1 Rois 7.19
Vulgate

Construction du palais

¹ domum autem suam aedificavit Salomon tredecim annis et ad perfectum usque perduxit
1 Rois 9.10 2 Chroniques 8.1 1 Rois 3.1 Matthieu 6.33 Ecclésiaste 2.4-2.5
² aedificavit quoque domum saltus Libani centum cubitorum longitudinis et quinquaginta cubitorum latitudinis et triginta cubitorum altitudinis et quattuor deambulacra inter columnas cedrinas ligna quippe cedrina exciderat in columnas
1 Rois 10.17 2 Chroniques 9.16 Cantique 7.4 1 Rois 10.21 1 Rois 9.19
³ et tabulatis cedrinis vestivit totam cameram quae quadraginta quinque columnis sustentabatur unus autem ordo habebat columnas quindecim
1 Rois 6.5
⁴ contra se invicem positas
Ezéchiel 40.16 1 Rois 7.5 Ezéchiel 40.29 Ezéchiel 41.26 Ezéchiel 40.25
⁵ et e regione se respicientes aequali spatio inter columnas et super columnas quadrangulata ligna in cunctis aequalia
⁶ et porticum columnarum fecit quinquaginta cubitorum longitudinis et triginta cubitorum latitudinis et alteram porticum in facie maioris porticus et columnas et epistylia super columnas
Ezéchiel 41.25-41.26 1 Rois 7.12
⁷ porticum quoque solii in qua tribunal est fecit et texit lignis cedrinis a pavimento usque ad summitatem
Proverbes 20.8 Psaumes 122.5 1 Rois 10.18-10.20 1 Rois 3.28 Esaïe 9.7
⁸ et domuncula in qua sedetur ad iudicandum erat in media porticu simili opere domum quoque fecit filiae Pharaonis quam uxorem duxerat Salomon tali opere quali et hanc porticum
2 Chroniques 8.11 1 Rois 3.1 1 Rois 9.24 2 Rois 20.4
⁹ omnia lapidibus pretiosis qui ad normam quandam atque mensuram tam intrinsecus quam extrinsecus serrati erant a fundamento usque ad summitatem parietum et intrinsecus usque ad atrium maius
1 Rois 7.10-7.11 1 Rois 5.17
¹⁰ fundamenta autem de lapidibus pretiosis lapidibus magnis decem sive octo cubitorum
Esaïe 28.16 Apocalypse 21.19-21.20 1 Corinthiens 3.10-3.11 Esaïe 54.11
¹¹ et desuper lapides pretiosi aequalis mensurae secti erant similiterque de cedro
1 Pierre 2.5 Ephésiens 2.20-2.22
¹² et atrium maius rotundum trium ordinum de lapidibus sectis et unius ordinis dolata cedro necnon et in atrio domus Domini interiori et in porticu domus
1 Rois 6.36 Jean 10.23 Actes 3.11 1 Rois 7.6 Actes 5.12

Travaux pour le mobilier du temple

¹³ misit quoque rex Salomon et tulit Hiram de Tyro
2 Chroniques 4.11 2 Chroniques 2.13-2.14 1 Rois 7.40
¹⁴ filium mulieris viduae de tribu Nepthali patre Tyrio artificem aerarium et plenum sapientia et intellegentia et doctrina ad faciendum omne opus ex aere qui cum venisset ad regem Salomonem fecit omne opus eius
2 Chroniques 4.16 2 Chroniques 2.14 Exode 31.2-31.6 Esaïe 28.26 Exode 35.30-36.2
¹⁵ et finxit duas columnas aereas decem et octo cubitorum altitudinis columnam unam et linea duodecim cubitorum ambiebat columnam utramque
Jérémie 52.21 1 Rois 7.21 2 Chroniques 3.15-3.17 1 Rois 7.41 2 Rois 25.16-25.17
¹⁶ duo quoque capitella fecit quae ponerentur super capita columnarum fusili aere quinque cubitorum altitudinis capitellum unum et quinque cubitorum altitudinis capitellum alterum
Exode 38.17 Exode 36.38 2 Chroniques 4.12-4.13 Exode 38.19 Exode 38.28
¹⁷ et quasi in modum retis et catenarum sibi invicem miro opere contextarum utrumque capitellum columnarum fusile erat septena versuum retiacula in capitello uno et septena retiacula in capitello altero
Exode 28.22 Exode 28.24-28.25 2 Rois 25.17 Exode 28.14 Exode 39.15-39.18
¹⁸ et perfecit columnas et duos ordines per circuitum retiaculorum singulorum ut tegerent capitella quae erant super summitatem malogranatorum eodem modo fecit et capitello secundo
2 Rois 25.17 Exode 28.14 Exode 39.15-39.18 Exode 28.22 Exode 28.24-28.25
¹⁹ capitella autem quae erant super capita columnarum quasi opere lilii fabricata erant in porticu quattuor cubitorum
1 Rois 6.18 1 Rois 6.32-6.35 1 Rois 7.22
²⁰ et rursum alia capitella in summitate columnarum desuper iuxta mensuram columnae contra retiacula malogranatorum autem ducenti ordines erant in circuitu capitelli secundi
2 Chroniques 3.16 2 Chroniques 4.13 1 Rois 7.42 Jérémie 52.22-52.23 2 Rois 25.17
²¹ et statuit duas columnas in porticum templi cumque statuisset columnam dexteram vocavit eam nomine Iachin similiter erexit columnam secundam et vocavit nomen eius Booz
2 Chroniques 3.17 1 Rois 6.3 Esaïe 45.24 Ezéchiel 40.48-40.49 Esaïe 9.7
²² et super capita columnarum opus in modum lilii posuit perfectumque est opus columnarum
²³ fecit quoque mare fusile decem cubitorum a labio usque ad labium rotundum in circuitu quinque cubitorum altitudo eius et resticula triginta cubitorum cingebat illud per circuitum
2 Rois 25.13 Jérémie 52.17 2 Chroniques 4.2 Jérémie 52.20 1 Chroniques 18.8
²⁴ et scalptura subter labium circumibat illud decem cubitis ambiens mare duo ordines scalpturarum histriatarum erant fusiles
1 Rois 6.18 2 Chroniques 4.3 Exode 25.31-25.36 Exode 37.17-37.22
²⁵ et stabat super duodecim boves e quibus tres respiciebant ad aquilonem et tres ad occidentem et tres ad meridiem et tres ad orientem et mare super eos desuper erat quorum posteriora universa intrinsecus latitabant
Jérémie 52.20 2 Chroniques 4.4-4.5 1 Corinthiens 9.9 Luc 24.47 Marc 16.15-16.16
²⁶ grossitudo autem luteris trium unciarum erat labiumque eius quasi labium calicis et folium repandi lilii duo milia batos capiebat
2 Chroniques 4.5 1 Rois 7.19 1 Rois 6.32 Jérémie 52.21 Ezéchiel 45.14
²⁷ et fecit bases decem aereas quattuor cubitorum longitudinis bases singulas et quattuor cubitorum latitudinis et trium cubitorum altitudinis
2 Chroniques 4.14 2 Rois 25.13 Jérémie 52.17 Jérémie 52.20 2 Rois 25.16
²⁸ et ipsum opus basium interrasile erat et scalpturae inter iuncturas
²⁹ et inter coronulas et plectas leones et boves et cherubin et in iuncturis similiter desuper et subter leones et boves quasi lora ex aere dependentia
1 Rois 7.25 1 Pierre 2.5 Genèse 3.24 Hébreux 9.5 Apocalypse 4.6-4.7
³⁰ et quattuor rotae per bases singulas et axes aerei et per quattuor partes quasi umeruli subter luterem fusiles contra se invicem respectantes
Ezéchiel 3.13 Ezéchiel 10.10-10.13 Ezéchiel 1.15-1.21
³¹ os quoque luteris intrinsecus erat in capitis summitate et quod forinsecus apparebat unius cubiti erat totum rotundum pariterque habebat unum cubitum et dimidium in angulis autem columnarum variae celaturae erant et media intercolumnia quadrata non rotunda
³² quattuor quoque rotae quae per quattuor angulos basis erant coherebant subter basi una rota habebat altitudinis cubitum et semis
³³ tales autem rotae erant quales solent in curru fieri et axes earum et radii et canti et modioli omnia fusilia
Ezéchiel 1.16 Ezéchiel 1.18
³⁴ nam et umeruli illi quattuor per singulos angulos basis unius ex ipsa basi fusiles et coniuncti erant
³⁵ in summitate autem basis erat quaedam rotunditas dimidii cubiti ita fabrefacta ut luter desuper possit inponi habens celaturas suas et scalpturas varias ex semet ipso
³⁶ scalpsit quoque in tabulatis illis quae erant ex aere et in angulis cherubin et leones et palmas quasi in similitudinem stantis hominis ut non celata sed adposita per circuitum viderentur
1 Rois 7.29 Ezéchiel 41.25-41.26 Ezéchiel 40.37 Ezéchiel 40.31 1 Rois 6.35
³⁷ in hunc modum fecit decem bases fusura una et mensura scalpturaque consimili
³⁸ fecit quoque decem luteres aereos quadraginta batos capiebat luter unus eratque quattuor cubitorum singulosque luteres per singulas id est decem bases posuit
Apocalypse 7.14 Zacharie 13.1 Exode 30.28 Hébreux 10.22 Hébreux 9.10
³⁹ et constituit decem bases quinque ad dexteram partem templi et quinque ad sinistram mare autem posuit ad dexteram partem templi contra orientem ad meridiem
2 Chroniques 4.10 2 Chroniques 4.6
⁴⁰ fecit ergo Hiram lebetas et scutras et amulas et perfecit omne opus regis Salomonis in templo Domini
2 Chroniques 4.11-4.16 1 Rois 7.28 2 Chroniques 4.8 2 Rois 25.14-25.15 Exode 24.6
⁴¹ columnas duas et funiculos capitulorum super capitella columnarum duos et retiacula duo ut operirent duos funiculos qui erant super capita columnarum
1 Rois 7.15-7.22 2 Chroniques 4.12
⁴² et malogranata quadringenta in duobus retiaculis duos versus malogranatorum in retiaculis singulis ad operiendos funiculos capitellorum qui erant super capita columnarum
1 Rois 7.20
⁴³ et bases decem et luteres decem super bases
⁴⁴ et mare unum et boves duodecim subter mare
1 Rois 7.23 1 Rois 7.25
⁴⁵ et lebetas et scutras et amulas omnia vasa quae fecit Hiram regi Salomoni in domo Domini de aurichalco erant
Exode 27.3 Exode 38.3 2 Chroniques 4.16 Zacharie 14.21 Ezéchiel 46.20-46.24
⁴⁶ in campestri regione Iordanis fudit ea rex in argillosa terra inter Socchoth et Sarthan
Josué 3.16 Genèse 33.17 2 Chroniques 4.17 Josué 13.27 1 Rois 4.12
⁴⁷ et posuit Salomon omnia vasa propter multitudinem autem nimiam non erat pondus aeris
1 Chroniques 22.14 1 Chroniques 22.3 1 Chroniques 22.16 2 Chroniques 4.18
⁴⁸ fecitque Salomon omnia vasa in domo Domini altare aureum et mensam super quam ponerentur panes propositionis auream
Exode 37.10-37.16 2 Chroniques 4.8 Exode 25.23-25.30 Exode 39.38 Ezéchiel 44.16
⁴⁹ et candelabra aurea quinque ad dexteram et quinque ad sinistram contra oraculum ex auro primo et quasi lilii flores et lucernas desuper aureas et forcipes aureos
2 Chroniques 4.7 Exode 25.31-25.40 2 Chroniques 4.20 Exode 39.37 Exode 40.24-40.25
⁵⁰ et hydrias et fuscinulas et fialas et mortariola et turibula de auro purissimo et cardines ostiorum domus interioris sancti sanctorum et ostiorum domus templi ex auro erant
2 Chroniques 4.21-4.22 Exode 25.29 Nombres 7.86 Exode 27.3 Lévitique 16.12
⁵¹ et perfecit omne opus quod faciebat Salomon in domo Domini et intulit quae sanctificaverat David pater suus argentum et aurum et vasa reposuitque in thesauris domus Domini
2 Chroniques 5.1 1 Chroniques 26.26-26.28 1 Chroniques 18.10-18.11 2 Samuel 8.7-8.11 Exode 40.33