2 Chroniques 31.5
Vulgate

Fonctions des prêtres et des Lévites

¹ cumque haec fuissent rite celebrata egressus est omnis Israhel qui inventus fuerat in urbibus Iuda et fregerunt simulacra succideruntque lucos demoliti sunt excelsa et altaria destruxerunt non solum de universo Iuda et Beniamin sed de Ephraim quoque et Manasse donec penitus everterent reversique sunt omnes filii Israhel in possessiones et civitates suas
2 Rois 18.4 2 Chroniques 32.12 2 Chroniques 34.3-34.7 Exode 23.24 2 Chroniques 14.3
² Ezechias vero constituit turmas sacerdotales et leviticas per divisiones suas unumquemque in officio proprio tam sacerdotum videlicet quam Levitarum ad holocausta et pacifica ut ministrarent et confiterentur canerentque in portis castrorum Domini
1 Chroniques 24.1 1 Chroniques 23.28-23.31 1 Chroniques 23.1-23.26 Néhémie 11.17 1 Chroniques 16.37
³ pars autem regis erat ut de propria eius substantia offerretur holocaustum mane semper et vespere sabbatis quoque et kalendis et sollemnitatibus ceteris sicut scriptum est in lege Mosi
Ezéchiel 45.17 2 Chroniques 35.7 Colossiens 2.16-2.17 Exode 29.38-29.42 Deutéronome 16.1-16.17
⁴ praecepit etiam populo habitantium Hierusalem ut darent partes sacerdotibus et Levitis et possent vacare legi Domini
Malachie 2.7 Nombres 18.8-18.21 Galates 6.6 1 Corinthiens 9.9-9.14 Nombres 18.26-18.28
⁵ quod cum percrebruisset in auribus multitudinis plurimas obtulere primitias filii Israhel frumenti vini et olei mellis quoque et omnium quae gignit humus decimas obtulerunt
Néhémie 13.12 Nombres 18.12 2 Chroniques 24.10-24.11 Proverbes 3.9 Exode 23.19
⁶ sed et filii Israhel et Iuda qui habitabant in urbibus Iuda obtulerunt decimas boum et ovium decimasque sanctorum quae voverant Domino Deo suo atque universa portantes fecerunt acervos plurimos
Lévitique 27.30 Deutéronome 14.28 2 Chroniques 11.16-11.17
⁷ mense tertio coeperunt acervorum iacere fundamenta et mense septimo conpleverunt eos
Lévitique 23.16-23.24
⁸ cumque ingressi fuissent Ezechias et principes eius viderunt acervos et benedixerunt Domino ac populo Israhel
1 Pierre 1.3 Philippiens 4.19 Juges 5.9 1 Rois 8.14-8.15 2 Samuel 6.18
⁹ interrogavitque Ezechias sacerdotes et Levitas cur ita iacerent acervi
¹⁰ respondit illi Azarias sacerdos primus de stirpe Sadoc dicens ex quo coeperunt offerri primitiae in domo Domini comedimus et saturati sumus remanseruntque plurima eo quod benedixerit Dominus populo suo reliquiarum autem copia est ista quam cernis
Malachie 3.10 1 Chroniques 6.8 Matthieu 15.37 1 Rois 2.35 Philippiens 4.18
¹¹ praecepit igitur Ezechias ut praepararent horrea in domo Domini quod cum fecissent
Néhémie 10.38-10.39 Néhémie 13.12-13.13 Néhémie 13.5
¹² intulerunt tam primitias quam decimas et quaecumque voverant fideliter fuit autem praefectus eorum Chonenias Levita et Semei frater eius secundus
2 Chroniques 35.9 2 Rois 12.15 1 Chroniques 26.20-26.26
¹³ post quem Ieihel et Azazias et Naath et Asahel et Ierimoth Iozabath quoque et Helihel et Iesmachias et Maath et Banaias praepositi sub manibus Choneniae et Semei fratris eius ex imperio Ezechiae regis et Azariae pontificis domus Domini ad quos omnia pertinebant
Néhémie 11.11 2 Chroniques 30.12 1 Chroniques 9.11 2 Chroniques 31.4 2 Chroniques 31.10-31.11
¹⁴ Core vero filius Iemna Levites et ianitor orientalis portae praepositus erat his quae sponte offerebantur Domino primitiisque et consecratis in sancta sanctorum
Psaumes 119.108 Deutéronome 12.6 Lévitique 22.18 Deutéronome 16.10 Néhémie 13.13
¹⁵ et sub cura eius Eden et Meniamin Hiesue et Sameias Amarias quoque et Sechenias in civitatibus sacerdotum ut fideliter distribuerent fratribus suis partes minoribus atque maioribus
Josué 21.9-21.19 2 Chroniques 29.12 2 Chroniques 31.13 1 Chroniques 6.54-6.60 1 Chroniques 25.8
¹⁶ exceptis maribus ab annis tribus et supra cunctis qui ingrediebantur templum Domini et quicquid per dies singulos conducebat in ministerio atque observationibus iuxta divisiones suas
Esdras 3.4 1 Chroniques 23.3 Lévitique 21.22-21.23
¹⁷ sacerdotibus per familias et Levitis a vicesimo anno et supra per ordines et turmas suas
1 Chroniques 23.24 1 Chroniques 23.27 2 Chroniques 31.2 Nombres 17.2-17.3 Esdras 2.59
¹⁸ universaeque multitudini tam uxoribus quam liberis eorum utriusque sexus fideliter cibi de his quae sanctificata fuerant praebebantur
Esaïe 5.16 1 Chroniques 9.22 Romains 15.16 2 Chroniques 31.15
¹⁹ sed et filiorum Aaron per agros et suburbana urbium singularum dispositi erant viri qui partes distribuerent universo sexui masculino de sacerdotibus et Levitis
2 Chroniques 31.12-31.15 Lévitique 25.34 Nombres 35.2-35.5 2 Chroniques 28.15 1 Chroniques 6.54
²⁰ fecit ergo Ezechias universa quae diximus in omni Iuda operatusque est bonum et rectum et verum coram Domino Deo suo
2 Rois 20.3 2 Rois 22.2 Actes 24.16 1 Rois 15.5 Jean 1.47
²¹ in universa cultura ministerii domus Domini iuxta legem et caerimonias volens requirere Deum suum in toto corde suo fecitque et prosperatus est
2 Chroniques 14.7 2 Chroniques 20.26 2 Chroniques 26.5 1 Chroniques 22.19 Josué 1.7-1.8