁹ numquid non verba mea sunt quasi ignis ait Dominus et quasi malleus conterens petram
Jérémie 5.14 2 Corinthiens 10.4-10.5 Jérémie 20.9 Hébreux 4.12 Apocalypse 11.5
³⁰ propterea ecce ego ad prophetas ait Dominus qui furantur verba mea unusquisque a proximo suo
Deutéronome 18.20 Ezéchiel 13.8 Jérémie 14.14-14.15 Psaumes 34.16 Ezéchiel 13.20
³¹ ecce ego ad prophetas ait Dominus qui adsumunt linguas suas et aiunt dicit Dominus
Jérémie 23.17 Esaïe 30.10 2 Chroniques 18.5 Michée 2.11 2 Chroniques 18.19-18.21
³² ecce ego ad prophetas somniantes mendacium ait Dominus qui narraverunt ea et seduxerunt populum meum in mendacio suo et in miraculis suis cum ego non misissem eos nec mandassem eis qui nihil profuerunt populo huic dicit Dominus
Jérémie 7.8 Lamentations 2.14 Sophonie 3.4 Jérémie 29.31 Deutéronome 18.20
³³ si igitur interrogaverit te populus iste vel propheta aut sacerdos dicens quod est onus Domini dices ad eos ut quid vobis onus proiciam quippe vos dicit Dominus
Malachie 1.1 Esaïe 13.1 Nahum 1.1 Habakuk 1.1 Jérémie 12.7
³⁴ et prophetes et sacerdos et populus qui dicit onus Domini visitabo super virum illum et super domum eius
Zacharie 13.3 Lamentations 2.14
³⁵ haec dicetis unusquisque ad proximum et ad fratrem suum quid respondit Dominus et quid locutus est Dominus
Jérémie 31.34 Jérémie 33.3 Jérémie 42.4 Hébreux 8.11
³⁶ et onus Domini ultra non memorabitur quia onus erit unicuique sermo suus et pervertitis verba Dei viventis Domini exercituum Dei nostri
2 Pierre 3.16 Jérémie 10.10 2 Rois 19.4 1 Samuel 17.26 Esaïe 3.8
³⁷ haec dices ad prophetam quid respondit tibi Dominus et quid locutus est Dominus
³⁸ si autem onus Domini dixeritis propter hoc haec dicit Dominus quia dixistis sermonem istum onus Domini et misi ad vos dicens nolite dicere onus Domini
2 Chroniques 11.13-11.14
³⁹ propterea ecce ego tollam vos portans et derelinquam vos et civitatem quam dedi vobis et patribus vestris a facie mea
Jérémie 23.33 Ezéchiel 8.18 Ezéchiel 34.11 Ezéchiel 5.8 Jérémie 7.15
⁴⁰ et dabo vos in obprobrium sempiternum et in ignominiam aeternam quae numquam oblivione delebitur
Jérémie 20.11 Ezéchiel 5.14-5.15 Jérémie 42.18 Deutéronome 28.37 Jérémie 44.8-44.12